好難飲 叫左一個柴茶奶茶一個紅茶奶茶加珍珠 咁多人等以為應該好味 D 茶味好淡 已經叫左微甜都甜到想嘔 奶味又唔濃 好似頹西餐廳整果d 奶茶水咁 然後珍珠超甜 甜到唔想食 兩杯都飲左兩淡就放棄左 唔明點解咁多人

過去數年 同另一半一有咩特別日子慶祝都會想黎呢度食 夾夾埋埋都次都十幾次 因為真係質素好好 但疫情期間黎已經退步左啲 以為只係暫時嘅 都可以理解 事隔大半年再黎 今次真係覺得要再搵食堂了 如果以前有食開嘅應該都會被個變化搞到好心痛： 首先一定要講鵝肝 以前鵝肝係又大件又厚又juicy又好味 依家變左一塊比較似係煎鵝肝醬嘅野個樣仲要似午餐肉多過鵝肝 另外以前有擺鵝肝醬出黎搽多士 尋日都搵唔到 然後係芝士 以前係有brie 食 尋日去大部分都係羊奶芝士同藍芝士 以前仲有龍蝦濃湯真係勁好味但依家變左南瓜湯 仲有雪糕 以前係自家製嘅口味 有芒果糯米飯同港式奶茶味都係我至愛 今次兩個都冇哂 其他好多野都硬係差以前少少 我諗佢地一係換左人管理一係真係經濟差cut cost? 不過咁樣嘅改左真係留唔到舊客... 唉 好可惜 我寧願佢加價 多謝你過去咁多年喺我地重要嘅日子俾左我地咁舒適滿足嘅慶祝回憶... Bye bye 喇君悅咖啡廳。

見到新開，openrice 又冇劣評，裝修又幾靚，就去試下啦。 但真係唔識欣賞！ 我地叫左兩碗麵，一碗酸辣一碗原味。首先份量睇落都幾細，牛肉幾少，係牛展，勁薄勁薄。然後有幾片豆腐，係，係用片做量詞，因為又係薄片，我都未食過咁嘅形態嘅豆腐。 然後好多蟲草乾咁嘅野。啲麵還好啦，一碗叫左刀削麵一碗叫左粉絲。 但d 湯真係好失望。 先講酸辣，我一飲完全係冇牛肉湯味，完全係飲醋咁！ 我完全食唔到，因為真係太酸！反映完就話整多個俾我，其實我想佢俾湯底我溝就算...但佢話整過，咁我都接受。返黎都仲係酸但可以接受到，唯獨係d 麵應該都仲係原本嘅麵，所以已經吸左太多原有嘅湯，酸到條刀削麵咬開都係酸。未食過咁怪嘅牛肉麵！ 另一碗原味都麻麻地，湯底冇牛味，係甜甜地。 仲叫左個蛋餅，就正正常常啦。 本身想叫甜品但碗麵咁嘅味咁嘅價錢，我地就都係cut loss 走人。 店內都幾多客人，唔知大家係咪真係咁唔同口味喇，我就唔會再食。

住附近，經過幾次見都多客，又裝修好靚，就決定搵日一試。 今日黎到，唔算多人，進內時覺得短金髮waiter 態度麻麻，但都仲係想試。 同另一半一人叫左一樣野，佢係all day breakfast, 我叫左lunch set 西冷牛扒，medium rare。我仲滿心期待。 沙律呀，包呀，咖啡都正常。 我個牛扒黎到我一切落去就勁不安，點解個質感咁似落左梳打粉？？？ 一食入口，同茶記比我覺得都侮辱緊茶記！我完全唔知擺緊咩入口！好似膠狀嘅口感，完全食唔到肉嘅質感同味道！果一下我覺得自己叫medium rare 真係好荒謬，你會唔會去菜餐廳叫牛扒然後叫medium rare? 個廚師大概都覺得好笑吧？ 呢間餐廳，除左個裝修靚，啲碟靚，食物質素根本唔符合佢成個setting! 冇料扮上流，用劣食質素收你西餐廳價錢...好冇良心。 我真係嬲到食左一啖就冇再食，留返哂喺度，俾錢時金髮侍應問個牛扒咩事。我話真係好難食，有咩可能用梳打粉整啲牛扒架？ 佢講左句唔好意思。 係啊，你地咁樣做生意真係應該唔好意思。

由大概十年前開始，我就經常到一杯屋食lunch。即使後來已經唔再喺港島工作，一有時間都會專程去食個lunch。最喜歡仙台式牛舌，次次叫1.5人前，果d 味噌辣椒仔、漬物菜、牛肉京蔥湯、仲有茶碗蒸，同埋自取飲品吧嘅咖啡，夾埋一齊，就係一餐我最喜歡嘅午餐，有時大食，仲加一串串燒食下。次次黎食，都會有一種幸福嘅感覺。呢個餐廳，可以話係我一個秘密花園。 19年中，某日再返去食，侍應都仍在，負責燒烤的廚師不見了。餐牌換哂樣，送上的食物完全變了個模樣，當然，味道都不同了。很失望，那種失望是接近想喊的。 然後我也不敢再去了。直到最近，突然太想食了，翻開openrice, 竟見到20年中有出現過擺盤極似以前的照片。我立即book 檯，期待著奇跡。 可是，一進店門，一張熟悉的臉孔都找不到。職員不旦一句日文招呼都沒說，連說廣東話都是滿滿國語口音。自取飲品吧也沒有了。餐牌不同了，送上來的食品也不同了。明明吃了一頓飯，但我覺得吞下去的更多是失望與傷感。 已經找不回以前在這店幸福的感覺了。 不知以前得店主怎樣了？以前的侍應和廚師又怎樣了？ 希望你們安好。

向來鐘意食台式芋圓甜品 見屏欣開左甜品店仲要引入芋圓甜品 滿心歡喜去試芋圓仙草凍 點知勁甜同埋勁硬 我已經係買左返屋企即刻食 成碗野得d 白色小丸子口感正常，甜度正常 仙草就普普通通唔滑，但好易碎 整體黎講真係非常失望 另外之前試過芝麻糊同埋木瓜糖水，就正正常常 每次都足料嘅，但食甜品唔係為飽肚，係為享受 只能講抱觀望態度 希望店主入貨前真係試清楚唔好心急 同埋希望會繼續改進 芋圓仙草呢d, 請店主至少都去下深水埗出名果幾間試下味，知道自己仲差d 咩！