一杯屋

營業中

休息中

近排疫情關係，暫時都不能飛到日本食壽司刺身，十分可惜。唯有在香港找間居酒屋望梅止渴。這間充滿日式居酒屋風的一杯屋，地理位置十分方便，空間十足，食物選擇頗多，跟朋友來食個晚飯，飲杯啤酒減減壓，很不錯。兩個人點了刺身五點，刺身全部厚切，新鮮肥美。炭燒喜之次，喜之次向來是種貴價魚，這裡只需百多元就可以食到一份，我未食過貴價的那款，所以很難去作比較，這條喜之次炭燒後，魚皮卜卜脆，魚肉仍然滑嫩，有很豐富的魚油，配少許檸檬汁就更好味，只需百多元就食到這個質素，很抵食啊。

今日放假同老公一齊食飯,老公話佢公司附近有間好正既居酒屋,我地就決定特登由上水出到黎銅鑼灣食野,可能因為係食飯時間,好多人,我地等左差唔多9個字,我地坐係比較闊落既卡位,叫野食既時候侍應好好,介紹左邊啲野食係大熱門,咁我地最後就叫左侍應其中一樣推介既日式燒安格斯牛扒定食,一杯屋特選魚生飯,壽司卷物拼盤,日式炒雜菜,刺身,個日式燒安格斯牛扒真係好想讚下,個汁好香,牛扒唔會好老,另外個一杯屋特選魚生飯,師傅好有心意,整到個賣相勁靚,而且面頭勁多魚生,刺身無得輸

同好姊妹好耐冇見，大家都話好耐冇出去行街，就下佢今日過海去銅鑼灣行吓，順便食飯聚一聚。兩個人最初都唔知去邊度食飯好，靈機一觸，上次唔係喺銅鑼灣食過間一杯屋幾好食嘅咩，而且環境都幾好，就趁今次再去幫襯。叫咗壽司拼盤，水準依然保持不變，今次另外叫咗個法國芥末籽醬牛柳定食，連埋前菜、餐湯同沙律都係百幾蚊，呢個地段算係幾抵食啦。牛柳煮得軟淋，加埋微辣而帶點酸嘅法式芥末醬，越食越開胃。再叫多個日式炒雜菜，炒得夠香，有我鍾意嘅菇菇同埋好多木魚絲喺面，郁嚟郁去好似不停叫你食佢咁~~食飽心情靚晒又可以同好姊妹繼續行街街！

今日同埋朋友對仔女出黎銅鑼灣同人交收啲玩具,之後就行左陣街,夜晚既時間就帶佢地周圍搵下有咩好食,其實我地本身都好小話會出到黎呢邊,所以真係唔太熟路🧞‍♂️ 結果誤打誤撞行左過黎呢間一杯屋見到門口有人等緊位,本身諗住再行下睇下第二間先,但小朋友話聞到好香,想食呢間,咁我地最後都決定左就試下呢間🧞‍♂️等左3個字鬆啲就有店員帶我地入去,店員安排左我地坐係卡位,仲好細心咁解答我問題🧚‍♂️最後決定左店員推介比我地既日本五花腩炒拉麵雜錦吉烈拼盤定食炭燒日本雞拼盤全部都好岩小朋友食,我好喜歡個五花腩炒拉麵,拉麵濕濕地好好食,小朋友都好鍾意,五花腩又唔會肥,真心喜歡呢間一杯屋🧚‍♂️

好耐無過海，早前過去到銅鑼灣同朋友搞啲嘢，之後決定食埋嘢先返屋企（難得咁耐無過海），朋友介紹我一齊去啲呢間，成棟大廈都好多嘢食，最後都係揀咗呢間，因為我個人比較喜歡日本菜😋估唔到上樓舖都有咁多客，等咗一陣才有位，咁多人應該無揀錯啦😉。日本菜除外刺身，仲有好多款式架，呢度都係一樣，有好多種類選擇：刺身、炸物🍤、串燒🍢、壽司🍣，定食🍱等等。今次就試咗以下食物：🥢鰻魚青瓜卷🥒：好清新，鰻魚青瓜原來咁夾🥢日式炒雜菜🥗：炒得好靚，唔油膩🥢日式燒安格斯牛扒🥩定食：叫咗五成熟，煎得剛剛好，鎖住肉汁，咬落去好juicy，唔會好乾好硬，值得一試👍下次嚟要試埋佢其他嘢先得😋

今日係我媽媽生日嘅大好日子，我知我媽媽平時非常鍾意食魚生，所以專登上網搵左間睇落幾高質嘅日本料理餐廳。呢間餐廳叫一杯屋，我地成家人都好期待去到餐廳，環境感覺上都好好，好有日本餐廳嘅味道，乾淨又舒服，服務也不錯！我地叫左一杯屋特選魚生飯，法國芥末籽醬牛柳定食同上壽司卷物拼盤。上壽司卷物拼盤壽司種類有好多款，款款都有唔同嘅特色，相當滋味，又靚又美味法國芥末籽醬牛柳定食亦都好好味，牛柳肉質好冧、入味又好多汁，配上芥末籽，更有淡淡嘅芥末香味，好高質嘅食物一杯屋特選魚生飯呢個唔需要多講，我媽媽食到讚不絕口！魚生鮮味十足又份量大又新鮮我地都好推介呢間一杯屋俾其他朋友來，十分推薦！

聽個同事介紹有間居酒屋啲牛舌好出名,我就決定點都要去匯一匯佢,因為我真係勁鍾意食牛舌,一收工已經即刻過去,但都係要等位,等左10分鐘左右就入得去,我坐既位置係BRA枱,非常正,因為可以近距離睇師傅煎牛舌,我叫左極上炭燒牛舌定食,串燒,日式炒雜菜,睇住師傅係到煎牛舌感覺愈來愈餓,好香,等左十分鐘左右,我期待既極上炭燒牛舌就黎左,講真,真係好正,咬落唔硬,口感好好,真心要推介比同我一樣好鍾意食牛舌既朋友仔,另外其實佢既串燒都好出色,燒到剛剛好,推薦比大家,位於銅鑼灣澳門逸園既一杯屋。

今日係銅鑼灣行完街就去左呢間日式料理餐廳，餐廳嘅裝修同擺設都好有日本風味，好吸引所以就決定左去食。我同朋友就叫左一個日式野菜炒拉麵一上黎好夠熱，仲見到d蒸氣不斷向上飄，味道方面亦無令我失望，好夠濃郁同惹味，而且拉麵本身嘅口感亦非常唔錯，好夠有咬口。另外嘅雜錦吉列拼盤定食同樣吸引，雖然炸嘢要等得耐少少，但係新鮮炸出嚟真係與眾不同，個炸皮好夠脆，而且唔會太油膩，特別要讚係隻天婦羅蝦，非常大隻，再點小小醬汁，加埋d飯一齊食真係一流。

今日同兩個朋友約左黎銅鑼灣利到行街,因為真係唔係成日可以見,所以一見面我地總係會有無數個話題,我地三個有一個共同喜好,就係都好鍾意食刺身,所以難得聚埋一齊,我地決定上OPENRICE搵下附近有無推介既日本野。最後我地一致選擇左利間一杯屋,我地行到過去發現,勁多人,不過我地都係等左半個鍾左右就可以入去,晚市時段黎講其實都算快,我地叫左刺身,八爪魚丸子,炭燒開邊花魚定食,照燒雞扒定食, 刺身唔洗講,正,最意想不到既係個炭燒開邊花魚勁好食,真係勁回味,燒得好好食,無失望,好滿意

之前晏就黎食過,覺得好好食,今日放假特登同埋屋企人一齊出黎食,原來利到晚市都比較旺,係門口等聞到啲香味已經好肚餓,入到去我地坐係卡位,坐得幾舒服,打開餐牌睇先知原來都有好多野食,我地叫左壽司卷物拼盤,日式燒安格斯牛扒定食,豚肉生姜燒,炭燒喜之次定食,4個人食份量夠曬,要特別講既係個日式燒安格斯牛扒定食,個牛扒好好食,個汁配搭得好好,年紀比較大既媽媽都讚不絕口,唔會燒到乾曬,另外豚肉生姜燒我都推薦大家試,如果唔係太飽真係好想試埋佢個炭燒牛舌,屋企人話下次會再黎試埋

今日出左黎銅鑼灣見客,平時見客可能都係會約係飲品店之類傾,好多時夜晚餓住個肚,見完客先自己求其食小小野,今日個客好好人帶左我去佢食過佢覺得好好食既一間日本居酒屋到邊食邊傾,原來佢已經係呢到既熟客仔,因為我係第一次黎其實都唔知食咩好,侍應介紹左法國芥末籽醬牛柳定食比我,我本身好鍾意食牛,所以諗都唔洗諗就直接決定試下利個,我個客叫左一杯屋特選魚生飯,我地再加多左個日式炒雜菜,同個侍應講既一樣,個法國芥末籽醬牛柳真係好好食,無論賣相定味道,都好難忘,個配搭真係非常特別,值得下次再黎。

今日放假同媽媽出街搵下好野食，近近地出銅鑼灣，貪澳門逸園中心多餐廳選擇，最後睇中左呢間一杯屋。上網睇過發現呢間餐廳既牛舌出名，所以就試一試呢度個一杯屋牛舌特選便當，4格便當，當中有最重點想試既厚燒牛舌，燒到岩岩好，一啲都唔靭，咬落有少少爽口，好juicy。刺身食落口完全唔腥，好新鮮。豚肉生薑燒，甜甜地既薑汁配飯好開胃，豚肉又唔會鞋口。吉列蠔，食落新鮮炸出黎，熱辣辣好脆口，炸粉唔會好厚，隻蠔好大隻。Set lunch外仲有好多款追加既小食同配菜，我地仲叫左個日式炒雜菜，幾款菜食落都好爽口，唔會煮到淋得濟，仲有好多菇類，加埋個汁同上面既木魚花碎，夠味得黎又唔會好油😋😋

位於銅鑼灣嘅居酒屋一杯，環境貫切日式風格，部份座位更有屏風作為間隔，同朋友傾計時能保持一定嘅私隱度，好適合三五良朋聚會聊天。一杯屋以炭火烤物聞名，今日特登黎捧下場。先點一串豚肉串燒，豚肉嘅表面燒得輕微焦脆，肥瘦均勻，咬落充滿肉汁同油分，好惹味！再來一客上壽司卷物拼盤，壽司選用左時令魚生片製作，創作壽司色彩繽紛賣相精緻吸引，而且魚生片十分鮮甜味美。法國芥末籽醬牛柳定食，炭燒牛柳果然非同凡響，濃郁嘅炭燒味香氣四溢，配上自家調製嘅芥末籽醬，味道更上一層樓。值得一讚嘅係呢度嘅服務態度非常好，員工經常主動過黎斟茶，又會耐心地講解每道菜式。

魚生燒物愛好者注意⚠呢間日本居酒屋裝修別嫩，整個環境充滿日本風，即刻唸起自己係日本食既餐廳🍴愛好魚生既我今次揀左一杯屋特選魚生飯，一個飯已經可以品嚐到唔同既刺身如三文魚、墨魚、牡丹蝦、𩶘魚、海膽等，擺盤非常精緻吸引，而且魚生鮮甜，蝦夠大隻且肉質結實，海膽鮮味，配埋粒粒飽滿既珍珠米整成特製醋飯，食完感覺好滿足炭燒開邊花魚亦係另一推介，師父將原條魚放係竹炭上炭燒，食落好有炭燒味，外表皮脆，肉質嫩滑唔會乾,有淡淡既鹽味，加埋少少檸檬汁更加清新，送飯送酒都係唔錯既選擇👍🏾

今天岩岩好去銅鑼灣食飯，想食下日本野，試一試呢間，第一次去呢間居酒屋，有bar 檯，好岩獨自一人出黎食飯既我。😊睇左一輪餐牌，叫左個定食同小卷。☺定食我叫左極上剌身五點定食😋，有五種吾同既剌身，三文魚肥美可口，蝦子甜美回甘，帶子鮮甜，另外兩種魚相對黎講還可以，都好新鮮。定食有一碗飯，又有茶碗蒸，仲有小菜同湯，茶碗蒸真的推，鮮味十足，不會太實，仲有少許湯汁。😍我仲叫多左個鰻魚青瓜卷，呢個青瓜卷連卷飯都有鰻魚汁，食開出面既鰻魚卷就多數都係白飯，呢個連飯都有鰻魚汁，加上青瓜既清爽口感，中和左整個鰻魚青瓜卷，使到口裡不會太膩。😚鰻魚既味道又很入味之餘吾會話太咸，太乾，軟腍得黎又有點魚既彈性。今天既晚餐，我覺得是性價比幾高下，呢個價位食到甘新鮮既五種剌身定身，仲有鰻魚青瓜小卷，之後可以既話希望可以同朋友一齊黎食多次!