一本食堂

營業中

休息中

去咗觀塘行下，見到樓上鋪有一間日本餐廳就試下～食物種類都幾多有串燒、揚物、鍋物同埋壽司等等～～～兩個人叫咗一個鵝肝炒飯、天婦羅軟殼蟹～•因為怕太飽肚所以就冇乜叫太多壽司，淨係叫咗一個特長鰻魚壽司同埋一客炙燒三文魚壽司鰻魚壽司果然冇失望，上枱果下真係好大條成功吸引我注意力🤣🤣🤣❤️❤️❤️❤️••串燒方面就有雞軟骨、鹽燒雞翼、牛舌～幾鍾意食呢度嘅串燒，好好味，款式又多👍🏻👍🏻👍🏻👍🏻👍🏻下次搵多啲人就可以食多啲唔同嘅款🤣••仲叫咗一份芝士年糕小食😆😆😆好好味😋

上網見到朋友食左份好吸引嘅「甲羅燒」，等我又去試下先～～.。甲羅燒：無錯，為左佢，我黎食呢一餐🤣🤣好香濃嘅蟹膏味😋😋，趁熱搽上脆卜卜嘅多士上面，真係勁好味 + 勁抵食👏🏻👏🏻👏🏻下次可以再encore.。$68 刺身：包括有吞拿魚＋立魚+大甜蝦+海膽+北極翡翠螺，呢個價錢食都咁多款式嘅刺身，仲要夠凍夠新鮮，性價比超高！海膽、翡翠螺都好出色，好鮮甜👍🏻👍🏻👍🏻.。蟹籽沙律：無諗過會係咁大碗嘅蟹籽沙律😅，仲要勁多蟹籽，3-4人食都夠晒！.。火焰壽司拼盤：魚生都算厚切，質感特別豐富～～仲有我至愛嘅左口魚邊～一口魚油味，好滿足🥰.。照燒雞扒拉麵：份量十足，飽肚之選～～雞皮係煎香脆口嘅～～唔錯！

1)廚師發辦刺身18片 (採用日本時令海產)由於呢幾日日本放假，魚類比較少d。唔緊要，都有其他嘢嘅廚師發辦，材料都新鮮。我今日就食咗😋磯煮鮑魚池魚皇刺身大拖羅刺身赤身油甘魚雪花腩三文魚刺身松葉蟹腳牡丹蝦珍寶帶子皇全部都真心好正👍2)松葉蟹味噌甲羅燒將蟹膏同蟹肉和配料放落火爐燒，望住爐慢慢煮熱蟹膏嘅時候，都已經流晒口水🤤⋯⋯食得🤤跟住即刻將蟹膏塗滿多士黎食，嘩！蟹膏香濃。3)特長燒鰻魚壽司真係好長架！要分開4次食，鰻魚汁同芝麻令鰻魚更滋味，食落冇咁膩。4)鹿兒島豚肉蜆肉鍋(粉絲、娃娃菜、蜆肉、豚肉、豆腐)這個湯底好清淡，好好飲，食左咁多生嘢，緊要叫d熟食😆5)時令生蠔新鮮嘅蠔，食幾多隻都係唔夠。6)阿根廷赤蝦，好大隻蝦，蝦肉新鮮彈牙。7)馬糞海膽刺身（原板) 太好味🤣⋯⋯食一板都唔夠喉👍

觀塘區一本食堂，價錢親民貼地，尤其晚市推介嘅阿根廷赤蝦（$8一隻）、時令生蠔（$13瑋隻）、本地海膽（$68一板）、甲羅燒（$48）真係幾round都唔會肉赤，而且質素一定係呢個價錢之上。今晚又係約埋同事放工落嚟開餐，赤蝦同生蠔🦪必點，每次都保持水準，尤其赤蝦真係手板咁長，啖啖肉，新鮮甘甜，係我推介再推介、必食之選👍🏻💯。廚師發板壽司🍣十件（$268）- 十件當日最時令刺身壽司，每件色澤光亮新鮮，壽司飯加入適量醋嘅底味，咸去食剌身嘅滯潘感。咁多款最吸引我眼球就係拖羅，油花分布均勻，入口即溶，油花係口腔漫遊爆發，真係唔捨得吞😂；另外帆立貝肥美肉厚，非常鮮甜👍🏻。清清地來一個野菌雜菜豆腐鍋配蕃茄湯 - 熱騰騰上枱，各式配菜非常多，尤其什菌，鍋底仲有韓式粉絲，煙煙韌韌，吸晒蕃茄湯更加惹味😋。

最近發現觀塘區有間價錢好貼地嘅日式餐廳 - 一本食堂，同事食過極力推介比我，餐廳地方好大，枱與枱之間唔會太迫，都幾舒服。今晚食左呢度推介，阿根廷赤蝦，唔係掛😳$9一隻，隻蝦仲要肥大肉厚，蝦頭蝦身緊緊連接，非常新鮮，入口爽彈，越𡁻越甘甜，呢個價錢非常吸引；時令生蠔🦪，海水味唔太重，蠔身好乾淨，唔算好肥美果亭，但非常鮮甜，蠔身好creamy，蠔邊爽口果亭，$13呢個價錢真係好抵；本身仲想叫埋推介本地海膽，一板都係講緊$68，可惜店員話今日冇來貨，唯有等下一次再食。🥢人氣必點，甲羅燒，蟹殼盛載滿滿蟹膏、蟹肉同魚子、仲有一隻鵪鶉蛋，店員將所有材料攪勻，放上石鍋上燒烤，蟹蓋裡面嘅蟹膏，一邊加熱，香氣一邊不斷湧出，香氣撲鼻，完成後放在多士上，每啖都鮮味濃郁，咸度亦適中，非常可口。🥢雜錦天婦羅，賣相好吸引，最頂引係中間果塊成把扇咁嘅炸麵，又靚又脆，口感一流👍🏻，其他主角，蝦天婦羅我最鍾意，粉漿好薄，隻蝦又爽，其他仲有蟹柳、南瓜🎃同矮瓜🍆，$53真心抵食。最後臨走原來仲每人贈送一杯雪糕😋

觀塘呢間日本餐廳好高質，而且嘢食仲高性價比！兩個人晚餐時間叫咗好多嘢食都係$504！👉🏻阿根廷赤蝦 $9/隻赤蝦夠曬大隻，好新鮮，味道鮮甜😎 大家食嘅時候可以叫多幾隻因為唔夠喉！👉🏻松葉蟹味噌甲羅燒 $48蟹蓋入面有蟹膏、蟹籽、蟹肉、一粒蛋黃仔、少少蔥花🙌🏻搽落多士度食真係好正，而且多士都幾香脆👍🏻👉🏻極上三文魚雪花腩 $72總共有五片三文魚腩，全部都好厚身，望落啲腩好肥好正！鍾意食三文魚腩嘅一定要叫呢個😛👉🏻時令生蠔🦪 $13/隻海水味會重啲，但新鮮冇臭味，都值得一試～👉🏻火焰親子卷 $86總共有六件，上面嘅三文魚燒得好香🤩👉🏻三文魚炒飯 $72炒飯份量都幾多，兩個人都食唔晒，幾抵食。👉🏻日本芝士年糕 $38外面炸得香脆，入面好軟芝士都夠多，煙煙韌韌，正！餐廳仲送咗2個沖繩海鹽雪糕，海鹽嘅味道少少鹹，奶味好重好香👍🏻

成日黎觀塘呢頭都唔知原來鴻圖道呢邊有咁高質嘅日本餐廳，黎完真係覺得相逢恨晚🤣‼️除咗嘢食高質之外，仲好高性價比，叫咗超多嘢食都係$500左右～平日夜晚嚟冇咩人，座位好闊落，坐得好舒服！有個餐牌係有特價嘅嘢食，全部都好抵食🥰✨阿根廷赤蝦 $9/隻本身見到咁平真係冇乜expectation，點知嚟到真係嚇親，赤蝦超級大隻😳 而且勁新鮮勁鮮甜，真心好推薦😎🌟 因為我好鍾意食赤蝦，都試過好多唔同嘅日本餐廳，覺得呢間絕對係好高質！本身只係嗌左4隻，後尾好味到加多6😆❤️✨時令生蠔🦪 $13/隻老實講以呢個價錢嚟講就一定唔會係好肥美好大粒🤣 呢款食落海水味會重啲，但都好新鮮，冇臭味，都推薦大家試下👍🏻✨松葉蟹味噌甲羅燒 $48蟹蓋入邊裝住滿滿嘅蟹膏，仲有啲蟹籽同蟹肉。另外亦有一粒蛋黃仔同埋少少蔥花作調味😙 侍應會過嚟幫你撈勻，燒得差唔多之後可以搽落啲多士度食😝 一啖擺落口超滿足🤩！✨極上三文魚雪花腩 (5片) $72鍾意三文魚腩嘅我食完已經即刻想encore🤣🙌🏻 5片魚腩都好厚切，超肥美‼️入口滿滿嘅油脂，好正🥳✨火焰親子卷 (6件) $86火炙三文魚燒得好香，都幾肥美，有少少入口即溶嘅感覺🤓 ✨日本

觀塘隱身於樓上既日式餐廳 嚟到發現呢度時令生蠔同阿根廷赤蝦竟然做緊推廣價 生蠔🦪$13/隻 阿根廷赤蝦$9/隻 🥴膽粗粗各叫咗半打 點知真係 出到嚟貨色絕對對得起價錢 😛蠔唔會話薄到無啖好食咁款 無怪味 食完有啲餘香 呢個價錢合格有突 😌赤蝦隻隻都好大隻 食落夠甜😚我哋仲叫咗個鮮帶子刺身 只係60蚊左右但佢個擺盆非常有心思🥰鮮帶子配搭裝飾 入口好嫩滑 仲多咗份賞心悅目 呢度串燒都好得 叫咗串燒牛舌 燒得剛剛好 質地食落非常好 🥰👍🏻大和牛粒都幾唔錯 食落脂香味入口四散 叫咗香芒芥末脆脆卷 個卷物好香口 都幾值得叫 😋不得不提 叫咗份蟹籽沙律 上枱個刻見到座沙律滿滿 真係好滿足 推介間唔時嚟觀塘可以去試吓🤩

今日同朋友黎到觀塘大家都喜愛日本菜就係附近搵餐廳試經過見到呢間餐廳裝潢光鮮，格局寬敞坐得舒服餐牌有好多選擇，全部都好吸引三文魚壽司好長身，比飯大成2,3倍好抵食！魚肉亦非常鮮甜生蠔同赤蝦都有做特價，好吸引！生蠔夠厚身，有口感赤蝦完全唔腥推薦！軟殻蟹卷炸得剛好好香口，份量亦多點上醬汁食好惹味特長燒鰻魚亦都盡顯誠意長度足足一隻碟同時鰻魚燒到剛好，咬落好軟淋完全感覺唔到有骨吸引哂醬汁，好惹味最後就係我既最愛！鵝肝壽司🍣鵝肝燒到外脆內軟，油香滿溢食完個口仲充滿油香久久不散

今日同女朋友黎到觀塘附近大家都想食日本菜結果俾我地搵到呢間餐廳 就決定入去試下環境寬敞舒服，可以一大班朋友黎都唔會迫餐牌好多選擇，有刺身壽司手卷串燒等亦有優惠折扣單點食品時令生蠔，珍寶赤蝦刺身呢2道都做緊特價生蠔鮮甜新鮮，海水味濃郁蠔身亦厚實，好有口感赤蝦亦一樣新鮮，好抵食必點！特長燒鰻魚呢道既壽司特別係特別長足足比飯長2倍！多出既部分係可以當刺身食鰻魚軟淋入味，入口即融好滋味鹽燒牛舌牛舌燒得剛好外脆內軟好惹味

今日黎到觀塘買野，朋友想食日本餐，諗起之前有同事介紹過呢間餐廳話唔錯，我地就過左黎試下。位置都近海旁既，唔難搵。入到去地方都好寬敞，啲裝畫同裝修都好靚，好有日本風格。而且座位夠舒服，同朋友邊傾邊食岩晒。我地叫左推廣既珍寶赤蝦刺身，時令生蠔，松葉蟹甲羅燒同地獄肥牛野菜鍋。赤蝦刺身好大隻，蝦肉鮮甜夠結實就咁食都好好味，而且價錢非常實惠。至於生蠔都好鮮甜，性價比高。依度既松葉蟹甲羅燒有專人即場幫你係枱面撈好同燒埋，非常特別。估唔到服務好好👍🏻配埋多士一齊食，感覺似食緊蟹肉他他醬，鐘意食羔既朋友絕對可以試下。最後配埋地獄肥牛野菜鍋，將鮮雞蛋撈勻再配肥牛食，非常惹味同滑嚕嚕，牛肉份量十足，好食。不過略嫌地獄湯就唔算太辣，可以再辣啲就岩晒我呢個愛辣之人了。

小弟從來冇寫過食評 實在係呢間野太難食 啲飯咸到放唔入口 叫左兩個垃圾飯$180完全係食一啖唔想再食 難食到呢個程度希望大家唔好中伏重申一次 我由出世以來 冇食過咁難食既野真係一定一定一定要提醒大家

今日同朋友去左一本食堂食下午茶呢度既下午茶有特價之餘，仲免加一，食物味道唔錯，真係超抵！1.壽司：腐皮($8/2件)、加州反卷($8/2件)、油甘魚($16/2件)、劍魚腩($16/2件)、佐口裙邊($12/2件)價錢超抵！壽司質素都可以！2.芝士肉鬆班㦸$22超多肉鬆！班㦸皮夠煙韌！3.松葉蟹味噌甲羅燒 $48估唔到$48就食到！仲有職員幫忙煮，好足料，味道不錯！4.網燒雞泡魚乾 $49好抵食，愈咬愈有香甜味！5.特長燒鰻魚壽司 $28係原條鰻魚壽司！好吸睛，又好味！6.韓式餃子鍋(6隻)$28每個餃子都好大粒，仲有泡菜、菇做湯底，$28真係誠意十足👍🏻6.鮮茄牛肉湯烏冬$30$30，但係大碗size! 一樽好足料！7.鹿兒島豚肉蜆肉(豬骨湯底) $72有蜆、豚肉、薯粉、菜，好滿足！8.白飯 $13人均百幾蚊，但有食放題咁飽，好正！😋😋😋

人在牛頭角而想食日本野真係冇乜幾多選擇🙊見呢間餐牌好似幾多選擇就試下，入到餐廳好似去左放題咁😂張枱好大張😅不過都好寬敞，加上夜晚唔算多人，所以靜靜地坐落都舒服既，而且店員姐姐好有禮貌今次都叫左好多野食，唔同種類都試下，總括黎講燒物正常，但係刺身同鍋物真係麻麻😢😢😢講好食既先啦🙊鹽燒三文魚頭（半邊） $64 🐟三文魚頭燒得幾入味，肉質都嫩滑，同埋雖然話係半邊，不過份量都幾多，幾抵食網燒雞泡魚乾 $49唔乾，咬落煙韌，送酒小食必叫👍🏻黃金粟米蟹籽沙律 $43份量唔少，青瓜絲冇水味，蟹籽都幾多既，如果沙律醬可以兜埋先上枱就好🙈但好可惜，日本野最重要既刺身佢偏偏做得唔好😮‍💨三文魚近腩刺身（8片）$108價錢係唔貴既，但都唔好比碟冇味既刺身我丫😭😭😭😭睇相見到三文魚刺身顏色幾靚，好似幾新鮮咁，但係❗️塊魚肉真係冇味❗️朋友笑說呢碟似素食版三文魚刺身🤡得魚生既口感，但冇味🤡我都係第一次見識呢個感覺既三文魚刺身😮‍💨$8碟果啲鋪頭仲好食🙈壽司類🍣😮‍💨三文魚壽司$17 油甘魚壽司$22 加州卷（6件）$55一次過講啦😮‍💨壽司飯唔係醋飯，冇味，已經扣晒分😮‍💨米飯亦都煮得太林，食落一patpat 咁

做嘢間中會經過觀塘，行過一本食堂多次，終於有機會入去試試佢哋嘅日試料理！〘 特長燒鰻魚手卷 〙鰻魚手卷最緊要係汁醬夠又燒得剛好 — 呢度嘅無骨鰻魚仲十分厚肉（我哋都忍唔住叫咗兩份😋）如果食唔夠仲有蒲燒鰻魚烏冬，拉麵同炒飯。〘 鵝肝壽司 〙厚身又香濃嘅鵝肝壽司連埋醋飯一齊食，滿足得嚟又唔太滯。〘 汁炒金菇肥牛定食 〙牛肉肉質唔會過韌，連埋調味充足嘅汁醬非常好餸飯。除咗牛肉定食仲有各種肉類及咖喱飯，任君選擇。〘 汁燒帆立貝串 〙識揀一定揀最鮮甜嘅帆立貝！裙邊爽脆不硬，貝卵柔滑甜美 — 不過一串較為細小，要分享的話可能唔夠喉。〘 雜錦天婦羅 〙天婦羅每件都係金黃色，炸粉又會太厚，食落好香脆 — 最大份嘅蕎麥麵，記住唔好當左係裝飾喔！〘 蒜香牛油三文魚骨腩 〙一嚟到香氣撲鼻 — 三文魚骨腩埋沒喺金黃色嘅香脆牛油蒜蓉堆中，非常之香口，幾有驚喜。〘 炸軟殼蟹反卷 〙軟殼蟹仲係脆卜卜，脆身得黎唔會油膩，📍一本食堂觀塘鴻圖道30號3樓