磯野水產

營業中

休息中

朋友推介話依間海鮮唔錯重點係好有日本風味所以就約埋朋友放工去食前菜係鯷魚醬配蔬菜條有甘筍、沙葛、青瓜沙葛好似馬蹄咁清甜，有驚喜而鯷魚醬就係咸鮮既味道然後就係今日重頭戲磯野活魚海鮮盛合入面有季節時令鮮魚，今日係金目鯛仲有響螺、松葉蟹腳、帆立貝 、鮑魚同赤蝦 先上場係響螺，做左刺身，食落好爽脆然後係磯煮鮑魚，咸咸甜甜好啱佐酒另一隻鮑魚係燒既，食落更鮮味再上係金目鯛，擺盤同色水都好靚師傅將表面微微燒過，更突出魚油香帆立貝就一隻用左清酒煮另一隻就配合黑松露醬去燒個人覺得後者更出色，超惹味松葉蟹腳，職員已經剪哂主要既殼食落非常方便，啖啖肉赤蝦就拎左黎做天婦羅炸得香脆，粉又薄，食落唔油膩最後再加錢用金目鯛既魚骨煲魚湯第一次飲魚目鯛既魚湯，唔錯整體食物水準唔錯，有日本風味不過餐廳夜晚比較旺場建議可以預先訂位

難得近日疫情稍為綬和，終於可以同閨蜜慶生，知道大家都太掛念日本，所以一於食日本菜解鄉愁。餐廳主打磯燒，在店內有一個位置主要負責磯燒食材。防疫措施亦做得好足，餐廳除了採用納米消毒，量體溫外，仲貼心地準備咗紙袋俾我地袋住個口罩。前菜醬汁是由多春魚和沙甸魚製成，用蔬菜條來沾。燒龍蝦頭將龍蝦既蝦肉和蝦羔一齊燒，燒完後好香，龍蝦味好鮮甜，配上梳打餅更好食。清酒活帆立貝濱燒清酒唔太濃，但能夠帶出帆立貝既鮮味。蟶子濱燒新鮮既食材係唔需要用上任何調味，蟶子肉質軟熟彈牙。赤蝦天婦羅赤蝦炸到外脆內軟，肉質彈牙，連蝦頭炸埋，蝦殼亦炸到脆皮，可以連殼食。甜品：蘋果雪葩、椰子雪糕只要叫甜品，餐廳就可以幫忙設計生日擺盤和寫Happy Birthday。手字寫得好靚，好有心思。

上星期食完居酒居，念念不忘。今日又去過第二間食過！今日嚟到一樣位於澳門逸園中心既「磯野水產」，顧名思義食海鮮為主。我地2人叫左個特撰盛合(含龍蝦)。一大盤海鮮嚟到真心嚇親！隻龍蝦好大隻，仲要識郁！仲有扇貝、鮑魚、赤蝦等海鮮！煮法可以自己選擇，我地每種整法都試！因為食材新鮮，點整都好食吧！食海鮮之前，先叫枝清酒飲下，餐廳有駐場清酒鑑定師，專業下推介左呢枝鈴鹿川大吟釀。非常容易入口，after taste有濃郁果味，配𤆬海鮮好夾前菜先食個和牛他他蓉沙律。生牛肉少食，但唔抗拒，呢個和牛牛味重，但無腥味，加上蒽、洋蔥調味，其實好開胃，包紫菜好正磯燒鮑魚一d都唔靱！非常入味，但又無蓋過鮑魚既鮮味！濱燒就反而原汁原味d，用少少鹽調味，食既係原始味道活帆立貝又係極品美食，上圖為清酒燒，大大帶出鮮味，熟度剛好，口感嫩滑下圖就係用牛油黑松露燒既，黑松露香到不得了，比起清酒煮多左份焦香味！好好味！龍蝦兩食，做身就做刺身，蝦頭就煮粥。刺身加上黑蟹子，夾埋食好鮮好鮮爽口鮮甜！蝦頭唔會浪費，加上其他配料煮粥，龍蝦味出哂嚟，香甜温暖，冬天食一流燒鱈場蟹腳又係正，蟹腳啖啖肉，真正蟹柳，好奢侈赤蝦就用嚟做天婦羅，粉漿

慶祝生日當然唔可以隨便，特意去磯野水產食日本海產，隆重為朋友興祝一番。員工十分仔細地介紹各類酒品跟食品，也很健談咁開心就點了鈴鹿川純米大呤釀 300ml 夠今晚飲，入口很純，十分易入口而食品就當然以海鮮為主極盛合(赤) $1598前菜有鯷魚醬(沙甸魚&多春魚混成)配蔬果，爽脆的蔬條清甜又帶點鹹香汁煮鮑魚很入味和很細心地已切開了四份，一口一啖很滋味。赤鯥魚刺身外觀已經很賞心悅目，而且更是火灸了表面，燒後的魚脂溢出，而魚肉本身鮮甜無比，雙份味道，十分滿足。嚮螺刺身十分爽口的螺片，特別喜愛這口感牛油黑松露帆立貝黑松露味不會過份濃郁，恰到好處清酒帆立貝還留下淡淡的清酒氣味，絕不會燒過火喉赤蝦天婦羅赤蝦十分大隻，而天婦羅粉漿很簿脆，蝦肉十分彈牙，一點也不感油膩。雪場蟹 野菜湯雪場蟹配上野菜和豆腐，特別鮮甜美味柚子雪葩甜中帶酸，酸中帶甜，很清新北海道芝士蛋糕不會過份甜漏，反之入口很滑溜十分滿足也應謝職員細心的招待

好喜歡食海鮮，尤其係日本濱燒，所以又來呢間前菜 $30好開胃嘅前菜，雜菜(青瓜、西芹、白蘿蔔、紅蘿蔔、生菜)切成一條條，再點鯷魚醬，呢個醬混合咗沙甸魚同多春魚做成，小小咸香，好好味，一邊食，一邊聽店員介紹當天嘅新鲜食材和牛他他蓉沙律 $188和牛他他配上羅馬生菜同紫菜，嫩滑嘅生牛肉加入咗青瓜粒、生洋蔥粒同黑椒，可以分別放响羅馬生菜或紫菜上面食，兩者口感好不同，羅馬生菜好爽口，紫菜好有食刺身嘅感覺，我就比較喜歡夾紫菜金目鯛刺生 $128厚切嘅金目鯛，肉色白裡透紅，外皮輕輕炙過，魚油出了，好香口，仲有小小炭燒香，時令活蠔刺身 $158來自西非嘅蠔，有些Creamy，海水味淡，非常爽甜，幾滴檸檬汁，提升鮮味北寄貝濱燒 $198之前响另一間食過濱燒北寄貝，一試難忘，今日要再試，白寄貝加入昆布同清酒，北寄貝吸咗酒味，好鮮甜，仲好爽口彈牙又添磯野海鮮盛合 – 寶 $998今次都係食呢個，而今日嘅季節活魚係葫鯛，會鹽燒，白貝就選了濱燒，帶子一隻清酒煮，另一隻牛油黑松露煮、鮑魚就一隻磯煮，一隻濱燒、赤蝦選了天婦羅、蟹加咗$100做粥，鹽燒葫鯛第一次食呢隻魚，用了一夜干呢個方法處理，一夜干係日本北海道漁

近幾年進駐左好多間食日式水產嘅食店, 其中位於銅鑼灣嘅澳門逸園中心已經有幾間, 澳門逸園中心係Sogo隔離, 由銅鑼灣地鐵站一出就到, 係呢度搵食非常方便。👍今日約左堂哥放工去銅鑼灣聚聚, 我book左澳門逸園中心19樓呢間磯野水產, 之前同老婆去過一次, d海鮮好出色, 所以今日帶超鍾意食海鮮嘅堂哥黎食, 佢一定滿意。😁我地7點未到就去到餐廳, 估唔到咁早已經差唔多坐滿食客, 餐廳裝修以木色為主, 配合好多日式裝飾, 非常有日本居酒屋嘅感覺。未點菜之前我地先點左杯梅酒, 邊飲梅酒邊嘆住個前菜, 再揀今日食邊款海鮮盛合。😆柚子×梅酒 $65呢款梅酒味道好清新自然, 柚子味濃, 入口香甜, 餐前飲一杯, 非常醒胃。😙野菜條沙律伴鯷魚醬 $30是日前菜係原價$78嘅鯷魚醬, 鯷魚醬富有咸香, 非常鮮味, 用爽甜嘅野菜條沾上食, 味道非常配。👍磯野海鮮盛合 · 寶(2人前) $898餐廳有幾款2人前嘅海鮮盛合選擇, 主要分別係響螺, 龍蝦定係活魚, 我地最後揀左磯野海鮮盛合 · 寶, 呢個盛合包括有6款時令海鮮: 季節活魚, 蟹, 帶子, 鮑魚, 赤蝦同白貝, 全部海鮮都係空運直送, 每款海

與友相聚，少不免飲飲食食，突然大家皆想吃濱燒，我就帶她到漁獲濱燒碰運氣，可惜星期二晚亦早已滿座，餐廳建議我們到樓上同一集團的磯野水產，是新開的店，我們覺得一試無妨。 門面裝潢及店內風格與漁獲類似亦有不同，門外放了多箱貝殼可知銷量，見到已經垂涎。 前台冰櫃可見是日海鮮。兩家店相比，這兒最大的分別是海鮮食品並非單一以濱燒方法烹調，客人可以選擇每款海鮮以不同煮法做，如我們到西貢或鯉魚門吃海鮮般，先選擇海鮮盤，然後告知服務員烹調方式，例如刺身涼吃、清酒煮、汁煮、磯煮、濱燒、天婦羅或做粥等等，各式其式。 因此濱燒之爐具不必放在客人桌上，而集中在大廳中央，服務人員方便烹調，更可省下用餐空間。 磯野海鮮盛合(2人前) 有多款不同組合，我們選了$1,498這一款，因為我喜歡季節魚，同伴愛蟹，響螺、帶子、鮑魚及赤蝦皆是必吃。磯野海鮮盛合(2人前)  賣相吸引，季節魚是我喜歡的喜之次，真開心，決定汁煮。 首先值得一提是免費前菜，健康蔬菜條是平常，但配備之鯷魚醬美味有特色，這款鯷魚醬主要由多春魚及沙甸魚製造的，鹹香味道討好不過份，配合鮮爽清甜的菜蔬條對比有趣。 以燭台暖著富心思，因為魚醬涼了會有腥

早排聽同事講漁獲浜燒開左間姐妹店，位置就正正係原店上一層。見之前一直都約唔齊人去幫襯所以就借此引誘班ＦＤ約係今晚一齊去會一會佢。坐低店員就送上呢個餐前小食，入面係鯷魚混合沙甸魚所做成嘅魚醬。食落咸香醒胃，就咁食會有啲偏鹹但配上爽甜嘅沙葛青瓜條等，互相中和別有一番風味。 之後就係今晚嘅主角，磯野海鮮盛合－ＫＩＷＡＭＩ。落完單店員就成盤攞出黎俾我地過目，介紹入面嘅海鮮係啲咩同埋問我地想點烹調，仲貼心咁推介左相關嘅食法俾我地，等我地可以有最好嘅味覺享受。 係等待時我地點左呢支文佳人作為我地嘅餐飲（因為呢度清酒種類頗多，但我地都鐘意佢個名夠有氣質）。呢支雖然是原酒但酒精感不強烈入口清醇甘甜帶點花香，而且夠冰凍更突顯米香嘅濃郁。十分配合整餐嘅各款海鮮燒物。  和牛沙律以人手剁碎保留牛肉嘅纖維同彈性。簡單以鹽胡椒調味，食落充滿肉汁鮮甜，混和鵪鶉蛋液更覺口感滑溜。 原隻雞翼燒得皮脆肉嫩，蜜糖令油膩感大減真係連雞翼尖都可以食埋。 原條活魚刺身－蝦夷目張，魚名都係第一次聽。整條魚由頭到尾連伴碟都擺得好靚，廚師仲好有心機咁將部分魚肉砌左朵花出黎。 食落魚肉細緻有彈性，尤其係近背肌位置咀嚼多幾下魚嘅甜味再出

磯野水產是一間新開業的日本料理，位處食肆臨立的澳門逸園中心。餐廳門外擺放了一個和式燈箱，另有數盒海鮮蠔殼裝飾。小小擺設，既呼應了店名，亦道出了餐廳的重點海鮮美食。 門外的裝潢風格延伸至店內每一個角落。除了刺身吧枱外，店中特設一張島型餐桌供浜燒海鮮之用。 甫入座後，店員率先送上一客前菜小品。這杯新鮮的菜蔬條，全部選材皆擁有清新爽口的特質。小吃的特別之處在於配上的鯷魚醬，以多春魚及沙甸魚製成，空口吃難免過於重味，但用上菜蔬條蘸點同吃則味道剛好。因鯷魚醬以魚肉製作，冷凍後難免會變腥，有見及此，餐廳特意安排一個小燭台明火為醬材保溫，安排妥善。 正式開始是日飯餐，餐單以「磯野海鮮盛合 Kiwami」為骨幹，另加數款散點美饌提升享受。 燒自家製一夜干雞翼與黑松露明太子玉子燒是最先送上的熱食小吃。前者賣相金黃，皮脆肉嫩，雞翼面上掛滿蜜汁，甜甜蜜蜜十分討好。後者是一件巨型玉子，面上印有店名「磯野」二字。放刀一切，熱騰騰的輕煙一湧而出，黑松露與明太子的蹤影清晰可見。明太子屬味濃的食材，所以玉子的口味也以明太子的鹹香韻味作主導。 鐵罐酒蒸岩蠔 ($198) 是一道既可觀賞製作過程又可細味的佳餚。方型