一杯屋

營業中

休息中

今日經歷股市黑色星期一，一路走來絕對不容易，街上每一個人也是帶上口罩，不見笑臉，但日子總要過，食物總要吃，不期然我就走進日本餐廳的國度了。餐廳的環境吸引，而食物更為誘人。先後點了1）日式野菜炒拉麵；2）鰻魚青瓜卷。等了一陣子，先來了日式野菜炒拉麵。目測食物攞放精美，一層一層上，鋪滿得像是一座山的感覺，真不想把它吃下去，只想當它是一件藝術品似的。吃下去，拉麵煙韌彈牙，十分爽口，每一啖拉麵也沾上醬汁而且材料充足，有蘿蔔絲等，不同野菜混在一起，感覺尚算不俗。至於那個鰻魚青瓜卷，漲卜卜，視覺上很是誘人。吃下去，口感十足。感覺上是先有一層鰻魚碎，然後鋪上青瓜，再來一層鰻魚碎，最後緊緊握成壽司卷，令人想入非非。

今日過海有嘢做，嚟開銅鑼灣就想食居酒屋🍶🏮😊最後去咗呢度...好近地鐵站（D2出口）整個late lunch食飽有氣力繼續做😂呢度Set Lunch選擇有十幾款😲😲我一個人叫咗$198極上刺身五點定食：赤蝦肥美！帶子勁鮮甜！三文魚油脂唔錯...提起都回味中🥰🥰然後「午夜追加」叫多個小食👇🏽$38燒雞皮餃子🥟：燒雞皮好正呀！燒完唔油膩，仲脆卜卜！店員服務態度好好，因為唔多人仲比咗卡位我添！上菜速度快而準！下次約埋班friend嚟晚餐...想試埋必食嘅牛舌，仲有想食呢度個「炭燒精選」🤤🤤

今日喺銅鑼灣行街嘅時候覺得肚餓，朋友就介紹左我去呢一間日式嘅餐廳度食🙂見到OpenRice嘅評分都唔錯👍🏻咁就入咗去試吓😛入到去就試咗佢嘅魚生飯🍱，有三文魚，章魚，魚子，虎蝦等等嘅唔同嘅魚生🤤都算新鮮，種類同份量都算多😇唔會食完啲魚生之後仲淨好多飯跟住就食咗炭燒日本雞拼盤啦🐔係串燒嚟嘅，啲雞都算燒到外脆內Juicy😋雞肉唔算肥都算係嫩口，份量都算OK 最後見個肚仲有少少位就叫埋個燒雞皮餃子，呢個真係好邪惡啊😋啲雞皮夠油咬落夠脆口真係好好食😌因為今次唔係咁肚餓嘅關係就冇叫到好多嘢食😛下次再來一定要再試吓其他嘢食啊

今次食完想同大家講番,一間好正既餐廳 *一杯屋舍 呢間餐廳好正,好好食,首先講下佢既餐廳環境先啦,燈光既光台度其實真係好影響氣氛,佢地用燈光,表達到餐廳既舒適度, 令到環境好放鬆溫和,好中意個環境自己一個食都唔會覺得尷尬.事實上我真係自己一個去食既,甘我一個人叫左個魚生飯,個賣相好靚,自己都忍唔住影多幾張相同朋友分享下先,有種許許如生既感覺,睇得出好有心機同細心.要食啦,一入口,完全感覺到佢既新鮮!,好正口感好好,完全可以係口入面慢慢enjoy 每塊魚生都係甘新解好味,真係幸福既感覺.

是日晚上同朋友去咗銅鑼灣澳門逸園中心搵食，黎到呢間叫做「一杯屋」嘅居酒屋🏮身處喺餐廳好有日本風味，啱晒同朋友聚餐。當晚點左以下幾款食物～清酒煮蜆蜆肉新鮮冇榨，好鮮嫩又清甜，散發著陣陣酒香，湯底仲好鮮甜！芝士玉子燒食日本野又點少得玉子蛋！口感嫩滑，充滿蛋香，加上適量芝士絲，芝味十足日式和牛炒飯 炒飯粒粒分明，炒得好香口，夠鑊氣，加入咗蛋絲、紅蘿蔔粒、蔥花、日本和牛等等配料，口感同味道都好豐富，分量十足，夠晒飽肚

識我嘅人都知I have a thing for居酒屋🏮因為個vibe真係好正☺️但喺香港真係好少去因為好多都好貴☹️但今次黎咗一杯屋又幾正喎😝-🍱上炭燒牛舌定食 $158聽人講黎依度一定要試牛舌 所以就叫咗個定食佢加$40可以有1.5size 但原本嘅份量已經好多🤪佢切成細細片咁 餸飯勁方便👍🏻滿滿炭燒味 而且好有口感 點上油分較重嘅麻醬真係好邪惡好正☺️佢亦都配上新鮮淮山比我地撈飯食滑潺潺咁好得意🤣-🍣刺身盛三點 $248分別有三文魚 油甘魚 同立魚真心佢真係每塊都好厚切😍好新鮮好肥美好滿足🥰-同埋侍應不停幫我地refill麥茶☕️超好服務態度 啲野食又好味絕對會返黎encore啊☺️

開始我哋嘅晚餐， 估唔到呢間餐廳真係咁好食我地食完之後都好開心我哋淨係講幾樣，因為太多了!! 佢嘅雞皮餃子正常應該都好難燒, 因為雞皮比較薄但係佢燒得唔會話太過火 , 入邊有保持熟之外仲要係有汁真係好正，之後仲有佢個開鱸魚好鮮甜其實佢大部份嘅海鮮魚生都好有新鮮嘅感覺, 亦都當然事實上都係新鮮嘅。 佢嘅煮法係其他餐廳真係食唔到既, 特別係佢開鱸魚，都要講下佢嘅魚生飯切得好靚，擺喺個型好似栩栩如生嘅感覺好新鮮好靚好耀眼，成餐飯真係圓滿咁結束大家可以帶另外一半去試吓氹吓對方開心同埋消費唔係好貴值得一年去返1,2次

之前有一天放學誤打誤撞入咗一間叫一杯屋嘅餐廳食飯，因為得自己一個食好似無主孤魂咁周圍遊蕩之後就入咗呢間一杯屋去食啦。咁我一個人就淨係叫咗一個豚肉肉生姜燒定食，仲有一份香煎鵝肝。呢個份量已經足夠我飽啦，咁首先我不嬲都係食定食先嘅咁個生薑燒豚肉，佢用洋蔥同青椒一齊炒蓋過啲豬腥味令到成件事好香口，同埋將個色提鮮左，仲要鮮甜左，真係做得唔錯呢個生薑豚肉燒，到食香煎鵝肝啦，我就本身好鍾意食鵝肝嘅，所以成日都會周圍搵唔同地方整鵝肝好食嘅地方食，因為鵝肝其實真係唔係一個容易整嘅一個食物嚟，都會好考技巧既，而家反而係呢到食到一個好好食嘅鵝肝，好正，佢嘅鵝肝係入口即溶嘅，個感覺超好食，雖然膽固醇高但係食落香口，做得非常非常之好，重要個賣相上面再加啲芝士同麵包糠做點綴，一啲都唔會減低咗個價值，影相都美，唔會禁單調，大家可以嚟呢間一杯屋試吓！我都好希望大家可以試到呢到既美食！

炭燒牛舌定食辛苦左一個早上，決定午餐對自己好一點，黎到一杯屋食飯。呢到午市有多款定食選擇，包沙律、湯、煮蛋、小食和主食。極上炭燒牛舌定食 💰188牛舌份量都幾足，見到廚師即場燒。雖然上枱唔算太熱，但勝在爽口煙韌，仲有微微炭燒香，配白飯食都幾滿足。另外，當日既小食係炸帶子，好香口，外脆內軟，但一人得一舊，感覺唔太夠喉🤣🤣🤣。沙律同湯就正正常常、煮蛋幾清香啱啱好。如果大家對日本便當都感興趣一定要試

如果大家有鍾意食燒物嘅朋友👯‍♂️就可以介紹佢嚟呢間一杯屋度食佢哋嘅串燒🍢啦，呢間餐廳主要係二人食串燒同燒嘢為主嘅餐廳，當然佢都有其他嘢啦，例如:魚生壽司🍣或者其他定食🍱嘅日本食物都好好食。-但係今次我主要想講嘅係佢嘅串燒同埋燒物🍗佢啲燒物全部嘢食都冇得輸之餘，間餐廳環境都好靚同仲有額外啲小小嘅裝飾，佢所有嘅燒物全部都入口鬆軟🤤而亦都唔會燒得太過耐，仲要加上佢特製嘅醬汁🌶食落去有種感覺係啲肉特別香甜，有一啲醬汁係需要淨係用檸檬汁🍋製作出嚟，咁就已經好好食啦，而且又可以提升鮮味。-之後我問返師傅點樣可以燒到咁好食呢？原來唔係普通好似我哋平時BBQ咁，原來真係有啲難度係好花功夫嘅，同師傅傾完一大輪計之後完全明白到點解燒得咁好食😋--📍 一杯屋 (銅鑼灣)銅鑼灣軒尼詩道525號澳門逸園中心8樓

星期六特登去銅鑼灣行街因為book咗一杯屋做晚餐，之前聽好多朋友去過都話呢間野好好食，佢哋不停都介紹我去咁去到見到個裝修都唔錯環境都舒適優雅嘅，咁餐廳嘅服務好好好細心叫我地行左成日街買咗好多嘢搵個比較闊落啲嘅位置俾我哋坐，咁我哋好快就各自叫咗自己想食嘅嘢，我就叫咗個魚生定食，一開始見到個魚生切得好靚好吸睛，一睇就知好新鮮，佢仲有燉蛋之久麵豉湯同埋沙律來做配菜，每款嘅菜式味道都唔錯，講返主角都係最好最正因為佢真係好新鮮食落去口感好好，唔怪得知啲朋友係咁推薦我去食啦我都喺度推薦大家去食

今晚嚟到銅鑼灣行街，行到攰，當然要搵啲好嘢食啦，由於食咗太多晚火鍋，今晚想食啲日本野，所以我哋就去咗呢一間一杯屋度食晚飯。呢間餐廳環境都唔錯，設有私人房間，又有吧枱位置，一班人食飯又得，一兩個人自己食飯又得，非常之好。我哋叫咗兩樣食物，份量都算大，所以都夠食。第一樣係上牛舌，同一般牛舌唔同，佢哋設成一舊舊，但出奇地係唔韌嘅，有啲爽口，非常好食。佢地仲配有黑椒汁，加入黑椒汁有另一個風味，但我比較喜歡原味。碟上總會有配菜，唔好睇小個配菜，勁好食，一邊有蘿蔔同埋青瓜，加上特別嘅葉制方法，非常之出色，我哋成疊清晒😂第二碟係刺身拼盤，非常大碟同埋非常新鮮。入面有真鯛，柒語，三文魚，吞拿魚同埋紅蝦。全部刺身都係厚切，一啖係食唔晒一件架，真係好爽，仲好鮮甜。食晒兩碟，都已經飽飽，坐一陣傾吓計，休息下，咁就離開了。大家都快啲去試吓呢一間一杯屋，睇吓啲刺身有幾新鮮，有幾大件啦。

今日來到銅鑼灣尋找美食 終於俾我尋找到一間高質嘅日本餐廳 呢間餐廳叫一杯屋將入到餐廳門口 餐廳環境相當舒適 整體感覺都很良好 我點了一份芥末籽牛柳 牛柳口感剛剛好 芥末籽也提高了味覺豐富度 很有特色的一道菜 然後我又點了一份生蠔 因為我不太敢生食 所以叫了這份 味道鮮甜加上醬汁 完美配搭 是味覺的沖擊櫻花梅子素麵 幼幼麵條加上醬汁 很有日本風味 我很喜歡這道菜 最後我也點了一份烏冬 烏冬Q彈的感覺 我非常推介大家來這間餐廳品嚐下一呢到嘅日本料理

日本嘢永遠都係我comfort food今日心情好，都係一個好好嘅理由去食吓日本嘢放工近近哋係銅鑼灣揀咗依間一杯屋，地點方便，口碑又好似唔錯，就一於去食啦居酒屋就係可以好多選擇，可以將自己鐘意嘅嘢食都嗌齊晒鹽燒虎蝦虎蝦嘅肉身爽口，海鹽的味道包圍晒成隻虎蝦，令到更加鮮味炸豆腐外皮酥脆，内裡嘅豆腐軟滑用油紙墊底，減少咗陣油膩感食到停唔到嘅小食和牛炒飯依個飯作結就真係畫龍點睛充滿驚喜，味道好好，完全係我鐘意食嘅味道調味濃郁，牛味又足夠，再加上紫菜，簡直係完美

話說有一日 口痕想食日本料理 想感受一下日本的氣氛 之後就決定搵一間日本餐廳 去細品日本料理 呢間一杯屋環境好似都唔錯 就決定試一試哩一間嘅實力到達店鋪的氣氛很不錯 我點了一杯梅酒 梅酒用備長炭製成，入口酸味甘甘地，好醒胃 所以呢間有梅酒 我很興奮 然後我點一個櫻花梅子素麵 比起普通流水麵更有日本特色 冰冰涼涼 口感也很好 最後點了一個牛小排 熟度剛剛好 牛味很重 肉質也很冧 呢間一杯屋毋庸置疑 很高質素 我很喜歡 會帶朋友來試試日式風味 私心推介牛小排