影片
更多
2021-12-22
112 浏览
幾年前朋友帶我去灣仔店食過呢間餐廳，當時係外籍人主理，好有氣氛格調，食物亦非常好味。今日再嚟尖沙咀分店想回味下，但發覺食物氣氛全部都已經唔再係嗰回事。 一坐低，枱面有一大撻明顯污漬，叫人抹又話轉頭先，佢當然冇自動自覺返嚟，到我哋再同個經理講頭先個員工就即刻嚟喇，真識做🙃 印象已經即時打折扣。好啦，可能啲嘢都係咁好食呢。可惜都係事與願違。首先叫咗一份黑青口配薯條，本來諗住執一執啲位方便食，點知一拎起個薯條，啲油多到成個水氹咁，即刻唔開胃…青口個汁ok，但唔係隻隻都新鮮，有啲腥，亦都有啲好似小兒麻痹咁😖另外嗌咗個OMNI新膳肉丸意粉，個汁係羅勒香草醬，但食落好乾身，食到尾亦同樣好多油😒唯一甜品係真係好食，呢個係海鹽焦糖醬同朱古力醬可麗餅伴雲呢拿雪糕，餅底軟熟得嚟略有煙韌口感，同啲醬同雪糕好夾，唔會太甜。今次再嚟，真係好失望，好似去咗港式西餐咁，環境同食物都唔到水準，不過當然亦都可能因為本身抱有高期望所以更失望。個人經過今次之後以後都唔會再幫襯，亦都唔會推介比人。走先啦，係咁先啦👋🏻
一坐低，枱面有一大撻明顯污漬，叫人抹又話轉頭先，佢當然冇自動自覺返嚟，到我哋再同個經理講頭先個員工就即刻嚟喇，真識做🙃 印象已經即時打折扣。
好啦，可能啲嘢都係咁好食呢。可惜都係事與願違。首先叫咗一份黑青口配薯條，本來諗住執一執啲位方便食，點知一拎起個薯條，啲油多到成個水氹咁，即刻唔開胃…青口個汁ok，但唔係隻隻都新鮮，有啲腥，亦都有啲好似小兒麻痹咁😖
另外嗌咗個OMNI新膳肉丸意粉，個汁係羅勒香草醬，但食落好乾身，食到尾亦同樣好多油😒
唯一甜品係真係好食，呢個係海鹽焦糖醬同朱古力醬可麗餅伴雲呢拿雪糕，餅底軟熟得嚟略有煙韌口感，同啲醬同雪糕好夾，唔會太甜。
今次再嚟，真係好失望，好似去咗港式西餐咁，環境同食物都唔到水準，不過當然亦都可能因為本身抱有高期望所以更失望。個人經過今次之後以後都唔會再幫襯，亦都唔會推介比人。走先啦，係咁先啦👋🏻
张贴
