一杯屋

營業中

休息中

一班朋友仔得閒至鐘意一齊飲下酒，食下串燒，吹下水。呢間酒居屋可以滿足嗮我哋嘅需求，所以經常約埋成班朋友嚟幫襯。上個星期有朋友搞掂個大project，大家就約出嚟賀下佢。當晚去到人唔多，所以唔使等位。我哋5個人都點咗好多菜，大家都好盡興。菜嘅分量少啲，但係味道夠好。極上炭燒牛舌係招牌就梗係唔少得啦，特別佢啲小食味道都好惹味，特別適合做下酒菜。我個人比較鐘意七味魚翅、海老春卷同串燒雞拼盤，每次嚟食必點。佢個新菜單其實都仲有好多刺身、壽司同主菜可以揀，嚟食晚餐都OK嘎！

閨密飯聚~要搵個地方舒服談心介紹左我黎哩度環境都唔錯呀傳統日式木系風平日嘅7點鐘時間店內大概有4枱客人最開心係見到有咁多支酒囉~枝豆配生啤傾計吹水最佳配搭枝豆外面嘅調味鹽份量適中厚燒牛舌芯好好味喎!爽口肉滑而且肉質嫩滑~調味剛好不過配菜就差啲...同個牛舌好似唔係好夾咁燒雞胸軟骨都好香脆又係送酒之選~五花腩車厘茄串入口已經食得出炭燒味車厘茄酸味同腩肉嘅脂肪剛剛中和左牛油大啡菇厚肉大啡菇真係點燒都好味但係面頭啲好似紫菜咁嘅Topping呢就好似破壞左隻菇咁囉而且食完如果痴牙仲好尷尬添好在我只係對住我閨密燒菠蘿係我覺得今餐第二好味嘅燒得好香又夠甜~做最後一道菜真係唔少得證明我無點錯~呵呵!傾吓講吓飲吓食吓咁就坐到人家準備打烊啦^^

好耐冇出街食飯啦,今日出銅鑼灣同朋友一齊搵下有咩飲酒食串燒chill下ge 地方突然搵到間有雞串燒5折ge串燒店就上黎試下上到黎都有十幾位, 都隔到幾開,防疫意識幾好求其嗌左幾樣野食,因為都係想飲下酒搵d野送下酒傾下計,但又意外地都幾好食wo是但影左幾張相,因為都掛住食唔記得影呢個幾好食,外脆內軟, 仲有d小肉添 呢個極上牛舌不得了,似足仙台利久果隻做法, 燒到5成到7成剛剛好識食牛舌一定係錦食跟住就係錦同朋友飲生啤就埋單走ｌｕ整體體驗唔錯， 係員工少ｄ，不過疫情關係，都無辦法最緊要係炭燒果陣味同野食質素姐炭燒係香港唔多，價錢比一般高左少少，但備長炭真係唔同ｄ

疫情期間都少左出去加上限聚令攪到個個朋友都勁心歸哩日難得約到朋友出城餐廳又開始有返晚市呢咁我哋Happy Hour就揀左哩間餐廳啦！明顯依家啲食市都無以前咁滿坐啦之前黎哩間要訂坐，但平日哩個時間walk in就可以。豚肉蕃茄串薄切豚肉片卷住車厘茄，豚肉燒得脆脆嘅，咬落蕃茄又好Juicy~超match, 而且口感好Frash！！！茶碗蒸係每位嘅前菜配仲串燒都可以清清炭燒嘅濃味嘅～雞軟骨雞軟骨not my飛弗但睇落都燒得唔錯嘅～燒雞心燒雞心就岩我啦爽爽的口感同樣是外面脆脆的裡面肉汁依然，好味！❤️燒雞翼感覺無乜太大特別啦！都係燒物咁囉～兩件豬朋都係要聚吓嘅～如果果日無揸車仲可以飲吓酒添，因為見哩度都好多清酒選擇😋下次再約多啲朋友去先得！！！

好耐無食過日本嘢，係時候要食吓前菜：茶碗蒸好多冬菇，蛋質地似蒟蒻，有啲彈性幾特別油甘魚刺身魚油豐厚，魚肉爽身紮實，唔會散開，無腥味無血水松葉蟹肉溫泉蛋沙律松葉蟹肉比軟乾身易夾，沙律菜爽口，蛋味濃厚，少酸少甜和風沙律汁好啱胃口魷魚一夜乾迷你蛋糕鍾意食軟體動物，以為係魷魚乾，點知唔係，仲要唔乾唔韌，無汁但焦香味十足鰻魚盛2片鰻魚鋪滿紫菜香噴噴，飯粒分明粘性高，鰻魚汁甜味唔重夠味，2個人淺嚐可以試多幾樣嘢仲好

由大概十年前開始，我就經常到一杯屋食lunch。即使後來已經唔再喺港島工作，一有時間都會專程去食個lunch。最喜歡仙台式牛舌，次次叫1.5人前，果d 味噌辣椒仔、漬物菜、牛肉京蔥湯、仲有茶碗蒸，同埋自取飲品吧嘅咖啡，夾埋一齊，就係一餐我最喜歡嘅午餐，有時大食，仲加一串串燒食下。次次黎食，都會有一種幸福嘅感覺。呢個餐廳，可以話係我一個秘密花園。19年中，某日再返去食，侍應都仍在，負責燒烤的廚師不見了。餐牌換哂樣，送上的食物完全變了個模樣，當然，味道都不同了。很失望，那種失望是接近想喊的。然後我也不敢再去了。直到最近，突然太想食了，翻開openrice, 竟見到20年中有出現過擺盤極似以前的照片。我立即book 檯，期待著奇跡。可是，一進店門，一張熟悉的臉孔都找不到。職員不旦一句日文招呼都沒說，連說廣東話都是滿滿國語口音。自取飲品吧也沒有了。餐牌不同了，送上來的食品也不同了。明明吃了一頓飯，但我覺得吞下去的更多是失望與傷感。已經找不回以前在這店幸福的感覺了。不知以前得店主怎樣了？以前的侍應和廚師又怎樣了？ 希望你們安好。

難得約朋友晚飯，一心想食日本烤肉或串燒，搜羅一下，見到呢間都幾多人like，又有優惠幾吸引，決定一試。睇清楚，原來星期五星期六冇優惠，我哋主要都係想見下朋友，於是都唔緊要照去食。入到餐廳，見到坐滿人，有三個服務員，入座都算順利，當開始點菜就知道中伏！三個服務員當中，只有一個識得落單、跟單同埋單，我哋嘗試找其餘兩位服務員幫手，佢哋一時扮睇唔到我哋，其實餐廳範圍都好細，一時就話落單一定要搵另外嗰位服務員。嗰個唯一服務員雖然好有禮貌表示好快會幫手，結果都起碼超過20分鐘之後才開始幫我哋落單。食物都唔算等咗太來就陸續上枱，但只係微溫、唔熱，味道唔算難食，但水準屬於中下。有幾樣食物，等咗好耐都冇到，於是嘗試詢問，又要等左15分鐘嗰個負責嘅服務員至得閒回應我哋。查核後發現漏單，佢表示即刻幫我哋跟進。奇怪事情又發生！另外一位服務員居然走過來並好肯定話我哋已經食咗牛小排，我哋都好肯定話俾佢知我哋一樣牛嘅食品都冇食過，佢完全唔信我哋仲入廚房攞返一隻有餸菜汁嘅碟出嚟話係用果隻碟裝住，我哋實在莫名其妙，雖然嗰個唯一負責服務員即刻出嚟制止佢，我哋已經非常掃興，準備結帳離開，但嗰個唯一服務員表示漏單嘅食物已經準

朋友上網見到有優惠，每2人減100蚊咁抵，梗係要幫襯下啦！我地三個人，一個減緊肥，應該唔會叫好多野食姐，抱依個諗法你就錯喇！因為嗌幾多都根本唔夠食！To be fair, 依間野食既味度係好既！碟碟都熱辣辣，新鮮製。同埋各種調味都洽到好處，單從味覺出發佢係滿分既💯。之但係佢每一樣野都好似俾哈比人食咁，份量細到只係夠正常人zip牙罅，只能夠講，吹水飲下野，搵小食佐酒係ok既，當晚餐就諗多左喇，認真酒微菜薄。我地成張單減完個100蚊每人都要俾四舊幾，好似食風咁。完。彩蛋就係，我哋三個嗌左支sake飲，待應俾左三個杯，再直接幫我地倒埋酒，我地飲之前，見到杯𥚃面有飄浮物，多口問一問個待應，佢話隻酒本身係有渣，冇咩問題，係咁㗎喇......⋯⋯哦...ok我哋mi埋眼一飲而盡！

二人行，早一天訂位，第二位半價。 到達後，人已不多，感覺有點冷清。點了兩份午餐，上牛舌及西冷牛扒，再加$48要前菜、湯及蒸蛋。先來了前菜及蒸蛋，接近食完才告知沒有牛扒。午餐選擇本已不多，硬要選了雞扒。牛舌味度是好的，但是不是熱燙的。雞扒，就是一般到一般的雞扒，唔值呢個價錢。整體用餐感覺不爽。侍應好像只有一人，雖然她很努力招待，但人手不足也令服務欠質素。最後連甜品也忘記奉上，埋單第二份半價，都唔覺得抵食，不會有下次。

我唔知點解啲人話好食，可能我今日食嘅時候特別唔好食。佢話晚市前菜每個人要加$30，但係前菜得一個蒸蛋。個蒸蛋仲要凍哂，唔講以為食緊甜品。叫咗五花腩、雞翼、紫蘇卷、雞皮、稻庭烏冬。坐喺度幾乎45分鐘都冇見過個烏冬。雞翼入邊啲肉非常粉紅色，我以為自己去咗深山燒雞翼，得個燶味。五花腩都算正常，10分大概有4分左右。出餐非常之慢，慢到坐咗喺度九個字只係食咗五花腩同雞翼，仲有個雞翼餃子。呢個錢唔係問題，特登嚟食即係畀得起，問題係點解可以咁難食同埋咁慢？衷心希望依家要反省下，再唔係快啲執笠，呢個體驗差到爆😀我終於知道點解上到嚟咁冷清，請我都唔會再食，大家自己諗吓啦。

星期日8：00上到去見到冇乜人心諗係咪伏。。坐低左連杯茶水都冇 要叫到先攞來基本服務都冇！！牛小排好鞋好乾好韌完全吾juicy！！有幾件完全咬唔開要吐渣牛油果蟹子沙律牛油果好硬，求其切左片就放喺上面油甘魚刺身$16x 得三件都算主要係吾新鮮，好乾身此店主打串燒，但食材選擇不多另外份量實在太！少！了！雞皮餃子細粒到攝吾到牙罅燒番薯得三片，無錯，糸薄薄的三小片另外order咗一罐可樂，但係竟然用玻璃杯上桌，好明顯係汽水機斟出嚟！如果你冇罐裝，係咪應該同我講咗先？我食放題都有罐裝啦！無下次了～～

禁制令生效前一晚爭取在銅鑼灣晚餐，用openrice 訂座，有買一送一串燒優惠。我們比較早6時半便已坐下，待應哥哥有禮親切，先問一問第是否一次來。然後介紹了餐牌內容。我們點了一枝720ml 清酒，打算慢慢飲慢慢食。餐廳送了一個蒸蛋，味道夠鮮，雖然材料不多。雞翼串味道味道不夠出色，只屬合格。魚干先在爐上烤一烤然後送上，第一口仍是溫暖的。但後來卻變得太硬，要嘴嚼許久。雞串拼盤，雖沒有優惠，但屬於比較高水準。牛舌，味道不錯，可惜有筋。雞翼，燒得火喉好，但味道卻不算突出。合格而已。秋葵，加了木魚粉，很好味。燒菠蘿，本身菠蘿都不錯夠甜。

今日自己嚟到銅鑼灣嘅間呢家日本餐廳食lunch，一進到餐廳，睇到呢度嘅裝修十分明亮簡潔又唔失風雅，有日式小包間，吧檯還有大堂嘅小台可以選。我哋睇佐下餐牌，上面噶嘢食種類好多，有炭燒、刺身等，可以滿足唔同人嘅口味。我點咗一份$188嘅法國芥末籽醬牛柳，牛柳外層肉色灰褐，內裡輕帶淡淡粉紅，聞上去有淡淡嘅芥末香，咬下去嘅口感細膩，肉質緊致，脂香均勻而且芥末味唔會太過濃郁。雖然呢指點咗一道菜，但係好彩冇踩到雷，呢個牛柳非常唔錯，系抵推薦嘅。

公司樓下的店，之前一直以為菜單只有串燒，所以還沒有去光顧過，但是上個星期五被同事帶去試過後，我發現了驚喜！當晚同事請吃飯，大家都想吃日料，所以有人推薦了這家居酒屋，一是距離近夠方便，二是菜式選擇多，三是適合小酌聊天。落座後看了菜單，才發現除了串燒外刺身、壽司的選擇也很多。大家輪流點了幾款，我還是主攻刺身，試了也證實我的選擇不錯哈哈哈哈。菜式整體水平不錯，服務也挺好的，服務員會主動添水之類的。看來以後吃刺身又多一個選擇啦！

上個星期二去銅鑼灣見客，見完已經一點几，飢腸轆轆，就在附近匆忙找吃飯的地方，路過澳門逸園中心樓下見到這間居酒屋的水牌，覺得不錯就去試了一下。進去後才發現原來是主打備長炭燒的專門店，午餐時間人還是蠻多的。因為是第一人又是第一次試，所以我只簡單點了個海鮮炒飯，然後又點了兩份串燒。上菜速度挺快的，味道都還不錯，最喜歡的是炭燒鰻魚，醬汁很香，火候也剛好。這個分量我一個人吃剛好。下次如果再過來還可以試試其他菜。