一杯屋

營業中

休息中

一班朋友仔得閒至鐘意一齊飲下酒，食下串燒，吹下水。呢間酒居屋可以滿足嗮我哋嘅需求，所以經常約埋成班朋友嚟幫襯。上個星期有朋友搞掂個大project，大家就約出嚟賀下佢。當晚去到人唔多，所以唔使等位。我哋5個人都點咗好多菜，大家都好盡興。菜嘅分量少啲，但係味道夠好。極上炭燒牛舌係招牌就梗係唔少得啦，特別佢啲小食味道都好惹味，特別適合做下酒菜。我個人比較鐘意七味魚翅、海老春卷同串燒雞拼盤，每次嚟食必點。佢個新菜單其實都仲有好多刺身、壽司同主菜可以揀，嚟食晚餐都OK嘎！