一本食堂

任飲任食放題一街都係，要突圍而出，總要帶點特色。「一本食堂」位於牛頭角及觀塘交界嘅鴻圖樓三樓全層，係以招牌花膠雞湯作招徠，先飲雞湯，後打邊爐，岩曬鍾意飲湯嘅朋友。升級版以$388價位，提供濃郁花膠雞湯、海鮮拼盤、刺身、牛小排 (一次性)，後續無限時任食前菜、火鍋配料、甜品及啤酒汽水等等……金黃色嘅雞湯賣相非常吸引，湯底無加鹽及味精，真實呈現原雞湯嘅鮮味，重口味者可自行放鹽/雞汁。雞件非常嫩滑，連雞胸都唔會柴，肉味適中；花膠筒有數件，正常發揮。整體而言都幾好食，但飲完幾碗湯，食埋雞及花膠都有一半飽，真廢……刺身三點分別係三文魚、帆立貝及紅蝦刺身：三文魚無得唔好食，帆立貝幼嫩，紅蝦刺身亦夠新鮮及爽滑。海鮮拼盤有時令海鮮五款，分別係鮮鮑魚、沙白、白鱔、生蠔，鮮蝦：鮑魚爽口鮮味，但無去內臟要自行處理；沙白肉質鮑滿；白鱔片質感亦爽滑，無咩骨；生蠔幾大隻，但蠔味適中，正常發揮無咩特別。頂級牛盛盤共有四款，分別係牛小排Prime、牛肩胛Prime、安格斯牛板腱，雪花一口和牛粒：牛小排油花及肉味均較濃郁，相對出色。食到呢度其實已經飽，不過都係自助區隨便拎左啲野食，熟食有台灣黑椒腸、關東煮；火鍋配料有幾十款，詳情餐單都有寫，基本發揮，無咩highlight …查看更多

位於觀塘鴻圖樓的三樓，隱藏著一間以日式風格為主調的火鍋放題店。店內裝修簡約現代，搭配日式燈籠、櫻花元素和牆畫，營造出舒適的和風氛圍。座位安排寬敞，餐桌足夠大，方便擺放多款食物，整體環境輕鬆，適合朋友聚會。餐廳主打$298位無限時任飲任食，並可選花膠雞湯底。此價位已包含一款刺身拼盤、一款海鮮盤及一款頂級牛盛盤（每桌限供應一次），其餘火鍋料、炸物、甜品及飲品則可於自助區無限取用。刺身拼盤：包括三文魚、日本帶子和赤蝦。三文魚厚度適中，油潤甘香；帶子清甜軟身；赤蝦體型頗大，肉質結實，整體新鮮度不錯。花膠雞鍋湯底：已半熟的花膠和雞件即席放入湯底再加熱熬煮，建議待湯滾後先飲用原湯，湯底味道帶淡淡雞香，花膠份量合理，口感滑溜，雞肉亦夠嫩滑。海鮮盤：以時令款式為主，包括鮑魚、生蠔、海蝦、大蜆和海鰻魚。鮑魚爽口彈牙，生蠔肥大鮮味不腥，海蝦和大蜆亦屬新鮮。整體海鮮質素對得起價位。頂級牛盛盤：賣相吸引，以冰山盛載四款牛肉：Prime級牛小排油花均匀、牛味濃郁；牛肩胛肉質軟腍多汁；安格斯牛板腱肥瘦適中；一口牛柳粒則較有嚼勁。自助區火鍋料包括少見的鵝腸、牛柏葉、黑魚片，以及多款丸類、餃子和蟹柳等。另外亦有數款炸物如吉列蝦、炸雞等，記得要食荔枝蝦球，外脆內彈，值得一試。甜品區提供多款選擇，由抹茶蕨餅、芒果布甸、杯裝雪糕至新鮮水果皆有，甚至備有中式糖水如雪耳糖水。甜品方面有時令雪糕杯、抹茶蕨餅、水果等有芒果布甸、布朗尼、和果子、泡芙、杯裝雪糕、水果等。連雪耳糖水都有，消膩解泄。飲品櫃選擇甚多，除了汽水及台式果汁，更提供冷泡茶和啤酒任飲，同班fd嚟食飯吹水真係抵到爛！…查看更多

今日同老公去到觀塘的鴻圖樓3樓～一本食堂，試下$298/位的花膠雞放題，佢哋嘅花膠雞湯湯底，超級正～店員話個湯底係❌不加鹽❌不加味精，保證正宗原味道，仲教我哋先飲湯，然後再開始打邊爐🥰🌟招牌花膠雞鍋店員會將雞肉倒入鍋度，然後提醒我哋等滾起之後要先飲湯。花膠雞底濃郁醇厚，有鮮味。雞湯清甜，雞肉質地 幾嫩滑，花膠夠大塊。大家記得要先飲湯，再打邊爐🌟頂級牛盛盤4款牛盛盤包括頂級牛肩胛 prime、頂級牛小排prime、安格斯牛板腱同雪花一口牛柳粒，其中牛小排都幾重牛味。🌟海鮮盤海鮮盤有5款時令海鮮，擺盤靚，鮑魚同生蠔大大隻，口感鮮嫩肥美，食到停唔到口🌟熟食和炸物有多款炸物選擇，可以自行去自助區拎，主要有榴蓮炸彈、炸魚皮、炸薯角、黑椒腸同關東煮。榴蓮炸彈甜甜哋，有榴蓮流心，而且係保溫櫃入面keep住溫度，炸皮唔會淋曬🌟自助區有牛柏葉、麵筋、魚腐、日式餃子、黑魚片、蟹柳、魚皮餃、鵝腸、丸類、蝦子等⋯⋯全部無限量任食🤩🌟飲品有冷泡茶（黑烏龍同茉莉綠茶）、汽水同自家製嘅冬瓜仙草同百香果啫喱果汁🌟甜品有芒果布甸、布朗尼、和果子、泡芙、杯裝雪糕、水果等。連雪耳糖水都有，消膩解泄。…查看更多

朋友返香港，梗係要搵間吹水舒服嘅餐廳坐啦！朋友好鍾意食嘢，所以無限時放題係我哋嘅唯一選擇！呢間餐廳外表好搶眼，相信喺呢頭嘅街坊都會認識～上到去職員就好友善咁介紹呢一個花膠雞套餐有啲乜嘢食。首先一嚟就係上咗個花膠雞湯，職員喺我哋面前將雞肉放落個鍋度，仲叫我哋記得飲咗湯先開始打邊爐～個湯好清，唔會話因為有雞所以變到好油，飲完碗湯打咗個底就開始食嘢！刺身拼盤有帶子三文魚同埋好大隻蝦，啖啖肉夠晒甜！海鮮拼盤勁豪華，兩隻蠔就算煮熟咗都唔會縮水，肉質好鮮甜；鮑魚又係唔會好韌好老，肉質軟腍腍～啲蝦鮮甜又爽口，正！肉拼盤擺得好靚，係一個驚喜～而炸蝦丸新鮮即香脆可口，同類食品喺中菜廳食好貴㗎！大推！食完以上食物，我哋仲可以出去自助區任拎，竟然連海鮮都可以任食，仲有蔬菜丸類同其他配料揀！最開心係仲有個熟食區，有前菜、沙律，又有好多炸物選擇，仲有烤香腸同埋關東煮！飲品除咗汽水之外，又有啤酒同特製飲品揀。甜品就有好多種味道嘅香港製造雪糕，同埋幾款甜品～最後我同朋友吹水吹到10點幾都唔肯走，朋友話啲枱空間比較闊，啱晒聚會吹水，飲下食吓咁樣過一晚！…查看更多

男朋友係火鍋控，今日懶懶地唔想煮飯就近近地去左觀塘食火鍋放題，地點位於故息故鄉嘅鴻圖樓3樓位置，餐廳環境寬敞，坐得舒服，啱晒一大班人打邊爐吹水～今晚試咗$ 298/位嘅套餐，包咗好多正野，絕對物超所值！✨湯底：養顏花膠雞湯湯底零味精，店員幫手落咗花膠同雞滾起後，忍唔住飲咗二湯碗！雞湯鮮甜唔油膩，仲有幾大塊花膠同嫩滑雞肉，真材實料！用呢個湯底淥食材特別入味，仲可以補充骨膠原呢～頭盤：🐟時令刺身拼盤（三款）放題包咗刺身拼盤，當日有厚切三文魚、帶子同赤蝦，全部新鮮肥美，三文魚油脂甘香，赤蝦爽甜，作為開胃前菜滿分！🥩頂級牛盛盤包括牛小排、牛肩胛、安格斯牛板腱、雪花一口和牛牛粒，每款都係美國prime高質之選！個人最愛牛小排，油花均勻，淥幾秒就食得，肉質軟嫩牛味濃；和牛牛粒入口即化，油脂感超正！牛魔王一定唔可以錯過～🦐時令海鮮拼盤（五款）海鮮盤好豐富，有鮑魚、海蝦、蜆、鱔片同生蠔！鮑魚爽彈鮮甜，海蝦大大隻又新鮮，蜆肉冇沙，每款海鮮都處理得乾淨，淥完之後鮮味更加突出！🍲其他火鍋配料放題菜單仲有好多選擇：豚肉、雞肉、丸類、蔬菜、烏冬等，全部任叫任食！飲品櫃有齊汽水、茶類，啤酒，仲有自家製仙草凍，清熱解毒～熟食🍲另有一些日式前菜小食中華沙律，八爪魚仔…熟食方面就有一啲炸物，台灣腸等。服務方面，店员態度友善，上菜速度快，收空碟都好勤力。…查看更多

今晚慶祝朋友生日，搵咗個大家嘅中間點喺牛頭角食一本食堂。餐廳除咗做刺身壽司之外，仲有火鍋邊爐「任食！」所以兩隻餓鬼男人都食得飽啲呢個套餐係除咗火鍋邊爐嘅材料之外，另外仲有一盤刺身——有兩隻虎蝦，四片帶子，四切三文魚。可以話係同事享受火鍋邊爐同埋日本刺身的高質素，係呢間一本先有。始終佢本身做開刺身壽司嘛特式的海鮮火鍋配料就有四隻海蝦，兩隻鮑魚，兩隻生蠔，四隻隻大蜆/花甲，脆肉鯇魚片。都新鮮好味。牛肉當然係重點😝但我最想講嘅係花膠雞鍋嘅雞件！ 之前喺牛大人食，雞件都比較鞋👞 但今次呢度食，其滑嫩嘅程度令人想夾完再夾😬👍🏻 同埋佢個湯底係堅清純、甚至乎侍應姐姐同你講要自己加鹽或者May姐雞汁😂 我哋就一貫持守食原味，所以無加～其他輔料都正常發揮。最鍾意嘅係有台灣腸，仲要係有部轉轉機翻熱，有台灣feel !…查看更多

真係冇諗過觀塘竟然有咁正咁抵食既花膠鮮雞煲火鍋。 今日朋友帶黎鴻圖樓既呢間一本食堂，真係超正。首先佢既價錢公道，而且地方夠大又通風，唔會一陣味。 有好多野任食，各款特色既丸：麻糬芝士，大粒墨丸，牛丸，腸，水餃，雲吞，蝦丸....一大櫃新鮮菜蔬，炸物，前菜，真係應有盡有。 而且飲品係有酒精冇酒精都各一大櫃，好抵玩。坐底冇耐就準備好大煲雞湯同大碟鮮雞件跟花膠出黎。 啲雞放入煲煮好，店員叫可以飲頭啖湯先再碌野食。湯真係好入味，雞唔肥，所以更好飲。 煲過既雞都好鮮嫩，花膠都冇縮細，勁正。 跟餐仲有香脆既荔枝蝦球，大大盤三點刺身，勁新鮮，牛盛盤，同海鮮盤。 真係原得了，係火鍋既最高享受。 佢啲料夠新鮮，真係唔會硬，仲要好有口感同鮮味。而食到最後，幾飽都要食埋佢地既雪糕，多款又好食。係超滿足既火鍋。…查看更多

最近食厭咗千篇一律嘅打邊爐放題，見到呢間主打花膠雞湯，即刻心思思想試下～🐓花膠雞底坐低唔夠一陣就已經上咗個花膠湯湯，個湯底係金黃色，一聞就聞到好濃郁嘅雞湯香味🤩，飲落去好清甜，冇味精味，係由食材本身熬出嚟嘅鮮甜🤣 配料方面就係分開上，都算幾多花膠同雞，店員指示湯底滾起就落埋配料就食得～ 雞肉唔會鞋口，花膠就滑嘟嘟，湯底本身少啲調味，所以抬頭就會有而提供比自己調返鍾意嘅鹹道，飲到尾都唔會覺得膩，飲夠就可以加湯底打邊爐🍲🥩頂級牛盛宴其實係四款牛肉😙，擺盤好精緻，有頂級牛扒prime、牛肩胛prime、美國穀飼牛肉脂肪分佈都好平均，烚幾秒已經可以食得，肉味好香😙最特別係雪花一口和牛粒，估唔到和牛粒都可以用嚟打邊爐🤣 碌咗之後依然充滿油脂🦪 海鮮拼盤除咗牛肉，海鮮拼盤都相當有驚喜😬 最震撼係隻極大隻蠔，煮熟之後隻蠔都仲好飽滿，鮮甜又冇腥味😝 鮑魚就有四隻，咬落好彈牙，沙白夠新鮮，一熟就開口，食到海水嘅鮮甜。仲有魚片都好滑溜，份量好足，其中沙白同埋魚片係出面自助區都可以refill🥰🍣 刺身拼盤可以過吓魚生嘅口癮😛 三文魚肉質鮮甜，大蝦同埋帶子都好新鮮，誠意十足🥢 自助區有唔同嘅炸物、關東煮、台灣腸，火鍋配料方面有齊各種嘅丸類，最特別係有鵝腸同埋雞子🤣 甜品除咗雪糕之外，仲有啲泡芙同細蛋糕仔呢間打邊爐放題主打個湯底，果然冇令小編失望，食物質素都好好，而且冇時間限制，見到好多台食客都係慢慢傾偈一度碌嘢食，係同朋友聚會唔錯嘅好地方🥰…查看更多

一本食堂(香港)地址: 香港觀塘鴻圖道30號3樓打邊爐let's go,其實試食打邊爐是好健康，多菜，肉類可以選擇少脂肪的肉位置及湯底花膠雞自助火鍋價位為$298每位。這裡的花膠雞湯底讓人驚豔，店員特別提到湯底不加鹽和味精，完美保留了食材的原味。店員建議我們先品嚐湯底，然後再開始打邊爐，這真是個明智的選擇。這道招牌花膠雞鍋的湯底濃郁而醇厚，雞肉鮮嫩，花膠則切得相當大塊，口感非常好。除了花膠雞店裡還提供了四款頂級牛盛盤，包括牛肩胛、牛小排、安格斯牛板腱和雪花牛柳，每種牛肉都有其獨特的風味，肉味濃郁，讓人回味無窮。海鮮盤包含五款時令海鮮，擺盤精美，鮑魚和生蠔都特別肥美，口感新鮮。除了火鍋食材，還有多款熟食和炸物質素也相當不錯。自助區的選擇更是豐富，牛柏葉、麵筋、魚腐、日式餃子等應有盡有，讓人可以自由搭配，享受無限量的美食。飲品方面，有冷泡茶、汽水以及自家製的冬瓜仙草和百香果果汁甜品的選擇也不容忽視，有芒果布丁、杯裝雪糕等，還有消膩的雪耳糖水，讓整頓餐更加完美。一本食堂的火鍋質素高，食材新鮮，環境舒適，服務周到，非常值得一試！…查看更多

花胶鸡锅先喝三碗​入座就送上沸腾的花胶鸡锅！金黄的汤头太诱人了，花胶 QQ 弹弹，鸡肉鲜嫩不柴，喝一口满嘴都是胶原蛋白的醇香🥰 秋冬喝这个真的暖到心坎里，喝完还能加汤涮菜，鲜到掉眉毛！​海鲜拼盘直接封神​重点来了！298 元居然送一次性海鲜拼盘！🦪生蚝肥美多汁，入口超鲜甜；鲍鱼 QQ 弹弹很有嚼劲；海虾个头超大，煮熟后肉质紧实；还有蚬和白鳝片，新鲜度直接拉满，每一口都是大海的味道！​…查看更多

今日夜晚同朋友去左觀塘樓上嘅火鍋放題位置比較近牛頭角港鐵站，都非常易搵。388自助餐 任飲任食花膠雞鍋，足料，望落多好新鮮，湯底冇落味精，飲落都幾清甜，打邊爐食落唔會覺得口渴。雞肉都幾嫰滑，花膠食落滑溜。牛盛盤 賣相非常靚 色澤望落好新鮮頂級牛小排 肉質軟嫰，牛味香濃，油脂食落口好滑。頂級牛肩胛 同 安格斯牛板鍵 比較有咬口，牛味都好重雪花一口和牛粒，一口一粒，啱啱好！海鮮盤 五款時令海鮮蠔 好大隻 煮熟後都好滑口，唔會縮得好犀利，冇沙，食落新鮮白鱔片 清爽脆口飽魚 望落大隻都驚會韌，食落又幾嫰，唔會咬好耐都咬唔開，味道都幾清甜，質素唔錯蜆肉雖然唔算大粒，但唔腥，亦都冇沙，相當不錯。基圍蝦 肉質鮮甜，唔點醬都食到蝦嘅香味，搣完殼個size一啖一隻，好味！三點刺身三文魚 帶子 赤蝦刺身新鮮味甜，質素唔錯荔枝蝦球外皮好脆，裏面蝦肉彈牙，有咬口。前菜 冷盤 都好多選擇中華沙律，螺肉，芝麻八爪魚，水果小食 烤腸 炸物 甜品 各款口味雪糕 港式奶茶味好好食，香濃幼滑，真係好重奶茶味！ 泡芙 brownie, 啫喱 應有盡有火鍋配料 丸類 海鮮 菜類都好多款飲品任飲，啤酒有黑啤，泰國象啤等等茶，汽水嘅選擇都好多。整體黎講性價比好高，特別一班人有唔同口味都可以照顧到。食物好多元化，店員有禮。仲唔限時任飲任食，一路食都可以傾下計~…查看更多

佢嘅招牌推廣係花膠雞鍋，估唔到佢會直接半隻雞咁上，加埋花膠十分震撼，雞件嫩身滑口唔韌，大大舊啖啖肉，湯底清甜可口，上面層雞油係精華所在，重口味嘅朋友可以落返餐廳提供嘅雞汁。打邊爐點少得牛肉，佢就跟個牛盛盤，肥牛牛味重，大大片唔難咬，肉質都唔鬆散，不過再多幾片就好；和牛粒乳香味濃，想食多幾粒，淥耐咗都唔會咬唔開。難得係個海鮮盤：卜卜蜆大大隻有咬口；鮑魚唔細隻，份量都多，唔會太韌兼爽口；雖則我唔食淥蠔，但見到佢大大隻咁、好有肉地，都令人食指大動。配料方面：腐皮結，豆味濃。餃子雖然皮厚但餡料充、調味唔錯。枝竹大大塊咁，都爽口唔錯。油麥菜新鮮，用雞湯嚟淥又係上咗一個層次嘅風味。另外佢有個刺身拼盤，帶子清甜，有兩隻甜蝦，而三文魚就正正常常，都唔錯。仲送咗兩爐粒荔枝蝦球比我哋，咬落去彈牙，加埋千島醬就唔膩，好少打邊爐會食到。不過非常可惜係今晚冇雪糕食，對於我咁鍾意食雪糕嘅人嚟講簡直係災難，不過佢都有啲白桃仙草、雪耳糖水、巨峰提子啫喱頂一頂…查看更多

今次試咗觀塘工廈入面呢間「一本食堂」嘅$388無限時自助餐，真心抵食！一入座先點個花膠雞鍋，湯底濃郁足料，花膠厚身，雞肉嫩滑，飲碗湯已經回本一半～海鮮盤係重點！蠔、鮑魚、大蝦、蜆全部任食，蠔🦪新鮮creamy，鮑魚彈牙，大蝦爽甜，鍾意海鮮嘅朋友一定會滿足！仲有三文魚刺身🤤肉食控必攻頂級牛小排、牛肩胛、安格斯牛板腱同雪花一口和牛粒，全部Prime級數，油花靚，淥兩淥就食得，牛味香濃，和牛粒入口即化，encore咗好幾轉！前菜都有驚喜！蟹籽沙律、螺肉、芝麻八爪魚開胃又解膩，炸物尤其出色，荔枝蝦球必試！外脆內彈，荔枝清甜夾蝦鮮，好有特色～火鍋配料應有盡有：萵筍清爽、芝士腸爆漿、公仔麵吸湯精華，仲有台灣腸同午餐肉等經典選擇。飲品選擇多，汽水、啤酒、冷泡茶任飲，仲有啫喱冰好解渴！甜品區有啫喱、抹茶蕨餅、泡芙、糖水同雪糕杯，抹茶蕨餅煙韌香濃，雪糕杯完美作結～總結：$388呢個價位，食物質素同選擇都超預期，環境舒適，絕對會再encore！👍📍一本食堂 (觀塘)觀塘鴻圖道30號3樓…查看更多

收工經過見到鴻圖樓外圍裝修幾靚，於是就入去睇下有咩餐廳，見到呢間主打無味精雞湯底而且仲要任飲任食，即刻去試下😆主打「花膠雞鍋」以整隻嫩滑雞配上花膠，湯底呈淡黃色，雞肉肉質鮮嫩，吸收晒湯底精華，湯底清澈，花膠入口即感受到膠質豐富。💰 花膠雞鍋每位 $298，升級至$388可以無限任叫刺身拼盤、頂級牛盛盤、海鮮盤，適合朋友聚餐或家庭聚會。餐廳提供咗「🦐🦪頂級海鮮拼盤」，包括基圍蝦、帶子、生蠔、白鱔片、蜆等，海鮮新鮮度十足，落鍋後更添鮮味層次。🦪 手掌咁大嘅生蠔，一口吞唔晒的震撼一隻手掌咁大嘅生蠔就咁端上枱，視覺衝擊感十足。蠔肉飽滿得近乎溢出，光澤閃閃，蠔肉滑溜得嚟又帶少少彈性，唔會腍腍哋。海水味濃郁但唔過鹹，有種天然嘅鮮甜滲出嚟，加少少檸檬汁，酸味中和咗海水味，令層次更加分明。🦐 赤蝦蝦肉質柔軟得嚟又帶少少黏口，入口即化，鮮甜味濃。🐚 帶子切得厚身，咬落去爽口又唔失嫩滑，鮮味十足，冇多餘調味。🐟 三文魚油脂分佈均勻，切片厚薄適中，色澤橙紅，入口油香四溢但唔膩。呢碟頂級牛盛盤一上枱，已經係視覺震撼。薄切牛肉如絲綢般層層疊起，中央堆高如山，頂部再放上厚切牛粒，色澤鮮紅、油花分佈均勻。仿真度極高既荔枝蝦球🦐呢道荔枝蝦球，絕對係一道視覺與味覺兼備嘅創意小食。外層炸得酥脆，呈現鮮紅色澤，內裡蝦肉彈。飲品方面都好多元化，除左有罐裝可樂、啤酒，亦有冷泡茶，以及自家製既白桃仙草、巨峰提子啫喱🍇甜品有雪糕🍧品味選擇都幾多，有榴槤、鹽味、豆腐等…查看更多

今晚上，我和老婆去了觀塘鴻圖道的一本食堂享用火鍋晚餐，從港鐵牛頭角站步行約五分鐘便可到達這家餐廳。這裡主打各式各樣的日本料理，包括丼飯、拉麵、串燒、壽司等，選擇非常豐富，價位也相當合理。我們嘗試了餐廳的$298每位的花膠雞放題，讓我印象深刻的是他們的花膠雞湯底，真是鮮味十足！店員告訴我們這個湯底是零鹽和零味精，堅持保留正宗的花膠雞原味，還教我們先品嘗湯，再開始打邊爐，讓我們的味蕾先享受湯的鮮美。牛肉方面，選擇也相當多樣化，包括牛小排、牛肩胛、牛板腱和一口和牛。每一片牛肉都切得厚薄適中，肉質鮮嫩多汁，牛味濃郁，油脂在口中融化，口感滑順，和花雞湯底的搭配簡直是天作之合，讓人感到非常滿足。海鮮盤也非常驚艷，單是看到這一盤就讓人覺得會吃得相當過癮。每人都能享用到兩隻鮑魚、蝦、帶子、蠔和魚片，海鮮的份量相當豐富，還有新鮮的質感，讓人食指大動。套餐中還包含刺身盤，裡面有三文魚、帶子和生蝦，讓我們在火鍋的同時也能享受新鮮的生食。此外，自助區更是琳瑯滿目，各式餃子、墨魚片、丸類、海鮮、麵筋和蔬菜應有盡有，飲品區則有多款韓國飲品、無糖茶和汽水，選擇多到讓人目不暇接！當然，甜品也是不可或缺的部分。我們品嚐了tiramisu、港式奶茶和榴槤，還有芒果布甸、雪耳糖水和各式水果，讓整個用餐體驗畫上完美的句號。總的來說，這次火鍋之旅不僅美味，更是一次愉快的享受，十分推薦給喜愛火鍋和日本料理的朋友們！…查看更多