一杯屋

營業中

休息中

見到booking app訂座有折同埋見到OpenRice啲相幾靚就諗住同朋友去試吓啦！點知一去到明明有幾張枱佢就安排我哋坐最近廚房嗰張枱，佢個串燒爐係開放式嘅，但完全抽唔到啲油煙，所以成間餐廳都煙霧離漫咁，仲要坐到最近佢個爐更加係坐到醃眼🥺。我哋問佢可唔可以開大啲個冷氣，佢話係中央冷氣已經最大，我哋係一路食一路標汗🥵🥵🥵除咗唔安排我哋坐去涼啲嘅位，同埋啲刺身係暖嘅之外🤷🏽‍♂️，啲串燒係可以嘅，不過折左都偏貴🙃，呢個價錢可以有好多更好嘅選擇。冇諗過居酒屋可以熱過街邊食串燒🤦🏽‍♂️冇影相，因為真係熱到好想快啲食完快啲走😓😓朋友一致認為唔會有下次🙅🏽‍♂️🙅🏽‍♂️

日本雞小肉串🍢 $38味道唔錯，重炭燒味，雞肉亦滑。但好細份，價錢亦偏貴，唔抵食。好食指數:⭐️⭐️⭐️⭐️打卡指數:⭐️⭐️大份之數:⭐️抵食指數:⭐️⭐️海膽海鮮炒飯🦐 $178+$30侍應話因海膽係日本新鮮送到，所以要額外加多$30，但嚟到好失望，一定唔係新鮮海膽，有陣膠味。海鮮料係多，但鍋氣唔夠，飯唔係粒粒分明，有啲係痴埋一舊舊。二百蚊一份，真心唔值。好食指數:⭐️打卡指數:⭐️⭐️大份之數:⭐️⭐️⭐️抵食指數:⭐️甲羅燒 🦀 $48 x1味道唔錯，蟹膏多亦香，價錢份量正常。好食指數:⭐️⭐️⭐️⭐️打卡指數:⭐️大份之數:⭐️⭐️⭐️抵食指數:⭐️⭐️⭐️汁燒白鱔 $48味道正常，重炭燒味，但不是太岀色。好食指數:⭐️⭐️打卡指數:⭐️大份之數:⭐️抵食指數:⭐️日本蕃薯片🍠 $33燒到好亁，而且蕃薯味道唔係特別甜，中間個塊仲要燒得太耐，無食到。好食指數:⭐️⭐️打卡指數:⭐️大份之數:⭐️抵食指數:⭐️⭐️大虎蝦海膽燒🦐 $128虎蝦正堂，不過不失。但舊海膽好難食，比起炒飯上面個舊更加難食，依舊有陣臭味，食左半舊就無再食，極度唔推薦叫。好食指數:⭐️打卡指數:⭐️⭐️⭐️大份之數:⭐️⭐️抵食指數:⭐️

終於可以同朋友慶生，仲有朋友荷蘭返來！之前已經來過，話晒上樓鋪，都有D驚冇開。好彩仲有做緊仲可以訂位，OpenRice 仲有折！D野食風味保持得好好，剌身薄切比得上高檔壽司店。主打燒烤肉類，牛舌，羊架，白鱔！炭爐燒嘅香味同其他電爐燒冇得比嘅😛今次飲啤酒為主，個經理知道我哋生日仲請左round shooter俾我地，雖然係mocktail冇酒精但好nice😝

夜晚同媽媽行完崇光感謝祭，決定喺附近搵間日本嘢食下，見到OpenRice有人推介就上咗嚟食。餐廳位置非常方便。餐廳環境好有特色，而且員工態度親切，接近九成座位都滿左。由於客人太多，要等嘅時間比較耐，所以老闆特登整咗兩杯沖繩乳酸特飲俾我哋嘆吓，超級好飲，非常解渴。我叫咗客牛舌定食。炭燒牛舌非常特別，好有風味，果然係備長炭專門店，同平時出面食嘅牛舌好唔同。媽媽叫咗客鰻魚定食。鰻魚肉好嫩滑，加埋燒汁非常絕配。

同朋友去銅鑼灣行街，行街之前先搵好野食填飽個肚先，我地去左一間日式餐廳到食lunch，呢度環境唔錯，而且有啲好吸引既lunch set！我地一人點左一個lunch set，包括極上炭燒牛舌定食，呢個牛舌係用炭燒，特別香，而且燒到岩岩好，唔會’鞋‘！點牛舌既醬汁亦都好惹味。另外，我地仲點左一杯屋魚生飯定食，呢碗魚生飯入面有幾款刺身，全部都好新鮮，而且佢仲加左淹漬過既蟹子，好特別。魚生飯仲附送茶碗蒸同沙律菜，好豐富！

日式定食五花百門，但真係好食到留下深刻印象嘅唔多。呢間一杯屋主打燒物，亦有刺身等其他日式料理選擇。就坐後先來兩杯提子乳酸梳打特飲，粉紫色的飲品頂部有層厚厚的泡沫，味道甜甜帶微酸，飲品內的提子皮更帶多一點口感。定食的前菜是茶碗蒸和沙律，茶碗蒸的蒸蛋非常嫩滑，而廚師在蛋內加了不少日式元素令整個蒸蛋一點都不單調。主菜定食除了味噌湯外還有芝麻醬豆腐和淮山茸配蛋黃，以淮山茸配蛋黃作配菜比較少見，口感似納豆，店員貼心提示加入醬油和芥末混入飯內一起進食味道最好。主角牛舌的確無懈可擊，過往坊間的牛舌口感大多似牛餐肉，導致食慾大減。而廚師以炭爐燒至剛好，中間留有一點紅，口感煙韌，而焦邊更帶著陣陣的炭香味，回香十足。除了定食外亦可單點牛舌串燒，味道同樣精彩，令人一試難忘。

星期五想和同事午餐吃好點，便選擇了位於澳門逸園中心的一杯屋。此餐廳位於銅鑼灣站D出口附近，相當易找。午餐選擇豐富，我便選了蒲燒鰻魚定食。先上了沙律和茶碗蒸，前者新鮮開胃，是不錯的開始。而茶碗蒸內有菇及蟹柳等材料，蒸蛋滑溜香口。再來是餐廳著名的燒牛舌，師傅把牛舌燒得剛好，外皮帶微焦，有咬口得來又不會過韌，只需簡單的調味已相當美味。鰻魚定食更附上芝麻醬豆腐及麵豉湯。鰻魚份量十足，白飯亦軟硬適中，值得一試。

呢一日無無聊聊又來到銅鑼灣，記得上次來啱啱好中央圖書館開放每節一小時時間，今次因疫情嚴重都冇得開，咁就到希慎廣場嘅『誠品書局』行一轉，行到肚餓又搵食，諗起朋友介紹過嘅呢間標明有日本東北仙台嘅名物牛舌嘅舖頭，一於來懷念吓當年喺仙台食牛舌，食銅蠔，觀海鷗的日子。呢份就係極上炭燒牛舌定食，師傳即場喺你面前用炭火燒，未食聞到香味已流哂口水，微微焦香的牛舌燒到恰到好處一啲都唔會韌，好滋味，餐廳日式嘅裝修風格加埋燒脷令我感覺真係喺仙台咁。而成個set仲配有嫩滑麻醬豆腐，點牛舌嘅sauce，白飯和特别的白色的淮山蓉，零舍好吖。

晚餐我吃的是鰻魚飯，燒得很香很肥美，但是份量不多，飯只有約一碗，不夠飽......😢燒牛舌都好食，但是等成15分鐘有點太久了，整體來說，不會批評他的食物質素，但是性價比不高，所以也不會再回來吃。

係銅鑼灣大把野食, 但一條友都唔知揀咩好, 打電話問左個地頭蟲! 介紹左我去一間日本食店, 叫一杯屋! 嘩! 我立即醒神,因為之前食過,係值得推介,今次更岩我一條友一! 呢到個座位有order枱,又有吧枱! 吧枱真係岩晒我呢啲一支公! 日本野真係好岩我口味,仲好岩我食, 一個人叫個魚生飯之餘仲可以叫個串燒當小食, 立即無咁dry!一杯屋特式魚生飯,魚生類別多多,有埋蝦, 仲要生鮮!至於本人就再嗌串燒當小食咁食,成件事真係完滿晒!黎完再黎真係無錯既!!

自己同朋友一向都鍾意食日本嘢，因為覺得啲嘢食都有基本水準，因為出開銅鑼灣，所以就嚟依間一試了。可能因為武漢肺炎嘅緣故啦，聽聞呢一間餐廳平時都好full下，但今日真係得返兩三台客，所以我覺得呢一間都算清幽，我都不時同呢一度嘅師傅傾吓計了解下呢一度嘅情況，佢仲介紹咗兩個菜式俾我！#上壽司卷物拼盤本身都話想食壽司，所以佢就嚟咗個刺身盛-.海膽:唔屬於好creamy嗰隻，但鮮味，加埋青瓜食落好清新-.油甘魚:好滑並且魚油適中-.赤蝦:有成兩隻手咁大，蝦肉結實，哈味都好重，個頭好多膏！-.三文魚腩:個樣真係好靚，食落幾乎入口即溶，魚油10分豐富#雜錦吉烈拼盤定食呢一個炸蝦拼盤亦都非常之出色，佢唔算太油，亦好有天婦羅嘅口感!很好炸蝦!!真係幾新鮮，食落蝦肉非常之結實，對於我呢一啲唔係好食得有嘅我都覺得唔錯唔錯！呢一間鋪頭真係出乎意料之外咁好食，我相信下次都會再過嚟同朋友一齊試吓！多謝OpenRice介紹左呢一間餐廳俾我

好開心，今日我終於試到一間超我心水既居酒屋，首先要讚利到既侍應服務態度好好，比起啲野好唔好食，我覺得餐廳對待客人既服務態度都非常重要，食得開心最緊要，同埋餐廳啲野真係好好食。我地一行三人，叫左鰻魚青瓜卷，香煎鵝肝，照燒雞扒定食，雜錦吉烈拼盤定食，無一樣野係我要踩既，全部都好合我意，所以真係食得好開心，好想分享，首先香煎鵝肝真係好好食，煎得好香，口感非常好，鍾意食鰻魚既人可以試下佢個鰻魚青瓜卷，我個人都好喜歡，有機會我會再返黎食。地址：銅鑼灣軒尼詩道525號澳門逸園中心8樓

係屋企困得耐真係好悶我個大板之旅又泡左湯真係灰機到爆見咁唔開心 都真係要出街放縱一下去銅鑼灣行街肚仔餓食乜好呢既然冇得去大板 咁就去食下日本野啦心思思 好掛著上次食過既一杯屋於是就決定左要過去食返餐而家出街食飯都好注意衛生入到黎覺得好安心因為見到店員好用心做好消毒叫左個炭燒開邊花魚定食開邊花魚燒得剛好 有香香既炭燒味外皮酥脆 但同時肉質鮮嫩 感覺新鮮果碗飯都唔簡單嫁食落粒粒分明以外 仲口感軟糯另外我仲叫左個個串燒鰻魚一啖一串 好香口呀最岩我呢d 又想試多幾樣 又一個人去食既人食完可以話係齒甲留香

今日呢到大家介紹番,一杯屋呢間既日本料理有幾好食!有日收工要自己一個食飯.誤打誤撞,睇個相頭好似唔錯,就入左去食啦.入到去環境唔錯,一個人食都唔會怕醜,我叫左個魚生飯既定食同一個Dessert Platter, 一出到嚟有驚喜wo!苜先個魚生定食,放得好靚,好似著左裙既蝦,一塊塊唔同既魚生好有美觀,我個人中意好多wasabi 放晒落去立刻提晒鮮呀!好正好好味之後有個dessert Platter 都好靚,仲要有唔同款食落去唔會好甜,好唔錯,做得好細心

今日我想推介一間係銅鑼灣 澳門逸園中心 嘅日式餐廳 呢間餐廳係朋友推介 今日咁岩係銅鑼灣買野 就決定試下呢間叫一杯屋嘅日式餐廳 我地一入到去 店員就好快過來招呼我地 餐廳環境都帶來一種和風嘅感覺 好似去到日本咁 之後我要講講 呢到啲野食最先來左個 五花腩炒拉麵 呢個炒拉麵做得好正 味道好豐富 個五花腩好出色 豬味好濃 十分推介 之後再來左份燒雞皮餃子 個雞皮金黃鬆脆 仲好香雞味 最後我要推介呢款香煎鵝肝 因為我本人極鍾意食鵝肝 鵝肝煎得岩岩好 散發著淡淡鵝肝香味 食落去非常正 佢下面仲有沙律菜可以中和下 呢份鵝肝非常惹味 好推薦大家來依間一杯屋 感受下和風美食