鰹烏冬 (寶華閣)

营业中

休息中

之前已經嚟食過一次，真心覺得好好食，烏冬係高質的，配菜都好多花款，有牛肉、關東煮，天婦羅.....等等之前試過牛肉，又試過關東煮，好想再試其他野，加上又有幾款烏冬的配搭，太多組合可以揀，係有小小選擇困難症最後今次人揀咗掛烏冬配雞天婦羅，同事之前食過話好正無諗過炸雞係好脆，又夠味，烏冬keep到水準我仲見到人地有隻大大的炸雞脾🍗最好係見到佢有外賣，不過個外賣盒就非一般用盒，要俾$40 做按金，環保d都好，下次再忙就可以考慮下

最近長沙彎開左新野，即係走去試下。店舖比較細小，得十零個位。不過lunch time時間等左十分鐘都有位啦！最後叫左個牛肉湯烏冬（原本想食雞烏冬，可惜當日賣曬啦！）冷烏冬同湯烏冬一樣咁彈牙，超滿足🤩🤩

其實早係佢岩岩試業果時特意去左試.區內好少有呢個格局既餐廳,座位係圍住煮野食既位置.所以座位真係唔多, 只有十個左右, 難免會出現人龍。.當日坐左係近冷氣既位置店真係好細, 部冷氣size都唔細,所以坐果個位都幾辛苦, 成餐吹住個頭....所以想食完就走,.叫左鰹魚湯鍋仔燒烏冬, 好似熱辣辣過引D.烏冬質地都唔錯,湯底清清地.不過又未止於有驚喜,正正常常…未至於開個新報導介紹....嗚門（何文田果間既魚湯烏冬更好味😋）.環境❤️❤️❤️衛生❤️❤️❤️❤️人手❤️❤️❤️可逗留時間 ❤️❤️❤️食物質素❤️❤️❤️禮貌❤️❤️❤️選擇❤️❤️❤️送菜速度❤️❤️❤️座位數量 ❤️攝影環境❤️.5❤️為滿分.Total:$78（鰹魚湯鍋仔燒烏冬）..

-呢間食店原本係觀塘嘅工廈入面😯最近終於喺長沙灣開咗分店 而且位置唔偏僻 #🍋👧🏻 當然要同朋友去試吓😇-店鋪得10幾個吧枱位🍾如果想同朋友坐低傾計就未必得喇 加上中午時段有人龍🐉－－－－－－－－－🔻海苔竹簾烏冬 跟鯖魚（$79）散叫$49烏冬超級彈牙 我諗佢係👧🏻有生以來食過最彈牙嘅烏冬😱😱😱諗唔到其他形容詞 不過海苔味唔重 感覺幾特別 廚師煮完跟住即刻浸冰水❄️好煙韌.🔻三文魚籽烏冬 跟鯖魚($105) 散叫$76三文魚籽唔腥 見到廚師落左兩大匙🥄分量合理適中 另外仲有飛魚籽 檸檬 蘿蔔蓉 加少少檸檬汁🍋 會fresh好多 另外個底仲有少少湯汁😌同平時食冷烏冬嗰隻差唔多 有少少酸☺️.鯖魚好香啊❤️❤️同埋都幾大條 塊皮脆卜卜 正－－－－－－－－－

去過四國都知，他們嘅烏冬真係好彈牙軟硬適中. 一日看雜誌，店主從四國學藝回來，即來一試希望回味一下果然，烏冬係超彈牙，軟硬適中. 好煙靱四國嘅回憶返晒嚟，今次我地叫了天婦羅配拌蛋烏冬，炸物新鮮，鬆脆，即叫即炸嘅感覺.拌蛋烏冬蛋味香，但個人覺得有點膩(可能太多嘅關係) 伴侶就要了關東煮加冷感烏冬，關東煮味道一般，唯值得一讚係蘿蔔入口即溶👍🏼冷感烏冬係全餐嘅驚喜，讚！烏冬彈牙不用多講，烏冬配醬油，葱，檸檬，海帶... 入口有烏冬彈牙，葱，海帶嘅脆口加檸檬嘅酸同凍食，感覺好清新，醬油同所有材料係非一般的夾。 熱天必食之選😍店鋪只得12個坐位，等候時間長，今次我地都等了50分鐘左右.

本身係x假期見到，都知有50%係伏。但基於住附近都諗住試下，好食既就有好烏冬食 ⋯咁排隊都算啦，依家香港地食咩都要排😅入面都係吧枱十令個位。around 7點排左半粒鐘左右入到去 ⋯ 見到個煮烏冬既阿叔都係好hea無咩heart.... 淨係顧住幾時要cut人排隊，對帶位果位妹妹又唔多友善叫左一個鍋烏冬(熱)、一個魚子烏冬(冷)、天婦羅雞同骨付雞食落，烏冬既質感係有既，但1. 湯係普通湯，姐係食公仔面會食到既湯底2. 冷魚子烏冬更加唔開胃⋯ 食到最後一盤魚生水咁🤮 腥3. 天婦羅雞完全無味⋯完全理解唔到4. 骨付雞係翻熱既，味就係7仔叮雞脾上面加啲7味粉(?) ，又係難食5. 返到屋企已經好幾粒鐘，仲係非常口喝，大量味精，總之間野係非常無heart...6. 啲餐具二百萬個烏糟！！！！隔離位揀左6隻匙羹都係有白色跡！！！🤮總之，唔會再食，完。

見到報導有介紹師傅去日本學藝，所以特登黎試下。星期日1：00左右去到，預左要等。去到前面有大概10個人，鋪頭都係得12個位，所以我兩個人等左差不多一個鐘。差不多有位時先點菜，我哋叫左一個清湯烏冬，一個廣島蠔烏冬，再加一份牛肉。烏冬真係夠彈牙煙韌，湯底都好重鰹魚味，牛肉就正常，不過不失，因為清湯無餸所以叫嘅。炸廣島蠔真係好食，夠大隻香甜，唔厚粉，同個烏冬好夾，仲有個流心蛋，真係煮得剛剛好，又夠入味，值得一試。

食物真係好普通，烏冬唔夠熱！個碗重有生既麵粉！最不知所謂係，岩岩擺低個碗就即刻收走晒你d野，「重要打開晒後面度門」等d熱氣入晒成間舖，我同女友同隔離唔識果對情侶都呆晒呢間野食過唔會再食未試過唔好浪費你個胃

剛開張諗住遲少少先試，開左無耐次次行過都排長龍，店內10個bar位左右，上星期7點幾行過無咩人排，諗住排下啦，店員話唔洗排，已經無麵啦好在我係荔枝角返工，6點半左右收工，即刻過去排第三，坐低之後勁多人排老實講唔貴又真係好食，黎到更係食烏冬，試下鰹魚湯，男友要鰹魚湯小煱烏冬，湯係奶白色，味道清甜，烏龍夠彈牙，我要廣島蠔半湯烏冬，少湯近拌麵食法，多蔥加埋濃鰹魚湯，又係另一滋味，百幾蚊有6隻廣島蠔好抵食，d炸粉好薄，隻蠔鮮甜又多汁，值得一試

好難得咁高水準既烏冬專門店呀🤤店裡位置唔多，應該都有10個，好彩我地都係比較早到，食完出面已經排哂隊了😵💁🏽‍♀️月見烏冬每日鮮製既烏冬麵，以日本小麥粉混合鹽水搓成，手工真係唔話得👍🏿而且仲有尼個好不得了既湯底，以鰹魚乾、昆布、小魚乾熬成，非常清而且甘甜，真係啖啖都係心機之作🤗烏冬都幾彈牙而且亦都唔會淨係粉，所以尼層功夫真係好深厚，簡簡單單加隻生雞蛋，已經好滑溜滑溜既呢😛💁🏽‍♀️ 天婦羅天婦羅有魚、海老、冬菇等，炸粉唔會好勁到淨係食到油，不錯吃，同烏冬麵尼個組合都幾好🤤🤤

恕我孤漏寡聞，漏單仲要笑返啲客轉頭係特色？之前起ig見到，諗住過黎試下喇，間鋪就好細，得十幾個位左右，有三位員工。一開頭都正正常常，三個人叫左三款烏冬，都等左一段時間，早我地5分鐘入去個對情侶食埋去比埋錢都仲未上到一個烏冬，但諗緊即煮都所費需時，咁諗住算喇。好喇，終於有兩個烏冬上左，諗住最後個個食住等喇，仲要未上個個烏冬有好多配料，諗住普通清烏冬都要等咁耐喇。的確啲烏冬係唔差，但可惜味道一般，並沒有報道上講得咁好食。愈等愈耐就直接問佢其實係咪漏左單，個staff望一望我地又望一望張單，跟著‘哦’左聲就行開左喇，我地即刻叫佢如果未整就唔要喇，結果個staff都係無理過我地。快快手食完去比錢，問佢係咪漏左單，搞到我同行人好餓無得食，個staff居然笑住話‘無得食咪無得食囉’ 我個下即刻火起，問佢拎返張落單紙出黎同佢對，隔離個個staff就即刻衝過黎大聲夾惡咁話‘係呀，係我睇漏單呀，對唔住囉’ 3個員工serve 6個客都完全做唔黎咁，仲要態度奇差，我真係無野好講。如果一間小店主打獨特既服務態度，可能我會有心理準備定，但都唔會接受你地漏單出錯仲要笑返啲客轉頭，更何況，你地並不是主推呢啲本土茶

一直都覺得，公司附近欠缺一間好吃的烏冬店鋪，有日吃完午飯，竟發現這間原本在觀塘風評不錯的小店，實在高興萬分，隔日午餐立即要試一試！海苔竹簾烏冬$49 雖然我想試鰹魚湯底，但一見到這個海苔烏冬，就覺得一定要試這個！ 顏色綠綠的很鮮艷，但吃下去並沒有很重海苔味。不過，烏冬質地非常煙韌彈牙，簡單的沾上醬油同吃，已經很美味！額外加的溏心蛋亦很不錯，流心程度剛好，蛋味濃郁。鰹魚湯鍋燒烏冬 $78烏冬鍋熱辣辣，但烏冬並不會煮得過火，依然保持彈性。鰹魚湯底清甜，攪勻蛋黃後令湯底增添一個蛋香，不錯呢。

試完一次，一定不會再食。廚師煮面時掛住同伙計傾計，完全無用心去煮。烏冬同自己在家煮的沒有分別。可以不用再食。完全沒有配菜的清湯烏冬仲要收四十幾蚊太不值了。龜丸制面好很多。

去開長沙灣所以搵定哩間試下，坐低後見到佢有自家製嘅烏冬機，夠晒誠意，我們叫了冷大麥烏冬， 鰹魚鍋燒烏冬， 流心蛋， 關東煮， 天婦羅。冷大麥烏冬，烏冬非常彈牙爽口，果然係自家製嘅威力。鰹魚鍋燒烏冬， 牛肉是肥牛，一隻雞蛋少少配菜等等，非常普通，冇特別。流心蛋， 賣相非常靚，但過於流，蛋黃好似水一樣，如果可以杰番啲就perfect池，蛋味香濃值得一讚。關東煮， 蘿蔔夠大舊好甜好多汁，棷菜卷亦非常香甜有驚喜，好食。天婦羅，有點失望因為用了萬年酒好重油益味，不值得推介。整體嚟講自家製烏冬有誠意，值得推介一試 ^ ^ 😋😀👍

家住附近,"幾乎"食過曬D餐廳。從呢間餐廳開始裝修就留意到應該係日本餐?到開始試業就即刻拉老公去試,好可惜平時放假慣左下晝先食飯。第一次中午路過見無客人以為落場中,晚上大概9點再去,烏冬已經賣曬。第二次晚上7點多去,已經見到有4個人等緊位。因為鋪頭比較細,剛巧落大雨好彩佢地等位既地方有帳篷,都幾細心,咁大熱天唔怕曬,落雨又唔怕濕啦！?樓面姐姐派定Order紙俾我地可以諗定食咩。大概20分鐘到就有位了。鋪頭裝修似小小的拉麵店。樓面姐姐一早告知海苔烏冬賣曬,有點失望,唯有下次再試。最後點左大麥冷烏冬,鰹魚湯鍋燒烏冬,2款小食:骨付雞及關東煮大麥冷烏冬超彈牙,鰹魚湯鍋燒烏冬,湯底有點似打邊爐果d火鍋湯,都唔錯!可惜沒有炸蝦。骨付雞見到係整定左微波爐加熱的,不過啖啖肉算係咁啦！關東煮係我最愛,仲要係最後一兩份。食緊烏冬時聽到師傅答其他食客烏冬麵團發酵原來幾長時間,所以經常好快賣曬。嗯…要數唯一問題係見餐廳吧枱位置竟然漏水,新店黎講好似有點失敗喎?同埋我地坐既位頭頂就係冷氣直吹。不過下次還會光顧,因為我聽到其他客人話天婦羅炸蝦好好食,希望下次食到海苔烏冬啦？