一杯屋

營業中

休息中

朋友仔最近同gf分咗手，想哎我同佢飲酒消愁，我就話飲酒太多傷身，不如食下串燒開解下你啦，於是就約咗上嚟食嘢傾計。講真，有段時間未嚟幫襯過，好幾樣朋友仔鐘意嘅菜式都冇咗，好彩朋友仔冇心情顧及呢樣嘢，所以我就點咗我鐘意食個幾樣（牛小排、燒雞軟骨、燒白鱔、燒五花腩露荀串等等）哈哈哈。本來以為朋友仔會食不知味，點知最後佢竟然話今日食到嘅燒白鱔同燒羊架仲唔錯，佢好鐘意，但係隻鷄翼就燒燶咗少少，仲話我係唔係唔想佢睹物思人所以特登唔點佢鐘意食個啲，因為佢之前常日同gf嚟食，咁我梗係岌頭啦。另外，同大家推薦下佢哋啲日本雞串燒，真係幾OK嘎。