一杯鐵板燒居酒屋

營業中

休息中

見到openrice咁多人話呢間好食,咪試下囉排隊等左20分鐘,然後入到去bar位。睇下有咩好食,點人地推介個d....價錢來講都算貴,不過如果好食有咩所謂,點知真係係咩驚喜。性價比太低。

每次到APM晚飯，一定諗起－杯。但－定耍六點前到排隊等位，否則耍等下－輪。今晚入座就有位哥哥推介揚蟹肉大葉卷 - 有五件價錢不貴。外皮炸趣，食落好香口及有蟹肉鮮味👍－杯沙律 - 沙律菜新鮮。蟹肉牛油果卷 - 果卷的壽司飯好軟滑，配蟹肉牛油果好正。柚子牛肉石頭湯 - 食完沙律壽司，飲番碗熱湯，好舒服。

為免被某人說只著重母親節，咁父親節點都要找個地方吃飯嘅！打去一杯訂位，講明最低消費$250/位（不包加一），限時6:30至8:15PM。準時到達，為父親者有個玻璃相架做禮物，都算有些小心意。一杯的菜式不太貴，叫咗約大大小小共11款食物，加飲料剛好配合最低消費額。蟹肉牛油果卷，賣相不錯，是清淡之壽司卷物，蟹肉本身好似沒有什麼味道，唯牛油果的creamy，混和蟹肉、飯同吃，又能特出蟹肉的鮮味。鰻魚茶漬，分開上很精緻，鰻魚肉粒厚軟冧。上湯揚豆腐，薄薄炸漿很脆，豆腐滑滑的。燒牛舌串，軟冧，燒得剛好，唔乾。鹽燒雞中翼，皮其微鹹且脆卜卜，吃完再吃。燒牛肉年糕串，年糕吸了牛肉汁，又軟又好味。燒雞泡魚干，似吃一般魚干，無腥味，送酒一流。銀鱈魚西京燒，份量不太大又成$158，但魚肉燒得有油香又嫩滑，西京醬唔太鹹帶有甜味，一下子就搶光了。汁燒金目鯛魚頭及鮫泣，佢話當晚推介，第一次吃，的確好滑，魚味濃。牛肉石頭燒飯，牛肉非薄切肥牛類，似牛柳肉，有肉味。關西燒一品（豚肉），有芝士、大量椰菜絲，是飽肚之選。不過就覺得外層包住的粉醬皮太厚了。柚子梳打和海鹽茘枝梳打都偏甜，生啤無太大苦澀，父親節的主角一邊吃一邊飲，

係大阪返黎香港之後，一直都好想食大阪燒關西燒 ，但係實在無咩地方好食。雖然有另一間連鎖店好出名，不過又要DIY，都係啱少女多啲，我都係需要被服侍多啲😂係朋友介紹下知道左呢間係APM嘅居酒屋。價位中等，環境又靚，又係主要食關西燒，唔係唔試啊嘛～關西燒有好多選擇，揀preset嘅又得，自選嘅又得～由於太想食燒餅嘅關係，揀左兩個招牌嘅。第一個係豚平燒，面頭嘅燒到好香好脆嘅腩肉。中間有粉漿，最下面係蛋。第二個係一杯關西燒，呢個配搭如果係自選應該唔會揀到，不過係意外地合拍啊～ 同平豚燒唔同，呢個入面有牛筋，芝士同大量椰菜。唔好比芝士呢兩個字嚇親，配埋椰菜其實一啲都唔會膩。今次冇食串燒，反而仲叫左個牛肉石頭鍋飯。嗯，有啲失色，泡菜唔夠，所以無乜味。好在鍋夠熱，好快就有飯焦。不過真係無乜需要要點呢一個飯，加上兩個燒餅都係飽肚，可能點啲小食串燒都夠嚕～

基本上LUNCH 時間食一杯都要Book 位, 因為真係好多人！ 今日好想叫我的最愛—粒粒麵炒飯.. 只可惜”賣晒”!! 叫左一杯關西燒 +南瓜沙律 一杯關西燒 --- 燒汁+沙律醬酸酸甜甜十分開胃。關西燒厚度剛剛好，值得推介!!南瓜沙律 - 凍凍的南瓜蓉加沙律醬，好好味! 必吃!!!

晚飯時間 好多人排隊日本野又唔想只食壽司呢間係唔錯既選擇唔會太貴 又多款式服務：店員態度親切既 因為大阪燒都好多款 我都唔知選擇邊樣 服務員都好友善推介食物：叫左 大阪燒 串燒 魚鮫 同壽司1.關西燒 （$60-$70）汁夠多 右埋沙拉醬 而且個皮好好味（有芝士會更好味 記得加）我選既呢個係招牌 食落好似有牛腩咁 幾特別2. 串燒 牛舌燒雞肉芝士（一般般）3. 值得推薦既係店員介紹既 三文魚鮫唔太肥 剛好 點埋個酸酸地既 蘿蔔容sauce 食到唔停口$1204.壽司 🍣味道一般 賣相都一般 海膽軍艦都唔食好鮮甜$260 有10件 都滿足既 最後 埋單5百幾蚊 推薦 ：魚鮫 同 關西燒

觀塘APM呢間一杯成日都大排長龍，今次就早咗幾日打黎預約，但預約時間只限八點半，冇得早啲。我哋八點二左右黎到已經可以入去，好肚餓啊！叫咗一啲串燒，包括鰻魚、明太子燒雞、牛舌，另外仲叫咗一客牛油果蟹肉壽司，同埋一杯大阪燒。埋單每人二百蚊左右，居酒屋黎講唔算貴。全部串燒同壽司都唔錯，好好食，好有居酒屋嘅質素。但對個一杯大阪燒就有啲失望，裡面嘅肉味太重，唔係好夾，下一次要試下其他大阪燒！除咗食物，環境都非常唔錯，雖然好多人，但都唔算太嘈雜，見到多啲人仲可以有間房，多人黎嘅可以一試！

今日想食餐好既，所以放工去了apm。6:30pm到了，見到唔洗排隊，所以去買少少野先返轉頭。點知⋯7:00pm前返來已經要排十幾張枱啦。。。等左半個鐘入得，店員安排我坐鐵板位，對住鐵板關西燒個爐，都幾熱架⋯食之前做左功課，知道一杯關西燒係推介，所以點了。的確唔錯醬汁夠多，而且都幾多牛肉，$62價錢合理，值得一試。另一推介係雞肉京蔥串。雞肉夠嫩，有燒烤既味道。而京蔥夠脆口同入味，可以encore。牛舌都好味，但$48一串太貴了⋯冷烏冬無特別，味道又淡，我自己煮可能仲好味。。其他燒物味道都係一般般。

朋友聚會, 建議去APM一杯!我們都很久沒有去了!因為之前水準有點下降, 朋友說最近食物都可以, 所以做去了!星期一晚上都很多人, 原來有信用卡優惠限食一個半小時, 7時多到達, 四個人等了一個小時才有位😢😢8點呀...朋友說燒物和關西燒不錯! 份量不多,所以叫雙份!!食物都快上, 的確有改善!👍👍最愛燒物!!😝😝😝帶子刺身都不錯!豚肉燒, 醬料有點過多, 太濃味...建議醬汁另上...還點了3杯生啤，3杯梅酒, 1杯蜜桃梳打埋單$1400左右還有一支紅酒帶回家😂評分: 5⭐最好食物: ⭐⭐⭐⭐環境: ⭐⭐⭐價錢: ⭐⭐⭐服務: ⭐⭐⭐

今天母親節，母親大人提出去一杯食晏，11:45入座，侍應只俾左主menu同drink list, 我地以為分今日母親節，所以無set lunch, 所以叫a la carte, menu中無之前食過而母親大人想再食嘅魚，咁可能嗰種魚只有在午市定食中有售啦。差唔多食完，隔離枱入座，件侍應俾咗食lunch Menu比佢哋，我就問侍應幾點開始有set lunch, 佢就話11:45-2:30供應。我就同佢講，你同事冇比到set lunch Menu我, 而我哋想食嗰款菜式其實只響set lunch Menu有供應，令到我哋叫左a la carte 其他嘢食, 然後個侍應講左句「咁可能同事俾漏咗」，然後就走咗去，一句唔好意思都冇...原本想食嘅嘢有得叫，但係結果因為侍應俾漏menu錯過咗, 仲要一副「唔關我事嘅咀臉」...今次A la carte 叫左5樣嘢，2樣太咸，1樣淡而無味，另外2樣Ok，冇食刺身壽司，2人埋單$400。之前都幾經常去一杯，但以後就免得就免了⋯⋯

好多人等位，我地前一日book都話full booking，唯有walkin。個店員話十檯有九檯都會叫關西燒，而我地都唔例外！叫左個豚肉味，食完覺得性價比超高，所以再叫多個！呢款入面個牛筋好入味好好食。個東洋卷口感好滑，牛油牛個味好香，每一啖好似置身天堂咁哈哈。但個羊架就唔係咁推薦，d肉有d韌，又貴，後悔order左。個鰻魚茶漬飯性價比都高個茶味度幾好，鰻魚都好鮮甜。整體來說，我全家人都十分滿意！會再食多次

星期五6.30 等到7.30pm 先有得入座，真係墟冚！企門口嘅男職員可能唔夠精神，用手勢叫我自助攞飛（我自動報告我冇book 到位）裝修好有日本料理feel, 主要係bar 枱，食物種類好多，有壽司，卷物，關西燒，串燒，日式‘小炒’，烏冬等等。好奇怪叫左串燒好快就上枱，但係唔會好熱（唔通一早整熟只係用火槍燒下表面？），我叫左個小蜆麵豉湯，我想用羹飲，問待應攞羹，佢覺得好奇怪點解我要攞羹，話‘通常啲人唔用羹就噤飲’，其實攞一樣餐具，比個自由我好嗎？手卷旁嘅酸薑，我未食哂就收左（好在問第二位女待應佢願意攞過比我），個氣氛有啲似打仗。。。。上菜好快，收碟都快，因為限住1.5小時交枱我叫左關西燒（$98選左三品），燒牛舌（表夠脆，內淋，牛味不太濃），燒豚肉露筍卷，豆角炒牛柳（有啲咸），蟹肉牛油果手卷（普通啦），Sunset 特飲（明白＄48係唔會落太多燒酌的），巨峰soda （幾好味）。總括黎講，非集團式嘅日式食肆（共兩間分店），‘一杯’係可以再encore，只要非繁忙時間黎嘆下，係好味嘅！

食左咁多次，老公想知有幾好食，就同佢黎食，介紹左我平時喜歡食果d...我地睇完戲去食，因為睇完戲好凍，所以我想飲ｄ暖既野，就選左石頭湯飲，黎到醒唔起叫左豚肉石頭湯，以為叫左蔬菜湯而已，可能d肉比較細，諗諗下先記起好似有肉。。。之後要仔細睇先見到，如果ｄ肉可以大片ｄ就好。。。另外d湯唔錯，唔咸唔清岩岩好，豆腐幾好食，整體唔錯～又係叫尼個～牛油果蟹肉沙律卷（好似叫尼個名）我仍然覺得好好味，但尼個老公覺得麻麻地～^^"尼個老公見到就好想食，好似係叫吞拿魚刺身，其實我初時見到覺得麻麻地，但見老公想試，就試下無妨。最後我愛上左食。。。又幾好食呀！Ｄ魚肉好入味，配埋柚子和配菜入口，甘甜又好食，刺激味蕾，尼個真係好好食，值得推薦～燒帶子串和肥牛年糕串，前者老公話好好食，不錯，後者佢唔係咁喜歡年糕個口感，最後當然我食晒～因為我喜歡食～^^免治雞肉串～覺得和第一次食冇咁好食，但還算ＯＫ，尼個見仁見智。。。。燒冬菇串，尼個我同老公都覺得好好食～不錯，燒到岩岩好，淋得黎又有脆口感覺～不錯～整體尼餐好豐富和好滿足～老公好滿意，我也食得好開心～^^下次會再幫襯～^^～

上幾次黎左都覺得好食，今次臨返學前又走左黎食，今次叫左牛油果，真係好唔錯～無論外貌同食物都唔錯，真的好好味～全部都一口，好易入口。可添醬汁或不添也可，加上佢ｄ蟹肉沙律同牛油果好夾，真的好好食，我之後每次黎食都有叫佢，推薦～會愛上的。自從試左尼個後，每次黎都會叫這個牛肉年糕串。肥牛包住年糕，因為熱左，ｄ年糕有少少溶，食落去唔淋得黎又有口感，有得咀嚼，而且ｄ肉好入味，外面好鬆脆，整體超好，外觀唔錯而且又香口。。。值得推薦～真係好好食呀～^^

今日約左個肥仔同埋佢大哥大嫂食飯佢地提議黎一杯食日本菜反正我都未食過，一於試試佢！一坐低望一望menu，都幾多唔同種類既野食，仲會有套餐，但我地四個人想試多d唔同野，於是就決定散叫左好多野食，有溫雞沙律，炸雞，豚平燒，烤海鰻，烤牛舌，海膽炒飯，茶漬飯，一個卷物等等，再加每人一杯飲品溫雞沙律比我想像中好吃，而且加上了芝麻醬，很開胃一向喜愛吃不同燒餅的我，也覺這裡的豚平燒滿有水準，底部是由蛋煎成，很香很有口感👍🏻串燒類的食物水準也不錯，牛舌爽口，海鰻不會過老，但這個價錢有更好的選擇海膽炒飯份量充足，而且乍看下也有不少海膽，味道不錯👍🏻茶漬飯小小的一份，但很貼心會另外上多一壺湯，朋友覺得湯底偏咸，喜歡清淡一點的人士未必會喜歡，但我覺得可以接受除了食物外，我覺得這裡的飲品還滿好喝的，我點了一個原味乳酸梳打，的確很好喝，一啖又一啖