鮨 央泰

营业中

休息中

回味近排食過嘅江戶前風格 omakase 當日嚟到鮨央泰好慶幸被安排咗坐正金子san 面前🤗 鮨店環境簡潔典雅 完全唔覺身處喺繁忙嘅海港城中  一開頭嘅平貝刺身賣相不凡😻 配襯左土佐醋造成嘅啫喱 酸酸甜甜非常開胃  自家煙燻鰹魚口感軟綿 值得一讚👍🏻 面頭原本以為係普通蘿蔔蓉  原來師傅係用蘿蔔蓉蘋果蓉薑蓉作多層次調味  加上淡淡的葱甜味嘅芽葱 令人十分滿足🤭 應該係採用煙完再切嘅方式 魚皮帶淡淡煙熏味 不過如果煙熏味可以再重啲會更好  兩款最愛嘅酒餚分别係:👉🏻 紅酒煮鮟鱇魚肝🤤  口感滑身 配搭西瓜奈良漬物非常有驚喜 一齊食味道十分匹配 更能帶出紅酒嘅香甜🍷  👉🏻燒喜之次 香脆外皮 嫩滑魚肉 重油脂香 💯  另外仲有一款得意時令季節食材: 👉🏻 時不知 #tokishirazu 好fancy嘅名字 其實即係游到蕩失咗路而冇產卵鮭魚😹 天然野生 仲要係好罕有 發生機率大約得萬分之一 腹部脂豐肉嫩不在話下 咬落口感仲帶少韌性😚