一杯屋

營業中

休息中

叫左啲壽司刺身同串燒食，啲壽司/刺身好新鮮食落好鮮甜好好味，絕對對得住個價錢！串燒全部都係即叫即燒，因為好多人，可能要等耐小小，但係值！用料都係用日本材料，都好好味~！🐰

牛舌好食，一咬落去肉汁爆晒出嚟。個人覺得咬口唔錯。五花腩嘅肉同肥膏比例好絕！一食難忘，食個陣要準備紙巾d油係嘴角流晒落嚟。五花腩秋葵係我屋企人叫，個人唔鐘意秋葵，所以評價唔到。嘢食火喉好夠，但同時又唔燒窿，香口得嚟又有炭爐味，好有水準。粟米同南瓜普普通通，都係甜同熱，講真嚟得居酒屋，除咗感覺健康d, 先點一兩樣蔬菜架啫。去到個度梗係食肉啦！但餐廳人手好似唔係好夠，樓面嘅人又唔多。但睇在食物會再幫襯！

獨自一個人到銅鑼灣食串燒，飲下酒解悶！第一次到呢間舖試，環境算幾好， 店內客人不多， 一看只有兩位服務員， 睇完佢個ipad menu之後便 order咗幾本串燒及小食！ 八爪魚丸子及餃子雞翼都好'啱我口味！非常滿意 串燒方面有 五花腩串 牛舌串 五花腩秋葵串 雞皮串 牛油粟米 同日本南瓜！ 味道 唔會太鹹 有炭烤味，送酒一流！我好自然地叫多咗兩杯啤酒！ 令我感覺一個人晚餐都唔會悶！非常滿足，雖然只有兩位服務員但態度非常好！我應該會一個人再來!

見到咁多好評，嚟試吓啦，點知極度失望。首先個燒雞心嚟咗，有啲燶燶哋，唔緊要啦， 照食。我見牛吞好多推介，但係偏un,味道普通. 跟住個鰻魚飯嚟到真係唔知點反應， 成舊炭咁， 食落口成口炭味， 同職員反映， 完全無意幫我換過。 我叫佢之後嗰啲唔好燒得咁燶，點知個雞肉大蒜嚟到又係燶晒，雞肉除左炭味都食唔到啲咩其他味道。 日本蠔都算新鮮， 個炸魚仔比較好， that’s all .... 黎居酒屋點知最失望嘅係串燒。我既結婚紀念，真係好掃興。

夜晚銅鑼灣搵嘢食，不想吃太多，想飲番杯食串燒，見到這個好似幾多like ，Book位後去食，但是食時串燒份量超級少，每串吾夠半串，燒到只見竹籤，也是炭一樣，睇見都唔想食，也只有苦味，比放題嘅還差太遠了，食完要去其他地方再食過，我叫咗一輪嘢，即刻要轉場，飲品也浪費了，服務也超差，食完一肚氣，食後一定會後悔來！叫嘢飲又耐，吹了又來錯，又要再等，一定不會再幫襯！也絕不會推介人去，本人不喜寫食評，以免大家再行差踏錯，所以特寫這評！！！個人食後也感覺得，此店為何有如此食評，實在感到驚訝及惋惜！總結係份量極小，全部都燒到得支竹籤，而且很苦，食完我要再去其他地方再食過，食完一肚氣。想中是重中之重，人間竟有如此極品！得支炭都可攞俾客人食！吾信自己睇相！如果評分可吾比星，是一粒也太多了！

完全係垃圾.中曬伏！！排隊搭Lift上去已經浪費成半個鐘（咁啱壞Lift）.上嘢食慢到好多個個點..每10分鐘上一串.仲要係迷你版.燒到濃曬.完全唔值呢個價錢.唔會再食第二次！其他都已經唔想提.最過分個南瓜.一上台已經飄住陣腥味！南瓜點解有腥味！！猜不透！食落成口濃味！已經唔好提個燒蕃薯！

因為要儲一次里數而訂了此店，結果是中伏了！食物： 串燒分量少、 調味偏鹹、 燒得乾爭爭， 就算是冷麵湯汁也是淡而無味服務： 全埸只有兩位侍應， 他們已經盡力但要serve 全場服務當然是叫天不應叫地不聞更不能接受的是一杯茶竟收30蚊但收費的茶一點茶味也沒有，這不是趕絕客人回頭的機會嗎？總的來說，就算是用了他們的每2人減150蚊優惠，性價比來說也是十分之低，可取的可能是他們便利的位置及由於不太多人訂座last minute 也訂得到罷了。

是日Happy Friday, 相信全香港嘅打工仔都非常期待放工之後食餐好嘅滿足吓慰勞吓自己終於辛苦完一個禮拜 於是我就試吓呢間聲稱用爐端燒嘅正宗日式串燒店。menu種類 非常少 可能你會話 "咁貴精不貴多姐"但係sorry, 佢嘅串燒完全係吹大咗 味道好一般 等待嘅時間亦非常耐最恐怖嘅係一道名為 一杯屋海之幸丼 我咁大個人都未食過咁恐怖嘅飯 極度懷疑師傅係唔識切魚生 等咗足足半個鐘都有 拎上嚟嗰吓我當堂嚇一跳 魚生連啲筋完全冇整理過 成件事raw到好似你去超市經過見到嗰啲生魚放上飯上面咁唔怕直接講 如果老細冇信心嘅 不如直接menu度取消呢個飯如果你自問係玩命師 建議你一試

講起日本菜 第一時間諗起嘅都係食omakase/壽司刺身嘅餐廳 而家最中意去嘅始終係居酒屋🤤 食下串燒 嘆番杯啤酒 簡直一生一大樂事🥰 今次試左呢間位於銅鑼灣樓上舖嘅居酒屋😜一入到去就被告知每位要加$30 for前菜(茶碗蒸)同菜芥🙂 叫左一份炭燒上等牛舌 一個櫻花蝦蟹肉炒飯 燒雞翼 燒金菇肥牛卷 同埋燒五花腩盧荀串😛食物質素中上 最令我印象深刻嘅係炭燒牛舌 首先燒得好香 仲要係岩岩熟 肉質超嫩 一咬落去有少量血水滲出 如果怕血水記得叫廚房煮熟啲喇😂 其他串燒無論味道定燒嘅火侯都唔錯 蟹肉炒飯都好足料 份量幾大👍🏻總結 呢間居酒屋食物質素中上 係略嫌有啲貴 除左要收每人$30作前茶同茶芥之外 菜式嘅定價都比較進取 雖然係幾好食嘅 但性價比真係唔高 加上出面有更多選擇嘅時候 我自己都未必再幫襯😉Speaking of Jap food, omakase/sushi/sashimi has always come to our mind. But my fav kind of Jap resto is actually izakaya - where you get to enjoy sk

今日朋友生日隨便搵左間係銅鑼灣嘅居酒屋店內環境裝修到有日本風味我地星期六大概7點黎到唔算多人大概半滿坐低之後店員遞左部ipad比我地話教我地用我地以為係有system落單啦但原來係上面只係有相落order都係要叫人黎哈哈講返野食e個帶子真係幾新鮮不過價錢唔平串燒黎到嘅時候都係熱辣辣嘅不過都等咗好耐先到牛舌係我食左中真係算好好味嘅牛舌有照口得黎唔銀不過呢一d都唔平要成$238一碟蟹蓋好似我係東京試過嘅味道係香港第一次食到e個味道飯糰就正常發揮啦魷魚又落order到黎到足足等咗個幾鐘不過係燒得好味嘅炒飯有蟹肉味整體黎講距e到可能人手唔夠無論落單定係上菜都好慢不過好彩有朋友傾計食物quality係好嘅每一樣都唔錯不過價錢都算偏貴題外話e到個電話永遠都無人聽我地有朋友生日 想買蛋糕 已經打左好多次電話問切餅費都無人聽終於當日有人打黎confirm book問左先知要$100切餅費問題係我的已經訂左蛋糕如果距地有蛋糕我地真係會幫親其實e到d野食都唔平係咪可以唔收e個切餅費呢

因為朋友食過介紹左我去食，上次就同幾個朋友去左食，好好食，備長炭燒燒得好香又燒到啱啱好~！環境舒服，好啱同一班朋友去食下串燒飲下酒~服務都好好，下次會再去~！🐰

鮮有的餐廳使用日本正宗備長炭燒，雖然食物種類選擇不多，但絕對有水準，非一般炭火串燒可比美，大部分串燒味道不錯！推薦食物：炭燒牛舌、白鱔、大黑菇、明太子飯團、炸池魚仔！

朋友仔最近同gf分咗手，想哎我同佢飲酒消愁，我就話飲酒太多傷身，不如食下串燒開解下你啦，於是就約咗上嚟食嘢傾計。講真，有段時間未嚟幫襯過，好幾樣朋友仔鐘意嘅菜式都冇咗，好彩朋友仔冇心情顧及呢樣嘢，所以我就點咗我鐘意食個幾樣（牛小排、燒雞軟骨、燒白鱔、燒五花腩露荀串等等）哈哈哈。本來以為朋友仔會食不知味，點知最後佢竟然話今日食到嘅燒白鱔同燒羊架仲唔錯，佢好鐘意，但係隻鷄翼就燒燶咗少少，仲話我係唔係唔想佢睹物思人所以特登唔點佢鐘意食個啲，因為佢之前常日同gf嚟食，咁我梗係岌頭啦。另外，同大家推薦下佢哋啲日本雞串燒，真係幾OK嘎。

那日和朋友在銅鑼灣逛完街，想找個地方吃飯聊聊天，於是就在Openrice上搜到附近這家居酒屋，看了菜單覺得幾多不同菜式可選擇，所以和朋友一致決定試試。去到的時候其實人不多，很開心不用等位，不過也有點擔心菜品會不會一般，而且當時店裡好像只有一個服務員，還好點的菜味道都不錯，服務也還算周到。當晚我們兩個人，從沙拉、主菜到串燒都點了，有松葉蟹溫泉蛋沙律、美國牛小排、龍蝦烏冬、餃子鷄翼、三文魚籽手卷、燒鷄翼和燒南瓜，吃得幾飽，人均$350左右吧。

啲fd話我係一個可以將串燒當飯食嘅食貨，一般大家都係有第二個胃裝甜品，但係我就有第二個胃裝串燒，哈哈哈哈。。。可想而知當我發現呢間全港首間備長炭炭燒專門店嘅時候，我有几興奮，而且急不及待就趕過嚟試！首先，我對呢次串燒之行嘅整體評分係8分，如果價錢再優惠啲會多得一分，另外留翻一分俾佢有進步嘅空間。不過其實呢餐我個人覺得值得噶，因為味道真係好好，我鐘意食串燒，所以食得好滿足。而且佢啲菜嘅分量，比較啱女士，特別好似我呢挺樣樣都想試下噶，多點幾個都食得嗮，又或者係我胃口比較大？哈哈。。反正鐘意食串燒嘅，真係唔好錯過，可以嚟試試！