影片
更多
2022-08-15
154 瀏覽
最近發現觀塘區有間價錢好貼地嘅日式餐廳 - 一本食堂，同事食過極力推介比我，餐廳地方好大，枱與枱之間唔會太迫，都幾舒服。今晚食左呢度推介，阿根廷赤蝦，唔係掛😳$9一隻，隻蝦仲要肥大肉厚，蝦頭蝦身緊緊連接，非常新鮮，入口爽彈，越𡁻越甘甜，呢個價錢非常吸引；時令生蠔🦪，海水味唔太重，蠔身好乾淨，唔算好肥美果亭，但非常鮮甜，蠔身好creamy，蠔邊爽口果亭，$13呢個價錢真係好抵；本身仲想叫埋推介本地海膽，一板都係講緊$68，可惜店員話今日冇來貨，唯有等下一次再食。🥢人氣必點，甲羅燒，蟹殼盛載滿滿蟹膏、蟹肉同魚子、仲有一隻鵪鶉蛋，店員將所有材料攪勻，放上石鍋上燒烤，蟹蓋裡面嘅蟹膏，一邊加熱，香氣一邊不斷湧出，香氣撲鼻，完成後放在多士上，每啖都鮮味濃郁，咸度亦適中，非常可口。🥢雜錦天婦羅，賣相好吸引，最頂引係中間果塊成把扇咁嘅炸麵，又靚又脆，口感一流👍🏻，其他主角，蝦天婦羅我最鍾意，粉漿好薄，隻蝦又爽，其他仲有蟹柳、南瓜🎃同矮瓜🍆，$53真心抵食。最後臨走原來仲每人贈送一杯雪糕😋
今晚食左呢度推介，阿根廷赤蝦，唔係掛😳$9一隻，隻蝦仲要肥大肉厚，蝦頭蝦身緊緊連接，非常新鮮，入口爽彈，越𡁻越甘甜，呢個價錢非常吸引；時令生蠔🦪，海水味唔太重，蠔身好乾淨，唔算好肥美果亭，但非常鮮甜，蠔身好creamy，蠔邊爽口果亭，$13呢個價錢真係好抵；本身仲想叫埋推介本地海膽，一板都係講緊$68，可惜店員話今日冇來貨，唯有等下一次再食。
🥢人氣必點，甲羅燒，蟹殼盛載滿滿蟹膏、蟹肉同魚子、仲有一隻鵪鶉蛋，店員將所有材料攪勻，放上石鍋上燒烤，蟹蓋裡面嘅蟹膏，一邊加熱，香氣一邊不斷湧出，香氣撲鼻，完成後放在多士上，每啖都鮮味濃郁，咸度亦適中，非常可口。
🥢雜錦天婦羅，賣相好吸引，最頂引係中間果塊成把扇咁嘅炸麵，又靚又脆，口感一流👍🏻，其他主角，蝦天婦羅我最鍾意，粉漿好薄，隻蝦又爽，其他仲有蟹柳、南瓜🎃同矮瓜🍆，$53真心抵食。
最後臨走原來仲每人贈送一杯雪糕😋
張貼
