鮨 央泰

营业中

休息中

終於都開返堂食 就約埋朋友一齊出嚟食飯 見到呢間食omakasa好似唔錯 就入咗去食試吓先見到呢度嘅裝修都幾靚行中高級omakase路線 嘢食方面都夠新鮮 魚肉夠厚夠油香味 個廚師都仲好識得搞笑同埋每道菜都講得好清楚係咩嚟 服務值得一讚 壽司總共有12件 都唔算話唔夠飽 刺身方面亦都好新鮮 海膽好新鮮 顏色方面一眼就睇得出 所以都非常好食 食到海水味 朋友話呢度都坐得幾舒服可以下次再嚟試過 今日係食午市套餐下次可以試埋晚市套餐 😻😻

今日同朋友一齊食飯 堂食都係岩岩先開返 所以決定要出黎食返餐好既 本人好鐘意食OMaKaSe所以就揀左呢間 食物方面都會用上高級嘅食材 壽司刺身都非常新鮮 魚既油香味 都仲係個嘴到 真心唔錯 魚肉咁厚 一d都唔會偷工減料 魚肉 富有彈性魚味有油香味夠香 所以都好好食 😋 呢到裝修環境都好靚 行高級omakase路線 午市時間每位$780 壽司12件 都正正常常 😍😍 廚師都幾好服務 每道菜式都會講解下 幾細心 呢到都坐得幾舒服 所以下次會再黎過

超正OMAKASE，咁岩見到呢間餐廳係新開既而且好似夠晒日式裝修又靚, 一於就去試下, 因為我同我個FRD都好肚餓，今日太忙冇食到lunch, 所以就叫左(遖)個個dinner set . 首先黎左前菜先. 都幾開胃有三款野食, 再黎就係6件刺身, 有最鐘意食既海膽呀. 夠晒鮮味, 壽司方面都唔會有三文魚呢D, 都係食高級既食材, 呢餐都算係唔錯. 主菜完都仲有湯同埋茶碗蒸, 茶碗蒸仲係熱辣辣好香, 最後都仲有水果同埋甜品作為收尾. 非常滿意既一餐.

鮨央泰，海港城新店，主打Omakesae, 地方簡潔，食材新鮮。雖然只是午餐，製作認真，前菜的雞蛋混入芝士，口感丰富，味道特別。12款壽司很新鮮，有3款不同部位的吞拿魚，拖羅肥美，海胆，蝦都很清甜。有一款是主廚喜歡用的日本蚌，爽口鮮味。我最愛的是甜品，home made wasabi雪糕, 味道濃郁，用脆餅做成的小碟子裝住，很別緻，跟雪糕一齊食也很夾。推介給喜歡日本壽司的朋友！下次一定會再黎試下其他野先 😙

最中意同朋友去試唔同omakase ☺️☺️ 今次就試左呢間位於海港城既鮨店！晚市omakase 有兩個套餐 分別係$1780同 $2180 我地就揀左$1780 試試佢先🤣前菜 / 刺身 有 粟米豆腐 / 北海道八爪魚 / 鮫魚/ 北海道毛蟹肉配酸汁啫喱粟米豆腐超好食！！😍😍 師傅話係用日本粟米整蓉製成 再加左忌廉同鮮奶 好滑好好食😍😍😍之後幾款既刺身都有各種各樣酸酸甜甜既汁做調味 開胃之餘仲帶出左刺身既鮮😍壽司分別有平目魚 / 北寄貝 / 秋刀魚 / 春子鯛 / 油甘魚腩 / 吞拿魚醬油漬 / 熊本車海老 / 大拖羅 / 海膽三文魚籽飯 / 海鰻 個人最中意野生油甘魚腩同拖羅🤣 魚腩部位都係最肥最好食☺️☺️ 入口即溶 ！海膽三文魚籽飯都係無死既配搭 一定好食🤣 好鮮甜呀！而燒物 就有燒太刀魚 好嫩滑 😍😍 加d青檸汁 令到本來已經飽飽地既我地都輕鬆清哂條魚😋之後仲有 玉子 同卷物 卷物係大拖羅同中拖羅手卷 都係入口即溶🥰 唔知點解次次食卷物都好滿足🤣下次要試埋另一個set😍

即日打電話訂位！ 竟然有位。（因為我找了三間都滿了）店員有禮貌的。入了店內 立刻覺得不對勁，因為有八個客人是相識，而我只是一個人，我怕太嘈，一度想離開。 好快決定坐下來，天真地希望他們會細聲說話。我明白餐廳店員是不能勸說客人，所以我亦無有要求，只好調理自己心情。 （他們實在太嘈）食物： 失望！店員問我有什麼不吃的，我說不食魚皮 和鰻魚。第一道說是有 魚皮的前菜😔師傅竟然問我算唔算是魚皮🙄真係好笑！之後每件壽司🍣都是用同一種醬油🙄除了 白蝦的味道另我有感覺，其他真是普通得太普通！ 貝殼類都吃不到鮮甜味！食唔飽！總括：完全不值得去試。 Appetizer / Sashimi - 4pcs蒸蛋是有水準的。Appetizer / Sashimi - 4pcsAppetizer / Sashimi - 4pcsAppetizer / Sashimi - 4pcs魚是切定先！！！ 並且每件壽司🍣都是用同一款醬油！ 沒有變化！玉子燒。似軟蛋糕！湯。 甜品。 清甜的 日本蜜瓜。 可以考慮改善擺盤。

我終於有機會同BFF到訪位於海港城一間上年先開嘅 鮨 央泰Sushi Hisayoshi. 我哋揀咗「雪月花」餐。（包括前菜有四款，手握壽司12件，玉子燒， 碗物及甜品）一坐低先奉上熱茶及微暖嘅毛巾 ，而今日嘅我哋嘅壽司師傅係Ivan，每上一款菜式佢都為我哋清晰介紹，每一份壽司都十分美味，超級新鮮 。 壽司飯味道出色，無論軟硬或師傅手握嘅力度都掌握得好好。Ivan 師傅（可能見到我個friend咁瘦，驚佢食唔晒🤣🤣）細心地問份量啱唔啱？啲飯使唔使少D？ 果然係有經驗👍🏻我個friend真係叫小飯。介紹返～～前菜（4款）蟹肉蒸蛋（ 蒸蛋滑到不能形容）靖魚剌身（連埋蘿蔔蓉一齊食口感好特別）軟蒸八爪魚（慢煮4小時之後再浸上24小時，完全入晒味，八爪魚肉身柔軟）白子（呢個我第一次食，其實又幾好味，食完之後可以飲埋個湯）手握壽司12件（鮮,肥美,超好味）碗物赤麵豉湯 （我覺得個味道濃咗D）玉子燒 （口感好似海綿蛋糕）甜品Wasabi 味嘅雪糕（口感同味道好特別，雖然係was

同老公慶祝生日，嚴選咗呢間日本過江龍餐廳食 omakase，上餐廳網站可以見到唔同套餐選擇同訂台，非常方便。我哋十二點準時到達，已經有不少食客同步到場，大家圍著廚師工作台坐，座無虛席！一共四位師傅，三位日本師傅一位香港人師傅，每位師傅為兩至三台客人表演手握壽司的精湛職人技術。另外有好幾個職員不停為大家倒茶、收碟、倒酒、介紹食材，服務好殷勤！今次選擇了$1180的套餐，想不到餐廳在餐牌上印了 Happy Birthday，非常貼心呢 謝謝餐廳的安排！蟹肉蒸蛋，豐富的蟹肉為蒸蛋添加了鮮味，暖心的前菜。醋漬鯖魚，味道像鯖魚棒，勾起了去日本旅行的回憶呢。北海道八爪魚，師傅特意夾起讓大家拍照 有 wasabi 及柚子胡椒，讓我們品嚐不同的風味。忘了名字的魚哈哈哈，燒得很嫩滑！接下來是誘人的壽司環節，師傅用心地處理每一款魚生，看他切魚像是看表演一樣。最喜歡手釣池魚(圖6)，魚肉彈牙又鮮甜左口魚(圖3)比較少機會吃到，平常都是吃左口魚裙邊而已師傅全程有用日文講壽司的名字，唯獨「帶子」佢有講廣東話哈哈好可愛的師傅！帶子(圖7)上面刨了柚子皮，帶出帶子的鮮甜，柚子皮超香！白蝦(圖8)極有口感。Tor

再訪央泰 之 驚喜篇記得第一次到訪央泰已經係5個月之前！當知道 Iwa San 徒弟 Kaneko San 黎到香港主理央泰，心感一定要及時捧場。結論係。。。果然有實力！今日多謝老闆記得我係幾咁鍾意食好野，特別請我同閨密食返餐 omakase！哈哈，唔洗講，係央泰呀 😁選材比開業時更加優質，而前菜款式方面，我特別鍾意佢哋既蟹肉蒸蛋，一啖一啖入口暖胃，非常鮮甜。醋同飯既份比例今次更加適合我，今次食得出飯既酸同魚既鮮互相平衡。同埋呢，我今日終於見到食家成日講既 “沉降”，一來要醋飯適中，不能大黏或大硬；二來要按師傅功力㗎。咁驚喜係邊？ 就係食到 Toro 既時候， Ivan 師傅開始講解魚唔同部位既肉質同埋味道，之後就特別制作左一件（再三強調），係 Ivan 師傅特別為我哋制作左一件 "Toro 魚翅下面既 bye bye 肉” 壽司俾我哋，佢咁矜貴之處係因為一條 Toro 得兩小塊㗎咋。一啖入口，果種魚油香簡直係回味無窮！Ivan 師傅話，而家開始轉季，會開始食到唔同魚既當做期。。。。。。 希望可以快啲三訪央泰 🤭仍然回味中 😋😋😋😋

今日同朋友去咗行街 行完之後朋友就話不如食啲好嘢慰勞下自己 咁我哋就嚟到呢間鮨央泰食omakase 非常高級 裝修簡約有日本風 最啱慢慢坐 聚下舊傾下偈首先係前菜嘅部分 係一個粟米豆腐 呢個豆腐係自家製嘅 豆香一流 加上粟米嘅香甜味道 配搭得天衣無縫跟住就到一個醬漬八爪魚腳 睇相就知道隻八爪魚一定好大隻 廚師話呢隻八爪魚一隻腳已經有一公斤重 口感好彈牙而且有啲海水嘅鹹鮮味之後又有一個燒吞拿魚 吞拿魚皮用上備長炭火燒烤 燒得好乾身好脆身 吞拿魚肉魚油甘香可口 配上酸汁同蘿蔔蓉嘅酸味 中和咗吞拿魚油嘅油膩感白子天婦羅配黑松露汁 黑松露嘅香味完全滲入軟滑白子裏面跟住到壽司嘅環節熟成四日青森縣平目 魚味都幾鮮 但係都比較淡 為呢一個環節揭開序幕富山縣白蝦配黑魚子醬 白蝦爽口彈牙 魚子醬鹹鹹香香幾好食淡路島手釣池魚 有少少腥味熟成14日青森縣超拖羅 熟成咗之後魚油更加豐富青森縣大拖羅 魚味豐富可口北海道毛蟹 廚師貼心地拆咗肉之後加上蟹膏醬汁熊本縣花竹蝦 花竹蝦嘅蝦味比白蝦更加豐富海膽撈飯配三文魚子 海膽嘅鹹香加上三文魚子嘅鮮味令到赤醋飯嘅味道更上一個層次

從日本開過來的鮨央泰我要尖沙咀海港城，用的全都是日本師傅，而且師傅很懂搞氣氛，會好像黑手黨和牛一樣擺Pose 給你拍照，瓦解了高級壽司店那種嚴肅的氣氛，這裏值得一讚。個人認為他的飯醋味不夠，雖然他的飯粒有微暖，但始終還是有點落差，其實他的刺身各樣都做足本分，中規中矩，不能說他不好吃，也當然不會覺得他特別好吃，疫情關係加上物流的關係，不能光顧晚餐所以看不出這間壽司店的真章，所以我也不能冒昧地評價他是否值得去，如果在尖沙咀食壽司的選擇可能是他或者 Tokami 總括而言我反而最欣賞他的自製Wasabi雪糕、辣辣地，10分過癮

初嚐omakase 一位難求東京過江龍鮨央泰omakase 終於都進駐左海港城 好期待食omakase 朦 $17804款醒胃食材: 沖繩水雲加左醋同薑蓉 酸酸甜甜 勁開胃北海道八爪魚🐙爽口唔韌北海道毛蟹魚子醬蟹肉好鮮甜 上面仲有魚子醬 好有種咸鮮嘅感覺炭燒呑拿魚師傅用備長炭辣一辣個魚再調味 令到呑拿魚有陣炭香味有十款唔同嘅壽司池魚 天上鰤魚 花竹蝦 拖羅 呑拿魚背 赤身 太刀魚 海鰻拖羅魚油味好重 花竹蝦爽甜 熟成壽司嘅肉質都仲好嫩海膽魚籽飯冇得輸 一啖飯多重口感 魚籽同海膽個味好夾直接用備長炭辣一辣啲食材係師傅嘅特色 食食下 師傳仲會拎啲食材出黎 話俾我知係熟成左幾耐 咩部位

冬至當日，無錯係差唔多半個月前食評🙈，好豪咁去咗食lunch omakase慶祝🤤感謝老闆。當日我地係一位師傅serve五位客人，餐廳職員好helpful，會主動問你掛唔掛外套同抹走枱面因凍飲而造成水珠。.雪月花setsugekka $1180/人 ❄️🌕🌸.前菜 四點✨粟米蛋🌽勁滑有啲似布甸嘅質感.✨壺漬八瓜魚🐙師傅係正面前將一大條八爪魚腳切開，視覺享受.✨燒鯖魚🐟魚肉唔會燒到全熟，口感唔錯.✨白子天婦羅人生第一次食白子，配忌廉魚湯上，好creamy又唔會腥.手握壽司 十二貫 🍣太多了，不能盡錄，最主要係有啲唔知係咩🙈印象中每樣都好新鮮同無咩筋，最深刻係鯛魚，有柑桔皮係面，好清新而肉質有咬口，正👍🏻.玉子燒師傅serve咗2舊邊角位俾我，食完一舊覺得都幾好食啊。但老細見我太慘比咗佢個舊我食，lol原來唔係邊角位好食咁多，勁濕潤😍相形之下，舊邊角位相對乾身同淡味好多，有啲失望🙍.湯麵豉昆布湯.芥辣味雪糕 🍨一開始望落去以為係蜜糖或者粟米味，食落去先知係wasabi🤭，芥辣味幾刺激下。.整體都唔錯～

因為不能去日本, 所以很多香港人也會選擇吃一餐廚師發辦來滿足一下心情, 看到網絡上有介紹位於尖沙咀海港城港威大廈地下這間新開張的鮨央泰, 來頭絕不惹少, 是由東京米芝蓮一星餐廳「銀座いわ」創辦人岩央泰, 和他的入室弟子金子司主理的過江龍Omakase, 主打江戶前風格的廚師發辦。粟米豆腐 坐下來不久, 侍應為我們添上了溫熱的抹茶後, 必即便送上了前菜, 清甜的粟米配上口感嫩滑的豆腐, 再加上即磨的wasabi來調味, 味道清新可口, 上面的食用花為整道前菜的賣相加了不少的分數。慢煮北海道水八爪魚 在煮這道菜之前, 師傅特地把巨型的八爪魚拿到我們的面前, 讓我們驚喜不已, 利用慢煮的方法令八爪魚非常入味, 煮熟後然後雪凍, 令八瓜魚口感柔軟, 另外加上柚子胡椒鹽來調味, 提升鮮甜度。吞拿魚刺身師傅特地用了備長炭火來燒香吞拿魚的魚脂, 放在刺身上面的調味是經過師傳精心處理的, 蘿蔔蓉, 蘋果蓉, 薑, 酸汁及蔥互相配合得淋漓盡致, 大大提昇了吞拿魚的鮮甜味。白子天婦羅 白子常常會在廚師發辦吃到, 但用來製成天婦羅還倒真是第一次吃, 香脆的外皮一咬爆汁, 而且白子一向都是入口即融, 配上惹味

尖沙咀的港威商場新開了一家由日本著名廚師主理的Omakase餐廳，於是馬上訂位來一嚐。晚餐時段都很多客人，建議先打電話訂位。餐廳環境悠美有格調，坐吧檯位置，可以欣賞到師傅的手藝。我們今晚選了 朧 這個套餐，每位$1780,食物十分豐富。粟米豆腐配了wasabi和食用花，粟米磨成蓉加入豆腐當中很濃滑，顏色呈淺黃色，很美觀，入口較煙韌而香滑，很創新的一道菜。慢煮北海道水八爪魚師傅在埕中夾出一條很粗大的八爪魚腳，新鮮香脆，多汁鮮甜，配上柚子胡椒鹽很配搭。Baby吞拿魚刺身用備長炭火燒過，魚香味散發，魚肉軟稔香甜，配有蘿蔔蓉和蘋果蓉等。白子天婦羅 白子經炸過後香脆美味，外脆內軟，一點也不腥，配有黑松露和白酒忌廉汁。左口魚壽司用上青森縣的天然平目 左口魚，魚肉晶瑩剔透，清甜爽口，飯粒煙韌鮮甜，很有咬口。白蝦壽司用富山灣白蝦，配上魚子醬海藻鹽，白蝦很豐富飽满，爽身而鮮甜，蝦肉濃郁。池魚壽司用淡路島的手釣池魚，新鮮鮮甜，油脂豐富，魚肉嫩滑鮮甜，配上薑蓉一起吃。大拖羅壽司用青森縣的大間中拖羅，經過熟成14日，味道更昇華，口感更滑溜，油脂比例適中，入口即溶。燒大拖羅壽司魚肉經過微烤更香甜，香氣撲鼻，很少