上次食過覺得幾好味 今次決定叫埋嗜辣朋友黎等佢地試下 一行三人 最鍾意哩度啲料可以揀一份或者半份 人少少先可以食到更多唔同款 湯底揀左駌鴦鍋 淥菜點都係有個清湯好啲 麻辣鍋夠麻夠辣 哩啲火鍋料仲幾新鮮幾靚仔 豬天梯 黃喉都係第一次食 唔錯呀 另外兩位朋友都讚好👍🏼👍🏼一定會黎第三次 除左皇帝菜  全部野都係半份  真係好貼心照顧到人少少飯局  睇相好似滿漢全席咁  😁😁

登龍街真係大把好野食 最新又開左間米芝蓮一星拉麵 眼見都唔少人排隊 不過今晚係專登過黎打冷 哩種廉價大排檔風味既小菜館越黎越少啦 二人前 又想食鹵野 哩個鹵雜岩晒 有墨魚 大腸 鵝腸 紅腸 咁多款都只係88蚊 抵食 小炒皇真係食得多 避風塘式既就第一次食 又變得送酒一流啦！ 白粥都好寫？！係呀 好耐無食過啦 有兒時回憶呀嘛 我地兩個人前前後後食左三碗呀！ 小店情懷 熱情招待既店員 埋單231蚊 個姐姐話230得啦 雖然只係1蚊 但真係有濃濃既人情味 好正啊！不過星期六都唔算好旺 有點擔心佢有一日被淘汰

同男朋友二人今晚都想食日本菜 係觀塘區想搵間好少少既日本餐廳都唔係咁易 係大商場內既一杯算係唔錯既選擇 不過等位真係等好耐呀 好彩唔係好餓咋 如果唔係實等唔到 星期五晚梗係要飲下酒開心下 叫串燒牛舌同炸蝦送下酒確係一流 今次哩款白身魚個口感麻麻地 我鍾意食爽爽地有啲咬口既 哩個就偏淋 未知係邊種魚 第一次食哩個八爪魚 幾有驚喜 有去左食會席料理啲頭盤既感覺 酸酸地好開胃 唔記得咩牛肉燒 係炒牛肉黎 賣相不討好 但食落去真係唔錯 啲牛肉都幾濃牛味 大量翠玉瓜同本菇 保持返營養均衡 慣左要有啲熱湯暖下肚 其實味道係幾好架 不過我唔明點解唔係珍珠米黎既

同同事們出街食lunch, 同事揀左係Henry House 7/F既Lo Spazio一入到去見到90度既玻璃, 雖然只係望其他樓景, 但都幾光猛舒服
lunch menu $88起, 4個course連飲品, 每個course都可以加錢upgrade揀其他款

starter我+$10要左個白酒煮蜆, 好香濃既牛油味同酒味 除左蜆仲有幾粒baby blue mussels :9

soup of the day 係carrot soup, 正正常常平時都食到既味道 唔差既

main course我揀左penne marinara 蕃茄sauce個味係幾新鮮既 同埋都食到好多蕃茄仔  但個portion都幾大 食左一半投左降, 個server定manager收碟都有主動問我個意粉係咪有咩問題 我都係如實答佢 只係太大碟  哈哈 最後仲有個banana cake結尾, 可以+$15 轉signature 既tiramisu 不過我無加到

又到另一個Happy Friday, 約左班舊同事, 我就提議去掌門試下過江龍手工啤, 其實今次係第二次黎啦 一如上次, 黑板上寫左廿幾種craft beer, 花多眼亂, 試左3 round唔同既啤酒, 最後發覺我都係最鍾情於double IPA, 之後成晚都只係飲佢 哩度既鹽酥雞我真係極力推介, 兩次黎都咁好味, 送啤酒一流 今晚點既牛小排就麻麻地啦, 無調味又無牛味 自己加返d 黑椒同鹽都係救到一半.. 仲叫左薯角薯條個d, 食左成晚炸野 好熱氣呀!! XD 越夜飲得越暢快, 一路飲, 一路傾計, 係爽既

朋友經過幫襯這食府, 無論weekday dinner定weekend semi-buffet lunch都極力推介, 約左咁耐今晚終於可以一齊去!好難得放工出到黎坐低仲係天光 配埋咁大個玻璃真係無得頂!! 加左prosecco同rum溝出黎既Ladie's Punch  仲有d pineapple juice, 帶點refreshing既感覺, 一坐低即刻order一杯嘆返下先 另外仲有杯用red wine溝既都好好飲架~ 另外杯有tabasco既飲落怪怪地, 就not my cup of tea啦 
結果每人都飲左4-5杯, 淨係飲酒都翻本啦 哈哈!!
2人份的seafood platter, 個鮑魚唔知用左咩醃過, 甜甜地, 好好味架! 同埋兜魚子醬勁正囉 另外d翡翠螺, 蝦同扇貝就普通貨色啦 無咩特別洋蔥湯或者soup of the day 2揀1, 味道很濃  入面有好大舊cheese, 飲完有d漏 不過不失的seabass 最尾個dessert竟然係chocolate fondue, 有好多strawbeerry同棉花糖
點左chcoc醬既strawberry酸咪咪咁 一d 都唔感覺heavy 同埋個choco base真係好好味呀
原來係lindt架

飲飽食醉配上無止境既八婆話題 陶醉的一夜