一杯鐵板燒居酒屋

營業中

休息中

前幾日約左朋友去探朋友剛出世既bb之後大家就決定係附近一齊食埋午餐先走去到apm個陣諗住食烤肉啦，點知限時一小時，根本就無可能完成，同埋都無時間傾計於是就去隔離既餐廳睇下有咩啱食，經過一杯個陣，見到佢既裝修好日本居酒屋feel,好吸引呢，咁就問下有無限時，佢竟然話無，太好喇，咁我地就決定食呢間喇佢見我地有個小朋友，特別安排我地坐卡位同俾左個最入既位我地，又有bb凳提供，好貼心呢之後我地睇餐牌既時間，一眼就俾關西燒吸引左，就決定要叫呢個黎食，我地揀左豚肉，同埋價錢都唔叫，仲有好多選擇跟住我地每人仲叫左個lunch set，每個set加5蚊就可以有一杯熱/凍飲，而我自己就叫左個鐵板牛粒定食，牛既質素唔錯，無咩根，都淋身既，而且佢配既銀牙都好爽脆，加埋有前菜，同麵豉湯，分量都多呢之後我地就開始食關西燒，味道好好，個汁醬唔咸，味道夠晒濃厚，而且中間佢蛋既分量都有一個餅咁大，每一啖都可以食再豚肉同雞蛋，煎既時間好準確，唔會過熟，又唔係有太多粉漿留係件餅度，我好欣賞呢個關西燒，大家有機會就試下啦

今日聖誕節就同班姊妹出嚟gathering and shopping! 就揀咗APM商場行街順便食lunch, 商場其實都有好多不同類型嘅餐廳選擇，行咗個圈最後決定食呢一間！Lunch來食唔使等位又唔限時，係我哋選擇嘅主要原因一到去原來都幾大，仲可以一路行入去，裝修都幾有日本感覺有點懷舊，但坐得舒適午餐都有大約六款定食選擇，價錢大約70至＄130左右，有湯有小食加＄5仲有餐飲. 價錢屬於中價除咗午市套餐散餐都有好多選擇例如串燒，特別有一張就係介紹他們的關西燒，既然他們是主打的我哋都叫一個來試吓$58 豚肉嘅關西燒，裏面有蛋肉，加埋燒汁沙律醬的確幾好味我就叫了這個三文魚他他，不過來到同我想像的有點分別，因為平時出去食他他是碎上的，他是一片片的，表面看似熟了的，後面卻是生的，大約有一成熟，好林，配上芝麻醬都幾香最後跟餐加左杯凍檸茶，整體來說價錢略貴一點份量偏小，味道可以但係又不覺得特別好食

黎到觀塘行街，梗係順便搵好野食，見到呢間食評好😋即刻要黎試下，食晏就唔洗點等位，一入到去已經有員工招呼，客人都多，都爆哂咁制，所以安排坐吧台對正哂成個鐵板燒，正，一邊食一邊望佢點樣產產下😂😂咁我叫左個lunch set ,喬麥麵+前菜配壽司雜綿，黎到個樣，見到已經覺得好吸引亦都新鮮 色澤靚另外男友揀左鐵板燒既豚肉lunch set 有湯有飯可加幾蚊配野飲，仲想點😆 另外加埋大阪關西鐵板燒 好食，佢可以自由揀材料又得，你就咁叫佢定左入面有咩料都得，有方形有圓形價錢合理，幾好食，服務都幾好，環境特色 居酒屋feel,另外鐘意食海鮮既人 可以試下食 海鮮lunch set，見到賣相覺得幾正😆😆多謝收睇❤️😎

如果觀塘想搵間合格嘅日本菜，呢幾年首選都係一杯👍🏼賣點當然是APM地點夠就腳，坐得也舒服，雖然偶爾人多排隊，但蜀中無大將嘛😅唯有照等照食。如唔點刺身類～價錢也不會太貴，飽肚之選首推大阪燒同茶漬飯，足料也有水準。再點一兩款前菜串燒，叫杯啤酒，吃飽人均也不過$200左右～放工chill一chill之選😂

我身為觀塘街坊，呢間一杯都幫襯咗好幾次，一向都甚有水準，今次試專登試啲無食過嘅，真係有驚喜。首先就係個白身魚薄切沙律，佢酸酸地咁好開胃，完全做到沙律要做嘅嘢，非常適合想食沙律但係唔想食菜嘅朋友呢個壽司盛合就少咗啲驚喜，不過勝在用料新鮮，個海膽軍艦份量都唔細今日其實主要係食大阪燒嘅，大阪燒呢其實好多人都去大阪食過叫做應下景咁，係咪好味呢？一堆菜加蛋加麵粉加啲自選配料，炒埋一碟，一堆無乜特別嘅食材你話要整到好好味又好難，你話要整到好難食就真係好易，多多麵粉其他嘢落少啲就會難食，話都無咁易。所以呢，我叫呢啲做高危食品，出街試食通常就係古語有雲：『人生不如意事，十常八九』，咁呢間做成點呢，咁佢就真係做得好食嗰一二，勝在多菜多肉，大件夾抵食咁啦。有幾抵？58個大洋，兩個人都食得飽。頭先話大阪燒係驚喜，呢個海鮮湯就係今晚嘅精華所在，正所謂雞有雞味，海鮮湯真係有海鮮味，有蝦有蜆啲味仲出晒嚟，細細壺啲鮮味特別濃。未試過嘅朋友你未飲過呢壺湯你唔好話你嚟過一杯，我好似講得好誇張，不過你試過就知我係老實人。不過美中不足嘅地方，就係個壺咀設計有問題，倒湯嗰陣會流晒落壺底，你哋睇相都睇到成枱都係，好嘥嘢。我飲完

聽朋友話呢間日本野既關西燒好食，所以就約左友人放工去試下，630分上到去見到人山人海就心知不妙，起碼要等10枱人，唔關要！食好野當然要等啦。好快過左45分鐘，入得！入到去餐牌都未睇就叫左個一杯關西燒，之後再嗌左銀雪魚同海膽炒飯！首先講下個關西燒先，上碟已經切成九份，方便食用。非常細心。入面有芝士豚肉，好似食緊年糕咁煙煙韌韌，正呀！海膽炒飯，飯上既海膽不得了，好新鮮，海水味。下面既炒飯就正常，不過不失。比較有驚喜既係銀雪魚，無乜骨，淡淡肉之外，外面煎到金黃色，入面都仲保留到咁滑，味道一流。驚喜之作！總結，呢間餐廳係我覺得排隊食係計得既。不過價錢就會貴d，上面3樣食物加埋，埋單4xx。咁大家就要取捨啦！

今日豬仔陪我食呢間平時排隊要排半個鐘既餐廳之前食過一次，好想食多次東洋卷東洋卷：牛油果加鰻魚加蟹籽暖暖地，個味都幾夾班㦸皮鯛魚：staff推介280半條有d貴，同普通鯛魚差吾多香蔥炸雞：豬同我講呢個係豬肉明明係雞，佢竟然似豬味，不過炸到甘，睇落都似豬既d汁好咸，食到尾d生菜撈埋d汁，堅咸廚房推介10件：新鮮，冇腥味，多數比左豬食飽飽了吞拿魚tstaki：見到人地d食評話好食麻麻地，可能已經食飽左，刺身都係生食點番豉汁好食d巨峰sor打：普通，38蚊一杯都幾貴，不過呢間野冇茶飲，比左2杯水我地茶都冇總括：下次想試下食關西燒多謝豬甘遠都過黎陪我吃，仲要排隊豬其實吾明點解可以甘多人排隊都好普通啫

是日和朋友到觀塘晚餐。甘啱我哋比較早去到難得見到一杯少人等位，就決定去試吓先。一開始叫咗個壽司盛，值得一讚嘅係壽司種類好多，海膽甜蝦等等都非常新鮮，好高水準。另外，亦叫左個小食。佢係先將三文魚用麵粉包住煎，上菜嘅時候，店員會幫你將湯汁林上去。三文魚一啲都唔老。再加埋啲汁簡直一流！最後一定要嗌嘅係關西燒。你可以揀一品至三品。為食嘅我哋梗係要三品喇。今次就要左豚肉，芝士同泡菜。因為佢入邊都幾多椰菜所以一啲都唔覺得漏。再加埋佢啲醬汁非常好食。另外值得一提嘅係佢哋員工嘅服務態度。員工們都非常主動為客人服務。下次再嚟要同朋友試吓佢哋啲串燒先！

老公生日, 一早訂左「一杯」食飯, 上一次食已經係成年之前, 好掛住關西燒既味道啊~~~今次再黎, 一杯完全冇令我失望, D野食仍然咁有水準, 咁好味~~~招牌菜 : 一杯關西燒, 入面有好多唔同既配料, 麵粉醬加上蛋既味道, 同埋好多好多菜, 加埋D醬汁, 好味到停不了 泡菜豚肉石頭燒飯豚肉好入味, 加埋泡菜味配合得好好, 有少少辣, 非常之美味燒蕃薯蕃薯非常之甜, 食得出果種甜係來自蕃薯本身而唔係外來既味道, 十分之讚!燒帶子雖然係好味，但好細隻

放工約左朋友去APM行街...係openrice見到呢間餐廳甘多正評，一於試試佢門口都幾多人排隊，大概等左半個鐘右左先有位職員帶左我地去壽司吧到坐...座位都算寬敞，而且環境都好有氣氛Menu上面選擇都幾多，我地最後揀左幾樣油甘魚刺身$95刺身鮮甜肥美，我同朋友都覺得好抵食👍🏻香蔥碎吞拿魚腩手卷$65牛油果蟹肉手卷$35呢兩個手卷冇乜特別，不過不失啦食完刺身之後，梗係要飲個湯，暖下身啦海鮮茶壺湯$68呢個幾特別，味道唔錯，而且入面都有好多海鮮，我好中意不過實係要襯熱飲，凍左就麻麻地最後叫左朋友最愛GE炸豬扒 $88豬扒面頭炸得鬆脆，而且肉質Juicy，唔會好鞋總括黎講，餐廳食物質素都唔錯，冇令我失望而且好適合朋友傾計飲野👍🏻👍🏻

大阪燒 文字燒 關西燒琴日朋友話關西燒姐係大阪燒其實我都唔係好識分咁有麵嗰隻又係乜嘢曬呢？-餐廳環境好舒服 可以揀坐bar檯睇住廚師炒或者係普通坐六點幾七點黎到唔算好多人但都要取籌等大約十分鐘-1⃣️關西燒一品（HKD55）關西燒是一杯的signature一品的意思是一種配料 如是者 二品 三品配料方面有各種肉類及海鮮類素食者可選擇山芋除外還有其他選擇 不過分別在哪裡就不清楚了關西燒是餐牌中算是划算以及高性價比的東西了🤔2⃣️海膽炒飯（HKD135）價錢我只是依稀記得不過我會覺得不值票價炒飯炒得好乾身 而且份量唔係多😓海膽都係得1/4板左右😓3⃣️東洋卷（HKD60）裡面有鰻魚、牛油果、蟹籽以及沙律醬蟹籽好新鮮 咬下去卜卜脆同軟淋淋的牛油果成反比😂😂夾著鰻魚食的感覺好新鮮👍🏻（怕重口味的朋友可以叫走沙律）-最後叫了一個炒菜（hkd7x）不過叫什麼名字我已經不記得了裡面大概有番茄 米通 翠玉瓜等味道偏甜/辣 都不是特別好味😑-人均消費125 不過下次黎會叫少d小菜🤥🤥🌟Rate:5.5/10

由於裝修及品啤不錯，所以決定今晚去APM的一杯試試！幸好一早訂了枱，否則要門口排隊等候，走進食店內，彷如入了日本居酒屋般！這裡要飲綠🍵是一壺咁order,但可以加水，所以$38/壺也不貴，因為特色飲品也要$49/杯。其他食客可能以為是FOC,所以又要order🍵，但覺得不值，寧願order 酒！可是我不愛杯中物⋯雖然限制在兩小時內交枱，但上菜時間控制的不錯，一碟接一碟，所以不用一小時已經送上所有菜！我最喜歡的是蟹肉牛油果卷，一口卷，精巧又有口感！而梅酒比目魚煮，令胃口大開我最好奇的是在居酒屋食海鮮意大利麵，味道濃郁！

今天比較遲放工，來到APM,再來試試久違了的一杯！可能我們比較遲來，只需等15分鐘便能入座。進店是職員們都一同說日文歡迎語句，同聲同氣。食物款式種類很多，有前菜、小食、主食、串燒、刺身、壽司，應有盡有道湖淺蜊（牛油風味）一個是每次必點的！蛤蜊啖啖肉而且十分新鮮，，再加上牛油香味，而雜菌也十分入味，真的十分滋味！雞肉串•鵪春蛋串京蔥雞肉串竟然售罄，唯有選擇雞肉串，感覺有點像免治肉，鵪春蛋串也是普通，沒有什麼特別豚平關西燒店員上菜時，幫忙將關西燒一分為四。這個令人回想大阪燒，是一樣的醬汁味道，唯一不同的是這個用了糯米質感，其實不太吃到豚肉的味道...煙肉忌廉意大利粉第一次試意大利粉，味道也不錯！首先拌勻溫泉蛋，蛋汁與忌廉汁融為一體，這個醬汁的濃度剛好，意粉軟硬度適中，而煙肉也有口感！雖然吃過好幾次，但這間餐廳也能保持水準，下次可以試試它的壽司及刺身！

Read my reviews and you will surely know I have a thing about izakaya and japanese food. It's like the fuel you need to run your body and mind throughout the worst days and nights. And this izakaya is a place I can call home. Forget about the dishes, the decor here already somehow comforts me. Cozy, dim-lit, and chillaxing. I always sit at the bar, for that I can escape from the crowd and truly communicate with the sushi masters there. I am not a intense talker but they can always open me up. Wh

之前成日經過好想試下嚟食，但每次都係大掛長龍，今次就預早好多訂枱，終於有機會食到喇！打開餐牌，有好多菜式選擇，樣樣都想食，最後揀咗好耐，終於叫咗：油甘魚刺身（凍咗少少，但肉質都好鮮美）豚平関西燒 （味道好味，醬料適中）免治牛肉茶漬飯 （呢個就比較差喇！牛肉極少，味道十分淡，好似滾水撈白飯咁）炒雜菜（味道較淡，芽菜較多，冇咩得別）燒牛舌 （普通）麵醬燒鯖魚（超級好味，麵豉醬配鯖魚原來好好味，鯖魚燒得好香口）豆腐凍 （豆腐好滑好香）