豊勝手丼 (已搬遷) 新店位置

原來銅鑼灣除了築地外，都已經開左好多新的日式刺身丼餐廳，豊勝手丼就係其中一間。豊勝手丼店面好細，稍一不留神都會經過而見佢唔到。舖內大約有16個座位，用的都係木紋的枱椅，簡單的裝修。根據餐廳牆上黑板的介紹，「勝手丼」是北海道和商市場既名物，由於和商市場係以鮮魚店為主既一個市場，當地既人會自己選想食既海鮮黎做丼飯，於是就叫做勝手丼。豊勝手丼亦係用同一個形式等客人可以揀自己鍾意的刺身。由於刺身選擇都真係好多，樣樣都想試。於是決定揀OMAKASE丼同芝士二重鰻丼。味噌湯都幾足料，大量昆布，而且好濃味。前菜有木魚波菜同炖牛肉，牛肉煮到好軟身，一D都唔鞋，而且帶少少油脂更香口。今日的OMAKASE丼有鮪中腹﹑鮭腩﹑魬﹑赤海老及蟹子。OMAKASE係食當時最新鮮的身材，所以哩個OMAKASE丼既每樣刺身都真係好新鮮，啖啖都係刺身的鮮甜味。而且份量都唔少，CREAMY大蝦都有2隻。而芝士二重鰻魚丼用左星鰻同原條鰻魚，除了本身香濃的鰻魚汁，仲舖左一大塊芝士係面，稍為燒到金黃色，溶溶地咁更滋味。原條鰻魚份量真的很大，肉質好軟滑，而且香濃鰻魚的鮮味。

經過銅鑼灣廣場附近，發覺原來這條小街原來開了幾家餐廳，而近路口的一邊都是日式的。本來想去試一下香港的築地市場，但經過看見這家小店「豊勝手丼」好像也不錯，所以便決定一試。來自北海道釧路的和商市場的海鮮丼，「勝手丼」的意思是以客人根據自己的喜好去選擇放在丼飯上的刺身。這裡刺身的選擇都有很多，而且仔細的寫明份量和價錢，豐儉由人。由於每樣都想食，於是便點了餐牌以外的SET - OMAKASE丼($248)跟芝士二重鰻丼($188)。OMAKASE丼即是師傅會根據當日最新鮮的刺身來做的丼，這天有吞拿魚中腹﹑三文魚腩﹑魬(油甘魚) ﹑赤蝦及蟹子。刺身真的很新鮮，油甘魚肉質柔軟，加上一點柚子味WASABI更提起其清甜的味道。赤蝦很大隻，而且十分肥美CREAMY。三文魚用是腩的部份，特別香魚油脂味。就連伴在一邊的子薑都很幼嫩，JUICY而不刺喉。而由於鰻魚是經過烹調的，所以連飯都是熱的。二重鰻魚原來是指有兩種不同的鰻魚，一種是MENU上都可以選擇的星鰻，而另一種則是不能單點的原條鰻魚。星鰻味道較淡，所以加上芝士反而令其味道豐富一點。而原條鰻魚份量真的很大。師傅將鰻魚表面稍為燒過，不單聞起來更濃鰻魚香，

小弟是一名燒鰻魚愛好者，喺銅鑼灣補習社放工後，同同事搵晚餐，我記得網上有朋友介紹過有間新開嘅丼飯專門店，我提議去光臨下！位置幾就腳，唔難搵！舖頭面積唔大，不過幾有日本feel㗎！除咗有餐廳推薦嘅特色丼飯，仲可以自選刺身食材，隨自己喜好配搭，保證係自己嘅口味！我就當然係揀鰻魚飯，我係麻煩人，平時食野食到有小小腥我都會避開，以前已經食過一d燒鰻魚，可能質素一般，我都唔太中意！呢度嘅鰻魚飯實在架勢，條鰻魚除咗長到飛咗出碗，仲唔止有一種鰻魚，原條蒲燒鰻魚就好常見，另外身形比較細條嘅係燒星鰻，星鰻都算係海鰻一種，通常味道較淡！好特別呀，可以試到兩款鰻魚！上面鋪了一層厚芝士，實在太幸福啦！醬汁的調味恰到好處，唔會太甜，海鰻好肥美！星鰻嘅肉質十分細膩，師傅專業的處理，沒有甚麼軟骨！基本上兩條鰻魚都燒得好香，半溶的芝士令味道更錦上添花！另外，呢個其實係一個餐，仲有味噌湯同煮牛肉，都好有水準！朋友嘅海膽刺身飯都睇到我流晒口水，我決定下次一定會再嚟勝手丼encore！

平時成日出街食野都係食o個幾樣野,無辦法啦,好偏食...所以用朋友出街食野,有時我會話無所謂,食咩都得,真心架,食d自己平時少食o既野都唔錯呀,咩都接觸下今次食丼都唔例外,雖然範圍收窄左,丼飯上面o既我就無揀~師傳發辨魚生丼~~~即係話等陣會食d咩,係一個迷!即整需時，等個陣見到有人送貨黎,新鮮食材!好靚呀!~原來係文甲魷魚捲紫蘇葉4舊,油甘魚兩舊,中拖羅兩塊,深海潛魚兩舊用帶子兩舊平時唔鐘意紫蘇葉，覺得好似肥皂味...魷魚好脆口，帶子好鮮甜全部魚生都好鮮味，但唔凍飯入面夾雜住白飯魚仔,飯略帶微酸定食仲有好入味又林o既汁煮三文魚,麵豉湯同蘿蔔漬物三文魚好正

Omakase丼，鮭腹、縞鰺、赤身、帆立貝、加奈陀雲丹首次黎食自選魚生飯，唔知食咩好所以叫左個師傅發板，每日嘅材料都唔同架！最上層嘅海膽食落好鮮甜，唔種海水味，最緊要嘅就係唔腥😋；赤身食吞拿魚最冇油脂嘅一部分，食落冇根，質感軟熟，好有魚鮮味；帆立貝份量大足，配上檸檬汁，味道好fresh；縞鰺食落魚味好出，口感帶點咬感，不同於赤身嘅口感，食落都幾鮮味；最後有三文魚腩，食落油脂唔算太多，但非常厚切，口感非常豐富。特別提提佢個飯，加左小魚乾係入面，令到食飯嘅時候都食到魚香同鮮甜味，值得一讚。（$248）

跟朋友約好了先吃晚飯再去看電影，她建議吃拉麵，經過謝斐道，見到一間日本風小店，原來是主打自選丼飯，好像挺吸引的，我便一手拉了朋友進去！店內座位真的不太多，幸好時尚早，不用等位！雖然店子小小，無論擺設和裝修都很像日本的小店，很有feel！門外貼著的丼飯已經引起我的注目，這裡可以自選材料，有餐紙可以tick tick，也有定好的，我是海膽迷，我選了沢豐雲丹丼，另外點了枝信州蘋果汽水！朋友就點了芝鰻丼！信州蘋果汽水是日本進口的，蘋果味濃，完全沒有那種假假的味道，好飲！丼飯來到了，完全是視覺衝擊！套餐有味噌湯，前菜，前菜其中一樣是紅蘿蔔炆牛肉，挺好吃的！不得不說主角原板海膽，實在太震撼了，還有日本海膽，牡丹蝦和碎蔥吞拿魚腩！海膽足料得嚇人，有點罪惡感，所以跟好友分享！兩種海膽的鮮甜度都滿分，保證沒有腥味，很新鮮，加少少醬油，和飯拌混吃，好幸福！牡丹蝦很大隻，放入口中一咬，已經知道非常新鮮，彈牙爽甜！碎蔥吞拿魚腩的油脂很均勻，吞拿魚味在口腔內徘徊，很甘香！朋友說她的鰻魚丼都很不錯，和日本吃的沒有分別！其實不用去什麼海鮮市場，想吃高質素刺身飯，這裡真的可以值得一試，這種質數這個價錢絕對合理！

出去食魚生飯，成日都set好曬配料，食得唔夠過癮，但尼到可以自選配料，想食乜就叫乜！我揀左三文魚腩、油甘魚腩、大拖羅、吞拿魚蓉，上枱既時候已經好開心，師傅排得好整齊。吞拿魚蓉望落唔多，但夠撈曬啲飯。油甘魚腩出奇地好食！三文魚甘香，油份足，而且夠曬大塊。大拖羅例牌好重油香，但帶左少少根。整體刺身質素都非常高，但男士就未必夠飽啦。

呢間開左無耐既海鮮丼專門店真係幾吸引！平時食海鮮丼都係餐廳一早揀好刺身，遇到自己唔鐘意食既刺身只可以放埋一邊，但呢間餐廳好貼心，大家可以根據自己既喜好選擇，之前去過觀塘APM食過但感覺麻麻，估唔到呢間可以令人眼前一亮！而即使有選擇困難症既朋友，都可以選擇由餐廳廚師發板既海鮮丼，用上當日既精選刺身！以下係我自己揀既精選豪華丼飯！原板紫雲丹 $148原板海膽放入飯中，大家一見到已經瘋狂影相！海膽每片都比較細粒，可先單獨品嚐海膽既味道然後放點於飯上面一同吃掉！海膽質感比加拿大海膽軟身，入口即溶，味道甘甜而不帶任何苦澀味，一個人食一板絕對唔係問題。大吞拿魚腩（2切） $98大吞拿魚腩油脂滿溢，紅白相間，咀嚼時口感軟綿，油份及魚香佈滿整個口腔中，幸福感爆燈！赤海老（2隻） $48非常喜歡呢度既赤海蝦，兩隻size頗大既海蝦橫放於飯上，蝦身晶瑩剔透，食起來爽口鮮甜，呢個價錢絕對值得。三文魚腩（2切）$46熱愛食三文魚既香港人唔食三文魚好似差咁啲野咁，所以我同朋友都有點三文魚腩！呢度既三文魚切得厚身而大片，拉開整片魚腩肯定長過半隻筷子，而魚既油份充足，食起來有口感。三文魚籽 $38咸咸地既三文魚籽下

Lunch time 見冇咩人入去食... 店內的座位就唔多既，可能岩岩十二點開門所以冇人排隊海膽呑拿魚飯 都正常既，海膽一般啦有一板係幾好，吞拿魚飯好味但份量不多... 正常的鰻魚飯，冇特別Overall 就係正常，不過呢個價錢就唔係咁抵🙄四點已經又肚餓了。。

沢豊雲丹丼🍱 ($298)-每次諗起日本嘅魚生飯，司令都會流晒口水😭。好彩香港都有唔少嘅魚生飯店可以選擇，止一止條癮。-今次黎到豊勝手丼，見到佢有車仔麵式既自選魚生丼，又幾特別喎🤔！亦都有套餐可以揀，司令見到其中既沢豊雲丹丼有晒想食嘅刺身🐟係入面，就即管試試佢啦。入面除咗有兩隻超大嘅赤蝦之外，仲有加拿大海膽、原板海膽😍同埋香蔥吞拿魚蓉！內容超豐富喎👍🏻，司令覺得佢嘅赤蝦頗為出色，大隻得黎新鮮而且鮮甜。-除此之外，香蔥吞拿魚蓉亦都增加左個飯既口感！而海膽方面，成板海膽上枱真係好正，未食已經興奮。食落尚算鮮甜，司令就覺得加拿大海膽更值得一讚😻，甘香鮮甜，送壽司飯一流！-不過丼既份量唔算大架！大食既可以叫多個刺身，咁就唔怕唔夠飽啦😏。-

見到身邊嘅朋友一個。兩個。三個。都在這裏打個卡，拍個照。對啊就是這一間位於信和附近的井井店，賣唔到成行成市，熱潮滿載的豊勝。我做事往往都比較慢，行路慢半拍，食嘢慢半拍，食潮店都慢半拍，幸好今天的這個晚上朋友帶到我來呢度朝食海膽丼。十分之別別緻的一間日式小店，座位大概只有10歌，我想午市記得要早一點之前最爆閃的全海膽當已經沒有了，替代的是這個同樣豐富的沢豊雲丹丼$298 用上原版海膽 加拿大海膽 赤蝦和碎葱吞拿魚腩製的美味丼。一客來到跟有麵豉湯，前菜，煮物。煮物相當有分量而且天天不同。最精彩當然是這個啦，兩隻豐滿的大赤蝦，還有大大的加拿大海膽，配上分量着不少的新鮮京蔥吞拿魚腩碎，買有最令人震撼的原版海膽。每一啖吃著鮮甜美味，尤其是遠板海膽，入口溶化的感覺，很感動啊！怪不得閃圖率如此高。這一刻令我想起Twins 的一首，還未學習怎麼紀念從前，便發覺要懂得擁抱明天。。。我就要學懂擁抱海膽那鮮味感覺。

還記得早年觀塘APM地庫一田超市開張的時候，各式各樣新駐美食之中主打車仔麵式自選刺身飯的「勝手丼」相當矚目。近來在銅鑼灣，這間刺身飯生力軍「豊勝手丼」甫開張大吉便吸引萬千傳媒報導介紹，不少食客麵紛紛相繼潮聖。「豊勝手丼」不但保留了自由度高的刺身飯配搭，更提供了一個更加舒服的地方讓食客坐下享受美食。店面小小，所能容納的桌子亦只有四張四人桌，平日中午十二時多已經幾乎爆滿，搭桌實在是在所難免。除了有逾三十款刺身配料選擇之外，更有指定組合的魚生丼，最特別的是想不到一碗魚生丼竟然也有Omakase（廚師發辦），選擇困難症的食客想要吃到最為時令的刺身定必不容錯過；除了刺身飯外，看到旁邊食客點的二重特長鰻魚丼同樣相當吸引！當天我就選擇了大吞拿魚腩($88)、加拿大海膽($58)、秋刀魚($58)、赤貝($58)、三文魚腩($36)、魚仔($28)，總共$326，價值的確不算便宜，但是實在是度身訂造、最為貼合自己口味的魚生丼！最為吸睛的定必是正中的兩瓣加拿大海膽，濃鮮Creamy。大吞拿魚腩是吞拿魚中脂肪分佈最多的部位，入口即融，充斥魚油油香。原隻赤貝亦相當爽脆鮮甜。兩切三文魚腩肥美之餘更是非一般長！

餐廳面積唔大, 只有幾張細檯, 好明顯市場係我呢啲唔想食快餐的快閃黨, 免茶免加一, 超棒!裝飾日式系今日Omakase丼(廚師發板丼)不錯簡約餐牌, 食物及單價一目了然。廚師發板丼套餐 ($248)套餐包前菜、味噌湯及漬菜。啱晒我呢隻除左工作外唔多想用腦的為食猫, 叫套餐唔洗用腦, Omakase 就更好, 不時不食, 廚師會為你揀選是日最靚食材比你食。味噌湯每間日式餐廳的味噌湯配方及味道也有所不同, 豊勝手丼麵豉香味較濃, 但又唔鹹, 還加了腍甜的蘿白, 好飲。前菜 : 醬油三文魚頭腩三文魚頭炆得好腍滑好入味, 魚頭是鬆化的, 連骨都夾得開, 醬油清淡優香, 三文魚頭附帶軟骨及油脂重, 又香又滑。廚師發板丼內有加拿大海膽、中拖羅、赤貝、帶子、秋刀魚及三文魚腩, 還附上新鮮檸檬、酸子薑、芝麻及蔥花。加拿大海膽 ~ 沒有日本海膽的入口即溶口感, 但勝在份量夠大夠鮮味。 金黃色, 光澤誘人, 海膽濕潤細緻、軟綿綿, 啖啖鮮甜幼滑。中拖羅 ~ 新鮮亮澤, 色澤嫩紅, 略嫌不夠肥美嫩滑。大赤貝 ~ 十分鮮爽, 脆口又鮮甜。秋刀魚 ($58)秋刀魚 ~ 秋刀魚係時令魚, 唔係成日得食, 師父話

勝手丼在日本北海道起源，是先買一碗白飯，然後自由配搭喜愛的海鮮在上面，老闆會幫你擺放得靚靚，你便可以享受一碗屬於你自己的魚生丼飯。由來到星期三，一個人吃飯的晚上，在銅鑼灣鬧市行逛著吃些東西再上學，看到這家日本丼飯店，原來是勝手丼，想了一下這個月沒有吃過日本飯就敲下門進去了。店內環境裝潢挺用心，雖然位置不多，迫迫地都坐廿人，而且吃勝手丼在市場的人也不會待很久，這裡亦然。這店除了勝手丼任搭配外，還有好幾款店內大熱的組合丼飯，旁邊很多人都有點。想了良久也想不到怎樣配，於是直接豪一點吃廚師精選吧。精選丼飯的刺身搭配很豐富，有三文魚腩，帶子，赤貝，赤身等。三文魚腩肉質豐富肥美，其他的還過得去。當然在餐廳吃和當地魚市場的鮮美度會差一點吧。套餐有漬蘿蔔，麵豉湯，凍茄等，最愛是漬蘿蔔，一咬鬆軟，這個由廚師精選的丼飯還拌入白飯魚仔，粒粒咬落特別有咬口，鈣質感大大提高。

自從日本築地市場強勢登陸香港後，香港又再重新捲起一股新的日本刺身飯丼熱潮，每天上班和同事的話題，下班後和朋友的飯局，談的也必定是日本菜，日本旅行。但是有很多已經到訪築地的朋友，對它的評價也不是太正面，而訂座也需要早1-2個月作好預備，所以一直也未有機會嘗試。今天剛好經過銅鑼灣shopping，看見這間外裡內裡也充滿日本風的餐廳，便激起了我對日本的懷念，決定湊一下這股熱潮了。餐廳位於謝斐道468號，很近信和廣場，位置都算係幾分便，所以很容易就會發現到佢。進入台內，餐廳其實都比較細，只有大約10多個座位，所以需唔需要等位，真係要睇彩數，今日我黎到既時候就算好好彩啦，岩岩有人食飽離開，比我坐到最後一個單丁位。雖然餐廳細細，但五藏俱全，有預備好紙市給客人使用。再往上一看，原來餐廳是和鳥居，漁獲兵燒是同一集團的，這2間餐廳我也吃過，是很高質的居酒屋，但價錢不便宜，想不到她們也開始擴充她們的業務至比較平民的飯丼了，很值得支持的新興日式飲食集團，可惜我還未join她們的VIP，不然便可以享受多一客免費的Omakase刺身了。再望一下餐牌，十分簡潔，一張大餐牌，有前後2個pages，圖文並茂，非常容易