一本食堂

營業中

休息中

今日跟朋友在觀塘鴻圖酒樓樓上的「一本食堂」食日本菜，6pm前免收加1🤪先來一個刺身，有三文魚2片，油甘魚2片，鮮帶子2片，北寄貝2片和一隻北極翡翠螺都係$58😆😆刺身新鮮鮮甜，北極翡翠螺好鮮爽口🤣生蠔$13隻😱肥美新鮮，食2隻先😝珍寶刺身赤蝦..超大隻鮮甜..都係$9隻👻加咗個下午茶大阪燒$20！份量適中，美味可口🥰大大花之戀，好大件$36.一口吃不完🤣🤣三文魚厚切👍🏻佐口魚裙邊壽司，希靈魚壽司都係$12 /2件..海膽壽司$14/1件，海膽份量都足👻珍寶帶子..超珍寶，口感鮮甜爽口..正！

呢排啲負能量纏身，隊友有見及此就帶我去食我最愛嘅生勾勾日本野🍣即時開心返晒🥳☀️☀️☀️食物🍱粒粒魚生飯超正❤️有三文魚、呑拿魚、玉子、蟹籽，$88已經滿足左我🤤但係今餐點可以就咁放過佢🤣泡菜湯底豬軟骨拉麵🍜隊友叫左個泡菜湯底豬軟骨拉麵…其實佢有好多湯底揀，不過岀面好少有泡菜湯，所以試吓❤️啲豬軟骨真係好大舊，同埋啲骨真係溶晒，一入口好似食啫喱咁同埋佢個湯一黎到已經好香嘅泡菜味，一定要配拉麵，湯連麵超級正！巨型赤蝦刺身仲有食咗超巨型赤蝦刺身🦐真係超大隻😱長過一隻男人手！$9咋！痴線！好新鮮🤤珍寶帶子皇仲叫左粒珍寶帶子皇❤️超大粒，超鮮甜，唔洗加豉油，落檸檬汁已經超正！佢哋嘅檸檬都超好食😋(隊友係檸檬愛好者🤣）真係太耐冇食，貧窮限制想像🤣佢呢到啲刺身超新鮮，見到師父個雪櫃都好夠凍，有單先切三文魚近腩厚切！超正！佢唔係全腩，所以有啲口感，食落口好幸福嘅感覺🤤題外話，今日星期一夜晚7點鐘😯都坐唔滿場…然後睇到樓下啲人收工歸心似箭🏃🏻‍♂️其實如果lunch呢到冇加一，又平🤣🤣我都會黎食呀！臨走埋單，準備落樓之際🤣姨姨衝岀黎問我哋食咗雪糕未🤣個咖啡雪糕真係好好食呀！

喺觀塘區放工，約咗朋友食飯，想搵一個可以坐耐啲傾偈，寬躺啲嘅餐廳，上網見到呢度啲食評同埋環境都唔錯，就嚟咗試吓依度有好多時令嘅海鮮刺身食材，仲有好多特價美食劍魚腩刺身6片（$85）阿根廷赤蝦2隻（$18）劍魚腩好肥美鮮甜，好少地方有得食赤蝦大大隻真係好新鮮，蝦頭仲有少少蝦膏刺身拼盤（三文魚2片，油甘魚2片，帶子2片，翡翠螺1隻，北寄貝2片）（$58）呢個價錢可以話係超值，特別係油甘魚好好食，油脂十足，帶子亦都好鮮甜火焰親子卷（$86）三文魚經過火炙，三文魚油特別香，加上大大粒嘅三文魚子，為親子卷加多一份鮮味，飯卷嘅餡料亦都好足料，有蟹柳同黃瓜鹽燒牛舌2串（$46)一串有兩件，牛舌每一件都厚切，牛味濃蟹子沙律中華冷面（$66）超多蟹子放喺青瓜絲上邊，青瓜絲好爽脆，亦都有大量嘅蟹柳絲，同埋冷麵一齊食好夾總括嚟講，如果想同朋友坐得舒服，又可以傾偈耐啲，呢間餐廳係觀塘區嘅一個好選擇

之前聽朋友提過呢間餐廳抵食又好味, 性價比又唔錯, 今日係觀塘行完街就決定嚟呢度食晚餐.餐廳位於鴻圖道轉入巧明街的一棟大廈內, 係酒樓旁邊有電梯搭到上3樓就到達我地嘅目的地.入到餐廳覺得空間好大同埋座位寬敞，裝修好日本風，係度食飯可以望梅止渴，就好似真係去左一趟日本旅行咁。觀塘抵食日本菜👍🏻坐底後，職員好友善介紹佢哋推薦嘅食物， 從中得知佢哋嘅海鮮係每日都新鮮運到，賣完就冇，最後我地就叫左；前菜～芝麻八爪魚正常水準！海鮮～ 海膽 & 珍寶赤蝦刺身 & 生蠔食日本菜當然要叫刺身，因為原板海膽已經賣晒， 職員就轉左馬糞海膽俾我哋， 不得不說佢哋嘅海鮮質素真係相當唔錯，非常新鮮而且價錢相宜。海膽鮮甜， 赤蝦爽口大大隻，生蠔亦都好飽滿。壽司～ 火炙佐口裙邊 & 劍魚腩 & 大甜蝦壽司飯味道適中， 海鮮刺身亦都好新鮮，值得一提嘅係佢哋嘅壽司可以免費升級挑戰相撲壽司，比起普通壽司，飯量多20G， 對於鍾意食壽司飯嘅人嚟講簡直係一大福音， 為咗滿足我哋嘅好奇心， 我哋特登要求升級火炙佐口裙邊壽司做相撲壽司睇下個對比呢～卷物～ 火焰親子卷上面係三文魚籽 ＋ 火炙三文魚，下面係常見嘅蟹柳，蛋，青瓜卷。

雜錦壽司🍣三文魚好長好大件、蟹籽滿滿、立魚好新鮮、黃金魷魚好多呀、加州卷有六大件，實在好豐富好滿足呀⋯⋯蟹籽沙律🥗三文魚碎：足夠二人份量，三文魚碎好多材料非常新鮮，真係唔錯👍🏻👍🏻👍🏻雜錦天婦羅🍤蝦、蟹柳、茄子、青椒、最特別有炸金菇，原來炸完好脆好好味😋串燒有汁燒翠玉瓜，燒完仲係好多汁一d都唔乾。鹽燒雞軟骨，好脆身咬落卜卜聲👍🏻吉列豬扒烏冬🍜豬扒炸到脆脆地裏面仲好多肉汁，湯底選擇左豬骨。

觀塘晚餐好推介，我平日晚上約7點到，餐廳唔算多人，座位舒適，侍應服務好好，介紹當晚特別推介，亦有介紹一些餐牌沒有的食物。食物價錢非常經濟，都係幾十蚊就有交易，味道唔錯。我叫了一隻$13的生蠔同$9牡丹蝦刺身，質素唔錯。廣島蠔鍋蠔味濃，抵食👍最後，還有雪糕贈送，用埋openrice coupon，埋單2舊水有找，還有何所求？

🌃 餐廳走日本和風路線， 以櫻花樹下 及富士山場景為主， 旁邊還有清酒展示櫃， 好像置身於在日本一樣。.👨‍👩‍👧‍👧以下為2人份參考（💲人均$11x) (晚餐).🥗 時令生蠔💲 13/隻👉 13蚊就食到即開生蠔好抵食， 入口清爽， 略帶海水味，幾creamy。.🦐 珍寶赤蝦刺身💲 9/隻👉 珍寶赤蝦超大隻， 差不多有手掌大細， 咬落爽甜肥美。.🍙 忌廉芝士三文魚反卷💲 60/ 份👉 一份有六件， size 屬相撲壽司級別， 忌廉芝士好大嚿， 好月巴 但好好食🤤，另外配料有三文魚粒， 同埋 wasabi 醬拌壽司飯，食落有啲攻鼻。.🍠 和風燒茄子 (原條)💲 48/ 份👉 原條茄子燒 ，一份切開有13件，配上蕎麥麵汁及蔥花， 這種配搭fresh， 可以減低燒茄子嘅油膩感。.🍣 優惠刺身組合💲 58/ 份👉 一份 三文魚(2片)、油甘魚(2片) 、鮮帶子(2片)、北寄貝(2片) 、翡翠螺(1隻)， 價錢幾抵食，平均一片六蚊左右， 特別推介三文魚幾肥美， 同埋 帶子幾鮮甜， 其他刺身正常。.🏃臨走仲有cocoberry雪糕送.🤠 通粉 foodie 食評總結 :👉 餐廳食物價錢很實惠，

「鴻圖道係荒謬，沿途全部車手，無路你都走⋯⋯」走過來鴻圖道！好好彩冇塞車，咁就求其嚟咗一間日本嘅餐廳！個佈局有啲似日本！餐廳裝修執好日本化！今日就點左個午餐食嘅我就揀咗個M餐食既，食物質素都好OK唔差嘅，壽司都算新鮮！啲飯都唔算太硬可以接受的，而且種類都繁多！什錦卷物，雖然賣相真係一般！但係味道真係唔錯！甜蝦都新鮮嘅，都有甜味！至於三種魚方面，就唔會有太大魚腥味！可以合格不過烏冬方面就唔係太理想啦！個面嘅質地唔係太令我喜歡，唔係太夠彈牙！湯底係可以嘅！服務態度方面都唔錯！所有店員都有禮貌同埋親切的！

今日心思思想同朋友食日式邊爐壽喜燒～ 去到餐廳見到有幾個火鍋湯底～但個人認為食得受喜燒就梗係要飲甜甜湯底～所以我哋要左海苔麵豉味個火鍋套餐可以選海鮮，黑毛豬或者日式肥牛～ 我地就要左黑毛豬套餐～ 仲有一大碟菜～ 菜類都唔小，有冬菇，粟米，娃娃菜，皇帝菜，金針菇，蔥同菌類等，2人份量剛剛好，想食套餐以外嘅嘢食就可以額外再加～我哋加咗青口同日式拉麵～ 令火鍋更美味既食法係放左菜類之後再放海鮮最後食肉類同拉麵～ 放完菜嘅湯底真心超好飲～ 飲完湯之後再食海鮮～ 肉類就同埋拉麵一齊邊飲湯邊食～ 餐廳仲送埋雪糕～ 玄米茶味真心唔錯！

同朋友吃飯小聚！我地去左搵日本野食～ 餐廳寬闊～餐枱之間嘅距離都好大，唔會同隔離枱坐得好貼！正！餐桌仲要好闊大，放到好多野食！我地叫左每人兩隻生蠔🦪同埋牡丹蝦刺身！仲叫咗好抵食嘅甲羅燒❤️！最後加多個炒飯就岩岩好啦～生蠔大大大特價$13隻，又大隻又新鮮！真係平到難以相信有咁抵既野食😁😁生蠔鮮甜，唔算有好濃海水味！正牡丹蝦刺身上台時卷得好好睇？大大隻蝦頭鮮甜美味！一食黑頭就知道佢好新鮮！超級抵食$9！超開心！甲羅燒好香口好好味呀！一上甲羅燒個時見到有蟹肉，蟹膏，蛋仔同埋蟹籽等配料，職員會好好咁幫手燒熱同埋攪拌佢，以防止我哋嘅甲羅燒燒竉咗😂真係超級鮮甜好味！配埋迷你小多士食真心一流仲叫咗個炒飯食！飽下個肚！炒飯坐得好香口！我都幾鍾意同埋刺身等一齊食，有熱食暖下胃！

一個人原來都可以盡興！其實早前已經與朋友前來進食過，被餐廳的期間限定餐牌吸引，所以再前來自私食，幸好今次來到期間限定餐牌還沒有改變。吸引我回來的是滋味的甲羅燒及清酒煮蜆。期間推介松葉蟹味噌甲羅燒$48蟹肉、味增、蟹膏再混合鵪鶉蛋放在蟹殼上，用小爐燒熱，非常甘甜，再配以烤香的多士食用，相當滋味。清酒煮蜆$48只是用了簡單的清酒及京蔥調味已經帶出蜆肉的鮮味，一個人食用相當適合。另外還點了一些主餐牌美食，不過不失👍🏼忌廉芝士蟹柳反卷（6件） $55鹽燒大蝦（1串）$23大和牛粒（1串） $23

隨著越來越多新式商業大廈落成和金融機構進駐觀塘區, 上班一族對餐廳的要求也高了很多, 所以不少的餐廳便應運而生, 這晚就來到一間吃日本菜的店子, 看看水準如何。坐下來, 先來兩款串燒, 鹽燒牛舌串-牛舌燒得邊位呈焦香才拿上檯，賣相吸引且香味十足,質地爽口而富有嚼勁，且散發濃郁的肉香。 鹽燒雞中翼串-燒得雞皮脆身還帶點焦香, 雞肉口感很嫩滑，燒香後撒上鹽去調味, 吃起來就更加惹味。店員送上雜錦魚生丼, 單看賣相已經是先聲奪人, 多款刺身堆得滿滿的, 包括有赤蝦、帆立貝、北寄貝、三文魚及吞拿魚等等。赤蝦夠大隻，吃起來鮮味也啖啖肉;帆立貝厚肉而鮮味十足;三文魚肥美, 整體來講是有水準的。見餐牌上的廣島蠔肉鍋幾吸引, 也點了一鍋來試試, 鍋內有廣島蠔, 蠔肉索了湯汁, 鮮味十足, 再配上新鮮蔬菜、豆腐等配料, 也是好吃。這裡的價錢夠街坊, 食物質素也不錯, 環境也企理乾淨, 值得一試。

🍱觀塘友又周圍食🤪 今次食咗鴻圖道30號呢間日本嘢，叫一本食堂，佢嘅menu好多款式，燒、炒、煮、刺身乜都有，滿足晒大家嘅慾望！今次我就試咗佢嘅壽司同串燒😋🍣 火焰壽司拼盤 （$101）三文魚、鮮帶子、吞拿魚、仿蟹棒、芝士甜蝦、佐口裙邊呢個併盤就包括咗以上六種炙燒壽司各一件🥰 三文魚肥瘦度啱啱好，唔會太膩😋 帶子有成兩大粒，仲燒得好出色！ 佐口裙邊肉同油脂嘅分布好正啊～ 其他都燒得好好味😋🍢 串燒鹽燒冬菇（$13）、炭燒雞肉（$19）、大和牛粒（$23）、沖燒帆立貝（$25）冬菇唔會燒得太dry，唔錯！ 炭燒雞肉係自家製雞肉串嚟㗎，唔係嗰啲冰鮮整熱嘅cheap嘢🤩！和牛估唔到咁juicy🥰 MVP係帆立貝，個汁啱啱好，而且帆立貝仲超大粒😋最後仲送咗杯雪糕添💗

行完觀塘海濱長廊，望下個APP睇睇附近有咩食，揾到間係巧明街口，價錢實惠既日本菜。餐單選擇多，係壽司、鍋物同推介類別餐牌order左幾款。阿根廷赤蝦今期刺身推介既赤蝦同生蠔，性價比高，兩樣點齊晒滿足食之慾望！赤蝦大大隻達珍寶級別，蝦肉咬落鮮爽肥美。時令生蠔生蠔都係抵食之選，肉身尤其厚同飽滿，蠔味唔算太濃有礦物味咸海水果種，味道相比清甜平衡，入口creamy，加一兩滴鮮檸汁帶出真緻蠔味！京葱拖羅茸壽司握壽司比起想像中大件，放左勁多粉嫩拖羅魚茸，面頭曬上香氣十足既京葱粒芝麻粒，一啖放唔哂入口，軟滑魚茸同壽司飯融合一起，滋味無窮。鰻魚壽司鰻魚魚身肥厚柔軟，特長size可以先分開食一口淨魚肉，感覺綿滑！魚肌髹上一層濃稠甜甜地燒汁，伴埋有温感壽司飯食，脂香慢慢咁擠進飯粒，大滿足。鹿兒島豚肉蜆肉鍋湯底有多款選擇，個人都係鍾情味噌，結合豚肉既肉汁同蜆肉鮮甜，味道特別濃郁。豚肉帶薄五花有些微脂香，蜆肉冇沙夠嫩，食埋鍋底既豆腐，蔬菜同掛湯粉絲配菜，熱熱地好開胃。

又係觀塘友搵食時間～今次搵到呢間位於鴻圖道既日本餐廳，Menu既種類好多，刺身壽司卷物、主食鍋物等等，仲有時令飛機貨。價錢經濟、分量唔少，睇住密麻麻既點餐紙真係好多野想點！ 松葉蟹味噌甲羅燒店員即席拌勻蟹蓋上既蟹膏蟹肉、鵪鶉蛋、蟹籽、香蔥，放上爐上燒～ 蟹膏好濃味，食得出蟹肉嘅鮮甜！ 放喺多士上同吃更香口。刺身點了：吞拿魚2件、立魚2件、甜蝦2隻、海膽1件、翡翠螺1隻既刺身拼盤。$48真係好抵食，刺身厚切足分量！鹽燒牛舌$23一串兩片，厚切大片，味道焦香脆嫩，有嚼勁。海鰻(穴子)壽司原條穴子比手掌還要長，配上一小舊壽司飯，口感好豐富，肉質肥美幼嫩。赤龍卷卷物十多款中點了赤龍卷，$45/4件，蝦身部分切成4件卷物依然大大件，蝦肉外層脆卜卜，蝦味鮮濃，配埋青瓜絲清新爽口！ 蝦頭亦炸得非常香脆，可以成個蝦頭吃清光，蝦膏位置尤其甘香最後每人仲送Cocoberry 雪糕一杯💕