一杯屋 (已結業)

位於銅鑼灣嘅居酒屋一杯，環境貫切日式風格，部份座位更有屏風作為間隔，同朋友傾計時能保持一定嘅私隱度，好適合三五良朋聚會聊天。一杯屋以炭火烤物聞名，今日特登黎捧下場。先點一串豚肉串燒，豚肉嘅表面燒得輕微焦脆，肥瘦均勻，咬落充滿肉汁同油分，好惹味！再來一客上壽司卷物拼盤，壽司選用左時令魚生片製作，創作壽司色彩繽紛賣相精緻吸引，而且魚生片十分鮮甜味美。法國芥末籽醬牛柳定食，炭燒牛柳果然非同凡響，濃郁嘅炭燒味香氣四溢，配上自家調製嘅芥末籽醬，味道更上一層樓。值得一讚嘅係呢度嘅服務態度非常好，員工經常主動過黎斟茶，又會耐心地講解每道菜式。