一本食堂

營業中

休息中

餐廳環境非常大，而且佈置非常日式，仿如真係去左日本餐廳一樣，之後望一望餐單，佢所有野食價錢都唔算太貴，比較上親民，而且有做唔同野食既優惠，我叫左佢個赤貝刺身同做緊優惠價9蚊一隻既大赤蝦，重有抵到爛既68蚊一底海膽，再加多個海膽蛋白帶子炒飯，首先講下佢嘅刺身，非常新鮮又夠凍，佢個大虎蝦非常鮮甜，赤貝刺身鮮味十足，而海膽方面，雖然價錢唔算太貴，但質素一d都唔輸蝕，海膽海水味豐富，每食一匙，齒頰留香，之後我再叫多一個海膽蛋白帶子炒飯，呢個飯值得推介，每粒飯用蛋白炒到啱啱好，加埋帶子同海膽嘅鮮味，帶出咗成個炒飯嘅精髓，整體而言，呢間日本餐廳，價錢非常平民，包你有一個合理嘅價錢，又可以食到有質素的日本嘢同時又飽肚。