豊勝手丼 (已搬遷) 新店位置

要在銅鑼灣揾食，實在苦腦，皆因食店雲集，幸好有美食網及食家朋友，否則難覓真正美食。今次在食家朋友推薦下，到了鬧市中的小日本【豊勝手丼】覓食。位於謝斐道的【豊勝手丼】，門面有著日式小店感。店內雖小，但格調不錯。到處都是日式魚市場佈置，明顯店舖放了很多心思設計。 店內提供多款新鮮食物，以木牌展示食物的款式。看到手寫餐牌上有3款特色丼，我二話不說便選了由大廚發辦的【Omakase丼】(HKD248)。 享受主菜前先品嚐美味、熱辣辣的昆布湯、滑嘟嘟冬菇及微辣芽菜仔。到主菜了，這個丼大廚挑選了新鮮的三文魚腩、拖羅、鮟鱇魚肝、蟹子及海膽，賣相超吸引。一向愛食海膽，不過，不是每間食店都可提供新鮮海膽，所以有時會好失望，但今次好開心，這店的海膽鮮甜又美味。三文魚腩及拖羅都十分肥美，啖啖肉，一啖魚肉一啖飯最適合。鮟鱇魚肝滲出濃烈魚肝味，質感很豐富。想加強魚肝鮮味，可沾點酸汁調味，味道不錯。

勝手丼是可自選海鮮的丼飯，有點像車仔麵點餸的原理。以往曾在APM一田吃過這東西，之後卻沒有機會再嚐。這天下午在銅鑼灣偶然遇上這間蚊型小店「豊 勝手丼），吃了挺不錯的一餐，價錢絕對唔平，但質素挺好。我這天點了穴子、松葉蟹肉、蔥碎呑拿魚腩及明太子。店子雖小，但用料都幾新鮮，穴子及明太子更火炙過，多了一點口感。我這餐最欣賞的反而是前菜的煮魚頭部位，真的做到入口即化。最後埋單要$162，真係唔平，但至少與質素相符也。

放工去銅鑼灣行街，先要醫飽個肚，在銅鑼灣廣場後找到一間小小的日本餐廳，價錢不太貴，百多元已有一個海鮮丼飯套餐。店員推介海老盛リ丼($98)，在盆中一手取到多少隻蝦，便可將蝦全加至丼飯上，店員說大都可以拿到6隻蝦；如果有技巧+手大，試過有人一手拿到8隻蝦，如果$98有8隻蝦又好似真係好抵。但今日不想只食蝦，更想食不同的刺身，要了お任せ丼 ($248)，即是由廚師拍板，選取當天最新鮮的食料作海鮮丼。今日的お任せ有三文魚腩、吞拿魚腩、加拿大海膽、蟹子及鮟鱇魚肝。三文魚腩很肥美嫩滑，吞拿魚腩入口即溶，無渣但有少少筋，有一片加拿大海膽，有濃郁海膽味。另外還有第一次食到的鮟鱇魚肝，鮟鱇魚湯就經常食到，魚肝則是首次試到。鮟鱇魚肝質感似鵝肝，味道則有濃郁的肝的味，濃郁的程度跟海膽有點相似。另外，丼飯內的飯混和了白飯魚魚干，幾有口感。套餐跟面豉湯及前菜，今日前菜有炆三文魚骨，面豉湯內亦加了不少海帶及蘿蔔，食完整個丼餐，超飽!

這天在信和中心附近四處逛順便覓食，竟給我發現一間小店~~！ 店面不大，只有四張四人桌，幸好到店時間尚早，大概7:30時門外已排起了人龍啦！ 小店裝潢很有日本風味，連天花板也用心裝扮了一翻 初來乍到又犯了選擇困難症，最後選了是日推介龍皇丼，名字和價錢都夠霸氣！ 等了十分鐘左右終於能與我的龍皇丼相見啦~~龍蝦等食材放得滿滿的連丼飯都全蓋住，套餐還包括味噌湯和前菜，感覺豐盛！ 日式前菜也有兩款，以湯汁盛載的冬菇厚身嫩滑，煮得軟軟的極入味；豆芽爽脆，咸中帶辣下飯佐酒一流。 味噌湯裡加入蘿白、蔥段等一起煮，味道不會過咸，反而多了一點清甜。 吃到主角了，龍皇丼用上尺寸不小的原隻龍蝦、赤海老和味噌龍蝦羔，龍蝦頭和前半段蝦身用火燒炙過，龍蝦膏和肉多了火炙香味之餘，被炙熱的部分味道更鮮濃。 赤海老和味噌龍蝦羔切成小丁再混合在一起，赤海老透明如啫喱，肉質滑溜，入口有甜香。味噌龍蝦羔較硬身，龍蝦膏味不會過分濃郁引致飽滯，沾點酸汁吃味道更突出。以龍蝦尾作容器的擺盤也很精緻呢！ 飯後點一瓶蘋果西打慢慢喝，香甜蘋甲香加上碳酸的微微刺激，清爽暢快，可以帶著獨自KO一大碗丼飯的滿足感結帳了~~XD

因為今晚要去做body massage，所以晚上就要自己吃晚餐。想起太耐沒有吃日本菜，就挑了這家吃丼的餐廳。由於餐牌上的款式實在太多，又可以自選刺身；店員推介了他們的Omakase丼，用上了當天廚師認為最新鮮的食材。*Omakase 丼 ($248)每一個定食，都跟了前菜、配料和味噌湯。味噌湯有海帶、蘿蔔和豆腐；味道不會太咸。蘿蔔和牛腩都炆得很入味很淋，暖暖的，很暖胃。番茄漬物，還有一些海帶。今天的Omakase 丼有三文魚腩、中拖羅、蟹子、加拿大海膽和鮟康魚肝。三文魚腩例必有很重的魚脂味；中拖羅入口即溶，帶有少少筋；加拿大海膽新鮮，形狀很完整，而且咬落有點爽口；鮟康魚肝沒有鵝肝那麼油膩，但有著肝的味道。除了刺身，丼內還加入了白飯魚和海帶伴飯，增加口感。*波子汽水($36)雖然飲汽水很有罪恐感，但剛考完試，要給自己放縱一下。

去銅鑼灣做嘢做到兩點半，太晏無辦法唯有自己一個人食飯，決定對自己好啲試吓呢間小店嘅日式丼飯入面鋪頭雖然細細，但係裝修都算有心思，唔知係咪因為過咗午飯時間嘅關係，店員好殷勤介紹我食唔同嘅丼飯，我最後決定選擇食鰻魚丼我叫左一個芝士二重鰻丼，鰻魚size好eye catching, 好大，鰻魚果汁好juicy, 芝士味亦都好香但係唔漏，另外比較特別係佢個前菜除咗有沙律之外仲有一份魚頭，其實我本身都唔係特別鍾意食魚頭，不過我覺得呢個佢做得好入味同埋好滑，正

雖然而家越來越多日本魚生丼店，但好味新鮮參半。之前朋友介紹銅鑼灣，豊，所以今日特登去品嚐一下。 果然冇介紹錯，魚生真係鮮味十足，連白飯都好好味。價錢相當合理, 物超所值。不論是三文魚、油金魚、海膽、帶子都鮮味無窮，份量也非常足夠，值得一提係海膽，真係好鮮甜，食完想再食。推薦之選呀

心血來潮好想食丼，見而家港九新界都開左勁多！朋友推薦呢一間話又平又抵食！來到發現原來呢度舖仔細細，但魚生選擇多！最中意支持小店！除咗已經設定好嘅丼，亦有"車仔丼"，自己鍾意點乜就點乜！個人化口味！見到牆上嘅今日推薦其中一樣係香箱蟹丼，我二話不說就選呢款！小妹第一次食！原來香箱蟹只限10月11月供應，我已經算尾水了 ！同平時嘅蟹有小小分別，肉無咁多，但蟹膏非常豐富已且味道香濃！蟹肉亦被廚師起好一條條放於飯旁，食落啖啖肉，津津有味！除咗蟹膏同埋蟹肉之外，仲有蟹籽混於飯中，令呢個飯每一啖都充滿蟹香！我哋亦都試咗蘋果梳打，唔太甜，幾好味！呢度價錢唔貴，食物質素又好，怪不得響一眾丼店脫穎而出！

銅鑼灣可以稱得上美食集中地，可以係云云既食肆入面立足，要有返相當既質素先留得住咁厭尖既客人。今次就試下近期爆HIT既魚生飯。雖然呢間唔係好出名排隊既舖頭，但係佢既實力不容忽視。由師傅發板，將時令既活魚刺身飯SET呈現係我枱上面當中有池魚，𩶘魚，加拿大海膽，帶子，三文魚腩。好鮮甜！！大滿足呀！呢個香箱蟹飯，成個蟹形咁放上枱，好似識郁咁佢用左成隻蟹拆肉再分配返唔同既部位，師傅好有心機。可以每樣試真啲味。當中最吸引我既都係肥肥既蟹糕。入口濃濃既甘香味。沖擊你既味蕾，一個字 ：好好味呀！！！雖然舖仔細細，但係勝在唔會容納咁多人，又骨子，坐係度食飯感覺都幾舒服。唔知上面啲貝殼係咪客人食完留低嫁呢？好似置身係日本咁。好好味架呢！

今日去完CWB行街, 路過見到有間食魚生飯個肚當堂打鼓, 即刻入去食啦好彩岩岩好有2個位入到去好有日本地道既感覺返工返到冇假放既我唯有當自己係日本啦牆上仲有MENU, 是日推介彷如真係係日本既餐廳好有地道FEEL選擇多, 仲有得自選tim不過我同我朋友都決定叫推介個2款丼いただきます! 我唔客氣啦!一個omakese丼 即是廚師發辦$248丼必備的麵鼓湯, 先暖一暖胃前菜係燉牛肉牛肉夠冧又入味有鮭腹, 帆立貝, 加奈陀雲丹,縞縿,真鯛食材新鮮, 件件都係厚身 唔馬夫鮭腹肥美, 一咬落去魚油出曬黎帆立貝大大隻, 好滿足縞縿同真鯛魚味夠重, 食落又唔覺得膩新鮮海膽手木飯面除左有海帶和酸薑,飯粒唔會太黏口, 飯入面仲有魚仔, 食落有口感之餘仲食到餐廳既心思原隻香箱蟹丼 $208雌性松葉蟹一網打盡就叫香箱蟹體形嬌小比手掌大dd唔好睇少佢佢一樣鮮甜真係成隻拆曬肉蟹籽, 蟹膏, 蟹腳, 蟹肉蟹籽同蟹膏份量都好多相對蟹肉很少店員叫我地沾醋食會更鮮味係真架!味道鮮美無比 

之前睇IG見到呢間既魚生飯好似好吸引，星期６中午，坐滿晒，我叫左呢個沢豊雲丹丼 $298 大大板海膽+加拿大海膽+大大隻赤蝦+碎蔥吞拿魚腩~~一黎到見到咁豐富，好興奮!超鍾意果板海膽，完全無苦澀味 超正!!好creamy好香海膽味，如果厚身啲口感會更好!仲有紫菜比你包住黎食~蝦真係好大隻, 幾新鮮，同埋係彈牙的!上面啲魚生好足料～加埋飯先夠食！不過，呢間餐廳的座位真係不太舒適~特別係人多時，坐得有d逼~~~

星仔的簽証終於批了，距離做新腥港人又邁進了一大步，今日就特登過灣仔取簽証，過開海就順便約在銅鑼灣工作的表弟午飯。＊＊＊＊＊＊＊＊＊＊＊＊＊＊＊豊勝手丼可算是一間魚生飯專門店，雖然要吃魚生飯銅鑼灣有很多食店可以食到，但這裡卻很特別，因為除了固定的魚生飯外，還可以像車仔麵一樣自由配搭飯上面的魚生。店子地方不大，只有四張四人桌，廚房上面掛了一塊塊木牌子，就寫上了食店提供的魚生。店子雖小，但店家盡量在這窄小的空間內放上充滿日本風的旗幟的裝飾，令人有如走進日本的小食店內。牆上貼有推廣優惠，凡鳥居和漁獲的VIP只要讚好豊勝手丼的Facebook專頁，即送一款刺身。從餐牌可見，一邊是不同的魚生飯，價錢由108至$298不等，加$20可以加配前菜和麵豉湯。左上角的就是廚師發辦的魚生飯，會用上當日最新鮮的魚生。而餐牌的另一邊就是自選魚生飯，可從二十多款魚生中最少選三款作為魚生飯。下單用這張點菜紙剔所選的魚生就可以。所謂麻雀雖小，五臟俱全，每張桌邊除了竹筷和調味料外，連紙巾都有，午餐來這裡基本上只要帶銀包就可以。廚師發辦魚生飯($248)因為實在太花多眼亂，所以索性選廚師發辦。廚房外的小黑板上會寫上當日的

又係星期四，星期四係一星期最辛苦的工作天，開大會後例行動作就是食好西。放lunch已經是點幾，同事提議到近期好紅的謝斐道食魚生丼。搭一個站就到，我當然奉陪。難得到達門口沒有長長的人龍，可能是過了peak hour吧。店內都幾特別，有好多魚名，仲有一個大魚網。單單是魚生丼已有滿滿兩頁紙的選擇。貪心的我樣樣都想食，但懶惰的我又唔想諗，都是點OMAKASE，等廚師選取當日最新鮮食材。食主菜前先飲啖湯，食少少前菜。前菜都好足料，製作好認真。是日的OMAKASE十分有睇頭！有加拿大海膽、大拖羅、三文魚腩、帶子同海鰻。滿滿的材料鋪滿飯面，睇見都流口水。三文魚肥美鮮甜，帶子亦清甜爽滑，但當中還是最愛海膽和大拖羅。海膽大件厚實，入口帶鮮味，帶微甘。大拖羅是我最愛，十分肥美，表面可見大量油花，厚切令到入口後的口感更滿足。魚油湧出，鮮味湧入喉嚨，仲有after taste添。除左飯面的魚生，醋飯底亦好有誠意。飯面鋪滑小小的魚乾，令醋飯入口多一種層次同味道，值得一讚。朋友的更誇張，海膽一大板。兩百幾蚊食個魚生飯值唔值得？比足誠意同食物質素，偶爾對自己好一點，個人認為好合理。

原本等緊隔離街嗰間魚生飯，但人太多，所以喺附近行吓，來到呢間見到有得自選而且價錢合理，就入咗去試試。店仔細細，感覺都幾warm，最後叫咗赤蝦帶子海膽蟹膏魚生飯，刺身夠新鮮，分量剛剛好（對女士嚟講）。唯一問題係，食物種類較少，如果身邊朋友唔食魚生，咁就未必係一個最佳聚腳點。

與朋友在附近行街，經過這間餐廳，決定進來試試。餐廳不算太大，但已經坐滿人。我點了芝士鰻魚飯。上面有一層厚厚的芝士鰻魚很香，吃下去不太淋，肉質很有口感，燒得剛剛好對於大食的我，這碗飯不太夠。店員也很樂意添飯。這晚吃得很滿足