鰹烏冬 (寶華閣)

鰹烏冬(長沙灣) @udon.hk 📍：長沙灣元州街464號寶華閣地下4號舖🚗：長沙灣地鐵C2出口 步行7分鐘📞：+852 2320-2264💲：~HKD100/head for lunchFood quality✔️：關東煮、夏一烏冬👌🏼：蛤蜊烏冬、骨付雞總結：😋出名嘅自家製手打烏冬名店 有幾間分店 份量足價錢抵食 難怪小店都愈開愈多👍🏼😋烏冬嘅專門店 冷熱湯款式眾多 試咗招牌嘅夏一烏冬 冷烏冬鰹魚湯配紫菜 蛋黃 姜末 青瓜 葱 芝麻同檸檬🍋食落清爽清新 烏冬好煙韌 非常適合夏天食 😋+$28加關東煮🍢有雞蛋 竹輪 蒟蒻 蘿蔔同椰菜卷 除咗蘿蔔好稔有驚喜外其他都正常 主要係28蚊大份又唔錯🤔叫咗另一個熱湯蛤蜊烏冬 一上枱真係幾靚仔 蛤蜊又大粒又飽滿😝烏冬都冇夏一烏冬冇煙韌 唔錯嘅但嗰湯底有點普通🤔另一招牌骨付雞 帶骨嘅雞脾🍗調味有七味粉 好食但juicy啲嫩滑啲會更佳😨性價比之選 但有啲碗碟有啲破損 影相會有啲唔靚 服務環境就合格嘅🫡…查看更多

呢碗鰹魚湯牛肉烏冬真係幾有驚喜，湯底清清地但味道夠晒香濃，帶陣淡淡鰹魚香，飲落好順又暖胃。牛肉滷得入味，甜甜地又唔乾，油脂適中，食落軟嫩帶少少咬口，份量都唔少。烏冬煮得啱啱好，彈牙又滑口，吸晒湯汁之後每條都好惹味。配料方面有海帶、蔥花、魚板同半熟蛋，個蛋流心得啱啱好，撈埋湯底一齊食特別香。整體味道平衡，唔會太鹹太油，食到尾都唔覺膩。價錢以份量同質素嚟講算抵食。成碗感覺好實在 每樣都做到水準以上。無論天氣凍定係想食啲簡單舒服嘅野 食完會有種滿足感，又唔會太 heavy，係日常都想再返去食多次嘅穩陣選擇。…查看更多

以前喺觀塘返工時成日跑去食鰹烏冬，見到佢而家越開越多分店，真係好開心！位置方便，近地鐵，環境簡約日式，好有小巷弄烏冬舖嘅溫馨感，座位唔算多但夠乾淨！無論點邊款烏冬，都係即刻整，即食即熱，彈牙有咬口，絕對一流！今次試咗招牌咖哩牛肉烏冬，湯底咖哩香濃微辣入味，配上粗烏冬吸晒醬汁，啖啖滿足，辣度適中，開胃解饞！🥄🔥 仲記得要試佢嘅名物骨付雞，雞肉新鮮多汁，烤得外脆內嫩，骨頭輕易分離，簡單但超香，食到停唔口！🍗🌟 餐牌選擇多樣，有天婦羅烏冬、牛丼等，價錢親民，平均$50-$80之間，性價比高到爆，適合一個人或小聚。烏冬係手工製作，質感Q彈，難怪咁受歡迎！…查看更多

彷彿把整個和風夏日都濃縮在餐桌上。「夏一烏冬」是主角，烏冬冰鎮過，口感彈牙清爽，伴隨著鰹魚高湯的淡雅香氣，每一口都沁涼入心。「天婦羅炸物」是驚喜，輕盈的麵衣裹著鮮蝦與蔬菜，炸功了得，酥脆而不膩，蝦肉飽滿多汁，與凍烏冬形成絕妙對比。最後以一碗溫潤的「關東煮」作結，蘿蔔吸飽湯汁，軟嫩鮮甜，湯頭清澈卻滋味深邃，暖胃又暖心。這是一場舌尖上的溫度遊戲，冷、熱、溫三重奏，簡約中見真章，讓人回味不已。整體來說，食一間很正宗日式風味的餐廳！…查看更多

星期日烈日當空，天氣又熱又焗，導致我沒什麼胃口，只想吃點較清涼的食物。之前曾聽聞這間餐廳的手打烏冬較有名氣，難得今天沒人排隊，餐廳有冷烏冬，機會難逢當然要進店品嘗美食。店舖分2個區域，一邊是幾人餐桌，一邊是以吧枱形式。剛巧吧枱有空位，可以快速入座。明太子微辣冷烏冬（$85）煙韌彈牙的烏冬拌鹹鮮香帶點微辣的明帶子，旁邊配著青瓜粒和蘋果粒。今天的青瓜粒較冧，吃起來沒有清爽的感覺。燒三文魚鮫（$38）三文魚鮫外皮燒到焦香焦香的，魚肉緊實得黎帶油香。…查看更多

鰹烏冬一直係烏冬界都好出名😍今日終於去左試長沙灣既分店。鏗烏冬的烏冬麵條口感十分出色，彈牙有嚼勁，入口能感受到手打的質感，麵身厚薄適中，不會過軟或過硬。對於烏冬控黎講，真係大愛！我勁鐘意食依個質感❤️一定會再幫襯。鰹魚湯底清淡但鮮味十足，帶有自然的魚香，喝起來清爽不油膩，很適合配搭粗身的烏冬，兩者相輔相成。骨付雞外皮煎香，雞肉鮮嫩多汁，肉質紮實而不乾柴，稍帶甜味。整體份量足夠，適合配烏冬一起享用。…查看更多

今日同朋友去咗長沙灣嘅「鰹烏冬」醫肚，天氣熱辣辣🥵，梗係要食啲冰涼嘅冷烏冬啦！我哋兩個人叫咗兩個套餐，再加個期間限定嘅小食，睇返張單，埋單都只係二百蚊鬆啲，感覺幾抵食喎👍。我叫咗個「明太子微辣冷烏冬」配「日式吉列豬扒」。個冷烏冬真係無得彈😋！烏冬本身好滑溜，又夠煙韌彈牙，撈埋啲明太子，鹹鮮得嚟帶少少辣，好開胃醒神。上面仲有啲青瓜粒同紫菜絲，加埋一齊食口感好豐富。至於塊吉列豬扒都唔錯，炸到金黃香脆，肉質都幾鬆軟，唔會太乾，配埋個豬扒醬同椰菜絲，正路嘢，好食嘅！朋友就試咗個「蕃茄凍湯烏冬」配「骨付雞」。嘩，個蕃茄凍湯顏色好靚🍅，紅卜卜咁，見到都流口水🤤。朋友話個湯底好清新，酸酸甜甜咁，夏天食一流！烏冬一樣咁出色。個骨付雞都幾有驚喜，雞皮燒到有啲焦香，肉質嫩滑多汁，唔錯唔錯🍗。我哋仲叫咗個期間限定嘅「沙拉厚燒玉子」。個玉子燒都幾厚身，蛋味香濃，食落甜甜哋，口感都幾實在。不過講明係沙拉厚燒玉子，沙拉味就唔係好突出，但整體都OK嘅🍳。總括嚟講，「鰹烏冬」啲冷烏冬真係做得幾好，麵質有水準，配搭都幾有心思。天氣熱想食啲清爽嘢，呢度係個唔錯嘅選擇！下次可以再嚟試吓其他款。…查看更多

一直聽過鰹烏冬係地區名店，但都未試過。今次特登嚟試，想睇吓香港自家製烏冬有幾勁，果然冇失望👀🥢原味竹簾烏冬 $48烏冬真係非常新鮮，一睇就知唔係預製貨。口感爽滑彈牙，咬落去有微微回彈力，唔會過硬，亦唔會過淋，煮得啱啱好👌 溫度涼涼哋，好適合夏天食。配嘅汁味道唔算特別突出，偏淡口啲，但反而可以更突顯烏冬本身嘅質感👍🍗骨付雞 $37呢塊雞一上枱就香氣撲鼻🔥 外皮燒得脆脆哋，有焦香，肉質嫩滑，輕輕一咬就滲出肉汁😍醃得好入味，啱啱好，非常惹味，完全唔係行貨feel🧠總結喺香港食到自家製烏冬唔多，仲可以坐喺枱前睇住製麵機運作，誠意滿分👏 整體體驗非常滿意，尤其烏冬控真係要試，唔係預製麵條嗰種層次可以比。下次會想試埋熱湯烏冬，睇吓熱食效果點🔥…查看更多

長沙灣手打烏冬店-鏗烏冬餐廳以手工烏冬為主打 每日新鮮製造 麵底可選冷熱烏冬 配菜自己選擇 有天婦羅、溏心蛋、骨付雞、牛肉等今次選擇咖喱湯底配上牛肉 烏冬粗身又彈牙煙韌 咬口十足 整體味道唔錯😌另外加左個雞翼做小食不過見到隔離枱個骨付雞好juicy又大隻🍗下次好想試下啊食完個烏冬好似去咗轉日本咁啊 可以一解烏冬癮🤣…查看更多

時間5/6年再去長沙灣店食佢哋， 原來已經有一間舖變成2間。點了一個牛肉烏冬（是正價$80，沒有折扣/優惠的）。等了10幾分鐘上菜。睇落平平無奇，一食就出事！啲牛韌到咬唔開！而且牛肉牛臊味好強！蓋過個整碗烏冬的味道！ 老實講，出街食未試過有這麼恐怖的牛臊味。這幾年見他在不同地區也開了分店，沒想到今天大開眼界！應該是最後一次來幫襯了。…查看更多

食烏冬都可以很健康，山見烏冬即山藥烏冬，烏冬已經夠滑，連山藥都滑，全碗烏冬真係可以食晒都無負擔，對於不喜歡食肉嘅朋友，值得一試 再另外叫了天婦羅雞件＆新出嘅鹿兒島紫薯甘栗餅，天婦羅雞件外層鬆脆，粉漿夠薄，雞塊夠嫩夠juice，係我最鍾意嘅炸雞質感；至於新出嘅鹿兒島紫薯甘栗餅，紫薯嘅甜味唔會搶走栗子嘅味道，栗子是一粒粒的，兩者混合在一起，真不同平時食嘅薯餅，紫薯我是一般的，但這個可以再encore這間分店真值得推介給大家，間中就會有新品出現，所推出嘅菜品又能夠迎合到很多人嘅味蕾。…查看更多

每次路過這裡都是大排長龍，次次緣慳。今天乘它剛開鋪沒有其他客人時，專程來試這裡的名物: 手造烏冬和雞脾，静静等候了差不多20分鐘，送來的手造烏冬的確新鮮彈牙，海帶和葱不少，湯熱燙，有鰹魚香，好吃。雞脾用蛋型不銹鋼碟上，附刀义，令我想起九州吃過的燒大雞脾，九州那次的雞脾是燒到皮漲泡，冒出鲜味無比的雞汁和芳香的雞油，刀一切開，煙一熡一熡，汁和油流在雞脾肉上，我冒着燙傷口的危險，一啖放進口內，後來索性拿起雞脾，大口大口吃，那一股原始人吃的滋味，是文明世界難得的痛快，至今難忘。可惜是眼前的雞脾祇是暖，切出來是有汁的，但雞的脂肪因沒有烤熱，狀態是固體，沒有成為液體，還深藏在雞皮裡，我期望的熱辣辣雞汁混着雞油和雞肉吃並不存在，更可惜是雞脾本來是味道醃得不錯，附着許多蒜粒，就是祇差那一點點温度，這雞脾就可以很美味。…查看更多

今日係晚上8：24pm時係到堂食。雖然現在係10月但天氣都非常熱差唔多成30度。由然天氣咁熱，我入去既時候就已經決定好一定要食冷鳥冬，最後我用手機點左個海苔冷烏冬。上菜既時候，職員比左個柚子冷烏冬我，當時我打左個特，因為我係好少食酸野。之後我望下個手機落左既單，發現我個order 變左柚子冷烏多同時間海苔冷烏冬就售罄。我果時就明白到餐廳強行幫我轉左個order, 同時間我連對單既資料都冇埋。我試過食一條柚子，但都係太酸完全頂唔順。我冇同職員反映過系統落錯單，佢有幫我換過原味冷麵汁但烏冬本身有柚子酸味，我都係食唔落。最後個餐我完全食唔落諗住起身走去隔離茶餐廳，職員就話換個清湯熱烏冬我，我見佢咁有服務態度，禮貌上ok同食左少少湯烏冬但食唔出好味。我肯定唔會再黎因為餐廳強行換左個餐又唔出聲，但我會多謝餐廳職員。…查看更多

昨晚同朋友去完，好好食🤤🤤🤤🤤🤤推介👍👍👍👍👍1. 雞皮餃子❗雞皮好香，脆脆哋完全不油膩，一口接一口2. 凍柚子烏冬❗麵條有柚子味，真係充滿驚喜，非常清新的味道，夏天食真係好正，而且烏冬十分彈牙，再配合埋帶柚子香的麵汁，略粗的麵條可以掛多啲汁，真係好夾，會為咗呢個麵我會再嚟幫襯😃😋🤤。3. 天婦羅炸菜櫻花蝦餅❗以為炸菜會好乾？又唔係喎，帶啲芫茜香味，炸得好酥脆同埋夾埋櫻花蝦一齊係好夾4. 炸雞件❗好多時食炸雞都要點汁或者炸得太乾，但係呢度的炸雞面帶些椒鹽，雞件保留肉汁並與面頭的椒鹽味道好夾，唔駛點汁醬都已經好好味5. 凍蕃茄❗已去皮並且配埋青瓜絲，芝麻醬一齊，夏日必選的清新健康小食6. 海苔烏冬都係十分出色，夏日的又一清新選擇，帶點點海苔味，麵條同樣彈牙，配合薑蓉，芥末，蔥，芝麻的麵汁十分搭配😃整體而言好欣賞淨烏冬配搭多款小食，小食包括炸物及關東煮等，真係同香川縣嘅烏冬相似，凍熱烏冬+自選炸物小食，真係無諗過香港都有咁日式嘅烏冬口味。😃…查看更多

牛頭角店班底去了長沙灣，當然跟隨他們啦～其實之前長沙灣店嘅烏冬煮得真係過左時間，所以才會轉往牛頭角食，現在竟然員工去了長沙灣，可以唔使去到咁遠。因為食得出有用心去煮的，尤其是烏冬，煮過火真會唔好食，但食開好食嘅，真會食上癮。彈牙嘅烏冬真係唔係到到食到，更何況冷烏冬有海苔味，柚子味，夏天食就一流，對於不喜歡食冷烏冬嘅我，真令我對冷烏冬改觀。店舖除了食烏冬外，還有其他小食可選擇，雞皮餃子，天婦羅櫻花蝦什菜餅，天婦羅雞件，天婦羅廣島牡蠣，竹篋魚扒，乜叉雞中翼，唐揚魷魚圈，番茄青瓜沙律。有呢d小食點綴一下，令到呢餐晚餐食得特別開心。還有係會有驚喜，期待又有新品可以嚐試。…查看更多