讚好台灣

营业中

休息中

以前住hall既時候，成日黎食，貪佢個下午茶抵食～呢幾年來紅磡餐廳執得就執，讚好都變咗小老店了！呢排佢裝修完，靚咗好多，不其然又吸咗我入去食。裝修完光猛咗不少，不過位就無多到哈哈！餐牌既內容都無咩點變，我淨係發現到佢貴咗～【下午茶餐】$33起我同朋友每人一個下午茶，連食物既擺設都講究咗！食物質素依舊不過不失，但個下午茶真係多選擇，主食我簡咗滷肉飯，一小碗。滷肉好少，個飯太濕。小食我簡咗地瓜，鹽酥雞同台灣腸～呢三款小食都係我必叫之選！中規中矩！野飲我叫咗凍珍珠奶茶，只能夠說，唔係特別想飲可以唔洗飲。我朋友叫咗擔擔面，都係正常發揮啦！-讚好既下午茶相比之下可能失色少少，但佢既湯麵都okay嫁！可以一試！總結，讚好既下午茶都幾適合女孩子食，大食既男仔最好說叫返碗麵啦！

朋友介紹話紅磡新開左一間台灣牛肉麵店話幾好食 介紹我去試！呢日咁岩經過紅磡 就去試一試先～叫左呢個蕃茄湯底牛肉麵！非常期待 因為本人係蕃茄控！蕃茄個湯底一定要夠濃郁我先會滿意！仲有叫左個茄子 同埋豆腐一黎到見到咁紅就知一定無伏！試一試真係好濃郁！想連湯都飲埋佢仲有牛肉都好多下！非常滿足啊！再加上茄子幾好食 真係熱辣辣豆腐一樣係出色，食完濃濃既野再食下豆腐清清口腔，真係不錯！呢間小店聽講係岩岩再裝修過 門店都幾靚下次再黎幫襯

行過見到呢間下午茶$30左右，幾抵食就入左去。呢間野係台灣人開，感覺上比較地道，而且裡面播嘅全部都係台灣歌手嘅歌。呢度下午茶餐可以自選三款小食再加一小碗麻醬麵/肉臊飯，再加一杯野飲。我叫叫左青瓜、夜市香腸同鹽酥雞粒，同埋麻醬麵，野飲叫左凍台灣奶茶。小食之中夜市香腸真係好好食，烤得剛剛好，唔會好硬。鹽酥雞粒都唔錯，唔算太鹽，d雞都幾嫩滑。青瓜就酸酸地咁，唔係太特別。至於個麻醬麵，d麻醬幾香，同一般嘅麻醬相差不大，撈埋d麵食好正。台灣奶茶可以簡甜度同幾多冰，簡左微甜少冰，奶味幾濃同好滑，飲得出同一般奶茶好唔同。整體來講，呢間野嘅下午茶性價比好高，值得推介！

舊舖好細感覺坐得唔舒服（由其我帶住兩個小朋友），通常都係買外賣；近排見佢搬左隔離舖裝修好靚，就好想試下堂食！叫左魯肉飯，紅燒綜合牛肉麵（呢個名？），排骨蕃茄麵，鹽酥雞。堂食真係好食好多👍🏼間舖咁靚，但地下唔太乾淨，有少少失望。

呢一日完咗工作，跟住同事搵好嘢食。專登駕車入黎紅磡，呢間係佢地喜歡幫襯嘅食店之一，聽佢地講，性價比高。入到黎，麻雀雖小，但係坐得幾好，唔會話好迫。再黎睇下餐牌食咩，基本上想食嘅都有。紅燒牛肉麵（$59），湯頭適中，好飲，夠哂牛味。牛肉夠哂入味，麵是QQ的，掛到湯，啖啖唔會得清麵。肉燥鹽酥雞麵（$49），鹽酥雞麵粉唔會過厚，油膩還好，唔錯。蕃茄牛肉麵（$65），同上，無得輸，蕃茄係用真蕃茄，牛肉同樣出息。我地當然叫多一杯飲品，都係另加5元、8元，相對上已經叫平。有珍珠胚芽奶茶，珍珠奶茶，我自己個杯係香芋奶茶少甜少冰，偶然可以破下戒，我已經好滿足。

第一次黎黃埔依邊，諗住求其入依間野試吓，冇諗過佢門面裝修普普通通，裏面環境空間細小，但啲嘢食超出乎意料之外好食，餐牌入面有好多款俾你揀，睇到我樣樣都想試我地叫左鮮蕃茄粒粒鹽酥雞湯麵依個真係不得了，蕃茄味超級濃郁，而且個麵都非常入味因為店員一拎埋枱就忍唔住要食咗先忘記咗影個粒粒鹽酥雞鹽酥雞好香好脆同埋 麻辣綜合麵入面有 肉操，牛筋，軟骨，大腸，滷蛋佢個辣味係非常香辣，唔係死辣滷蛋好入味，其他餸菜亦煮得夠林夠香下次一定會再嚟

當年讀書經常嚟食紅燒牛肉飯，又中意買外賣返去食，記憶中嘅外賣便當好豐富經我食過好多次發現：午餐同晚餐個牛肉汁嘅稠度同肉嘅質地都係有分別架。太耐無嚟紅磡，有d掛住呢度嘅野食，就嚟食個晚飯。以前都係食完趕住去上堂，無認真睇過個飯抬頭一望，咦個飯嘅形狀咁似紅色個台灣地圖嘅。可能係我平時淨係掛住食無為意午餐同晚餐就算叫同一個飯，你會發現午餐係比較高質仲要平d。講返呢個飯先：-飯同菜就無咩特別，-牛肉就好似煮耐左，有d韌呀，但整體份量都幾多架。-個汁都係煮耐左有d稀-滷蛋太老喇，質感有d似膠根據經驗，午市牛肉飯係高質d，估計係因為新鮮煮好，肉唔老而且汁夠濃，撈飯一流！雖然今次嘅懷舊經歷一般，不過我都幾中意呢間咁有台灣風味嘅小店，下次都係lunch time再嚟啦

今日做gp project令午餐延遲到2點幾先食得，做得咁辛苦緊係要慰勞下自己。就搭小巴落紅磡食「讚好」。呢間台左餐廳對於我係相當有回憶，之前係附近讀書，就會襯天地堂中間嘅空檔過黎食下午茶。之前都係叫開飯，今次就試下紅燒牛肉麵$55+$6轉飲洛神花茶。個麵就軟硬適中，雖然唔知係咪手打麵，但食起黎唔輸手打麵。最驚喜係個牛肉，份量都幾多而且大件。睇張圖就見到肥瘦相感，個口感既札實但又唔會好un。咁杯洛神花茶就偏淡，就勝在大杯。朋友叫左肉燥排骨飯，我都夾左幾舊食，依然咁好食，面個層脆脆加椒鹽味，但其實太邪惡同好熱氣😂。

叫左個3寶肉燥干拌麵, 有齊台灣腸, 墨丸同貢丸。最初以為D 丸係炸的, 原來係烚熟, 岩我WOR<無咁熱氣同油膩, 丸子的質素正正常常LA,。台灣腸的呆道勁似臘腸, 同平時食開的有D唔同。干拌麵有D肉燥, 唔算多, 但個醬汁甜甜地幾好食。另外叫左細碗的麻辣麵, 屬小食類, 細細碗的我唔中意食果隻麻辣醬,所以我覺得唔好食, 同埋個麵只有少量青瓜絲, 真係純麵LAW....

入座後，頭頂的冷氣風大到簡直要把人吹跑。這本身是香港一個不算少見的問題，但問題是服務生的態度實在讓人怒火中燒，我是指那個短頭髮的侍應女生。我說，冷氣太大可不可以關小一點，她說不可以。我說可不可以讓風扇停止轉動，at least不會一陣一陣吹過來，她說無法調整。我說這風也未免太大，她說“有的客人就喜歡被吹”！！！你是在搞笑嗎？？？！！！後面讓我們換取了一個座位寬度只有其他位置一半的非正常位置，我建議他們可以買一種東西可以遮住出風口，我見過有人安裝這種配件，好心被一個白眼和冷言冷語嗆回來——“這個你要找我們老闆，我們打工的可管不了這些”。正常人一樣說話就 這麼難嗎？！其實解決方法很簡單，當然我都知道有些事情是要老闆解決，那請您有禮貌的說一句“我會向老闆反應一下你的建議”，就不行嗎？？Is it soooo difficult?!!!

讀大學既時候知道有呢間舖，食過之後自此一想食牛肉麵，即刻揀呢到，無容置疑舖頭入面枱同枱之間有啲啲迫，盡量我都會避開peak hour 黎‼️你可以自由選擇揀湯麵，飯，拌面。湯面有牛肉湯，唔食牛既都可以有麻辣同蕃茄湯底，都幾全面紅燒牛肉湯麵套餐 $59大大碗麵，深色既湯底，配以四條大大條既牛肉，仲有酸菜同蔥點綴，望落去已經流口水先飲一啖湯，好濃，唔會過鹹，飲完唔會口渴，都幾真材實料牛肉雖然只有4條，但每條size 都唔小架。我最鍾意佢呢到既牛肉，肉同筋相間，每一啖都食到肉同筋，兩者都炆得好腍，不過就牛味唔太重。麵質彈牙，我鍾意食呢種有口感既麵，就算我慢慢食，浸耐左啲都都唔會淋晒，而且份量都好多，如果大胃王可以加$6加底，加埋係好好好大碗朋友嗌左鹽酥雞乾拌麵 $54鹽酥雞用雞胸炸，所以食落唔會好滑，但佢既調味挽救左本身嚡既雞胸，而且炸得脆卜卜，炸粉又唔會好厚，好味拌麵配有青瓜絲，肉燥及蔥花，配以醬油擄勻，味道剛好，鹹淡適中，食落好清新跟餐加錢要左珍珠奶茶同洛神花茶。珍珠奶茶唔錯，珍珠彈牙，有茶味洛神花茶就係全晚既敗筆，好甜，有啲似利賓納，可能我飲唔慣，麻麻地兩個人平均$60 左右，呢個質素，

今日想食台灣野 放lunch就同同學去左紅磡間讚好食 叫左個肉燥鹽酥雞便當 再加左$5叫左杯凍珍珠奶茶 便當嘅鹽酥雞好香口好脆 熱辣辣新鮮整出黎 雖然個飯嘅份量對我黎講就一般 不過飲埋杯珍珠奶茶就真係好夠 杯奶茶都幾大 茶味濃郁之餘 珍珠亦都好多 多到食唔晒 所以整體上成個lunch set都唔錯好飽

呢間小店座位唔多，所以有時都要等一陣位先食到。嚟咗幾次都係食佢個紅燒牛肉麵，今次試吓新野，叫咗個鹽酥雞肉燥飯，野飲例牌叫咗珍珠奶茶。D鹽酥雞熱辣辣，配埋個肉燥飯，仲有隻滷蛋，好味杯珍珠奶茶個味就正常，間唔中黎食下感受下台灣風味都幾好嘅。

我很喜欢台湾菜，说实话第一次去吃的时候觉得好好吃，什么卤肉饭，炸猪排，但是第二次的时候卤肉饭感觉好咸呀，不过肉末青菜好吃😋，主要我觉得这样比较健康，然后水蜜桃茶好喝，盐酥鸡千万别买，难吃，香肠也很不错

其實本來也沒想過去吃，然後下班以後覺得有點餓，就在附近找吃的，看到滷肉飯，突然很想吃的感覺，於是和小雞胃一起跑去吃啦，真的讓人沒想到，滷肉不錯，就是量少，豬排好吃，鹽酥雞麻麻哋