一本食堂

營業中

休息中

Missing japan? Check out this restaurant in Kwun Tong that resembles Japan! Lots of decorations that remind me of japan, great for taking photos! The seats were spacious and comfortable. Good for friends in groups 🤩🐡 Dried puffer fish ($45) - Comes in thin slices with mayo. Makes a great appetiser!🐟Seasonal white fish ($98) - My favourite dish of the night! Super fresh and tasty! No need to dip it in soy sauce cus there’s a special sauce for it.😙🦀Soft shell crab roll ($68)- big portions and the

舊壽司大過拳頭，魚生又冰鮮無味，飯又硬又無味！串燒凍既，又硬又難食，比錢搵難受。埋單每人$300，$300我食到高級壽司啦！叫左兩隻生蠔，好似攪拌機拎出黎既咁！真心食唔落，原隻送入垃圾桶！服務又差，等極都無人落單同加水！見到個隻手都扮睇唔到，唔大叫佢都唔應你。難食到要問可唔可以取消未上既食物，佢就扮嘢話整緊唔比你取消。呢d舖頭繼續留係到都簡直為害人間。如果要我諗呢間餐廳有咩值得你黎，其實饑荒果陣黎食係唔錯既，兩舊壽司就塞飽左個胃囉。

我卒之都換左個新組長😏新組長請食飯我揀咗呢間日本餐廳😌入邊嘅環境都可以呃下自己當去咗日本咁😆有人請食飯我就唔客氣嗌咗個最貴嘅午餐一本特級刺身😆啲魚生都幾新鮮啲飯都幾大兜仲有嗌咗好多小食有雞翼同埋雞軟骨仲有豆腐不過呢間餐廳就唔可以Booking一定要Walk in好彩我哋早啲出嚟攞位遲多10分鐘我見出面條龍已經排到冇雷公咁遠因為睇返個餐牌其實其他餐嘅性價比都非常高唔怪得知咁多人嚟排隊😏我覺得呢度可以encore

高質日本菜♥️我地7個人不停咁叫野食都係叫左2千7左右😜仲要叫左支清酒同食左好多高質刺身所有食材真係勁高質又新鮮刺身拼盤有帶子有三文魚，希靈魚，吞拿魚，北寄貝等甲羅燒超抵食只係$48，有蔥蟹肉蟹子同細細粒嘅鵪鶉蛋燒雞泡魚乾配酒飲真係一流串燒雞翼燒得好香雞軟骨，燒到脆卜卜燒牛脷都好軟好好味超甜番薯仔都好正海膽都好抵好新鮮新鮮生蠔，真係好正♥️超級甜美都係$13蚊一隻赤蝦又大隻又香都係$9隻生牛肉他他真係唔錯，外脆內滑既牛肉燒魷魚，燒汁好香甜，個魷魚好有咬口燒餃子🥟都好好味大大件鮮壽司，真係超大件超抵食三文魚親子丼卷，好好味軟殼蟹卷，超級香脆♥️沙律最黎唔好睇小個炒菜 其實佢都好好味

一班同事今日去食lunch 坐低之後叫左什錦壽司配烏冬，真係未食過啲咁難食既壽司。魚生唔新鮮又黑不特止，舊飯唔係日本米，而且仲硬硬地。另外烏冬係完全冇料，一條菜一粒栗米都冇，係清湯。98蚊，完全唔值，我唔會再去。

屋企人生日搵日式餐廳慶祝下，牛頭角就腳於是去試試，而且裝修唔錯，價錢合理大刺身拼盤有60切，啱晒我地一家四口份量，所有刺身都係唔錯，新鮮不過吞拿魚就一般般，有筋手卷叫左一人一件，餡料一樣新鮮，海膽無腥味，唯獨紫菜已經走氣。。。蟹籽沙律手卷 $15三文魚手卷 $18京蔥拖羅茸手卷 $20味道同賣相都係唔錯嘅蒜香牛油三文魚骨腩就唔多掂，日式應該爆香蒜蓉再煎三文魚骨腩，佢就搞到似港式避風塘，上枱果下都要諗諗係咩黎呢個反卷嘅軟殼蟹又係差啲，無乜另兼用料少，睇返卷物個心就知，不過佢收得唔貴就算喇。。。赤龍卷其實一樣，餡少，可取嘅係個頭同尾炸得香脆，全部食晒唔會浪費食完炸野就食返啲菜清一清，醬油湯底唔錯菜同豆腐合格，個底仲有啲芋絲清酒酒款多，部分係普通貨色，不過見佢咁少客就幫襯下佢喇，始終都知出黎食點都賺你以下呢支係唔錯嘅，微酸，果味唔太突出，勝在味道啱飲又唔貴，因為佢冇寫精米步合同埋只用國產米，相信級數都係一般，但係唔錯嘅店員服務都好好，我地以為雪糕要叫定食先有，店員見到我地戴口罩就主動走埋黎話有雪糕送其實佢可以唔講，自己食埋算嘅，所以服務係認真唔錯

睇食評睇到啲人話幾好食⋯去到坐低飲杯茶都ok嘅經過一輪選擇困難症發作之後，叫左個叉燒烏冬。個烏冬酸酸地。個叉燒酸酸地（我估係用醋醃完之後嘅味道？總之唔好味啦）個豬骨湯冇乜豬骨湯嘅味 - 豬骨湯唔似豬骨湯，水唔似水鳴門卷麵粉嘅感覺（哩個價錢我唔expect啲咩，但係佢果隻係軟曬嘅鳴門卷）基本上成碗烏冬最好食係嘅就係啲昆布好啦我地兩個人，每人加左8蚊個壽司（8蚊有兩舊）其實食完個烏冬都唔會對佢有咩奢望要左甜蝦壽司同埋蟹籽軍艦（sor 冇影到相）每舊甜蝦壽司上面有兩隻蝦，有少少蝦味，講唔上鮮甜蟹籽軍艦ok多蟹籽嘅咁講真黎個價錢算係咁啦整體黎講性價比（極）低

壽司好鬼大舊，搞到最後食唔晒😅😅😅下次可唔可以唔好咁多飯，佢既魚生壽司我覺得麻麻，反而鰻魚壽司性價比幾高，大大片鰻魚。其他野食都算平價既，而且間鋪夠大，成班frd岩黎。

觀塘區高質靚靚日本野香港疫情緩和但係其他國家仲未好返所以想去旅行都去唔到咁岩今日又想食日本嘢同埋去開附近做嘢就去OpenRice睇吓有啲乜嘢好嘅日本嘢食見到呢一間裝修好似唔錯而且價錢唔貴嘅日本餐廳就決定試吓佢啦食日本嘢梗係要食甲羅燒啦配埋佢跟嘅多士真係好好食好鮮味然後啲阿根廷赤蝦$18兩隻咁大隻而且都幾鮮甜又多肉啲肉一啲都唔莓都唔錯日本餐廳食嘢梗係要食下串燒叫咗兩個一個鹽燒牛肉一個鹽燒豚肉兩個燒得唔錯肉味濃而且唔鞋唔老吉列炸蠔都好食呀炸得好脆入邊啲蠔肉都好味唔錯而且好平$45就有五隻

*星期六放假,朋友約我出街食飯,佢話今次帶我去觀塘一間日本餐廳試下,嗰間餐廳位於鴻圖道,餐廳非常寬敞,座位闊落,在設計上很有日本氣派,牆身有富士山和穿和服的美女作襯托,再加上餐廳播放着一些流行而柔和的日文歌曲,令人猶如置身在日本中👍👍*呢間餐廳嘅日本食物,種類繁多：有刺身、壽司、沙律、卷物、定食、鍋物、小炒王、拉麵、烏冬、天婦羅、串燒和一品料理等等...我哋叫咗兩款食物一齊分享：1）日式海鮮烏冬鍋$86*呢個烏冬好大煲,份量十足,裏面的材料十足,有虾、蠔、蜆肉、青口、墨魚粒和蟹柳,樣樣食材也非常新鮮,鮮味十足😋烏冬吃起來非常滑流和彈牙,再加埋濃郁的豬骨湯底,配合起來提升了整個食物的味道,令我食到舐舐脷❗2）海膽蛋白帶子炒飯$102呢啲飯炒到非常之美味,帶子份量十足,而且非常之鮮甜；舖在飯面的海膽,不但香口,而且甘香軟滑,令你食到停不了口,飯是用日本米煮的,因此有粒粒的飯香味,非常惹味😋*吃完飯後,店員送上兩個雪糕作為甜品,一個芒果味,另一個海鹽味,實在太開心了😃

餐廳環境非常大，而且佈置非常日式，仿如真係去左日本餐廳一樣，之後望一望餐單，佢所有野食價錢都唔算太貴，比較上親民，而且有做唔同野食既優惠，我叫左佢個赤貝刺身同做緊優惠價9蚊一隻既大赤蝦，重有抵到爛既68蚊一底海膽，再加多個海膽蛋白帶子炒飯，首先講下佢嘅刺身，非常新鮮又夠凍，佢個大虎蝦非常鮮甜，赤貝刺身鮮味十足，而海膽方面，雖然價錢唔算太貴，但質素一d都唔輸蝕，海膽海水味豐富，每食一匙，齒頰留香，之後我再叫多一個海膽蛋白帶子炒飯，呢個飯值得推介，每粒飯用蛋白炒到啱啱好，加埋帶子同海膽嘅鮮味，帶出咗成個炒飯嘅精髓，整體而言，呢間日本餐廳，價錢非常平民，包你有一個合理嘅價錢，又可以食到有質素的日本嘢同時又飽肚。

68蚊一板海膽超級抵食好食！有埋匙羹仔比客人細啖食，感受海膽個種滑溜既口感，呢款海膽海水味較淡但海膽既鮮甜仍有，中意食海膽既朋友真係必叫，刺身都係大平賣，阿根廷大赤蝦都只係9蚊隻，超級大隻，蝦頭既蝦膏非常鮮甜，識食一定食埋！赤貝刺身大片，沾wasabi豉油味道一流，佢地既火焰壽司都好出色，火炙既效果因而入口即融，三文魚同魚籽好好食，至於熟食我叫左雜錦魚生烏冬，魚生款有北寄貝，三文魚，吞拿魚，赤蝦，魷魚等等，多種類，湯底豬骨湯都幾濃味，幾好食

今日同家姐黎左觀塘哩間食堂食飯，哩到既環境日式，餐廳中間有棵仿櫻花樹。餐牌上面有好多食物可以揀，而且食物價錢非常抵，讚好社交平台同分享專頁，仲會送日本水信玄餅一份或三文魚刺身三片。🍣牡丹蝦原隻+鮮帶子四片+三文魚三件刺身 $68三樣刺身都非常新鮮，三文魚肥美，帶子大粒鮮甜，牡丹蝦同樣鮮甜彈牙。🦐珍寶赤蝦刺身（隻） $9赤蝦大隻彈牙，非常抵食。🦀️甲羅燒 $48蟹殼上面放有蟹膏、蟹肉、蟹子及雞蛋，燒熱之後將佢地撈埋一齊，之後塗上烘麵包，食落熱辣辣，有蟹膏香。🍢串燒炭燒雞腎一串 $13鹽燒雞軟骨一串 $13鹽燒牛舌一串 $23雞腎加上甜甜既醬汁，質感爽脆；雞軟骨鹹香惹味，非常好咬；牛舌係厚身嗰種，灑上胡椒同鹽，香口juicy。🍹🍑白桃果汁哩間日式食堂環境舒適，食物性價比高，可以一試。

一本食堂放咗工同同事近近地喺觀塘食嘢，想食日本野又唔想食放題，於是就揀咗呢間一本食堂，地方闊落，設計日式系，以滕織吊燈及櫻花為主嘅設計，服務員殷勤有禮，食物價錢亦非常之抵。火焰壽司拼盤六件$101三文魚，鮮帶子，吞拿魚，仿蟹棒，芝士甜蝦，佐口裙邊。帶子大隻，佐口夠肥美，而且飯嘅份量都多，一定夠飽。浜燒北寄貝$38有日式魚蛋、菇及北寄貝切粒，用日式漬物汁醃製，配料豐富。珍寶赤蝦$9隻赤蝦好大隻，而且新鮮，絕對係超級抵食。鹽燒雞軟骨一串$13外層炸到脆卜卜，有口感及咬勁，香口。鹽燒雞腎一串$13雞腎煙煙韌韌，唔會太咸，幾好食。整體來講好抵食，CP值好高，特別推介串燒幾好食，珍寶赤蝦好大隻。

一本食堂見到佢好多特價系列😍鮮甜刺身超高質！要左個刺身拼盤超高質，d刺新鮮甜之如好滑！滑到完全無筋，帶子大大粒放入口！口感好正😍$178生蠔超新鮮甜美，可以加檸檬或者醬一齊食～個人認為唔加都好好味 推薦清酒煮蜆都ok ga 有小小熱野食下甲羅燒$48 見到咁抵忍唔住要叫黎試下🥰上之前見到佢有埋蛋，蔥，蟹肉同蟹子，佢撈埋一齊再燒～ 燒完就放係小多士上面食😍好味好味 推薦火焰壽司🍣叫左9件火焰系列壽司😍同刺身一樣都好新鮮好好味😃串燒我地就叫左燒茄子，燒雞翼，燒牛舌同燒元貝茄子真係好好味呀♥️♥️好中意佢個燒汁牛舌唔會燒到太焦岩岩好仲要淋淋地9蚊一飯超鮮甜蝦！！勁抵食！！超抵60幾有一板海膽食♥️見到餐廳咁大，同隔離枱好有安全距離～問一問員工原來仲可以預先訂房！