豊勝手丼 (已搬遷) 新店位置

Omakase丼，鮭腹、縞鰺、赤身、帆立貝、加奈陀雲丹首次黎食自選魚生飯，唔知食咩好所以叫左個師傅發板，每日嘅材料都唔同架！最上層嘅海膽食落好鮮甜，唔種海水味，最緊要嘅就係唔腥😋；赤身食吞拿魚最冇油脂嘅一部分，食落冇根，質感軟熟，好有魚鮮味；帆立貝份量大足，配上檸檬汁，味道好fresh；縞鰺食落魚味好出，口感帶點咬感，不同於赤身嘅口感，食落都幾鮮味；最後有三文魚腩，食落油脂唔算太多，但非常厚切，口感非常豐富。特別提提佢個飯，加左小魚乾係入面，令到食飯嘅時候都食到魚香同鮮甜味，值得一讚。（$248）