鰹烏冬 (寶華閣)

营业中

休息中

#支持良心餐廳骨付雞 鰹魚清湯烏冬 $79個雞比真係好好味好juicy!!!!第二次食依間 覺得佢烏冬係一入口少少林身但去到後尾就會有後勁咁 啲咬口係慢慢滲出黎 唔係丸龜嗰隻由頭到尾都偏硬身似未煮熟嗰種由頭咬到尾🤣 但都夠我頂下癮不過真係好建議大家去觀塘 分店！ 因為多啲位無咁大壓力嗰次去長沙灣分店勁多人 我食到一半已經唔好意思慢慢食 加上店鋪好細 所以同啲店員你眼望我眼 更加大壓力要快快趣食完讓個位比其他人食 所以下次我一係non peak hour/去觀塘 分店食~

烏冬份量啱啱好彈牙座位有啲少但係好有feel 我叫咗大麥烏冬個質感好得意好好咬鋪裏面得10靚個位好似日式嗰啲鋪頭店員都好親切唔會趕你走有得俾你落蒜蓉辣椒粉自己攞水攞餐具喺正你面前食完就好走啦唔好挨住個位因為條龍好長

星期日午飯時間來排隊吃烏冬，抽了大約半小時。排隊期間職員會讓你畫紙仔先點菜。原來星期日是沒有套餐的，只可以單點，烏冬由$4x-11x 不等，另外有牛肉 關東煮 雞脾 糖心蛋等。象小姐點了雞髀+竹簾烏冬(冷)雞脾大大隻熱辣辣，外皮香脆，肉質又嫩又juicy，兩個人share 都夠食，食過返尋味。竹簾烏冬十分煙韌，伴著香䓤和wasabi 冷烏冬醬汁味道剛剛好，烏冬份量看似不多，吃著吃著不知不覺已經很飽，對一個女仔來說份量絕對足夠有餘，吃完一次已經很想encore!最後埋單$90，性價比很高，絕對會回頭。如果兩個人假日來吃的話建議可以每人點一個烏冬再加一隻雞脾。另外小店只有十多個bar 枱座位，只收現金，午饍和晚飯時間最少要排30分鐘，想吃的要預留時間啊。

長沙灣「鰹烏冬」到底堅唔堅⁉️而家即將話你知😂店內空間唔大，只能坐到大約12個人，所以烏冬都係店內自家製👍🏻除左長沙灣有店之外，觀塘都有一間❗️餐牌好簡單，只係分「冷」同「熱」嘅烏冬，「冷」嘅即係會有湯比你沾嚟食，而「熱」即係湯烏冬😎天氣凍冰冰，所以毫不猶豫咁揀左「熱」烏冬😌🔹鰹魚清湯烏冬$46 ：鰹魚湯底香味滲晒出黎😌但食落湯底唔算濃，但佢個烏冬又確實係有料到😍好煙韌👍🏻手打烏冬係唔同啲😎但我略嫌佢有啲dry！$46一碗淨烏冬，無任何配料！性價比有啲扣分😪🔹鰹魚湯白味噌鍋燒烏冬$80 ：原鍋上比你，熱辣辣！冬天食真係冇得輸☺️但呢個溝左味噌嘅湯底，鰹魚味就無咁出，我反而覺得唔溝仲好😑烏冬同樣係手打讚岐烏冬，夠晒煙韌😋不過性價比同樣扣分，$80嘅原鍋烏冬，配料唔算出色，只有生雞蛋一隻、雜菜、冬菇一粒、同埋牛肉3-4片😪🔹溏心蛋$15 ：切開左上枱，未食已經睇到流心效果👍🏻但我略嫌佢甜味不夠🙄整體烏冬的確係出色！但湯底一般😯性價比亦都扣左分😐不過如果大家鍾意食烏冬嘅話，可以去試一試嘅，但對其他野就唔好期望咁高，只可以話係中規中矩啦🙂評分味道：3/5

這間手打烏冬店已經成為了我的飯堂 帶過來的朋友同事都會一去再去 而且人均消費都只是$45-$100 識食一定係嗌「原味竹簾烏冬加炸雞」有時就連坐我隔離嘅客人 都會跟住我嚟嗌😆凍烏冬煙煙韌韌 配濃味鰹魚醬汁 係好夾㗎炸雞係比其他小食更出色囉

《烏冬控必定要試》🍴月見烏冬加雞髀讚崎烏冬彈牙偏實，份量都幾多，加左生雞蛋，攪勻，鰹魚湯就多左雞蛋香。稍有不足就是覺得湯頭唔夠熱。🍴鰹魚清湯烏冬鰹魚湯係呢度嘅主打，好鮮甜，但唔會腥，配上烏冬，清淡之餘又不失滋味。🍴關東煮蘿蔔必食，蛋同獅子狗都好好味。🍴雞髀雞髀超大隻，燒到好香，外皮香脆，雞肉嫩滑，上面有微微的七味粉，超微辣，反而更惹味。店面以傳統日式小店設計，全部吧枱。入到去就好似去左日本咁😂

💛繼續掃黃時間, 自從係日本食過tabelog3.61分既烏冬後, 好難再搵返甘正既烏冬🥺 最近比我地好在搵到呢間幾推介既烏冬店, 岩晒烏冬控嘅我地!😍🇯🇵店鋪格局都幾有日本風味, 我地被安排坐係bar枱, 可以睇到師傅係即叫即制, 就連過冷河既時間都有計時!⏱ 我地點左一冷一熱烏冬, 烏冬口感好煙韌彈牙👍🏻, 揀左三文魚籽醬油冷烏冬, 溫度控制得好好, 醬汁味道適中, 蟹籽加三文魚籽好新鮮, 完全唔腥, 但有d唔夠喉, 如果量再多d就好XD😆😆湯烏冬就聽得多, 半湯烏冬幾特別, 湯底用左鰹魚乾、小魚、 昆布乾熬成, 對比清湯會少d湯, 從而令到鰹魚味會突出左之餘又唔會太咸, 烏冬掛湯度不錯, 每一啖都吸緊佢嘅精華!🤤🤤兩碗價錢都唔算貴, 可以揀加配菜, 我地果陣唔太肚餓就冇加到, 下次試埋~😛(P.S: 店面唔算大, 7點開始見到有人排隊, 星期一會休息）

入秋後，天氣乾燥，令人想食濕濕地既野，今日放工約左大少去長沙灣附近食有間幾有味道既烏冬，去到已有街坊排隊，門面睇到店舖不大，排左一陣有客人走，店員好快清潔位置安排我地入坐，坐位係bar 台，可以睇到廚師制作食物，由於即叫即制，需要少少時間等侯，但都算好快。鰹魚半湯烏冬配骨付雞~半湯即係無清湯咁多湯，所以味道會濃厚左，烏冬吸左半湯既味道會好出，但仍然會有鰹魚清湯既味道，其實不是太濃裂，所以不用擔心太咸/太重味，骨付雞即係鷄脾，皮脆肉嫩，好好味小心燙嘴鰹魚清湯烏冬配天婦羅鷄塊~清湯比起半湯就會多點湯，而味道亦係淡淡的，好有日本小店味道，天婦羅不是我最喜愛食的，但我都有嘗試一件，鷄肉好嫩，天婦羅不油膩洋蔥牛肉~大少要求散叫，我睇住廚師即刻整，洋蔥好甜，牛肉炒到剛剛好，好鮮嫩亦好有牛肉味道，讚

記得第一次想試呢間烏冬嘅時候係喺觀塘，點知上到去冇開，好唔開心摸門釘🤭今日係長沙灣睇戲，一search先發覺原來長沙灣都有呢間✌🏻✌🏻間舖好細，同日本食拉麵果啲小店一樣，只得bar枱，但感覺好似去左日本咁，好正！我地2個人，嗌左一個鰹魚半湯烏冬(熱)、一個夏一烏冬(冷)，焗鯖魚～特別推介夏一烏冬，夏日風味！有檸檬、青瓜、蛋、芝麻等等調味，酸酸甜甜，超開胃！同埋舖頭入面有部機係即製烏冬，口感好煙韌，真係好好食😋

打開黃藍食店地圖決定嚟呢間良心小店食lunch睇食評話通常要排好耐隊不過3:00pm嚟食嘢完全唔駛等位全程仲要得我一個食客 唔小心包咗場😆店舖裝修十足日本嘅拉麵店開放式廚房可以睇到師傅煮烏冬亦有提供暖水俾客人斟嚟飲烏冬分别有冷食同熱食再配埋小食今次揀咗三文魚籽醬油冷烏冬配味噌焗鯖魚烏冬口感好彈牙醬汁味道適中 唔會太淡或太濃味三文魚籽好新鮮 食落一啲都唔腥撈埋檸檬汁、蘿蔔蓉及葱花食 味道更香口味噌焗鯖魚嘅烹調時間控制得啱啱好保持到魚嫩滑哪嘅肉質 唔會焗到乾噌噌不過就食唔到味噌味埋單$107午餐喺呢區嚟講都唔平但食到一碗有誠意同有質素嘅烏冬 絕對值得👍仲要係良心食店 一定支持💪

今日終於試咗朋友介紹咗好耐嘅日本烏冬店！真係一啲都冇令我失望！如果100分我真係會比90分，無論性價比同質素都係一流！我今次叫左本店最出名既「鰹魚冷鳥冬」,佢既湯真係好鮮，烏冬真係好彈牙！而且仲配有巨型雞脾！一個未，正！

自從某次去大阪食過冷烏冬之後，一直都好想再食，但奈何香港好多烏冬店都係虛有其表。不過，有同事介紹呢間鏗烏冬，話好有日本風味，故且信佢一次，千里迢迢來到長沙灣幫趁下。店鋪唔大，的確未食已經有日本風味。大約10個座位，全部人都可以望見師傅煮烏冬，感覺安全又衛生。而且，你會見到每一個order都係即叫即做，同埋煮烏冬既時間，過冷河既時間，全部有計時⌛️，一絲不苟，非常認真👍🏻三文魚籽醬油冷烏冬（$76）冷烏冬既溫度控制得好好，唔係凍到震，但又足夠有種消暑既感覺。稻亭烏冬，夠彈牙三文魚籽加上蟹籽已經絕配再撈上烏冬，真係令人愛不惜手

好耐未試過咁高度推介一間鋪頭！食物真係勁高質同價錢又係唔貴，本身已經係長沙彎人氣熱店《鰹.烏冬》諗左好耐介唔介紹好，因為唔想咁多人排隊🤣，hahahaha,但好野真係要必推介呀！！！絕對唔係廣告成份😂！-鋪頭唔算好大，假期排咗半個鐘左右但好嘢係需要等待嘅😚，好可惜想食嘅海苔冷烏冬賣晒😫，所以就叫左《竹簾冷烏冬》試到麵條原味，粗身麵條勁彈牙煙韌沾上鰹魚醬汁食好開胃😍，凍冰冰啱晒夏天食，另外叫左一款《鰹魚半湯烏冬》熱烏冬，口感比冷烏冬稍為軟腍一點，但湯底係超濃郁，以鰹魚乾、昆布、 同小魚乾熬成，感覺每一啖都飲緊佢嘅精華🤭加上半滿湯汁比熱湯更濃郁，重口味人士真係必試呢款！-見就咁兩個烏冬有啲寡所以就叫多兩款小食，《骨付雞》勁大隻燒雞髀，雞皮上面灑滿黑椒碎及蒜蓉，燒得雞皮好脆肉質好嫩滑，切嘅時候仲有啲雞油溜出嚟🤤，《味噌焗鯖魚》怕食魚嘅人都愛上，因為一啲都唔腥，食落魚油味勁香同勁滑，好想再叫多條！😻總括嚟講呢間野真係好高質素，已經心思思諗住去再食第二次，希望下次唔好多人排隊同叫曬我想食嘅海苔烏冬🤣！

今日黎到一間充滿日式風味既手打烏冬店食lunch！店舖面積唔係好大，所以都預左要等一陣啦，等左大概十五分鐘到，終於入得！食好野都要等下既，為既就係品嚐野食個種悸動！呢到可以先挑選冷烏冬或者熱湯烏冬，再揀餸！骨付雞+海苔冷烏冬其實我本身係一個熱湯稻庭烏冬既愛好者，所以今次絕對係抱住試新嘢既感覺黎食，因為今次揀左海苔冷烏冬，加上用上手打讚岐烏冬，充滿期待同新鮮感！果然係.....不負眾望既！首先我真係要讚下個手打烏冬！絕對係會係日本品嚐到味道黎，每一條烏冬係爽口彈牙，十分滑溜，而且散發著淡淡海苔味，沾上特配醬汁，有一種好清新既感覺！烏冬麵真係一流！至於雞方面，同樣係有心機，面層加入類似七味粉調味，煎到金黃色，入面好juicy，份量多多！價錢黎講算貴，不過質素黎講值得既！

初初我只係上網搵下有近排有咩麵食可以食下。咁就比我搵到依間烏冬店，而我係由觀塘開始食起，直至知道佢地有係長沙灣有開分店，終於搵咗日放工去再食。一入到舖面，就會見到師傅整緊烏冬比其他人客人，成間舖頭都充滿烏冬嘅味道。而我同朋友就各食咗一款以我所知，店長佢地係特登去到日本，拜日本嘅師傅為師，目的就係希望學識之後將日本嘅美味傳入香港，比香港人一試正宗日本烏冬嘅感覺。不論機械、原材料、碗碟擺設佢地都係日本購入，就係為咗還原返日本嘅味道比客人。其實放咗咁多心機落去一碗麵，一定唔會難食去邊，如果住附近或都附近返工嘅你，都可以去支持下啊！P.s. 原來放工時都好多人等，我食完一岀黎有條10幾人嘅隊，要食嘅都要早啲去到😂