一杯屋

營業中

休息中

今日星期六，在銅鑼灣行完街後，到澳門逸園中心搵野食，呢度有好多日本餐，其中聽同事介過一杯屋環境同野食唔錯，所以打算試下！一坐低，覺得同事無介紹錯，呢度好有日本風情，牆上掛左好多幅日本畫，天花同門框加上樱花裝飾；環境也非常乾淨，令人進食時很放心。點左個上炭燒牛舌定食，除了飯同主菜外，仲包括日式豆腐、沙律、茶蒸蛋、麵豉湯，特別既係仲有一碟淮山泥連生蛋，平時其他日本料理餐廳不見的，一問侍應原來是可把它撈在米飯裡加埋醬油吃，呢個食法幾新鮮特別，令米飯口感好滑！主菜牛舌燒到剛剛好，外面少少燶，中間生生地，肉味濃，好有咬口，夾埋碟上左邊的咸菜，又或者點右上角既香蔥汁吃，送飯一流！整體而言，環境和食物不錯，侍應也很主動加茶和介紹淮山泥生蛋的吃法，下次一定會再黎同試下其他野！

琴晚朋友帶我去左一間日式屋酒屋，環境很舒服，而且食物水準很不錯。我倆總共點了五個菜，有沙律、燒物，還有刺身。溫泉蛋沙律是我很喜歡的味道，醬汁清爽開胃，未想過溫泉蛋會令到整個菜更加順口，讓人忍不住一口接一接，瞬間就把整盤都清掉。鯛魚刺身擺盤很漂亮。第一次食鯛魚非常新鮮，口感綿綿的，除了平常的芥末配刺身豉油外，它還附上蘿蔔泥、䓤花配梅子汁，很討人喜歡的味道。燒牛舌 這一道是我和朋友最喜歡的一道菜，牛舌的成熟度控制得很好，大小厚度也值得一讚，配上酸酸的醬汁，讓人食多都不會覺得膩。餃子雞翼很香脆飽滿，很適合配酒。最後還叫了燒南瓜，刮去焦焦的部份，南瓜非常香。

店舖一坐低自動送上前菜，可以食住等主菜送上。前菜冷盤點了溫泉蛋沙律，份量多，溫泉蛋半生熟剛好，沙律菜新鮮，醬汁好食。炸南瓜條，即叫即炸，非常香脆，火喉控制得好，外脆內軟，南瓜味濃。牛舌必點，嫩滑入口即溶，內質軟腍，配上店舖自家製的醬汁，沖淡油膩感，份量多，必點。刺身鯛魚，白裡透紅非常新鮮，魚生鮮甜，沒有冰雪味，師傅刀工好，片片厚薄一樣，口感好。餃子雞翼燒到表皮薄脆，好多餡，一咬落去入面餡多到擁出。

一杯屋Lunch有一系列定食，呢頭番工放lunch就同同事黎呢到食lunch。午市都好多人，但等野食唔算耐。薄燒鰻魚定食 💰188嗌左個鰻魚定食，打開個盒頓時覺得好滿足，大大條鰻魚，上面灑上芝麻，紫菜碎等，未食都覺得惹味。鰻魚肥瘦適中，魚味燒得好香濃，魚質厚實，但入口香淋，魚香十足，唔錯的。另外定食仲有味噌湯、沙律、小食、茶碗煮。大部分都正常發揮，煮蛋略涼左少少，唔夠暖胃既感覺。而小食係每人一粒帶子，感覺有吝嗇，但確實好食。

中午時分去左銅鑼灣做野，想搵間日本野食下魚生飯都唔係咁易，間間都好多人要等位，好彩比我地等到哩間一杯屋！一坐低店員就遞上一條熱辣辣既毛巾俾我地抹手，再加一杯熱茶，感覺店員服務好周到！一心諗住食日本野就係想食魚生，所以我就叫左個一杯屋特選魚生飯。佢個飯份量都幾多，食到最後都食唔哂！一共有四款魚生，立魚、赤蝦、三文魚、八爪魚，刺身都幾新鮮！定食仲有麵豉湯、沙律同埋蒸蛋！我個同事叫左極上炭燒牛舌定食，睇落係極吸引，佢俾咗幾塊牛舌我試下，我覺得哩度既師傅燒得哩個牛舌恰到好處！個牛舌做到外脆內嫰！佢個牛舌定食有一個好特別嘅山藥，之前係日本試過，日本人覺得山藥對身體好有益，所以會用黎撈飯食！

年三十晚公司放早,一放工就去食個靚LUNCH 食完之後仲可以行街SHOPPING放半日真係好開心lunch $158 係銅鑼灣都算合理而且份量十分多~~~一SET有一個主食,一個飯,一個湯,4碟小食食個豐富午餐日本米,又軟又彈牙同牛舌一齊食都好飽沙律菜蒸蛋,好滑芝麻醬波菜好好味主食點左牛舌,燒得好香牛舌剛剛熟,帶少少粉紅,質感比較嫩滑牛味又好濃,送飯一流而且分量唔少,食到好飽,奬勵自己辛苦左一年真係好值得!!

今日中午去開銅鑼灣呢頭做嘢，放飯嘅時候諗住同個同事搵間日本嘢食，見到呢間一杯屋有人派緊傳單，望落好似唔錯就決定試吓啦！🔥一杯屋特選魚生飯 $188同事諗住今日天氣比較熱就揀咗個魚生飯去食，特選魚生飯有四款刺身：赤蝦、三文魚、立魚、八爪魚，底下嘅飯係預先撈好咗醬油嘅壽司飯，食落每一口都已經好有味，刺身好新鮮，食落係常溫，並唔係說到凍冰冰嘅魚生！另外，定食仲包含一個麵豉湯、沙律、蒸蛋！蒸蛋係即叫即蒸，非常熱辣辣，而且呢個蒸蛋一啲都唔簡單，入邊好足料，有海鮮，面頭仲有一個醬油係有櫻花蝦！🔥極上炭燒牛舌定食 $188我哋坐嘅位置咁啱就係見到廚師顯廚藝，喺正我地面前燒串燒！睇住佢即叫即燒牛舌，好期待食，呢個牛舌定食果然冇令我失望，牛舌個外面燒到吹卜卜，但係裏面中保持粉嫩嘅顏色，咬落一啲都唔un，仲有少少juicy嘅感覺！另外，定食又係包含一個麵豉湯、沙律、蒸蛋！牛舌定食再有一個山藥撈鵪鶉蛋嘅小食，用嚟撈飯或者點牛舌嚟食都幾好味！

今日一個人喺銅鑼灣行街，行到6點就見肚餓去搵食，真係花多眼亂，喺sogo 附近嘅澳門逸園中心見到間日本居酒屋，就入去試吓。一杯屋門口寫住仙台牛，係門口就聞到一陣燒烤味，急不及待入去試吓！上牛舌定食 ($158)上菜時已經切好晒一片片嘅牛舌陣陣牛味，燒得好香，肉質腍，有咬口😍前菜有凍豆腐，豆味又香又滑，一試難忘～另外蕃茄沙律，非常新鮮，完全無苦味。櫻花蝦燉蛋，蛋味重又香滑，真係好正🥳配牛舌醬汁味道清新合拍，好味😆

去完銅鑼灣做嘢同屋企人上到呢一間日式居酒屋食個lunch 地理位置都尚算方便 而且見評價都好似唔錯 就諗住試下因為太攰 所以懶得再去諗食乜嘢攞咗set lunch menu直接叫set就算好彩佢啲set都幾吸引我哋好快就諗到食咩分別叫咗一個炭燒牛舌丼同黑豚肉炒烏冬原來佢加30蚊係可以叫炸帶子超鍾意食帶子嘅我當然一定要order,好彩佢都冇令我失望 帶子炸得好脆至於炭燒牛舌丼 因為係即叫即燒所以要等一段時間不過我個人覺得係值得嘅因為佢個牛舌真係烤得好好食 燒得恰到好處 唔會太乾 亦唔會太硬成個set有茶蒸碗 沙律 同麵豉湯 基本上好豐富而且好夠飽至於黑豚肉炒烏冬個人覺得師傅炒嘅火喉炒得好好烏冬唔會太淋 都尚算爽口 配埋黑豚肉 好有豬肉味 好香 基本上兩個set除咗 main dish唔一樣之外其他配搭都係一樣所以兩個餐嘅份量都好夠 總結嚟講性價比好高

今日同朋友去咗銅鑼灣呢一間日式餐廳度食飯, 地理位置好方便佢就係喺sogo隔離, 聽日就去侍應已經好快招呼我哋去咗一個舒服嘅位置坐低。我哋叫咗兩個set lunch， 一個豚肉炒烏冬，另一個係牛舌丼， 個人覺得兩個餐都好抵食，好大份。我地叫咗兩份炸帶子做前菜。個餐包咗海鮮蒸蛋， 啲蛋蒸得好滑，好好食好重蛋味。豚肉炒烏冬， 豚肉切得厚薄適中。 配埋烏冬味道剛剛可以請麵豉湯亦都好好味 ，不過我最鍾意都係佢嘅生菜沙律 ，好新鮮。至於炭燒牛舌丼個人覺得 呢個 真係冇得彈 牛舌 烤得剛剛好 又唔會太硬。 而且佢有畀到個汁我哋點，配埋飯食味道剛剛好，飯亦都係日本珍珠米飯， 好有咬口。 牛舌丼亦都係包曬所有嘢， 有沙律，蒸蛋同麵豉湯。 如果想同朋友慢慢傾計， 又想食得飽， 呢間餐廳性價比都算高， 係一個幾好嘅談心地點。總結個人覺得呢一個餐好抵食。

對於最喜歡食日本菜的我, 趁著看電影之前, 就到祟光附近的澳門逸園中心找到一杯屋, 好友說這裡的刺身不錯, 我二話不說就點了一杯屋特選魚生飯, 好友花多眼亂地選了她最愛的波士頓龍蝦稻庭烏冬, 等了10分鐘左右就上菜了, 嘩…..魚生很新鮮, 很有光澤, 有我喜歡的赤貝及三文魚, 最特別是魚生下面的飯是啡色的, 沾了醋的, 酸味比一般壽司飯強啊……….我試了幾口波士頓龍蝦稻庭烏冬, 龍蝦味超級香, 而且龍蝦汁掛滿幼身的稻庭烏冬, 味道很正!! 大推!邊吃邊傾, 很開心, 環境好舒適, 店員加茶都很快手。

好開心可以食到呢間居酒屋，每次行過都超級想試，今日終於捉埋個好姊妹一齊黎食個午飯喇！一入到門口已經feel到和風風格既靚靚坐位，感覺真的好似去左日本本地餐廳咁！午餐有幾款定食可以選擇，我就揀左我最愛既「鰻魚定食套餐」啦！定食黎到未食都已經哇哇聲，因為真係好正套餐入面包括左前菜、主食、湯、小食及一碗日本米飯；白飯煙煙韌韌真係好鬼好食，白飯唔夠仲可以添加架！呢個鰻魚飯真係好食到不得了呀鰻魚面上塗滿醬汁，火侯燒得剛剛好，食落嫩滑Q彈，超美味仲有佢小食炸魚，香口脆卜卜仲要無無骨，食落唔會太油唔會太乾，食完好想再食！佢既燉蛋面上鋪滿好多櫻花蝦，加點日本醬油落蛋食更令整個蛋更出色！

公司提早收爐, 當然要同同事食好點, 送走這個污黑荒謬至極的豬年 (雖然鼠年可能更加嚴峻),不過還是要對自己好一點, 吃多一點, 才有力去打仗。我們去了”一杯屋”, 午餐選擇很多, 我點了一份上炭燒牛舌定食, 朋友點了照燒雞扖定食‧炭燒牛舌定食($158):  牛舌份量很多, 牛舌不晁燒得全熟, 但吃下去覺得很爽口, 味道濃郁, 點幾下店方提供的汁, 酸酸甜甜的, 更清爽。定食還有一小碟白色的淮山蓉加鵪鶉蛋加上豉油再拌勻白飯吃, 非常有趣, 味道特別‧我特別喜歡日式燉蛋, 暖暖的, 很幸福呢個價錢都值得

每次行過都好想食但都無人陪食，難得今lunch有同事陪我一齊試下呢間日本居酒屋「一杯屋」！一入到餐廳已經感到好有日式氣氛，和風或坐位真係好似去左日本咁！今日既下午set餐我就揀左呢set「牛舌定食」啦！一個set餐已經包括左好多配菜，真係好睇又好食！定食包括：「沙律」：沙律菜夠新鮮，醬汁酸酸甜甜夠開胃「麵豉湯」：湯夠濃郁入味又多料「櫻花蝦燉蛋」：燉蛋蒸得好滑，配埋櫻花蝦十分惹味！「炸魚」：金金黃黃既炸魚去哂骨又脆口，超香口好味「牛舌」：牛舌無so味，口感食落好爽口多汁有嚼勁！呢到環境好，員工都好好人好好傾，下次晚市都黎試下佢地既串燒先！

銅鑼灣不嬲好西多，除咗放題外居酒屋都係個唔錯嘅選擇！溫泉蛋水菜沙律呢個沙律有辣炸蒜，所以清新嘅同時又鯛惹味，作為開胃菜就真係一流！鯛魚薄切鯛魚薄切嘅份量都幾多，魚肉薄切得嚟又好有口感，幾彈牙😙而且店員仲教咗我2種方法食，一種就係普通點Wasabi同鼓油，另一種食法就喺蘸較酸嘅醬油加蔥。兩種食法都唔錯，前者比較突出鯛魚嘅魚肉香味較香口，後者就會較清新。炭燒上牛舌非常喜愛牛舌嘅我好滿意呢碟燒牛舌，首先牛舌係厚切，口感十足！牛舌係炭燒，油香味十分香濃，而且外層燒得有點焦焦地，更有口感同香！稻庭烏冬烏冬較幼身但口感非常彈牙滑嫩，配埋清清地嘅麵鼓湯，好清新！