滾得囍宮廷火鍋小炒

營業中

休息中

北角好多隱世食店，呢間«滾得囍宮廷火鍋小炒»喺一個完全唔起眼嘅商場Marble33入面，如果唔係睇到介紹或者帶小朋友去補習應該都唔會見到呢間火鍋店😂餐廳門口金碧輝煌嘅龍椅俾食客打卡，更有一系列龍袍鳳掛可以揀嚟著吓影相😆 裝修係復古宮廷風，好鍾意佢哋用雕花木設計成一個個小包廂，食飯嘅時候有少少私隱度，亦帶來視覺享受😎康熙花膠雞湯鍋（半隻）$338選用100-120日龍崗雞每日熬製8個鐘以上嘅鮮雞湯底，非常鮮味濃郁。未落雞件之前店員叫我哋一定要飲返兩碗湯先🤤花膠厚肉仲有兩大片，好足料，食極都仲有😍雞肉亦非常嫩滑😋本地牛頸脊騸牯牛肉(細) $338鮮嫩重牛味嘅騸牯牛頸脊，限定嘅唔係成日有，上枱擺盤好有氣勢。滾得囍餃子拼盤•十粒 $148和牛芝士一口餃、新鮮菜苗帶子餃、韮菜豬肉餃、馬蹄冬菇豬肉餃、芋泥豬肉餃，各兩粒即叫即包嘅新鮮餃子，粒粒飽滿，皮薄餡靚。手打黃金流心鮮蝦丸•四粒 $78煮熟後非常彈牙，咬落去流沙鹹蛋黃醬好邪惡，而且啖啖都有鮮蝦肉！黃金雙拼（秘製鹹蛋黃醬） $98又係極邪惡推介，即叫即炸嘅響鈴同埋脆炸魚皮，外層係滿滿嘅鹹蛋黃醬，響鈴酥脆到不得了，一定要試！滾得囍豐盛雜菜拼盤 $1

滾得囍宮廷火鍋小炒北角馬寶道33號寶馬花園1樓116-125號舖味道評分:☄️(必食之選)>☀️>🌤>⛅️>💨☀️康熙花膠雞湯鍋（半隻） $318湯底鮮甜，花膠同雞的份量都非常充足~店員好貼心會幫忙剪花膠☺️btw有冇女生同我一樣叫到花膠兩個字就會忍唔住order🙃😭☀️本地牛頸脊騸牯牛肉（限定）（細）$318第一眼見到嘩左一聲，造型好靚(可以打卡🤤)細份份量都幾多喎，油脂分佈適中，食落有淡淡的牛味，入口都滑同埋有咬口~☀️滾得囍餃子拼盤（十粒）$138一盤滿足5種口味，，我最中意和牛芝士，濃濃的牛肉味加上芝士的鹹香🤤☄️黃金雙拼（秘製鹹蛋黃醬）$88即食魚皮&炸響鈴，鹹蛋黃醬濃郁，雖然食落超級邪惡，但真係好好食！忍唔住一嚿接一嚿😀☀️手打珍珠帶子墨魚丸（四粒）大粒彈牙，墨魚丸中間真係有細細原粒帶子😳☄️滾得囍豐盛雜菜拼盤$128多款蔬菜組合而成，造型感十足😍☄️足料竹蔗茅根.一渣（冷）$78好飲！一邊打邊爐，一邊清熱😎另收加一服務費~

呢間火鍋店走宮廷風，擺盤幾有心思，肥牛用成個盤上相當有氣勢🤣打卡一流✨康熙花膠雞湯鍋用大量龍崗雞每日新鮮熬製八小時而成嘅黃金雞湯，一滾起就好香雞味😍忍唔住一開始飲咗兩碗雞湯先😆花膠份量十足口感軟綿充滿骨膠原雞件食落有雞味質素幾好✨本地牛頸脊騸牯牛打邊爐主力食牛肉，牛肉選擇都幾多，安格斯、澳洲和牛、日本和牛同本地手切牛都有牛頸脊雪花紋好靚但唔會太油膩，肉質嫩滑牛肉味濃郁✨黃金雙拼 (秘製鹹蛋黃醬)新鮮炸起嘅炸魚皮同響鈴非常酥脆，鹹蛋黃醬香而不膩，超級好食🥹✨滾得囍餃子拼盤 餃子拼盤一共有五款口味，和牛芝士一口餃、菜苗帶子餃、韮菜豬肉餃、馬蹄冬菇豬肉餃、芋泥豬肉餃每樣兩粒，兩個人嚟食嗌呢個就啱晒當中最鍾意菜苗帶子餃同和牛芝士餃✨手打珍珠帶子墨魚丸墨魚丸真材實料，中間有一粒帶子，食落爽彈鮮味✨滾得囍豐盛雜菜拼盤蔬菜種類多而且份量大，足夠四個人食

同朋友約咗係北角見個面打個邊爐🍲揾到馬寶道有間滾得囍宮廷火鍋小炒，裝修有氣派，置身於宮廷般，感覺坐得舒服，決定係度打邊爐！湯底揀咗「康熙花膠雞湯鍋」(半隻)($298)，果然係皇帝般嘅享受，成大塊花膠，補充膠原蛋白啱晒，半隻雞都已經好多件！雞肉好新鮮，雞皮啲油脂勁正😆湯底係用百幾隻龍崗雞每日熬八個鐘以上，所以真係好鮮甜！本地牛頸脊騸牯牛肉(細) $318————————————騸牯牛肉果然濃牛味，牛頸脊油花均勻，入口有嚼勁又唔會韌。餐廳上菜充滿儀式感😆滾得囍餃子拼盤•十粒 $138———————————————每款餃子有兩粒🥟，五種口味，唔怕食厭🤣分別有和牛芝士一口餃、新鮮菜苗帶子餃、韭菜豬肉餃、馬蹄冬菇豬肉餃同芋泥豬肉餃，我自己就最鍾意新鮮菜苗帶子餃，菜苗新鮮又健康唔heavy，帶子好滑。黃金雙拼(秘製鹹蛋黃醬) $88————————————鬆脆到爆嘅炸響鈴同炸魚皮，外層滿滿金黃嘅鹹蛋黃醬，真係好邪惡呀！美濃水蓮菜 $68————————————喺香港比較難揾，用嚟打邊爐真係好正呀🥹仲要好新鮮翠綠，口感爽脆，勁正！滾得囍豐盛雜菜拼盤 $78————————————打邊爐落蔬菜，吸晒

環境：8/10裝修以滿清宮廷風為主，餐廳對裝修好有要求，唔單止係環境，就連餐具都一絲不苟，用上青花瓷器餐具同爐，等大家可以置身於清朝皇宮享用美食，大家仲可以係餐廳換上唔同嘅衫cosplay瘋狂打卡📸食物：8/101️⃣康熙花膠雞湯鍋（半隻）$298超超超超巨型花膠滿滿膠原，雞湯底勁鮮味🤤而雞件貼心另上同已經煮到7成熟，等大家放便淥熟而保持雞件嫩滑😋2️⃣貴妃出浴手切本地牛肉 （細）$288又一打卡力作📸牛肉界貴妃沐浴於牛初乳，盡顯華貴，店員介紹浸1至2分鐘等牛肉吸收，淥熱後微帶乳香，將牛肉昇華🤩3️⃣ 手打黑松露野菌鮮蝦丸（半份）$68咬落去黑松露味湧上味蕾😍，有野菌粒令到口感更有層次，亦都食到蝦嘅鮮味👍🏿4️⃣ 黃金雙拼 $78咸蛋黃炸魚皮同響鈴，炸到好鬆脆，加上咸蛋黃醬包沾滿魚皮同響鈴滿簡直威力倍增！食唔停🤭5️⃣滾得囍五色蔬菜拼盤 $78食咗咁多肉緊係要食啲菜啦，蔬菜拼盤令到我唔洗煩要揀啲咩🤣每樣有少少，多選擇又唔浪費😎6️⃣順德魚腐 $58魚腐勁大舊！大家要小心食個時會淥親條脷👅因為勁索湯底，咬落去啲湯汁爆哂出嚟😝7️⃣竹蔗茅根 （一渣）$68打邊爐🍲難免有啲熱氣，清甜嘅竹蔗茅根🎋幫大家下下火，解下打邊爐

事隔多年再到訪！我諗上一次食都應該3,4年前，但一直都記住呢間店，因為湯底真材實料勁好味！火鍋料亦新鮮，因為為另一半係新界人，好少過到來北角食嘢咁遠，但係我哋立定決心要過來幫襯！環境位於補習商場入面，整座都係補習店，唯獨有伍一間火鍋店。店裡面以宮廷式設計好有feel。餐牌連食物名都有用皇帝名命名，仲有張聖旨比你打卡影相。康熙花膠雞湯鍋(半隻) $298 上次係食椰子雞，今次試下花膠雞，店員會先將湯鍋放上，另附上大片花膠及半隻雞。會幫客人先剪花膠落湯底，雞件本身已煮至七成熟，放入鍋中2-3分鐘食得。湯頭好鮮甜！無令我失望，一如既往咁高質，花膠令湯底因骨膠原變得濃郁，再加雞件，更鮮，雞肉亦好嫩滑，果然係招牌！本地牛頸脊騸牯牛肉(細) $318騸牯牛即係已閹割嘅牛，因為被閹割，佢哋嘅活動量無咁高，脂肪會比較多，牛味亦更濃，肉質亦有咬口。 滾得囍宮廷拼盤十粒 $138包括手打黑松露野菌鮮蝦丸、手打珍珠帶子墨魚丸、手打波菜豬肉丸、手打芝心牛肉丸及手打墨汁墨魚丸。必點，可以試到5款唔同嘅丸，記得上次都有嗌，每款都有餡料又彈牙。羊肉片 $148 我同另一半都鍾意食羊肉，記得以前食評都有講過點解有d羊

不得不讚呢間火鍋店既服務真係好好，店員既態度好之餘，仲會幫每位食客消毒食具😀環境亦都乾淨企理👍🏻1.康熙花膠雞湯鍋(半隻)店員喺面前剪開花膠放落湯，滾起就可以食😋2.脆肉鯇魚份量不少，魚肉幾爽😀3.蔬菜拼盤有驚喜！蔬菜幾新鮮！比濃郁既雞湯煮完之後，蔬菜好甜😋4.餃子拼盤10粒和牛芝士餃、菜苗帶子餃、韭菜豬肉餃、黑松露野菌餃、粟米餃各2粒。每粒餃子都大大粒好足料，皮都好滑👍🏻5.日本拉麵幾彈牙😀總之：乾淨企理！食材高質！可以encore！😋

之前大家IG投票都想出post 介紹下呢間火鍋店😉交功課！環境真係好宮廷feel，服務都唔差態度好👍🏻餐廳入面仲有啲打卡位😌因為淨係個鍋已經好飽，如果多啲人食就可以叫多啲開心啲🤩康熙花膠雞湯鍋（半隻）金黃色雞湯，2大隻花膠加半隻雞分開上，花膠大到蓋過晒啲雞。職員會俾我地影完相再幫我地剪花膠落湯鍋入面。職員話滾起建議食晒啲花膠先落雞，小妹估係避免雞骨落左花膠度。淨係花膠雞湯都飲左2，3碗🤪落埋雞後再試啲湯，雞味再昇華到另一層次。半隻雞份量都幾大同埋啲肉好滑！就算飲左好多湯再加清湯打邊爐，都唔會變淡，反而有點愈黎愈鹹🙈怕太濃的話建議之後加水HKD298御前一品手切牛肉拼盤menu寫有3款牛，黎到有4款：韓牛牛肩甲-超薄，全瘦，超重牛味，淥完未食已嗅到牛味澳洲和牛-脂肪比例四款入面第二少，牛味最輕頂級安格斯牛肉❣️-脂肪比例最平均，有牛味，夠嫩，最鐘意的一款本地牛-牛味都重，脂肪唔夠平均HKD498魚皮響鈴雙拼❣️即炸！即炸！即炸！魚皮響鈴都超級鬆脆魚皮粉漿超薄，堅係唔可以放湯太耐，魚皮1秒就好拎上黎，本身有椒鹽係面，灼1秒後都仲好濃味。響鈴好鬆化，size入口剛好，近期食過最好食的魚皮響鈴，小

見到「滾得囍」又做優惠，晚市全單78折！ 咁平，小編梗係唔執輸啦！😏 如果小編唔係住九龍區嘅話， 「滾得囍」應該會成為家庭飯聚嘅飯堂～😂😂 餐廳門口有張「龍椅」可以打卡影相， 「聖旨」唔只係for影相only， 仲有各款湯底介紹係裏面， 真係可以打開黎「奉天承運皇帝詔曰」～😂😂 湯底有13款之多， 每款湯底都由一位皇帝或者經典歷史人物而命名😂。🌟推薦❗️康熙花膠雞湯鍋（半隻）（$298） 湯鍋和材料分開上，保證新鮮足料， 雞湯呈金黃色，可見濃縮左好多雞嘅精華係裏面～ 花膠多到覆蓋左半隻雞，😳😳 呢到仲有宮廷式嘅享受，店員仲會將大塊花膠逐塊剪開方便食用， 花膠燉得軟腍，雞件肉質嫩滑， 湯頭鮮甜，膠原感十足！😋 🌟推薦❗️滾得囍餃子拼盤（十隻）（$128） 餃子有5款，每款兩隻，全部餃子大大隻， 有和牛芝士一口餃、新鮮菜苗帶子餃、韮菜豬肉餃、黑松露野菌餃、黃金沙葛餃， 菜苗餃和韮菜餃多菜少肉，爽脆清甜又健康！ 黑松露餃散發着濃郁嘅菇菌和黑松露香，啖啖肉，好正！ 黃金沙葛餃中嘅沙葛爽脆，鹹香十足！ 雖然唔知點解和牛芝士一口餃會叫

秋天已至隆冬漸近 又係打邊爐既季節😆 今次為食妹👧🏻帶大家穿越時空 返到宮廷打邊爐😜 呢到既裝修真係好細緻 大至屏風細至豉油壺都有宮廷Feel 打卡一流😁康熙花膠雞湯鍋(半隻) ($298) 打邊爐最緊要當然係湯底啦 招牌湯底有花膠同黃油雞既鮮味 湯料好大份😮 建議大家可以先試左個湯底 再開始淥野食😎滾得起餃子拼盤(十粒) ($128) 無諗過粒粒餃子都禁巨型 咬開爆曬餡 味道都五花八門 每款都有驚喜😋 為食妹👧🏻最鍾意食韮菜豬肉餃 韮菜夠香夠爽口👍🏻 特別款有和牛芝士一口餃 好香芝士味🧀 btw改錯名呢! 禁大隻點一口食曬😂 仲有而家好興既黃金沙葛餃 鹹香得黎又唔會太膩❤️ 瑤柱乾貝滑 ($98)滑係為食妹👧🏻打邊爐必叫既野食 呢到既滑種類唔多 但都口感彈牙 特別推介瑤柱乾貝滑 裡面有乾貝碎 外面少有呢😙呢度仲有豬牛海鮮都有好多唔同既選擇 少人可以揀拼盤 有選擇困難既你有福了☺️

北角是我長大的地方，搬離之後一直沒回去。得知該處開了間火鍋，趁機回去懷緬一下。滾得囍宮廷火鍋小炒位於馬寶道的馬寶學林，這是2015年才改裝重開的兒童主題商場。和記憶中這商場完全是兩個樣子了…講返滾得囍，是一間以北京宮廷為題的火鍋餐廳門口擺放了一大張龍椅，屏風和桌椅都用了大量雕花木頭，枱面放張聖旨，畫風係靚既。睇菜色方面，單是湯底已經令我選擇困難症發作。本來一心想食辣既我，黎到問完店員既推介之後，轉軚叫咗店內名物：康熙花膠雞湯鍋(半隻)($288)鮮黃色的湯底一上來已經好香，是經過熬制的雞湯鰵肚公湯底。加上原塊花膠，和非常新鮮的半隻雞。店員在一旁即場幫你剪。吃法是先煮花膠，水沸騰後花膠已經食得，膠感足得黎嫩滑有彈性，唔會好似坊間既花膠湯底咁一pat pat。而且要配埋湯底一齊飲。湯底真係好鮮好香，而且質感亦有點稠，不是水汪汪。非常滋補養顏的感覺。食完花膠便可以落雞，根據店員所述，七分熟就食得，否則過老。雞的份量頗多，配返雞湯，特別鮮嫩有味。overall呢個湯底是非常之足料高質，值得一試。去到「我應該會想念呢個湯底」既程度。鍋料方面選擇亦非常多最估不到佢連飛彈和牛都有得食，感覺是多到一次

身為火鍋控必定會四處尋食，而前排接男友收工，搵到滾得囍宮廷火鍋，兩個人滾完之後，真心覺得滾得盞！呢度係一間走華麗宮廷風嘅火鍋店，除咗火鍋之外，亦有好多小炒供選擇，而我地當然主功火鍋啦。一入門口就有張金碧輝煌嘅龍椅，店內裝修得好似以前嘅宮廷咁，連燈飾、座椅全都一絲不苟，著實係心底裡加咗分。好啦，一坐低餐桌上有道「聖旨」同「接旨」，原來係點餐紙同埋簡介，哈哈，真心覺得有心思。前菜同醬料方面都盡顯餐廳嘅誠意，前菜都幾好食，雖然我地只係兩個人，但係餐廳絕不欺場，依然提供四款前菜俾我地。特濃冰凍洛神花茶 HK$38 (推薦指數：4/5)味道香濃飲落無糖水味，好冰凍，飲落味道帶少少酸，所以打邊爐飲更加令人胃口大增。康熙花膠雞湯鍋(半隻) HK$288 (推薦指數：5/5)呢度嘅湯底實在太多選擇，而我地見到其他枱都有點康熙花膠雞湯鍋，所以被呢個花膠雞湯鍋吸引住，真係好正好有誠意！！湯底雞味濃郁，色澤金黃，而雞係另上嘅，養顏花膠大大片而且非常厚身。餐廳教我地可以先飲雞湯，我飲咗兩碗先停口，然後再放入花膠，而本身雞經已有7成熟，所以食幾多落幾多就唔怕會嚡口。放落湯底滾一滾就可以食，龍崗雞嘅雞肉非常嫩滑有

天氣又涼返 即刻好想打邊爐! *v*朋友係北角返工 今晚特登黎搵佢食飯呢~佢介紹左一間係呢區都幾出名的邊爐店 -- 滾得囍!少踏足北角既我..一早已經做好功課 知道呢度離地鐵站唔會好遠!果然! 係北角A2出口行唔夠5分鐘 已經黎到馬寶學林搭電梯上一層就到達了!有別於一般火鍋店, 呢度竟然係一間以華麗宮廷風做主題既火鍋店店鋪裝修充滿清朝皇室既貴氣仲不時見到"聖旨"出現~~非常有感覺的雕花間隔同燈罩, 加上店內播既係宮廷版本既流行曲(連lady gaga既bad romance都有, 但將佢加入左宮廷元素...)非常有趣同特別!! XDD先黎既係皇上既聖旨(!)同前菜前菜有酸有辣, 非常開胃同惹味~~而聖旨...其實係湯底既介紹黎 : )想飲酒既 呢度有唔少矜貴既SAKE飲 : )醬料既配料就一早放左係每張枱上~有成16款火鍋湯底可以揀*0*另外火鍋料都有好多選擇~~牛肉,雞鵝,豬肉,手打丸,魚滑,海鮮,餃子,豆品,麵食,蔬菜,仲有刺身背頁就係火鍋以外的食物~~有好吸引的小菜! 如果下次多d人一齊黎既話都想試下呢!!我地揀既湯底::: 康熙花膠雞湯鍋(半隻)$288 全隻$388估唔到半隻