一本食堂

營業中

休息中

我打工仔lunch前會提早趁老細走開就叫定外賣我11幾點叫，寫明1點拎，12點未到收到訊息話拎得都知出事. 打去比佢同職員話，妹妹仔都有禮貌話會再整比我但at the end 我1點拎果陣懷疑仲係一開始果包外賣因為我叫天負羅餐，隔得耐淋曬凍曬😖😖😖不會再食 完

星期日陪下女朋友食日本嘢，食完行下海濱公園拍下拖。.🍣芥辣八爪魚壽司$15🍣京蔥拖羅蓉壽司$18佢哋嘅相撲壽司份量大，比起其他餐廳大一倍有多。八爪魚爽彈，芥辣開胃唔會辣到嗆鼻。拖羅蓉好滑又一啲都唔腥。.🥢日本磯煮鮑魚$38鮑魚一開三，size唔細。口感爽口彈牙，醬汁好甜。而且鮑魚煮得好入味，質素唔錯。.🥢大八爪魚$40一份有三大片八爪魚，預先用鹹水煮過，彈牙又鹹鮮。.🥢香蒜雞軟骨$48大量避風塘炸蒜，有差唔多三十粒雞軟骨。口感好爽脆。.整體好抵食，質素又唔差。

早一晚臨瞓前好想食吉列豬扒🥲，所以第二日特登去觀塘食。呢間價錢經濟實惠，過下口癮一流。🥢吉列豬扒定食$56定食包晒漬物、麵豉湯、沙律、炸豬扒、椰菜絲、白飯。冇諗過呢個價錢食到咁豐富嘅晚餐。豬扒唔算好厚，表面鋪滿大量麵包糠，口感香脆唔油膩。肉質軟腍但肉汁唔算多。不過整體質素唔錯，麵豉湯有超多海帶，而且醃菜都好對辦。🥢海老天婦羅$78一份有四隻蝦、兩件瓜菜。炸粉唔厚，顏色金黃。大蝦🦐爽口彈牙，質素唔錯。🥢鹽燒冬菇$13冬菇加熱後香氣十足，咬落去仲好多汁。🥢汁燒翠玉瓜$13翠玉瓜厚切多汁，味道清甜但一啲青味都冇。鰻魚汁味道香甜，同蔬菜又幾夾。🥢芝麻雞翼$37香脆可口又多肉汁。📍一本食堂 (觀塘)觀塘鴻圖道30號3樓

放工後到觀塘逛逛，商場到處都充滿節日氣氛，未到聖誕已經有聖誕的感覺，明明都仲係返緊工，已經有唔想返工想放假的感覺呀。今天我的覓食之旅，找到一間位於鴻圖道的日式料理店一本食堂。還記得友人話曾經想去呢間店試下，今次正好滿足了佢的願望。餐廳佈置挺漂亮，光線亦充足。今日唔算好肚餓，加上天氣凍凍，點左兩件生蠔，三文魚加洲卷，一碟刺身，同一個鍋物。先講生蠔，估不到日式料理店有生蠔，而且係時令的，今晚的係法國生蠔，都係$13蚊隻，價錢都算抵食。甜美蠔肉，淡淡的海水味，很適合作開胃前菜。點左一個特色刺身，大約$58元，有海膽，希靈魚，蝦，三文魚同魷魚，性價比很高。海膽的份量比想像中還要多，鮮甜味香！可以係我今年裡邊食過咁多間日本店中，性價比最高的菜式！三文魚軟殼蟹加洲卷（$76）總共六大件，足料大大份！烏冬海鮮鍋（$86），雖然面頭放了好common的蟹柳，但內裡材料都好豐富，有蝦、蛤、青口、蠔、金菇、冬菇、豆腐。湯汁雪白甘甜鮮美，吸收了海鮮的精華。更重要呢，用餐完成後每人送雪糕一杯，為今晚晚餐畫上完美的句號。埋單加埋一都係270蚊左右。

每一道餸都好好食！特別係個三文魚軟殼蟹飯卷！簡直一流！size同我手掌一樣大！鹽燒牛舌入口即溶！三文魚刺身同赤蝦刺身忍唔住叫咗2 round 非常新鮮！服務員態度好好～餐廳環境非常不錯 位置闊落 有獨立廁所 好乾淨，上菜速度快，食完最後仲有雪糕送！價錢唔貴 性價比極高！簡直完美！完美！已經同朋友嚟食咗三次 接下來都會介紹其他朋友來吃！！！

早幾日同朋友傾計傾開幾年前一齊去的日本旅行。講開就話不如約出黎食日本野，搵間有日本特色的餐廳食飯。網上見到呢間的餐廳空間大，而且仲有日本的樓花機和其他佈置，所以就揀左呢間餐廳當去左轉日本旅行。餐廳的選擇多，有壽司、刺身、天婦羅、小吃、串燒、鍋物等。我地今晚叫左以下野食。1.凍豆腐（ $25 ）滑滑的豆腐， 舖上滿滿的芝麻醬及木魚😋2.阿根廷赤蝦（ $9/隻）大隻鮮甜赤蝦，超級抵食3.時令生蠔（ $26 ）4.三文魚軟殼蟹反卷（六件）（ $75）勁大件三文魚軟殼蟹反卷，反卷上鋪滿大大片肥美新鮮三文魚，壽司飯配上軟殼蟹及紫菜青瓜，非常滿足，非常有層次。5.鹽燒雞軟骨串（ $13 ）6.迷你甜薯串（ $19 ）7.鹽燒牛舌串（ $23 ）串燒燒物燒得剛剛好，不會過火，且味道調製得剛好8.肥牛野菜葛絲鍋（豬骨湯）（$66）2.鰻魚炒飯（ $78 ）勁大碟鰻魚炒飯，入面有大大粒的鰻魚且份量多，一點也不吝嗇。鰻魚無骨新鮮，且沾上了甜甜的鰻魚醬汁，配上木魚紅蘿蔔炒飯底，一流😋➰飲品➰1.札幌啤酒（ $18 ）2.麵豉湯（ $10 ）飯後更送上雪糕甜品，有乳酪味及朱古力味，味道一流，為整度菜畫上完美的

係觀塘行完街，想搵間餐廳坐下，就選咗呢間近工廠區，人不算多，勝在離地鐵站只有6分鐘。一入到去 環境好寧靜 好適合三五知己黎用餐好中意佢既環境佈置得好日本風🇯🇵🍴鍋物&主食🍴1.肥牛野菜葛絲鍋（豬骨湯）（$66）2.鰻魚炒飯（ $78 ）鰻魚炒飯份量好多，鰻魚粒勁多 滿足🥰推介指數：⭐️⭐️⭐️⭐️凍豆腐 $25凍豆腐配上麻章及木魚絲🥰開胃時令生蠔（$13/隻）又係超抵食，有海水味，正阿根廷赤蝦（ $9/隻）好大隻 好新鮮推介指數：⭐️⭐️⭐️⭐️⭐️三文魚軟殼蟹反卷（六件）（ $75）好大大大件😋有一半手板甘大壽司飯握得好實 勁滿足🍴串燒🍴1.鹽燒雞軟骨串（ $13 ）2.迷你甜薯串（ $19 ）3.鹽燒牛舌串（ $23 ）新鮮燒 好夠熱 好香口啊最後食完仲有雪糕送～有乳酪及朱古力🍫小甜🤗好滿足的一餐飯🤩

觀塘鴻圖道夜晚真係好似個荒島咁。除左有7仔之外，其他野其本上一過左8點就收晒！加埋條街又暗，一夜左收工都唔好話唔灰啊！不過估唔到而家喺鴻圖樓上面開左間日本菜 - 一本食堂！見冇咩其他選擇就試下啦，發展都幾多喎！叫左一大盆刺身，見個餐牌上面寫住50 片！真係咁大個人都未試過一盆有咁多件刺身。點知一黎到真係超級大盆同埋好大件。有一下諗住會唔會係全部都係細細塊咁。三文魚真係一定要試，除左夠晒厚之外仲夠晒肥美！口感一流！仲有就係帶子，大粒之外又夠晒鮮甜。仲有好多唔同既刺身架，不過都係俾大家自己去食啦，保證一定有驚喜。

相信大家都聽過鴻圖樓，原來3樓係一間日式餐廳，一上到去見到樓面好大，座位好寬敞，旁邊有櫻花既佈置，成個環境好有日本風味！首先叫左一碗照燒雞扒拉麵，塊雞扒超大，有一隻手掌既size，份量好足！拉麵湯底係豬骨湯，味道好香濃而且保留豬骨既鮮味，配料有半隻蛋、粟米、海苔等。拉麵吸左啲豬骨湯好入味，配合埋啖啖肉既照燒雞扒，真係超級滿足！另外我同朋友叫左大盛刺身share黎食，$328一共有60片，都算抵食！賣相好精緻，所以刺身整齊地放係冰上面，旁邊有食用花去裝飾。刺身種類好豐富，有三文魚、吞拿魚、北寄貝、希靈魚、立魚、鮮帶子、甜蝦、墨魚仲有象拔蚌！其中三文魚好鮮甜而且係厚切架！刺身整體來說幾新鮮。服務方面，店員都好友善好有禮貌，會主動過嚟同客人傾下計，值得一讚！

我想食日本野，朋友搵到間好抵食嘅日本餐廳，地方超大，環境好日式，好似去左日本咁有各款壽司、刺身、熱食，任君選擇，選擇困難症嘅我揀左啲人氣美食同廚師發板甲羅燒 $48甲羅燒連埋個爐仔一齊上，蟹殼上面有好多料，包括蟹肉、蟹膏、蟹子、雞蛋同醬料，侍應好細心比我地打個卡，再幫我地燒，燒熱後撈勻，提醒我地趁熱搽上麵包到食火焰壽司拼盤 $101 （左起）有三文魚、帆立貝、吞拿魚、蟹柳、左口魚、芝士甜蝦，款款都係我鍾意食嘅壽司，經過炙燒嘅刺身半生熟，趁熱食會更好味廚師發辦壽司（ 10件）$240有拖羅、吞拿魚腩、吞拿魚、帆立貝、赤蝦、鮑魚、長腳蟹、、飛魚子、三文魚、鯛魚，款款都幾鮮甜，朋友大讚個拖羅嘅油脂好香，碟壽司擺盤亦好有心思地加左幾款不同顏色嘅花仔同綠葉

假日同男朋友喺觀塘搵新餐廳試，見到一本食堂係日本野，而家價錢幾抵，一於上去試下，餐廳好大好多位，唔怕要排長龍入座餐牌食物選擇好多，最後揀左以下幾款🌟甲羅燒（人氣推介） $48店員比我地影張相，然後幫我地燒👍🏻蟹殼內有蟹肉、蟹膏、蟹子同生雞蛋，燒熱後撈好，舀落烘過嘅白麵包上食，味道鮮甜，拍得住貴價日本餐廳🌟火焰壽司拼盤 （6件）$101 個人最鍾意食左口魚，油脂豐富，食落好香，其次係帆立貝，鮮甜厚肉🌟廚師發辦壽司（ 10件）$240每款壽司上嘅刺身都好新鮮，中間嘅拖羅最為出色，油花分布平均；帆立貝、蝦、鮑魚都有驚喜👍🏻另外壽司旁配有鮮花，好似一盤藝術品，賣相上值得加分推薦指數：🌕🌕🌕🌗🌑（5🌕滿分）餐廳寬敞闊落，設計非常日式，食物選擇多，價格親民，略嫌當日嘅壽司飯硬左少少

一本食堂 (觀塘).星期日仍然要工作，觀塘就係我同女朋友就腳搵食好地方。估唔到星期日呢間樓上日本野都非常爆場，如果唔係朋友介紹話平靚正真係唔識搵上門！.一黎到每枱已經有紙杯，好特別個紙杯下面有茶葉，上面仲有層網隔住，方便又衞生.時令白身魚刺身.先來吃刺身，見到$98有十片薄切已經覺得好抵食，上到枱食落都好給力，絕對對得住個價錢！.阿根延珍寶刺身蝦.見到佢$9隻我試試佢，果然好唔錯，平得來仍然入口肥美.炭燒雞腎，燒翠肉瓜，迷你燒甜薯.串燒除左雞腎比較細粒燒得over左少少，翠肉瓜好多汁，燒甜薯都真係切合其名好甜好綿!!日式海鮮烏冬鍋.女朋友叫嘅主食，好大鍋 ，烏冬都夠彈牙，海鮮有蝦，青口，蜆肉，蟹柳以及日本魚蛋，可選擇不同湯底，我地揀左豬骨，尚算濃確郁.盛岡冷麵.個人選擇主食，冷麵易入口，咬落煙韌.一本食堂 (觀塘)觀塘鴻圖道30號3樓

一本食堂 (觀塘).觀塘工廈區真係尋寶咁，今次呢間真係性價比好高，價錢又平！.▪️時令白身魚刺身10片▪️$98.薄切白身魚十片先$98，切得薄而透，入口新鮮爽口，配上特調酸汁，好吃！.▪️阿根延珍寶刺身蝦 $9隻▪.好似係期間限定menu，超平$9真係有手掌咁長而且好肥美(˶‾᷄ ⁻̫ ‾᷅˵)呢個價錢真係抵到爛！.▪️日式海鮮烏冬鍋▪️.因為今日唔太舒服所以想叫個熱鍋物食下，海量嘅蜆肉粒，大大隻青口，蟹棒以及大蝦兩隻，可轉蕃茄呀豬骨等湯底，配埋烏冬，不錯又暖🥰.▪️串燒▪️.按照個人喜好叫不同串燒類別，我倆分別叫左炭燒雞腎，燒翠肉瓜以及迷你燒甜薯，全部都好出色！ 翠肉瓜超juicy👍🏻.▪️盛岡冷麵▪️.可惜無白醋提供，但都好大碗而且好易入口，有啲泡菜大豆芽以及甜蛋作配料.📌 一本食堂 (觀塘)觀塘鴻圖道30號3樓環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️⭐️

今日walk in 黎到呢個平民食堂 入面唔多人 環境寧靜 可以慢慢食 慢慢休息🥰🥰雜錦壽司拼盤（20件）（$240+1）收據上冇寫加1既價錢 但店員最後會用人手計算加1 大家要留意番張單上面既價錢係未收+1講番食物先 件件壽司都份量十足 好大舊白飯 味道不過不失 足夠食到好飽 完全無需要再另外叫飯麵 唔係好大食既人 都係建議你叫番刺身或者單點想食既壽司 否則會食唔曬日式餃子拉麵豬骨湯 （$52+1）都係一個好大碗既拉麵 配有紫菜同蛋 係平時食到既味道 無咩特別之處 但勝在便宜抵食 又飽肚飯後 仲送左雪糕甜品 不過只得兩種味道🤣🤣選擇較少 冇我鐘意食既味道如果純屬想搵個地方醫肚 呢度係一個唔錯既選擇

老婆話想食生蠔，之前睇到朋友share 話呢間觀塘一本食堂幾抵食！趁住開心星期五就同老婆過嚟試下啦！率先被餐廳吸引的是桌上紙茶杯巧思設計，簡單加入熱水就能飲到一杯熱茶，方便衛生！生蠔優惠$13/隻生蠔產地雖無列明，但都幾大隻。食落海水唔算濃，蠔肉都鮮味，絕對抵食！赤蝦$9/隻 可以單隻叫無上限，赤蝦刺身食落都幾鮮甜！甲羅燒 $48設有爐仔即場由專人協助烹調，加熱過後蟹膏塗上多士上，更能食到濃郁蟹膏鮮味！卷物方面即點了香芒芥末脆脆卷，總共有8件，卷物頂上梅花間竹地沾上芒果沙律醬或芥末醬，除卷內脆脆外，亦舖上的鰹魚碎亦增加口感！串燒價錢幾相宜，點了幾串肉類燒得都不錯！ 雞翼燒得香口唔會乾柴，一口牛油脂感重，腩肉外脆內爆汁～驚唔夠飽點左個定食，滑蛋燒鰻魚鍋飯都幾大個，包前菜、沙律同麵豉湯。最後點了一款梳乎厘芝士蛋糕$38 店家還送一人一杯coco Berry 雪糕！