一杯屋

營業中

休息中

久違了的一杯屋，意想𣎴到原來由19年6月已經轉手。Menu菜式和裝飾大有不同。牆上面嘅仙台海報變成低俗日式偽浮世繪，以往既牛舌料理，釜飯，宮崎地雞不復存在，換成香港地道日式串燒，疑似fusion菜為主。就坐不久嘗試叫數款菜式可惜大部份的食材都無預備好，魚，串燒既內臟都沒有，唯有勉強選擇些看來可以果腹的主食和肉類，但等待30分鐘只奉上湯和生蠔。再30分鐘後來了牛小扒，大概菜單上的相片是300% 放大吧，相片和實物不乎是意料之內，等份量未免太少，6件肉，相信少於100克的份量。最後來了個推薦的龍蝦讚岐烏冬，也許是沒有暖碟，麵是室溫的，或許是廚司鍾情西式料理和擺盤，份量大概為一人量。可能我不應該對一杯屋有先入為主的概念，要將他當成一個全新的體驗去看待。

今日有朋友生日 朋友話想食日本餐廳 於是我就在銅鑼灣搵了一間口碑不錯的餐廳 一杯屋來慶祝他的生日到了餐廳後 有很多款式的日本菜比我地選擇 我朋友簡左炭燒豬頸肉 而我就叫左個好有特色嘅芥末籽牛柳 最先係豬頸肉來到 睇外表就知佢燒得好靚 一塊塊嘅豬頸肉 相當易入口 口感爽口 亦帶一點點炭的香味 相當入味 再來是芥末籽牛柳 芥末子的味道將牛肉的香味帶出了另一個層次 非常美味 最後我和朋友都決定點一個 集雜錦日式甜品便當 份量剛剛好可以每人一個 哩個配搭最啱啲中意食甜品嘅人 每樣都可以食 相當滿足

🐽仔神神祕袐話帶我去澳門食lunch。原來係銅鑼灣sogo旁邊棟食廈「澳門逸園中心」。仲以為真係帶我去澳門Tim。睇睇個餐牌。有十幾款選擇。教我如何選擇上炭燒牛舌定食～每個set lunch都有前菜。沙律。同埋湯。牛舌牙my飛佛。In in un un 點埋白色嘅山藥一齊食。真係好鬼夾。🐽仔撈埋淨低嘅山藥撈飯食。仲食到Lam Lam 👅炭燒喜之次定食～無🐠不歡嘅為食妹👧🏻揀咗燒魚。大大條。魚鮮味甜。

極之推薦既日式餐廳呢間一杯屋，環境好好👍本身同埋細佬佢地一家3口嚟食既點知細佬突然要開會，趕唔到過嚟😂得返我，佢老婆同個BB食😂BB已經4 years old啦～相信都可以同我地分擔下D野食🙈.我就叫左個和牛粒溫泉蛋飯同一個Dessert Platter甘樣就大人同小朋友都食得啦🥳小朋友見到個飯同Dessert Platter就即時wow!左好大聲😂話好靚!.老實講，吾係我誇張！的確真係好靚😂忍唔住影左幾張相.菜款上齊，就開始食啦～醬汁好香濃，牛就鮮嫩仲好多汁，所以勁香呀!D飯好香軟!BB都話好好味🤣最後，到BB最期待既Dessert Platter甜品係小朋友嘅愛好🤣件件都咁靚，所以佢開心左成晚😂小朋友就係咁易開心咁影滿足！仲要食落去唔會肥膩，清清地，大人都岩哂！唔錯，最後大家都一致評價，呢間正，值得推薦

有日係銅鑼灣 我無意中經過見到一間日本餐廳 叫一杯屋 我決定上去試一試呢間日本餐廳夠唔夠地道 環境同氣氛都幾好 同朋友過來聚餐一流 店員服務質素都好好我就點左一份清酒煮硯 淡淡嘅酒香配搭上新鮮嘅硯肉，比人一仲清新嘅感覺 之後點左份芝士玉子燒 口感軟綿綿再加上芝士絲 簡直每啖都係精華 鍾意芝士嘅朋友 呢個係必點之選 另外我叫左個日式和牛炒飯 調味料平均分配在炒飯上 炒飯也很重牛香味 我最推薦呢一個炒飯 呢一個價錢可以食到咁高質素嘅日本料理 性價比相當之高 大家都可以來試試呢間餐廳

前幾日同女朋友慶祝周年紀念日，緊係要食翻啲好西🥰女朋友就最鐘意食日本野，所以就有咗佢嚟呢間位於銅鑼灣嘅居酒屋，就係SOGO隔離交通超方便！坐位都算幾闊落，裝修別致！鯛魚薄切鯛魚份量多，好嫩，好香魚肉味又好有口感，真係食極停唔到口！溫泉蛋水菜沙律呢個沙律辣辣地幾香口，仲有溫泉蛋，比起平時食開都幾特別！炭燒上牛舌女朋友最愛就係牛舌，呢款角切牛舌厚厚地，好有口感，仲好香炭燒味！稻庭烏冬烏冬好滑，清清地唔錯！

今晚黎到銅鑼灣行街，行到攰，當然要搵野食，由旅食左太多晚火鍋，今晚想食日本野，我地就去左呢一間一杯屋到食晚飯呢間餐廳環境都吾錯，有私人房，又有吧枱位，一班人食飯又得，一兩個人食飯又得，非常好。我地叫左兩樣食物，份量都好大，所以都夠食。第一樣係上牛舌。同一般牛舌吾同，佢地切成一舊舊，但出奇地係吾韌，有燈少爽口，非常好食。配有黑椒汁，有另一個風味，但我個人喜歡吾落汁，原味是最好的碟上重有配菜，吾好睇少個配菜，勁好味，入面有蘿蔔同埋青瓜，加上特別嘅醃制方法，出色，我地成碟清晒第二碟係刺身拼盤，非常大碟同新鮮。入面有真鯛，池魚，三文魚，吞拿魚 同埋 紅蝦。全部刺身都係厚切，一啖係食吾晒，真係好爽，重好鮮甜食晒兩碟，都已經飽飽，坐一陣傾下計，休息下，咁就離開，大家都快啲去試下，睇下啲刺身有幾新鮮

又再一次出動食日本野, 可想而知我對日本料理既喜愛程度今次就黎左一杯屋, 因為OPENRICE睇到佢呢度環境唔錯上到黎果然冇令我失望, 全間餐廳既裝修都好日本風, 做得好細緻我同朋友都唔算太餓, 所以叫左個刺身拼盤有5款唔同既刺身, 分別係三文魚, 吞拿魚, 池魚, 真鯛同埋牡丹蝦刺身鮮味度高, 用料的確係上等食材, 食到個分別跟住就叫左個上牛舌, 牛舌好厚身, 牛香味濃配左特製醬汁, 但係我就覺得唔沾醬會好食D, 因為本身已經夠味同埋咁先唔會影響到牛味有機會要試埋其他野!

今日自己一個人走咗吉銅鑼灣食飯見有啲想食魚生，咁就嚟咗銅鑼灣呢一間一杯屋度食。 裏面其實氣氛都幾好同埋都有幾多人幫襯， 因為自己一個人所以我就試一試佢哋個鯛魚。 叫咗少少酒試下。牛油果蟹籽沙律： 呢個牛油果沙律我覺得好健康嘅，牛油果可以降血脂， 同埋啲牛油果幾新鮮，好夾啲蟹籽， 作為餐前小食我覺得幾開胃同清新。鯛魚薄切: 首先講個主角鯛魚其實呢個魚我覺得幾好食，因為佢真係薄切且保持著新鮮同埋保持魚嘅甜美度，咁我試埋佢個醬汁，醬汁佢話溝埋啲紅薑同埋少少蔥花點落去，簡直就要一試再試，其實餸日本酒我覺得呢個魚都幾好 。最後食完嗰鯛魚我就走喇... 同埋我會永遠記住呢個鯛魚因為餸酒真係一流。 行過呢區嘅朋友可以試下呢一間餐廳嘅刺身我覺得都唔錯。

上星期六日放假同就出左去同男朋友拍拖食飯去左一間叫一杯屋既日本餐廳食野,好中意呢間餐廳!不過太忙依家先打番食評like 雖然本身都因為佢好多好評先入去食!哈哈!事實都係一樣甘好食所以食定補番數.我本身就好中意食日本野同魚生既我IG 都有好關於魚生既相而呢度既魚生係滿足到我一放入口已然知係好新鮮! 未食之前都見到好鮮明!,仲有佢地既wasabi 係即磨而唔係用粉溝!,好正呢個一定要講!之後到八爪魚丸子, 我去親日本我都會食!真係好中意食,呢間令到我甘中意係因為佢都整得好好味好足料呀!一定要去食!

入到去感覺好好, 好舒服好好服務好好,服務員好細心見我食到我樣唔係好舒服即刻俾左小小湯我飲先 好窩心!.之後我就舒舒服服甘開始進行我既晚餐啦!我叫左法國芥末籽醬牛柳定食, 香煎鵝肝同Dessert Platter,呢幾樣係我最中意食既幾樣.法國芥末籽醬牛柳定食先,我無諗過芥末籽同牛柳係一齊係可以甘好食,唔會過左個牛既味道,仲係好濃郁,仲好juice!, .鵝肝不嬲都好中意食,但整得好味,真係唔係甘簡單我都失敗左幾次,目前學識,但度係整得好好食,可以整到外脆內綿,入口溶化!.到Dessert Platter,靚!仲唔會好太甜,完全拿晒少女心我都忍唔住影左幾張相.

同大家推薦下呢間餐廳,一杯屋,好正!原本前晚收工係約左一個同事一齊係晚伋合飯既,但無計最終佢要OT嚟唔到,我地一早已經book左係呢間食嫁,因為其朋友食過話好食,所以都特登book嚟試下.我自己叫左個雜錦吉烈拼盤定食本身本人都已經係好中意食日式餐廳既揚物既,特別係吉烈個D 食砸係變左有要求,不過始終熱氣,都見餐廳有準備左沙律同蒸蛋平衡下,炸蝦唔可以炸老左或太多粉,入一定要保留住鮮甜味,同口感,呢間正正有齊,秉所以我都外賣左份番去俾同事食,佢都話仲好好食

今日要自己一個食飯,收工係銅灣行左好耐都諗唔到食咩.之後開openrice look左好耐好耐,可能無咩胃口關係,好耐先搵到暑有小小興趣既餐廳食野,之後就去左一杯屋.去到感覺唔錯既,唔會好嘈,環境燈光舒服,一個人嚟食野都係一個唔錯既地方,我一個人叫左個照燒雞扒定食,出到嚟賣相好靚呀,所以忍唔住影左相,都好吸引食慾,佢仲有另外既配菜有個蒸蛋個面有D櫻花蝦,而隻杯都係用櫻花做主題,好似襯過甘.好夾,食雞扒啦,WO!正Wo! 口感鬆軟,有小小甜絲絲既感覺.就呢個定食開左我今既胃口,滿足!

讚既地方：鰻魚好大條，好肥美，好食。飯沾埋鰻魚豉油汁好好送飯，不過飯量唔多。配菜方面：蒸蛋，淮山都唔錯。地理位置方便，銅鑼灣地鐵站一出行一分鐘就到。黎到見都幾多人係Book定位。.我自己鍾意食刺身壽司，不過今日食既係牛舌飯.......我自己本身好少食牛舌，我偏好入口即融既野食 ，而牛舌係入口要咀嚼一陣個種。有樣野好多人唔知道，牛舌既脂肪非常高，適合d鍾意食高脂🥩唔洗Keep fit既人👏🏻牛舌落左少少鹽調味，因為相機食先同天氣寒冷既關係，我食個時已經凍左😛

今日同屋企人出銅鑼灣買野，去左一杯食日本野～第一次食呢間居酒屋，環境貫切日式風格，座位之間有充裕距離，部份座位更有屏風作為間隔，跟朋友談話時能保持一定私隱度，很適合作為三五良朋聚會的聚腳點。今次試左呢度特選魚生飯 $188，套餐包括了麻醬冷奴、飯前沙律、海苔茶蒸蛋、味噌湯和一碟魚生飯，一人份量剛剛好。麻醬冷奴嫩滑開胃，飯前沙律新鮮爽脆，茶蒸蛋加入了海苔和雜菇，除了蛋香味濃外，更加添了豐富口感。魚生飯內配有三文魚刺身、八爪魚刺身、海膽、油甘魚腩刺身、𩶘魚刺身、三文魚子、海膽和赤蝦，能一次過滿足晒魚生發燒友的多個願望。魚生新鮮、海膽香甜無腥味、赤蝦多肉有膏，更以清香紫蘇葉墊底，可見師博製作用心，飯底是特製醋飯。