一杯屋

營業中

休息中

之前有一天放學誤打誤撞入咗一間叫一杯屋嘅餐廳食飯，因為得自己一個食好似無主孤魂咁周圍遊蕩之後就入咗呢間一杯屋去食啦。咁我一個人就淨係叫咗一個豚肉肉生姜燒定食，仲有一份香煎鵝肝。呢個份量已經足夠我飽啦，咁首先我不嬲都係食定食先嘅咁個生薑燒豚肉，佢用洋蔥同青椒一齊炒蓋過啲豬腥味令到成件事好香口，同埋將個色提鮮左，仲要鮮甜左，真係做得唔錯呢個生薑豚肉燒，到食香煎鵝肝啦，我就本身好鍾意食鵝肝嘅，所以成日都會周圍搵唔同地方整鵝肝好食嘅地方食，因為鵝肝其實真係唔係一個容易整嘅一個食物嚟，都會好考技巧既，而家反而係呢到食到一個好好食嘅鵝肝，好正，佢嘅鵝肝係入口即溶嘅，個感覺超好食，雖然膽固醇高但係食落香口，做得非常非常之好，重要個賣相上面再加啲芝士同麵包糠做點綴，一啲都唔會減低咗個價值，影相都美，唔會禁單調，大家可以嚟呢間一杯屋試吓！我都好希望大家可以試到呢到既美食！