Odelice! (The ONE)

喺尖沙咀同朋友都想食Crêpe ，所以索性嚟Odelice!食埋晚飯，個晚市套餐仲包埋添！🔖Dinner Set 💲558 for two： 🍲《 蕃茄南瓜忌廉湯 》 x2 配 餐包餐包有焗熱，湯香濃唔會酸～ 我地揀咗 ：🥑🦀《 Crab & Avocado Tartare 》 啖啖鮮甜蟹肉，好juicy加埋牛油果他他好fresh! 🐔《 Roast Half Yellow Chicken 》法式烤黃雞半隻燒好香，肉會偏乾，髀位會滑啲；配薯蓉同松露野菌醬汁提味～🥩《 Argentinian Angus Ribeye ➕💲50 》阿根廷安格斯肉眼牛扒做到要求嘅7成熟，唔韌有肉汁，配埋薯條同巴黎牛油汁～另外飲品有優惠🈶🥞《 Crêpe Suzette 》
職場即場淋火焰橙酒落可麗餅再點火🔥 但可惜酒太多過苦。 我哋點咗2杯MOCKTAIL：🍹《 Peach Sunrise 💲65 》莓味有汽～🍹《 Matcha Apple 💲🆓 》 第一次飲無奶嘅抹茶，再加左酸酸哋檸檬同蘋果汁，幾特別～ …查看更多

ÖDELICE (為於尖沙咀THE ONE)地點非常之方便，以平民價食到有質素嘅法國餐，係唔係到咗夜晚八點仲係爆棚嘅原因呢?原來並唔係咁簡單。原因之一應該係因為一個親和力極高嘅店長LOUIS 。一個非華人同你好努力咁用廣東話同你覆述電話booking時，好感度就提升了。佢不但對每款菜式都能夠作出最好推介，見到佢滿場飛同團隊同事合作無間。雖然見到佢每個客都自來熟，保留私隱空間又拿捏得好好，咁高情感價值體驗嘅餐廳真係好難得！爆場另一原因是食品喺好多細微位都極顯心思，唔會話掛住法國餐牌頭，就擺好多看起黎奢華嘅菜式。我分享吓當晚嘅美食：《前菜餐湯》 🍞Ciabatte Bread- 呢款麵包外脆內軟，帶有微微的酸種包味道。牛油上邊薄薄灑咗幾粒鹽豐富咗牛油風味。🍊Soup 蕃茄湯- 是日餐湯係盲盒，未上枱都唔會知今日大廚個湯係紅黃綠白，好似霸道總裁咁唔會俾你揀。雖然係咁，是晚嘅濃郁法式蕃茄湯並冇令人失望。你係可以睇到為咗有各層次口感而有唔同程度，個湯入邊混合住蕃茄蓉配蕃茄粒。加上香草調味。配上個餐包，真係覺得一個太少。French Charolais Steak Tartare生牛肉他他搭配蛋黃、洋蔥和香料，原汁原味。配烤好嘅酸種麵包，無得挑剔。《主菜》🐟Salmon with Sorrel Sauce - 三文魚搭配酸香的酢漿草醬，只輕輕帶黎一絲青新調味，唔會蓋過魚嘅鮮美。係完全可以食到三文魚煎香脆咗嘅表皮，同皮下爆棚嘅魚脂。 🐽Berkshire Pork 'Pluma'- 黑豚肉大家都知道肉味濃郁，脂肪紋理令口感更有咬勁。吸引我注意嘅反而係神秘獵人醬汁（Sauce Chasseur）我繼續以開盲盒嘅心態去試，食落去開頭有香草味道、然後有燒味飯嘅蔥油味、最後有微微嘅果味/酒味/或是蕃茄味，都分唔清了。原來呢個醬既歷史，源自獵人喺野外狩獵後，就地喺森林入邊採摘食材烹調，所以有濃濃自然風味。主菜呢兩款醬汁嘅配搭，都唔會蓋過煎到香脆嘅肉。只有對烹製食材有絕對信心，先會用呢啲唔搶肉味嘅調味食譜。每一啖都會令人聽到個主角喺口中嘅存在感。🧊Coconut Dive- 椰子為主調嘅飲品，椰青水和水果口感清涼，配上有汽梳打，清空味蕾持續品嘗美食。🧊Pistachio Royale- 香脆開心果搭配絲滑奶油和巧克力，既有堅果香味，又有甜品細膩。《甜品》🥞最後法式甜品又點會唔食返個Crêpe - Crêpe Suzette又係何許人咩玩法、原來係最具打咭力嘅火焰可麗餅。經典的法式甜點，可麗餅上淋上加熱同點著咗嘅柳橙酒，香氣同視覺效果並存！…查看更多

尖沙咀「ÔDELICE」推出全新嘅Set Dinner Menu同Drinks Menu，即刻拉埋屋企人去食，因為有好多菜式都好想試下！今次仲外賣咗3盒食物Share俾其他屋企人試下。*此餐廳收取全單10%服務費。晚市套餐二人餐（單點$673），龍蝦馬賽魚鍋，半隻活龍蝦肉質爽彈，味道鮮甜，龍蝦膏份量多；內有黑青口；茴香酒燒大蝦肉質爽口；盲鰽魚食落鮮味十足，配以海鮮番茄醬汁食用，魚肉鮮味更加突出，配菜包括有薯粒。黑豚帶骨豬鞍（跟餐$65），豬鞍肉質厚肉、色澤粉嫩，口感鬆軟，肉味濃香，表面裹滿蜜糖芥末醬，外層燒得微微焦脆，味道甜帶微辣，法邊豆口感爽脆，南瓜蓉口感幼滑，味道香甜。法式點心拼盤（跟餐$35），炸辣蟹肉球，表面鋪有香辣醬汁，味道微辣，口感酥脆，內有蟹肉；煙三文魚，肉質嫩滑，食落帶有煙燻香味，配以檸檬汁食用，味道清爽；迷你蛋批，內有雜菜碎，食落蛋香味濃；香草芝士撻，Cream Cheese口感幼滑，味道濃郁；雅枝竹蘸醬，口感稠身，配以苦苣食用，味道清新。法式煮青口300克（跟餐$30），此菜式出色在於廚師將黑青口煮到剛剛好熟透，所以黑青口口感好嫩口，加上黑青口肉質飽滿，而且食落好新鮮，配以白酒牛油香草湯汁食用，味道更佳。2碗餐湯（跟餐$0），甘筍忌廉湯，表面鋪有原味南瓜子仁、番荽，口感Creamy，味道清甜。2客餐包（跟餐$0），Mini Ciabatta Breads口感外香脆內軟硬適中，配以海鹽牛油食用，食落好香口。Lychee Martini （單點$85），表面鋪有荔枝、有枝紅車厘子，蛋白氣泡口感綿密，採用伏特加、荔枝香甜酒、熱情果糖漿製作，飲落容易入口。Iced Honey Ginger Punch（單點$65），表面鋪有青檸，採用蜜糖、生薑、芒果果茸、蘇打水製作，味道酸甜、帶點生薑汁的辛辣。…查看更多

Odelice以藍白色為主色調，搭配黑白方格地板，精緻的藤編椅子，增添一絲法式的浪漫。柔和的燈光，配上設計優雅的吊燈，營造優雅的氛圍。Odelice BISTROT SET 晚市二人套餐餐湯濃郁的薯蓉湯，口感滑順，帶有綿密的薯蓉及煙肉香氣，用法式面包沾上，精緻開胃。法式小碟拼盤- 炸白汁三文魚球：外脆內嫩，炸至熱燙可口，鮮香的魚肉及白汁，啖啖濃厚奶香。- 迷你蛋批：柔滑的蛋餡，蛋香濃郁，散發著香草的清甜。- 吞拿魚撻：咬開香脆撻皮，填滿鮮味的吞拿魚蓉，細膩鮮味。- 煙三文魚：淡淡煙燻香氣，搭配清脆多士，口感香脆。- 青瓜刁草煎醬配多士：清新的青瓜香，給味蕾一絲清爽的感覺。法國田螺6件田螺肉鮮嫩彈牙，搭配香蒜調味，鹹鮮味吸引，十分誘人。煎鴨肝，油封鴨腿意粉豐腴厚身的鴨肝，鴨肝油潤滋味，十分邪惡。油封鴨腿肉質粉嫰，肉味香濃，意粉掛上濃厚的忌廉汁，美味吸引。龍蝦馬賽魚鍋鮮美的龍蝦融合多款海鮮，湯底濃郁，帶有番茄的酸甜，龍蝦爽口彈牙，馬賽魚煎至表皮香脆，肉質軟嫰，口感豐富，令人陶醉。還有大蝦、挺身的青口，再呷一口海鮮濃湯，香氣提鮮，鮮味停不了! Melon Silk 75哈密瓜的清新，甜而不膩，加上細滑的豆腐及椰子水，淡淡清爽果香。豆腐清幽柔和，品嚐到夏日的香氣。Saint Germain Spritz接骨木花帶獨特的花果香氣，入口清甜芳香，混合氣泡酒的清新，微微的酸甜，口感輕盈，冰爽解渴。…查看更多

最近我和朋友到尖沙咀的Odelice享用了一頓美妙的法國菜，這家店一直是我的愛店，果然沒有令我失望！還有，員工服務非常周到，很有禮貌😍✨Good service首先上桌的是餐湯和麵包🥖麵包真的非常出色，香氣撲鼻，口感柔軟，無疑是高質素的手工製作▪️頭盤🔺法式煮青口，搭配白酒牛油香草湯汁🔺法式點心拼盤，包括炸辣蟹肉球、煙三文魚、迷你蛋批和香草芝士，色香味俱全，每一樣都令人驚喜，特別是炸蟹肉球，外脆內嫩，口感絕佳▪️主菜🔺澳洲和牛牛脊肉，肉質鮮嫩，牛味香濃👍🏻搭配的醬汁也非常美味，讓整道菜更加出色🔺龍蝦馬賽魚鍋更是令人難忘，半隻活龍蝦、黑青口、茴香酒燒大蝦和盲鰽魚的組合，加上薯粒和海鮮番茄醬汁，讓人感受到海鮮的鮮味，口感層次豐富，完美呈現了法國菜的精髓▪️Cocktail我們點了兩款雞尾酒🍸Saint Germain Spritz和🍸Green Apple Mojito🔺Saint Germain Spritz的賣相極為吸引，氣泡酒加上接骨木花甜酒，清新提神。而Green Apple Mojito則在傳統的Mojito基礎上增添了蘋果的風味，喝起來非常清爽，特別適合夏天享用🔺總結來說，Odelice的法國菜無論是在味道還是擺盤上都表現出色，是一次愉快的用餐體驗。如果你在尖沙咀，這家店絕對值得一試！…查看更多

Odelice 呢間法國餐廳主打價格實惠，樸實無華唔 formal 帶點輕鬆食飯嘅輕鬆氛圍~今次嚟到尖沙咀呢間分店再戰一下！是日南瓜湯，佢哋嘅南瓜湯飲落唔係blend 到滑曬反而帶點瓜肉，口感相對豐富啲Crab & Avocado Tartare 蟹肉牛油果他他 蟹肉份量好足🦀🦀🦀呢個簡單但無得輸組合~ 唯一係略嫌伴碟嘅蕃茄少咗啲唔夠酸味平衡Argentinian Angus Ribeye 200g 阿根廷安格斯肉眼牛扒 - 脂肪少，牛味濃 ~ 個Sauce de Paris 牛油香草味豐富，因為個人鍾意食原味扒多啲所以拎咗嚟點薯條都好夾喎~Roast Half Yellow Chicken 法式烤黃雞 - 焦褐色嘅外皮睇到都知道個雞皮係好脆，最正係加埋個松露蘑菇醬，令到個風味更加濃厚~（不過係完整半隻咁上，要自己處理時需要少少功夫）Crêpe Suzette 火焰橙酒可麗餅呢款咁經典嘅法式甜點呢度都有得食！可麗餅淋上橙酒，再即場經過火焰洗禮🔥🔥🔥 食落甜美又帶有濃濃嘅柑橘風味，配雪糕冰火交融更加爽Happy Hour 時段有買1送1優惠~我哋分別揀咗：Coconut Dive (Mocktail) - 好靚好療癒嘅藍色，未飲已經爽咗先~以菠蘿汁, 椰子水同檸檬汁位主調，清新夏日嘅感覺Green Apple Mojito - 以 Rum 酒加上青蘋果茸, 薄荷葉配蘇打水，比想像中甜美嘅一杯 Mojito~ 容易飲唔上頭…查看更多

見Openrice 訂台有85折，曾經晚餐惠顧過一次，午市就訂枱試試。套餐有很多選擇，基本上就是前菜+主菜及飲品。另外可以用優惠價加購其他小食或甜品。前菜點了法式香草沙蛋沙律、餐湯及炸白汁三文魚球。三個前菜都不錯，沙律菜非常新鮮爽脆。點了4個主菜，分別是油封鴨腿、青醬松子意大利飯、三文魚蕎麥薄餅、風乾豬面頰卡邦尼意粉。三文魚蕎麥薄餅混合火箭菜的香脆口感中和了芝士的膩。豬面頰像炸豬腩般脆口，提升了意粉的口感。餐飲就加錢升級小青檸氣泡特飲(內有薄荷葉+話梅)。由於太飽就沒有點可麗餅試，但見鄰座有點，份量及賣相都十分有水準。…查看更多

約了很久沒見的朋友聚餐，想找一間餐廳環境舒適，味道不錯，而又可以傾偈嘅餐廳；看到這間餐廳的評分不錯，圖片顯示環境也很好，氣氛似乎不錯，於是預約這餐廳進餐，果然沒有揀錯👍🏼餐牌有套餐或單點菜式，最後選了套餐$588兩位OK，頭盤選了蟹肉牛油果他他，主菜點了帶子燴飯及煎三文魚，甜品是蘋果撻，全部味道不錯；七點前飲品買一送一，可選有酒精或無酒精飲品；侍應服務態度很好及有禮，整體很滿意及非常enjoy的一個晚餐😋👍🏼👍🏼…查看更多

朋友很喜歡這餐廳，特意約她假期前夕在這裡共享晚餐。餐廳環境不錯，店面的外國人經理也很熱情，很會搞氣氛。在愉快輕鬆的環境下，怎樣也沒想過接二連三的驚喜之夜即將展開⋯⋯我們點了二人餐，選了凍肉拼盤，三文魚蕎麥薄餅，煎鴨肝.油鴨腿意粉和火焰橙酒可麗餅。先上套餐的餐湯和餐包。餐湯是南瓜湯，有些煙肉，喝到一絲絲南瓜中有點煙肉咸香，很不錯。法式餐包外脆內軟，配搭像President 品牌的法式牛油就更添滋味。上前菜，咦？不是我們點的菜式呀。經侍應確認後，終於上我們加錢點的凍肉拼盤。拼盤的麵包還暖暖的，火腿有3款，每一款也充滿咸香和油脂，加上火箭菜獨特的氣味，如果配上芝士，喝酒的話再搭杯紅酒，足夠chill一個晚上～之後上兩款主菜⋯⋯為什麼依然全部也是錯的？我們開始有點無奈⋯⋯煎鴨肝.油鴨腿意粉，非常推介！鴨肝很大塊，充滿油香，滿口幸福！油鴨腳肉得嫩，我和朋友也大讚好吃！倒是三文魚蕎麥薄餅就有點奇怪，餡料的氣味和外型也像蕃茄炒蛋，味道帶微酸，蕎麥薄餅是滿有口感⋯⋯突然！呯！眼前有醬汁濺過我的臉、頭髮和衣服！我嚇得呆了，不敢動，我怕有玻璃會弄傷！原來有侍應在我們旁邊打翻醬汁！待我回過神來，發現朋友的衣服滿是白色的醬汁！侍應當刻並沒有道歉，只是拿了一堆紙巾和濕紙巾給我們！過了好一回兒才有侍應向我們道歉，並拿餐牌給我們選一款甜品作補償。我們的套餐本來也有甜品，再多一份我們也吃不下，而且那一刻我們只想快點吃完離開，生怕再留在這裡會發生什麼事，所以並沒有接受⋯⋯上甜品，搞什麼呀，依然是錯的！我們也苦笑了⋯⋯而且每次有侍應拿著東西在我們旁邊走過時，我們也很緊張⋯⋯火焰橙酒可麗餅，侍應會在客人面前，在可麗餅上燃點火焰，好打卡able，味道方面，酒精味過重，蓋過了橙汁酒該有的香甜，而可麗餅的口感其實也不錯的，有煙韌感。餐廳的食物整體不錯，有些菜式是推介的，但服務方面的確需要改善。為什麼從頭到尾給我們的餐點也是錯的？完全沒有道歉和解釋！而且打翻醬汁弄髒客人的衣服，讓客人受驚，也沒有即時道歉，送客人甜品這安排也不貼心，令客人尷尬。希望餐廳可以改善，也歡迎餐廳負責人作回應。…查看更多

2025.9.30約個朋友去食飯，起初入餐廳都無咩 都覺得周圍環境唔錯。惡夢由點完餐開始一直去到尾！我地點$558 兩人餐，呢個餐包2個小碟&2個主菜。我同朋友起初就揀左小碟（1）牛油果蟹肉他他 & （2）凍肉拼盤 & 主菜 （1） 三文魚蕎麥薄餅 （2）煎鴨肝，油封鴨腿意粉。我同朋友點完就問個侍應個餐包唔包甜品，侍應話要減走一個小碟既選擇就可以轉甜品或者嫁正價點個甜品， 我同朋友就減走左個「牛油果蟹肉他他」改要「火焰橙酒可麗餅」甜品。之後由一開始上小碟到甜品都係上錯哂啲餐點！侍應上左我地無揀既「牛油果蟹肉他他」 ，上餐侍應仲問我邊個同事負責點餐，我地都有指番邊個侍應負責，佢都有同我地confirm一次，但之後都係上錯，仲要錯到上甜品都繼續錯，建議要再培訓呢位侍應啦！中間有個侍應收碟個陣整跌左裝醬既兜仔落地下，上邊啲醬仲彈到我條半側邊身既裙都係醬同隻手都係，連我朋友塊面同頭髮都係！個一刻唔單止一句道歉都無，只係比左一大堆濕紙巾同紙巾我地，整到我地個侍應去到後期先出黎道歉🤷🏻‍♀️🤷🏻‍♀️🤷🏻‍♀️之後另一個侍應就無啦啦比左個甜品餐牌叫我地揀個甜品當補償！由頭到尾都無負責人同我地解釋發生咩事或者負責人同我地道歉，只係話你地揀番個甜品比當賠償比我地，咁我個餐本來都有點架甜品，可唔可以貼心少少睇下個客點左啲咩野食先再諗下比咩offer個客啦 ！餐點係好食既，但服務就麻麻啦 如果要食既 建議去番另一間分店，都希望間餐廳要再培訓下啲侍應及改善服務質素！…查看更多

收工去到尖沙咀The ONE Odelice! ，之前食過lunch， 覺得幾好食，食物都好精緻，今次食dinner☺️平日Odelice! 都好有人氣，有好多人來慶祝特別日子，都有朋友聚會飲下酒🍷✨Daily Soup & Ciabatte bread南瓜湯好濃郁，配埋牛油餐包準備開始今晚嘅set dinner😋✨Crab & Avocado Tartare🦀啖啖蟹肉，結合了牛油果的綿密口感與蟹肉嘅鮮美，好fresh嘅前菜😋✨Argentinian Angus Ribeye🥩阿根廷安格斯肉眼牛扒煎得好香，脂肪分佈均匀，肉味濃郁，配埋熱辣辣薯條🍟✨Roast Half Yellow Chicken🐓第一次食法式烤黃雞，肉質滑嫩，雞皮充滿油香，配上松露野菌薯蓉🤪✨Crêpe Suzette好有特色的甜品，職員會即場淋火焰橙酒落可麗餅再點火，配冰凍雲尼拿雪糕🍧✨Coconut dive mocktail ✨Peach sunrise mocktail 兩杯野飲好靚，味道清新😜…查看更多

[✨尖沙咀 Odelice! ]#尖沙咀 #Odelice🔸SET OF 2 $558🔸餐湯 + 餐包🥖南瓜湯香濃幼滑，入口帶有濃郁的南瓜甜香，溫暖又順口；餐包外脆內軟好煙靭，配牛油食用簡單已經好好食！🔸蟹肉牛油果他他好有驚喜，新鮮蟹肉同牛油果嘅組合好清新，口感細膩，帶有淡淡海鮮鮮甜，唔錯！🔸主菜 法式烤黃雞半隻黃雞烤得皮脆肉嫩，肉汁鎖得恰到好處，搭配法式香草醬汁令人回味無窮，絕對是法式料理嘅經典之作！🔸主菜 阿根廷安格斯肉眼牛扒 +$50安格斯肉眼牛扒肉質鮮嫩，外焦內嫩，濃郁嘅牛肉香氣同醬汁完美平衡，肉食愛好者的必點之選！🔸甜品 火焰橙酒可麗餅店員現場點燃橙酒，視覺效果滿分，香氣撲鼻。可麗餅薄軟細膩，橙酒嘅微酸同甜美交織，成餐嘅完美句號。🔸Pistachio Royale (開心果醬,雲呢拿糖漿,酥脆卡塔菲絲,忌廉,開心果碎,植物奶) $75開心果醬濃郁香醇，好好飲！🔸Melon Silk MOCKTAIL $75蜜瓜嘅甜香同微氣泡嘅口感完美結合，入口清爽不甜膩，顏色夢幻，打卡效果一流。————————♡♡♡♡♡♡————————✨總結餐廳環境典雅浪漫，適合約會或慶祝特別場合；兩人套餐性價比高，包含餐湯、餐包、前菜、主菜及甜品，份量十足，店員會細心介紹菜式，餐體驗愉快。無論是食物、環境還是氣氛都值得一試。📍Odelice!🏠尖沙咀彌敦道100號The ONE 4樓L407號舖@o.delice #jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港必食 #香港探店 #香港打卡 #香港旅游 #香港必喝 #香港美食 #尖沙咀探店 #尖沙咀好去處 #尖沙咀美食 #尖沙咀…查看更多

呢間餐廳食法國菜好有特色🌟，最近出左個新嘅法式雙人套餐就即刻嚟試下啦🥳巴黎前奏呢個頭盤用成個巴黎鐵塔上，打卡一流📷。西班牙風乾火腿鹹香柔軟，辣味意式腸微辣惹味😻，法式火腿肉質細膩。炸白汁三文魚球外脆內滑，煙三文魚油潤鮮美😙，迷你蛋批香濃軟嫩，吞拿魚撻開胃清爽😎法式煮青口（500克）青口大隻肥美🤤，白酒牛油香草湯汁煮得鮮甜入味。湯汁濃郁帶香草清香，點埋烘脆法包超夾！跟配嘅薯條金黃脆身🔥澳洲牛胸腹扒牛扒炭烤香氣十足😝，五成熟火候啱啱好。肉質軟嫩多汁，油花分布均勻。巴黎牛油汁香濃惹味，配菜燒薯粒外脆內粉😌火焰橙酒可麗餅即場點火視覺效果滿分👍！可麗餅薄身帶蛋香，橙酒香甜唔苦澀😆。配埋雲尼拿雪糕冷熱交融，甜度適中唔膩口😜…查看更多

今日姐姐放假，帶左小朋友去呢間食。推薦二人晚餐$538，包餐湯、 2個主菜同 個2前菜/甜品。少量主菜再加錢南瓜湯好滑同creamy~🐚前菜係法國田螺，香草味好清新，螺肉彈牙。🍗煎鵝肝、油封鴨腿意粉鵝肝好厚身，外皮脆裏面好juicy，好食！意份係卡邦尼醬，好香同份量多。🐂阿根廷安格斯肉眼牛扒200g (+ $50)去食西餐不少得叫牛，呢個部分都不錯。配菜係薯仔粒，如果係薯條會正D甜品叫左泡芙，原來中間有超大球雪糕，嚇親。下次試下crepe~另外叫左開心果特飲，裏面好多不同材料，好有咬口，可以一試。🥢Odelice! (The ONE)🌏尖沙咀彌敦道100號The ONE 4樓L407號舖…查看更多

豐富$538 2人Dinner set 食到好飽飽😌🍞Daily Soup & Ciabatte bread一直鍾意O delice餐湯夠真材實料終於飲到香滑蘑菇湯🍄仲有笑笑添🙂🦀Crab Tartare冷盤蟹肉絲絲分明 混合紅椒🌶️沙律菜🥗洋蔥 🧅牛油果🥑青瓜粒🥒濕潤卻又清新爽口🐔Roast Half Yellow Chicken法式烤黄雞半隻 雞皮油香肉嫰底下配軟滑薯蓉🥔加松露野菌醬多菇粒🍄🐂Argentinian Anqus Ribeye +$50200g阿根廷安格斯肉眼牛扒煎得香🥩配巴黎牛油汁🍟配食唔停口嘅粗薯條🥞Crêpe Suzette超有儀式感火焰橙酒可麗餅🔥即席點火橙酒味超濃郁加球冰凍雲尼拿雪糕🍦🍑Sparkling Peach Sunrise蜜桃果蓉🍓士多啤梨果蓉🍋檸檬汁 蘇打水果味清爽 平衡返肉類奶類膩感🧁Pistachio Royale開心果醬混合雲呢拿糖漿 忌廉植物奶味超突🥛每啖都飲到酥脆卡塔菲絲同開心果碎 好有口感…查看更多