一杯屋 (已結業)

今日自己一個人走咗吉銅鑼灣食飯見有啲想食魚生，咁就嚟咗銅鑼灣呢一間一杯屋度食。 裏面其實氣氛都幾好同埋都有幾多人幫襯， 因為自己一個人所以我就試一試佢哋個鯛魚。 叫咗少少酒試下。牛油果蟹籽沙律： 呢個牛油果沙律我覺得好健康嘅，牛油果可以降血脂， 同埋啲牛油果幾新鮮，好夾啲蟹籽， 作為餐前小食我覺得幾開胃同清新。鯛魚薄切: 首先講個主角鯛魚其實呢個魚我覺得幾好食，因為佢真係薄切且保持著新鮮同埋保持魚嘅甜美度，咁我試埋佢個醬汁，醬汁佢話溝埋啲紅薑同埋少少蔥花點落去，簡直就要一試再試，其實餸日本酒我覺得呢個魚都幾好 。最後食完嗰鯛魚我就走喇... 同埋我會永遠記住呢個鯛魚因為餸酒真係一流。 行過呢區嘅朋友可以試下呢一間餐廳嘅刺身我覺得都唔錯。