呢間喺APM既居酒屋咁多年都keep到水準，難怪平日夜晚都爆場。地方夠大，分左幾個用餐區，鐵板、吧檯、卡位都有，又有昭和風。 成間餐廳好有氣氛，侍應service都好好。點左份4人餐唔洗諗。🥗 豚肉沙律汁燒豚肉配埋沙律菜新鮮爽脆。🐟 刺身四品（油甘魚/赤蝦/三文魚/磯煮鮑魚）油甘魚肥美，赤蝦鮮甜，三文魚夠厚身，最正係磯煮鮑魚，入味又淋，唔使點醬已經好食。🍣 海の幸 海膽卷海膽份量唔手軟，鮮甜唔腥，一啖一件，幾正！ 🍢 牛舌鹽燒 2串 + 免治雞肉 2串牛舌彈牙，鹽燒簡單帶出肉香。 免治雞肉串燒得微脆又有軟骨，有口感！ 🥩 鐵板 A4 和牛薄燒和牛油脂分布靚，捲住蔥花，肉味濃郁。🍚 鐵板蟹肉炒飯炒得乾身，飯粒分明，蟹肉仲有啖啖蛋香。🐟 鯛魚野菜石鍋湯石鍋熱辣辣上枱，湯底奶白，鯛魚味好濃，野菜清甜，暖胃又舒服，尤其食完肉食飲一啖，好balance。🍮 牛奶奶凍配芒果醬奶凍滑溜，奶香自然，芒果醬清甜唔假，為成餐飯作結，唔會膩。叫咗sake 🍶「善之水」口感順喉，米香突出好清爽，配鐵板燒同刺身都好夾！ 整體而言，喺APM呢個地段，食到咁穩陣嘅居酒屋料理，價錢合理，氣氛又放松，難怪長期爆場。如果想同朋友傾住偈、飲杯酒、食啲高質鐵板燒同刺身，呢度係唔錯選擇。…Read More
