Odelice! (The ONE)

當日係朋友生日飯，專登book咗呢間幾有feel嘅餐廳。環境係幾好，但職員都唔太夠咁，要等一陣先會得閒serve你。當日想食生蠔，冇哂，少失望但最失望係食物質素完全唔掂。我地3個人叫咗個2人套餐另外再加點，個拼盤Starter入面啲野超鹹，麵包超硬，2個意粉係完全冇味，最後個牛扒叫正常啲，但都係靭同多筋。加點嘅薯條係成餐飯入面最好食同最熱嘅野食。最後甜品個crepe都正常，同埋寫返happy birthday，加返少少分。環境同食物賣相係唯一優點，但下次真係唔會再黎。

Lunch食過幾次今次第一次同朋友2個人食晚餐我地減肥 所以都係淺嘗新鮮大蜆鍋$148大蜆鮮甜，份量又多。蘋果白蘭地忌廉汁令成碟餸creamy曬~法國油封鴨腿蕎麥薄餅 $135蕎麥薄餅厚實，看似薄薄一塊，實則飽肚大大舊鴨腿肉放係個餅中間，將D蛋黃打散，就食得成個餅有沙律菜、芝士同香桃莎莎醬 食落好味 健康 又唔dry生牛肉他他配多士$145主角牛肉他他由多款配料拌勻而成，鮮嫩又有嚼勁配角多士脆卜卜與生牛肉他他好match一軟一脆 心靈果茶$42有馬鞭草、無花果及檸檬天然花草茶系列混合不同花朵、水果及香料有種治愈嘅感覺每杯茶有配蜂蜜 鐘意甜嘅客人可以酌量加添~我覺得氣氛唔錯可惜餐廳有D逼 又應聲會覺得少少嘈唔太適合拍拖比較適合簡單REU 家庭聚會

其實呢間野不嬲口碑都好好，所以大時大節約埋朋友嚟食應該冇死啦，點知佢當晚特別設計左個聖誕套餐，除咗個頭盤同埋個甜品之外其他都真係好差，而且每人$600左右，我相信出面比少個0都有機會好食過佢個湯唔記得咗係乜春野法式，可能落咗好多功夫，但係四個人一致認為味道極普通頭盤有類似鴨肝嘅夾餅係好食既意大利飯正常唔反感豬腩豬其實都冇乜大問題，只係個皮太硬汁完全唔夾唔記得咗佢係咩牛扒，冇問我哋要幾多成熟就直接送上嚟，味道正常單十分之韌，個汁都係麻麻仲有個火雞卷加煙肉，完全唔好食佢最戇居就係為咗聖誕設計嘅餐單，味道係係衰過平時好多！

早前係社交平台 見到佢哋嘅Christmas Dinner set menu, 就膽粗粗試吓，本來都好有期待，但係結果超失望，真係只此一次，下不為例。首先，我哋去到佢安排左一個靜d又有少少view嘅枱俾我哋，坐左冇幾耐，因為有一張枱放飛機就叫我哋調過去。我哋去到張枱，上面已經有唔知放左幾耐嘅starter ，凍曬，starter 未食完，main 已經上左，甜品都係咁，main 都好快凍曬，甜品係cake ,放左咁耐都唔好食。全但過程好似趕客咁，食得十分之趕，冇曬節日氣氛，食物質數都好失望。

搭入十二月份 我第一日開始就有過聖誕節嘅心情至於聖誕大餐當然更要食幾次😂🐽早前就去咗The One食咗法式嘅嚟預祝一下氣氛周食物都很錯！🍷Paul Andre Tradition Merlot（$70）柔順圓潤、易入口，有黑莓、車厘子、西梅嘅果香，夾雜一啲朱古力、雲尼拿味道，適合配搭肉類。🍷紅菜頭蘋果甘荀果汁（$38）非常健康，果味濃郁，唔會太甜。🔸芝士火腿拼盤（$218）❤️▪️Reblochon cheese ▪️comté 18 months▪️法國風乾榛果肉腸▪️24個月西班牙黑毛豬火腿▪️脆多士▪️橄欖🫒是一道好豐富嘅冷盤。我鍾意軟身嘅Reblochon芝士，滑膩順口。另外，咸香嘅火腿同肉腸都好好食！🔸法國油封鴨腿（$188）❤️鴨腿煎得外脆內軟，用刀叉輕輕一推開，肉同骨已經可以分離，質地軟腍而不失咬口。旁邊配有焗薯、蒜香羽衣甘藍，好好食！🔸低溫慢煮黑毛豬（$238）豬肉煮得好鬆軟，肉味濃郁，配上燒汁同果醬，非常惹味開胃。下底嘅薯蓉都好香好滑！😋🔸巴斯克蛋糕（$88）❤️勁正！芝士味好香濃！質感好滑！連邊位都唔會鞋口，一定要試！仲有士多啤梨，令口感更清新。

幾年前朋友帶我去灣仔店食過呢間餐廳，當時係外籍人主理，好有氣氛格調，食物亦非常好味。今日再嚟尖沙咀分店想回味下，但發覺食物氣氛全部都已經唔再係嗰回事。 一坐低，枱面有一大撻明顯污漬，叫人抹又話轉頭先，佢當然冇自動自覺返嚟，到我哋再同個經理講頭先個員工就即刻嚟喇，真識做🙃 印象已經即時打折扣。好啦，可能啲嘢都係咁好食呢。可惜都係事與願違。首先叫咗一份黑青口配薯條，本來諗住執一執啲位方便食，點知一拎起個薯條，啲油多到成個水氹咁，即刻唔開胃…青口個汁ok，但唔係隻隻都新鮮，有啲腥，亦都有啲好似小兒麻痹咁😖另外嗌咗個OMNI新膳肉丸意粉，個汁係羅勒香草醬，但食落好乾身，食到尾亦同樣好多油😒唯一甜品係真係好食，呢個係海鹽焦糖醬同朱古力醬可麗餅伴雲呢拿雪糕，餅底軟熟得嚟略有煙韌口感，同啲醬同雪糕好夾，唔會太甜。今次再嚟，真係好失望，好似去咗港式西餐咁，環境同食物都唔到水準，不過當然亦都可能因為本身抱有高期望所以更失望。個人經過今次之後以後都唔會再幫襯，亦都唔會推介比人。走先啦，係咁先啦👋🏻

1.網上訂座6點半，hold枱10分鐘，但冬至塞車趕唔切，打電話去佢話今晚枱唔tight叫我慢慢陣間見～2.去到職員見到我一大一細，望左全場一次想幫我安排L位方便照顧，可惜甘o岩俾客坐晒，特登安排4人枱俾我同小朋友平排坐～3.叫左二人餐，黎左兩客餐湯南瓜湯，可惜我小朋友從來都唔仲意南瓜湯，叫職員只提供一份湯就夠以免浪費，職員主動提出幫我將個湯轉做小朋友飲既餐飲～4.職員不時跟我小朋友互動，又關心佢仲唔仲意食夠唔夠飽，更送曲奇俾小朋友～5.唔係一兩個職員，係全部職員都態度非常溫柔有禮同對小朋友有愛心！

呢間Odelice！位置極方便，係the one 4樓淨係呢間尖沙咀分店，我已經食過2次！我同朋友呢晚8點左右到見到full house ，好彩今次有book 位餐廳環境偏暗，每枱都點左蠟燭，氣氛浪漫💕今次叫咗d未食過嘅菜式，之前食過好味嘅今次又再食：🟠雜錦海鮮蕎麥薄餅$168未食過鹹嘅可麗餅，而且呢個可麗餅用咗無麩質蕎麥粉，健康之選🟠極致羅西尼牛扒$298之前食過覺得好味，今次再食！呢份牛扒成200g再加2塊鵝肝，份量好足仲有香滑薯蓉，滿足食肉獸要求🤣🟠法式油鴨髀$188鴨髀好大隻好多肉，但食落唔覺油膩🟠法式焦糖燉蛋$78未見過咁大份焦糖燉蛋，成隻碗咁大，份量非常多。焦糖脆，燉蛋中間放左藍梅醬，口感清新。🟠飲品叫左1杯Grapefruit Bellini $80，1杯牛油果香蕉燕麥奶沙冰$48，味道清甜！間中諗起呢間餐廳又會想食，會再回訪！

呢間餐廳又係好高人氣，所以一早Book 咗位去食，不過個座位安排... 隔離枱係6個人一齊坐，而我地2 個人就好似搭枱咁，張枱仲要係拍埋一齊... 😔😋 新鮮大蜆鍋都算幾多蜆，不過d 蜆肉都比較細粒，個醬汁都幾重奶油味，夠creamy，加埋少少檸檬汁，味道就清新d😋 西班牙黑毛豬火腿黑毛豬都切得較厚身，油香味重，味道齒頰留香，鍾意食黑毛豬火腿嘅朋友絕對值得一試😋 法國油封鴨腿本身對呢個菜式有d 期待，始終係法國餐廳，不過鴨腿煎得比較老，食落有少少鞋口... 反而側邊嘅配菜有d 驚喜，好食

在尖沙咀shopping是永無止境的😂行完都要依下肚，就地方便到了The One樓上的西餐廳，裝修有mood，黑白階磚燈光暗暗的👍🏻👍🏻👍🏻I Like It ! 火腿芝士控的我們當然選了火腿芝士拼盤啦，有法國風乾肉腸、豬頸肉火腿、18個月康堤法國芝士及勒布洛雄芝士，喜歡肉腸的質感，顏色較深，鹹香得嚟又較厚實，芝士兩款一軟一硬，一搭芝士一搭豬頸肉火腿，再一啖Bourgogne Les Grandes Carelles紅酒，完全是味覺享受呀，旁邊還在開心果及橄欖油送酒，好彩叫了一整枝紅酒，還未到主菜，真係驚唔夠飲吖！法國油封鴨腿蕎麥薄餅，是法國特色菜，餡料豐富有雞蛋、埃文達芝士及香桃莎莎醬，先把半熟蛋攪爛撈勻，個人喜好先食邊邊位，油封鴨很有咬口，但又不會太溜，其實有少少飽啦😂 再來一客低溫慢煮伊比利黑毛豬柳，大大塊肉質非常滑嫩，以香滑薯蓉、烤雜菜托碟，迷迭香紅酒醬汁味道香濃，更有少許番石榴籽減去黑毛豬油膩感，是個絕佳的配搭。甜品有巴斯克焦香芝士蛋糕，芝士特別軟滑綿綿，甜度適中易入口，再飽也能整件KO吖😋 另外叫了一部紅菜頭蘋果胡蘿蔔汁，即叫即製，是健康清新之選！

星期日就梗係hea下㗎啦😂 臨近聖誕節尖沙咀區度度都好多人🤦🏻‍♀️The one有好多餐廳都排哂隊... 經過4樓見到呢間法式餐廳無乜人排隊就揀咗呢度喇🥳環境有自然光,樓底高感覺輕鬆好好hea🥰今日嘅餐湯係週打蜆湯,湯身較為稀,並不像一般西餐週打蜆湯濃稠質地,稍有點遜色😭無麩質煙三文魚蕎麥薄餅,感覺清新健康,蕎麥薄餅有汁料配襯會比較好,因為只有檸檬汁食落感覺較乾身😀 沙律菜新鮮,加上油醋汁,酸酸甜甜好開胃雞肉溫泉蛋意粉不過不失, 白酒忌廉汁配上溫泉蛋比例剛好週末set menu當中有鹹甜甜點,選擇性多,亦可追加小食😍

We ordered a dinner set for 2 with main course of saffron seafood risotto and fillet of beef Rossini. The main courses were presented to the table so fast and they were unexpectedly tasteful. Since we felt we were not ‘veggie’ enough, we ordered another salad with tuna, which is also okay. Will visit this restaurant again in the future.

今天於尖沙咀shopping,然後和朋友到這間法國餐廳吃晚飯。吞拿魚尼斯沙律這個沙律非常豐富，炙燒吞拿魚非常有鮮味， 魚肉香嫩又煙靭，魚味十跳！雞蛋含有豐富蛋白質，沙律菜，火箭菜和蕃茄仔新鮮，還有牛油果和香脆的麵包fresh clams cocotte 新鮮大蜆鍋 $148用蘋果白蘭地忌廉汁煮蜆肉，忌廉汁不會遮蓋蜆肉的鮮甜，忌廉口感很夾這種海鮮！法式經典漢堡漢堡的牛味道非常濃，芝士鹹香，番薯條帶甜又香脆可口火焰橙酒可麗餅$88這個甜品真是又有觀賞價值又好味！店員會先把橙汁點火，再到在甜品上，成個甜品火燒起來，然後如下濃濃的橙酒香味，雲呢拿雪糕香甜，鮮甜的橙肉配上這個甜品，口感非常豐富！

今晚到了the one食odelice! 之前有去過其他分店，尖沙咀這家位於商場內，非常方便，玻璃窗可一覧附近景色，環境闊落幽靜，適合慢活的一晚。❤️特式主廚拼盤特意配上紅酒🍷中和口感，跟芝士搭配得宜，不過濃不過酸。😘法國Reblochon牛奶軟芝士帶獨特香氣，口感較柔軟幼細富奶香，Comte芝士奶味濃郁帶堅果味，容易入口。Parma ham跟salami加上適量芝士，帶出肉脂香味，酸種麵包烤至香脆，加上橄欖🫒更有風味。😋法國油封鴨腿蕎麥薄餅蕎麥薄餅厚實帶香味，飽肚感十足，鴨腿肉拆肉放在中間，把蛋黃汁打散，配上芝士，沙沙醬和沙律菜，一口咬住整塊薄餅，健康得來層次豐富。🥰低溫慢煮伊利比亞黑毛豬柳黑毛豬柳油脂分布豐富，口感較為軟淋，油香感十足，紅石榴酸甜開胃配上牛油香氣薯蓉，棉滑細膩，炒香菇類更惹味。😙巴斯克蛋糕擺盤十分漂亮，將外側烤至焦香的芝士蛋糕，添加了一種特別的風味，配上酸甜的士多啤梨醬汁，味道更有層次。😉紅菜頭甘荀蘋果汁鮮榨果汁，顏色鮮艷，味道平均清爽，亦能同時味嘗到三種材料的味道，十分健康。😊不得不說分店的風格各有不同，食物質素有保證，會繼續支持😝

💕週日晚上同妹妹去左 Odelice撐枱腳🍽️🍴，餐廳位於the one 4樓，平時行街經過已經好想試下😋✨餐廳佈置有情調，係一間法國小餐館。🍎🥕紅菜頭蘋果紅蘿蔔汁$38非常清新嘅飲品，滿滿蔬菜嘅香甜。 食法國菜當然要叫杯🍷紅酒chill下啦，配埋🧀火腿芝士拼盤 ($218) 邊食邊傾計, 真係好正。🦆 duck confit Galette $135 法式薄餅脆卜卜，配上豐富嘅餡料，係法國嘅特色菜 🐷 Iberico pork loin $238 豬嘅里脊肉，呢個部位肉質嫩滑，配上creamy嘅薯蓉，非常好吃。😍甜品 basque cheesecake $ 88入口幼滑香濃， 🍓配上士多啤梨醬同新鮮士多啤梨，一啲都唔漏，好出色嘅甜品。