讚好台灣

营业中

休息中

是附近大學學生常光顧的台式料理小店，不過下午茶開始時間有些遲，是2:30-5:30pm，所以要試可要注意時間。下午茶點餐紙都設計得幾cute，A項1款，B項3款，C項1款，好似好多咁，講清其實不過是1碗迷你麵或飯，3款小食，1杯飲品。承惠而不費31，價錢尚抵。選取滷肉飯，滷肉唔算太肥，醬汁香濃，送飯一流。夜市小香腸有台灣風味；木魚炸豆腐，木魚貼住豆腐，吃時啖啖都有木魚味；逢甲巴鹽酥雞，略為乾些。台灣奶茶，奶香味多啲，無乜茶味。

【推荐美食】: 番茄汤底的所有面，盐酥鸡，小食拼盘【推荐理由】:我是一个很爱吃番茄的人，也对几乎所有番茄味的东西没啥抵抗力，尤其是很浓汤汁的那种! 这家店是台湾风味的，其实他们的卤肉饭，盐酥鸡饭这些也很好吃，但我最喜欢的还是番茄盐酥鸡米线和番茄猪软骨米线 番茄汤底很浓很浓，盐酥鸡是那种脆里嫩的，咸淡也刚刚好，我喜欢把盐酥鸡在汤里过一下，捞粗来吃（哈哈哈哈哈，可能好多小伙伴没法接受这种做法），但是因为就稍微浸了一下，所以捞起来的盐酥鸡，最外层是软软的番茄汤汁包裹的，再咬一口，能感觉到酥酥的脆脆的还在，然后里面就是嫩嫩的肉 满嘴的盐酥鸡和番茄汤底在一起融合，味蕾简直超满足，完美，哈哈哈!另外一定要推荐的是这个小食拼盘，里面包含三样小食，黄瓜，豆腐和热狗。每一样!每一样!每一样!都是我文字形容不出来的好吃!是很特别! 黄瓜脆脆的凉凉的，酸甜刚好，还有白芝麻的淡淡的香味 豆腐一定要提一下，外面是酥的，那个酱汁甜甜的咸咸的，然后关键是里面很嫩，一口咬下去感觉凉凉的，特别有层次感 热狗也是，肉特别紧实，也是酥酥的脆脆的，一万分好吃!【价格】💰💰: 价廉物美! 米线好像一个套餐50左右

食過讚好，都對佢既鹽酥雞念念不忘！可惜午市套餐已經加到$50幾，對於學生黎講都真係幾貴🙈 早前見到佢下午茶餐仍維持$29起，就睇下有冇驚喜啦！選擇還不錯，有飯有麵餐，而最特別係佢有三個小食揀，當然要揀招牌鹽酥雞！之後我同友人分別叫左薯角、青菜、木魚豆腐同香腸，一齊share就可以試到好多款啦！🤤值得一提係佢杯餐飲，凍飲只係加$3超大杯，我都未試過叫凍檸茶係會飲唔曬haha最後碗麵個湯清清地但幾好味，加埋d青菜落去就好滿足啦😛每人都係$30幾，幾抵食！

1) 首先，服務態度世界級咁差。一入去無乜問題，到嗌野食時，叫左幾次唔該都無人理，聚晒係廚房度傾計，仲要鬼咁大聲，直到我媽咪嗌「靚女」先有人應。2) 然後，嗌完野食，我地係睇午市套餐牌，睇睇下個侍應行過嚟，將個餐牌收咗，話今日冇午市套餐。下，咁都得？我地嗌完先收？佢話擺錯左。咁都得？ 之後攞張單黎睇，好彩佢散嗌同套餐價錢相差唔太遠。呢樣都未算最離譜。 3) 離譜嘅係，同媽咪兩個人嗌左兩個餐，好正常，然後想買返去比家姐食，但唔想用外賣盒，就咁叫堂食然後裝入自己嘅膠盒。個待應見到我哋啲盒，就問我地係咪外賣，我哋答都未答得切嘅時候，佢就攞咗我哋張單去改做外賣，然後加左一蚊。個重點唔係一蚊，我哋同返個侍應講話就咁堂食，我哋自己裝走。我見到廚房有個啊姐將個飯擺落去佢哋嘅外賣後，跟住侍應就同佢講話我哋係堂食，啊姐發脾氣，佢就好似講咗聲粗口咁。下？關我乜事？我不嬲都係話堂食囉，你啲待應搞到咁亂！你加唔加一蚊都無所謂囉。我知道佢地大把分都係台灣人，於是我問左佢兩次「你什麼態度？」佢扮聽唔到。大佬，我有俾錢食飯，做乜要受你氣？ 4) 之後我同媽咪食飯繼續，嗌左既飲品一直都未黎，我哋就問野飲幾時黎。跟住佢

每次睇演唱會之前都唔知食咩好，上一次經過呢間鋪頭見到好多人排隊，於是心郁郁下次一定要去食！咁啱今晚睇周杰倫我哋都早左去到黃埔嗰邊，係唔使排隊之下順利入咗去～我哋分別叫咗肉燥鹽酥雞湯麵同埋鮮蕃茄粒粒鹽酥雞麵，個麵等左大概十分鐘左右就上左🍜肉燥鹽酥雞湯麵，朋友覺得麵條麻麻不過啲雞粒就好好食，清雞湯唔係好夠惹味🍅鮮蕃茄粒粒鹽酥雞麵係有蔥既，唔識沖嘅朋友要預先走青啊。啲雞都唔夠熱辣辣，不過炸粉算薄身同脆，雞肉都好有肉味同咬口。麵條還算煙韌，唔係一般係香港食台灣麵嘅麵條，反而似中式拉麵。番茄湯幾香，內有兩kai番茄，不過似係用茄膏煮出嚟嘅。餐廳環境好窄，我哋坐嗰張二人台有三份一嘅位置上面都有個櫃凸咗出嚟，坐得唔係幾舒服，不過好就好在呢度唔洗加一！

小店為區內較受歡迎的台灣麵店，晚市經常要排隊。店內坐位不多，比較迫，但食物頗有水準。紅燒牛筋腩湯麵($52) - 湯底香濃，很貼近台灣風味; 麵條有嚼勁，掛湯力強; 牛腩肥瘦適中，唔會韌，牛筋都煮得腍滑，不過個人還是比較喜歡紅燒牛肉的牛𦟌。鮮蕃茄粒粒鹽酥雞湯麵($51) - 湯底蕃茄味好濃，配幾件新鮮蕃茄，誠意十足。但鹽酥雞不算太脆，肉亦唔夠嫩，比較一般。木魚炸豆腐($2x) - 兩大件炸豆腐，外脆內軟，熱辣辣新鮮炸起，配埋醒胃醬汁，冇得輸。

讀得理工大學，住得宿舍既同學仔一定會識得讚好依間餐廳！咁岩依日想食台灣野，但紅磡選擇唔多，所以都係番番讚好既懷抱首先介紹滷肉鹽酥雞飯($41) 鹽酥雞份量依然唔少，都有七八粒bite size。唔會炸到好難咬，調味都好足夠可惜既係滷肉得一條，好似吝嗇左少少另外我地仲叫左肉燥鹽酥雞湯麵($42) 鹽酥雞仍然好正，但個麵就麻麻地麵煮得太淋，食落口唔係好好食。而個湯都冇咩味，導致碗麵好似淨係得恰麵既味如果想係紅磡食平平地既台灣野，讚好都不失為一個選擇〜

本身諗住食隔離間seafood,但俾隔離間讚好吸引左，見佢又係細鋪仔，小小殘舊咁，仲叫讚好依個名咁有型，唔幫襯下小鋪，真係會突然又唔見左叫左個佢招牌蕃茄牛肉麵，叫左杯珍珠奶茶，佢問我要熱定凍，我先知珍珠奶茶係有熱，同叫左小香腸，不過阿姐姐話：見你咁食得，不如鹽酥雞加小香腸雙拼啦，見多小小錢就叫埋杯熱奶茶黎到，唔撈下d珍珠，佢只係一杯熱奶茶😂珍珠奶茶要自己加糖都幾搞笑，而鹽酥雞又幾好，我真係好憎食粉多過食雞既炸雞，佢就小小粉夠酥脆，雞肉飽滿，小香腸就冇乜好講，好食既台式香腸而主打蕃茄麵，佢招牌就寫住用意大利新鮮熟蕃茄熬煮，飲落又真係好甜既蕃茄湯，但個隻味又似係自己整但唔夠味，要落d蕃茄膏先夠味，如果純粹只係蕃茄就有依隻味的話咁就勁啦而且佢個牛肉，食落好冧，本身我以為只係因為用既係牛腩，但望真d又真係台式牛肉黎，冧到咁又估唔到喎

有時到紅磡一走，就順道試下呢邊既小店，紅磡地區似方便但又未算方便，始終無輪搭港鐵到紅磡/黃埔站都要行1段距離，幸好最近漸有秋意，行下就無乜所謂是晚target台灣便堂，之前曾經行過都見有小小人龍，好在我地只有2個人就可以即入啦，是晚叫左以下2款肉燥香酥排骨拌麵~香酥排骨我覺得有台灣夜市味道，不錯吃!拌麵拌有青瓜絲，撈住肉燥食，食下食下話咁快就食晒~平時食撈麵都會有碗湯仔配下，但呢度無，所以要叫野飲會好d 滷肉鹽酥雞飯~呢個飯好似係台灣既便當咁，除左雞，會配有3款蔬菜類，食落都感覺健康d ~如果係原塊雞扒上就仲正

溫完書緊系要去食下好西幫自己補沖能量啦，因為知道有珍珠奶茶做加配系餐到，所以特登去食。我就食左依個口水香辣鹽酥雞拌麵，個麵有dd辣，有咬口，份量對女仔黎講有d多，好夠食，d雞又脆，真系好好食！

又係社區探訪完又係一個焗到死嘅一日返到學校放低啲野求其落黃埔/紅磡搵野食見到呢間台灣野食還掂好耐冇食台灣野決定排隊試下店面好細好逼同埋又係要食得好快，啲人來來往往好快好快嘅餐廳咁又岩，香港人出名快同台灣係冇得比唔知係咪咁，野食水準其實都同台灣食冇得比叫左個肉燥鹽騷雞飯UM.... 質素普普通通又唔會話難食先講下肉燥真係小到一個點可能佢覺得咁樣係畫龍點睛掛但講明係肉燥飯多小小都得掛汁做得又唔似正宗肉燥另外，飯底又小一個男仔係唔會夠飽同滿足鹽騷雞方面.... 都只係似普通炸雞柳冇鹽騷味，一或係小小再之後加左個5蚊珍珠奶茶奶茶唔好飲 得個甜字冇茶味小弟未食完..食得有小小慢而且比員工係隔離望到實本身食野慢都冇計ga.! 我諗食一次就算唔會有下次

雖然我係個Poly U 學生，但平日大多數帶飯，係poly canteen 叮熱，自家飯當然好食又健康，但久唔久都想轉下口味，試下不同菜式，所以難得放暑假得閒，就約左兩個friend 去紅磡食下野，傾下計，順便之後經poly行去科學館睇木乃伊展。由poly 慢慢行過去大約15分鐘到，好在個日天氣不算炎熱，否則行到左都熱到無mood 食啦，d個舖比我想象中小和擠迫，冷氣唔多夠，如果大熱天時來食野可能會有d局。我本身不太好炸既野食，所以無叫到台灣幾出名的鹽酥雞，反而叫左個豬軟骨溫麵，盛惠$43，送一杯台式熱奶茶。先講碗麵，麵的質地值得一讚，煙煙韌韌的，有d似讚歧烏冬，令我d個澱粉控頗滿意，個湯不算咸，有點骨湯的香氣，最重要的當然是豬軟骨la，我本身不喜歡太多肉，所以覺得d個分量剛好，肉不算韌，幾入味，平時在其他地方食豬軟骨基本上3/4都是骨，但d度既豬軟骨2/3 都係肉，幾抵食，加上個邊位夾左少少脂肪，雖然係唔健康，但就令成舊肉增加了不少層次感和香味，至於杯奶茶其實同一d茶餐廳的味道分別不大，可能只係多左d花奶味，少dd濃茶味，較接近一些台式飲品連鎖店的飲品。講到尾，d個套餐整體配搭不錯，

看完球賽，走到黃埔一帶，突然想起這家台式店，友人早有推介，但久久未試，這天餓而晚了，地點剛好方便來嚐嚐。鹽酥雞滷肉飯，所謂的鹽酥雞，其實只是細細粒雞胸肉，之後沾上炸粉，得幾粒炸雞，雖然外面的調味料味道不錯，但是也只是調味粉而已。雞非常之鞋口，真是雞胸肉，然後滷肉飯，也只是一大團飯，然後有兩舊肥少少的豬肉粒粒。牛肉麵，這比較吸引，多料，長條牛肉牛味不濃，但非常軟林，鬆化，中間暗藏筋部，口感甚佳。珍珠奶茶茶味欠奉，珍珠也不特別Q彈之類，屬街邊貨色。

今日約咗大同去科學館睇木乃伊，順便去紅磡食Lunch...餐廳都幾易搵，過咗天橋轉右行多條街就見到「讚好」。佢隔離係間幾高檔嘅burger專賣店，對比都幾強烈舖頭裝修同一般茶餐廳差唔多，舖頭唔大，大班Fd就唔係太啱去食喇~午市有套餐，款式都多，$40-$50。有飯有面，跟埋飲品，想轉特飲可以加少少錢。我揀咗鹽酥雞肉燥湯麵。雞都入味同脆身，份量都多，不過係雞胸，比較粗糙，我本身鍾意雞胸肉就覺得OK，不過同茶木比就冇咁juicy。肉燥唔多，湯底偏鹽，但麵質唔錯。麵條唔似係機整出嚟，彈牙又有麵粉香。份量對於細食嘅我係啱啱好，正常人食可能要配杯特飲先飽。為咗慳錢我只係配咗+$0嘅台式奶茶，顏色比港式奶茶啡，奶味較重，茶香唔濃。朋友們就食呢兩款...40蚊有嘢飲都算抵食嘅，不過唔算特別好食，可以一試。

店面地方唔算好大 當日坐的位置剛好安排得不錯 都算坐得舒適入座時間等候大概15分鐘 會先問你柯打等到有位就可以等食物到 減低停留座位時間飲品方面雖然份量大杯但是味道比較淡 只飲到甜味沒有奶茶味魯肉飯對於一位男生來說是很少量 所以應該可以注意下而皮蛋豆腐 夠凍味道也蠻好吃的 這個不錯麵湯低偏咸但還可以接受 雞炸得可以 起碼有點熱 還叫了路邊香腸魯肉飯 賣相一般味道也一般 比較凍整體 價錢中位 一般大眾可以試到 服務還可以 算是快餐形式 吃完便要走那種店面整齊清潔 下次不會再來