讚好台灣

营业中

休息中

本身就好鐘意食台灣美食！自己平日得閒都會煮下！不過呢排冇時間，所以都係出街食算啦！黎到飲杯台式飲品先！朋友叫凍冬瓜茶，朋友話ok! 我就例牌叫左杯珍珠奶茶，味道正常！唔會甜到救命！珍珠都算QQ! 肉躁鹽酥雞湯麵 鹽酥雞粉漿薄身，表面脆卜卜，雞肉好juicy, 冇騷味！忍不住食左好多舊，搞到朋友唔夠喉！hahahaha....三味拼盤台式香腸 - 表皮脆卜卜，熱辣辣上，好吸引！對有香腸情意結嘅人黎講，一定鐘意食～豆腐 - 呢個豆腐豆味幾濃，欣賞冇酸味，夠新鮮，上面淋上甜甜地汁料加埋蔥花，好清新！食多2舊都冇問題～涼拌青瓜 - 呢個甜甜地，青瓜都幾脆身，hehehe...如果鹹返少少就好啦！重點推介 - 麻辣綜合麵 （肉燥、牛筋、豬軟骨、大腸、鹵蛋）呢個麵推薦俾愛辣人士，湯底真係好正呀！超濃味牛肉湯頭，再加左麻辣當中！最重點係麻辣唔會搶左牛肉湯風頭，反而大家互相襯托到！唔會得個辣字！大腸我本身麻麻地，不過呢度嘅大腸我又好鐘意食，因為清潔得乾淨，鹵得好入味，冇怪味！讚呀！麵身帶有Q勁有嚼勁，食落夠掛湯及有麵香！有驚喜！

住紅磡，落樓下就有好多野食。今次想寫既係食開既一間台灣小店！野食好正宗 價錢唔算貴 份量適中👅 店鋪比較細，但有個半開放式廚房，大約有30幾個位。同朋友等左陣位，坐底下，講普通話既職員就即刻招呼我地喇，真係有啲係台灣既感覺啊。「鹽酥雞滷肉飯」，鹽酥雞都有好多舊，食落去炸粉有啲多，但都可以接受。滷肉飯好入味😍「正宗滷肉飯」，唔好睇個碗好似好細，但食曬就岩岩好夠飽！滷肉好多，完全cover曬個飯，可以做到淡淡飯都有滷肉送飯，真係好正👀 非常入味，同台灣既有得揮呀💪🏻套餐加$3-$5 就有杯台灣特飲，叫左台灣奶茶，幾甜幾滑，唔錯🙆🏻

在黃埔仁孚附近辦完事已經是中午時段，同朋友邊行揾食時迎面見到間台灣小店大大隻字寫蕃茄麵新登場及那時年我們一起食便當的日子，腳就自動入内就座。店面細細、侍應招呼殷勤、雖以椒鹽炸器是重點推介食品之一但抽風顯然做得不錯，鋪没有充斥著油煙味。這樣食來也開懷、安心點。店小食物選擇郤不少、單是台式飲品已超過20多款。既然蕃茄麵為新貴，就點店長推介的鹽椒排骨這款配台式珍珠奶珠套餐來試試到不到家。蕃茄香濃甜酸度掌握得好好、麵質彈牙，那鹽排骨香脆可口，唔錯、唔錯、無揀錯！_珍珠奶茶都頗地道。另外，又點了店推介以牛骨、炒過的牛肉、大量蔬果、最重要是無用味精，長時間熬煮的湯底，配精選的金錢腱的台灣紅燒牛肉麵，另加8蚊便有一杯水蜜桃冰紅茶。麵端上來香噴噴，食慾大增，牛腱筋肉相連咬落去稔軟，老人家食都可以，不嚡，有汁有質感。讚！哎呀！件大大件的牛根，通透、軟稔，差點忘記讚它！菜牌上見梅粉小甘茨，心想梅粉、甘茨大纜都扯唔埋啦，好點來試下先即炸端上台，熱氣騰騰，撒滿梅粉。入口小心滾燙，甘茨的微甜、脆漿的微咸加上梅粉出奇的夾，作甜品有小小驚喜。總的來說，這小店出品的台式食品頗地道值得一讚！

之前經過都見到呢間鋪仔有好多人，上網搵發現完來係食台灣野既，今日心血來潮好想食台灣面，所以夜晚就黎左呢間鋪食😆一去到已經坐滿人，好彩岩岩好仲有兩個位。我叫左個紅燒牛肉湯面😋😋 $50初初見佢碗麵好似唔多，可能因為飲埋d湯嘅關係，食完覺得好飽😂味道方面，個牛肉湯飲落都幾清但係又唔會太淡，唔似平時出面食個d面嘅湯咁加左好多味精咁。我冇叫野飲，食完都唔會好口渴。另外，面既口感都好好，好煙韌👍🏻但係個牛肉有d韌。朋友叫左個滷肉鹽酥雞飯 $39個飯都幾大份，仲有d菜、粟米、滷蛋做配菜。鹽酥雞個味道唔錯，而且好薄粉，食落啖啖肉，但舊肉真係好「鞋」呢🤔🤔整體黎講，食身既質素都好好，而且價錢合理份量又足，係坐個位置有d逼姐，大家經過可以去試下👍🏻

前排睇台灣旅遊節目講到正宗定唔知係好食既鹽酥雞粒，係會有九層塔一齊炸所以同朋友經過台灣餐廳，就諗住試下呢到既鹽酥雞粒我地都係叫左鹽酥雞粒米線咁岩呢到既鹽酥雞真係配埋九層塔一齊炸滿足到我既小心願先講雞粒，炸得幾香口雖然皮唔算薄，但雞肉都幾嫩又無雪藏味唔知係咪加入九層塔油膩感又好似真係無咁重而米線軟硬適中、有少少嚼頭湯底清淡得黎，唔會無味珍珠奶茶甜度適中、多珠

個fd係紅磡返工，佢話經同事介紹去試左呢間鋪頭，結果今次帶我黎食。雖然鋪頭細細，但坐落都唔係咁擠迫。相比於台灣既餐廳，其實都做得幾似。咁坐落就叫左個佢推介既蕃茄牛肉麵，侍應拎個蕃茄牛肉麵 ，賣相真係幾靚。個蕃茄湯底色澤好靚，有好香蕃茄味，不嬲食開面都要用連湯食，所以呢個蕃茄湯底都幾滿足得到我。牛肉又好入味又軟，個麵底又幾彈牙，無乜奇怪味道。另外叫左杯檸檬水，檸檬都幾新鮮，又唔係太甜

很喜歡他們的湯麵 久不久我就來回味下 今晚 一碗台式麻辣湯面 還配有台式肉燥 牛根 大腸 豬軟骨 仲有半隻卤水蛋 麻香很好 辣得來又不死辣 食得我激動得滿頭是汗 感動得我差點流下男兒淚 好彩叫左杯凍冬瓜茶套餐$62加杯凍冬瓜杯+$5 價錢中中地啦

​ 約左朋友食晚飯，佢話大學附近有間台灣野好食，所以就嚟試試佢！ 三味拼盤@$38 呢個拼盤有三樣台灣成日食到ge小食，香腸剛上菜時食熱辣辣， 外皮脆脆地好好食，之後放涼左少少都仲係咁好食。 豆腐一上以為係臭豆腐，點知原來係凍ge，誤會左。 食落好滑，切左細細粒好方便食。 另外青瓜好爽口開胃，因為佢酸酸地甜甜地。 仲有樣好ge地方係拼盤三樣野食都切到做6-8份， 就算多d人一齊食想叫個小食試下夠分，可以樣樣都試到。 鮮蕃茄香滑牛筋腩湯面@$60 蕃茄味比較濃郁，牛筋腩方面質素比較不同， 牛筋明顯是比較稔但是牛腩比較鞋， 湯麵有少少口感配上蕃茄湯底實在不錯， 另外原來都有少少生菜，而且又有蕃茄切片酸酸甜甜很開胃。 滷肉鹽酥雞飯@$45 平時食親台灣菜都鍾意食鹽酥雞同滷肉飯， 呢個飯就有齊我最鍾意ge元素。 呢度ge鹽酥雞一口大小，味道唔會太濃， 唔似出面食果d落好多味粉搞到食完好口乾， 而且口感唔太油膩。滷肉同飯ge份量配合得幾好， 一開頭見到仲有d驚唔夠滷肉，食到尾會得返飯，結果又ok喎。 除此之外配菜ge份量都好足，唔會成餐飯都得肉肉肉，感覺健康左d(笑 珍珠奶茶+$5和普

溫暖嘅台灣小店平時真係好小去到紅磡，係近期多左喺嗰邊做嘢先發現原來黃埔都係一個不錯的小宇宙，又有得行街，又有戲睇，仲有好多好正嘅嘢食。上次就試左間好正嘅朝國料理，今次就試試台灣風味。呢間台灣野講門面唔算好大，但係個招牌都幾得出上面寫住讚好兩個字。入面大概有五六張枱左右，我去食嗰陣時候差唔多已經有一半係滿咗位。附近有一兩台我都聽到佢哋係講普通話，有小許台灣口音。當我聽到連台灣本土嘅人都嚟幫襯嘅時候我就覺得呢一間應該會好好味。先說說小食，炸木魚頭腐--呢隻炸豆腐味道好好食，佢出面炸到脆卜卜，入邊啲豆腐就好香滑，雖然滑，但夾嘅時候唔會一夾就散，唔會食到好論俊，而且佢配有特別嘅醬汁，食起嚟同普通嘅炸豆腐完全唔同，另外仲有啲青瓜絲同埋椰菜絲陪埋一齊食個味道就啱啱好。鹽酥雞配小香腸--鹽酥雞外面炸到好香口，細細粒，一啖就可以食，好方便。而小香腸就係我嘅最愛，通常都只會喺台式的料理店先可以食到，有小小似泰國的臘腸味道，但拒嘅味道更甜，而且唔會油膩。蕃茄湯底牛筋腩麵--真心覺得呢度嘅蕃茄湯底係用番茄加埋骨料煲左好耐而成，食落湯底好濃，而濃嘅味道唔係味精的味道，係好真的老火湯味，仲有酸酸地嘅蕃茄味好開胃

身為紅磡人嘅我緊係會喺紅磡四圍食嫁啦，而近排附近真係開咗勁多不同餐廳，但呢間台灣餐廳照舊無懼世事變改，一樣保持多人食同高水準。今晚就街坊Look叫咗個台灣小食拼盤同埋番茄牛腩麵。番茄牛筋腩麵賣相精緻，而且望落去非常足料，而先飲湯底唔會覺得好多味精，而且仲有淡淡茄香。而牛筋非常淋滑好重膠質，而質身軟硬適中，整體非常好食。台灣小食拼盤有台灣腸、滷水豆腐、涼拌青瓜，首先講涼拌青瓜酸度適中非常清新醒胃，而豆腐亦好重滷水香味。整體每樣都好大份，而且味道相當唔錯。

一路都好鍾意食台灣菜，今次同媽媽係黃埔行街之後就揾左呢間台灣菜食，雖然佢舖頭細細，但都不停有客入，心諗應該都唔錯一張menu已經有好多野食，商量之後決定一飯一麵share一齊食，再加多個小食，兩杯野飲，應該夠哂飽啦！媽媽嗌左凍朱古力，我就嗌左珍珠奶茶，兩者都不過不失，屬於正常應有水平滷肉鹽酥雞飯，個鹽酥雞超級好食！炸得鬆脆但雞肉完全唔鞋，椒鹽味亦岩岩好唔會太咸，重點係有好！多！舊滷肉亦好正宗，如果可以再多啲就好了紅燒牛肉麵，賣相好吸引，而且好大碗，啲牛肉煮到好lum好入味，仲有我最愛既牛筋呢到用既唔同一般牛肉麵既麵，佢係用幼麵，仲要好多，但我就比較鍾意平時即粗麵多啲！不過佢既湯底真係非常之好味，好濃味，真係會一飲愛上！最後就係小食拼盤，台灣腸一如既往咁好味，煎得脆卜卜~青瓜完全成了消濟既作用。呢到既滷豆腐係自家製既，凍凍地夏天食一流呀差唔多食完就見到有廚師？拎盤果上炸粉既雞出黎，呢到既鹽酥雞應該係即整即炸，難怪咁好食啦！不得不提既係呢到既員工全部都好有禮貌，會一直叫客人小心，不停講多謝唔該，落單時又會介紹下邊啲菜色值得一試，呢啲人情味真係可能係小舖頭先會有，淨係呢份情已經足以令我再黎，

讚好 位處於紅磡理工大學宿舍既附近，所以我地一班朋友平時落左堂都會過一過去，貪佢平平地又幾好食我地一行三人分別叫左三個套餐同埋一個滷味拼盤首次，第一個就係蕃茄肉牛麵，份量大大碗，小食既女仔可能可以一齊分享食一個添。蕃茄湯味道好濃郁，牛肉偏向係腩肉多，肉多筋少，食落口咬落啖啖肉，好正麵條個人食左兩啖覺得偏淋，唔係本人特別喜歡的質感至於飲品就要左珍珠奶茶，味道比市面既沒咁甜，但多左珠，口感好好多我自己就叫左個 口水香辣牛筋腩乾拌麵配香芋奶茶醬汁係口水辣汁加上麻醬，係會愈食愈辣，但愈食愈上引，加上麻醬可以略略減輕個刺激感，整體配置好唔錯乾拌麵份量都多，麵質偏硬身彈口，個人食到相當滋味牛筋腩大大舊，燉煮得幾軟身，味道好香最後，香芋奶茶味道有香香的芋頭鮮甜，冰爽得很，用黎解辣一流最後，一個套餐係肉燥鹽酥雞乾拌麵配荔枝冰紅。乾拌麵份量都多，麵質偏硬身彈口，但係食落其實沒咩味，沒口水麵咁正肉燥鹽酥雞粉好薄，肉身暖暖的，咬落好軟身 正小食就點左滷水拼盤，入面有豆腐;豆腐乾;豬腸;滷水蛋豆腐涼涼地，好口胃豬大腸吸晒啲滷水味，味道好香，食得好爽滷水蛋就普通，合格

台灣幾時都係香港人既熱門旅遊地點，不過未有假期飛轉台灣之前，就食住台灣菜先啦。今次就去咗位於紅磡既讚好食台灣菜。主菜就叫咗豐盛牛肉湯麵，餸如其名，真係好豐盛，落足料！湯麵以油麵做底，麵軟硬度適中，唔會一夾就斷。配料豐富，有金錢牛腱、牛筋、牛腩、花枝丸同貢丸。牛腱、牛腩同牛筋都好軟好入味，但牛腱略嫌硬。花枝丸同貢丸大大粒，所以食落好有口感。另外，蘿蔔有紅蘿蔔和白蘿蔔，兩樣都煮得好軟。小食就點咗一個滷味拼盤，包括滷蛋、豆腐、豆干、大腸，上面仲放咗少少酸菜做配菜。整體滷水味都幾濃郁，重點係唔會太咸，滷蛋一分為四；豆腐最入味；豆干則略為過乾身和硬；大腸屬於較軟既質地，有別於坊間嚼勁十足既滷大腸。飲品方面，我就叫咗珍珠奶茶奶茶叫左少甜，所以對我黎講就岩岩好，而珍珠份量都幾大方。

打波前搵d野食,其實紅磡真係好多野食,所以特登行黎呢頭搵食。由於係下午茶時段,所以想搵返d有下午茶餐既餐廳。冰室/茶記就成日都食,所以見到台式就即刻揀左。眼見下午茶餐可以揀3樣小食,滿足哂我貪食(乜都想食)既性格。咁我就揀左地瓜條,炸豆腐,鹽酥雞配小肉燥飯; 另配珍珠奶茶。地瓜條: 好食,o係香港比較少有得食。粗條所以食落啖啖地瓜,好正!炸豆腐:一般,因為豆腐size太大,無乜味。鹽酥雞: 好食, 外脆內滑。小肉燥飯: 正常質素。珍奶: 自己唔太喜, 太稀了, 得個甜字。其實食物質素係ok既, 不過呢…茶餐雖然平,只需$29, 但真係太細份啦(咁我又衰既,下午茶當lunch食)。配既珍珠奶茶另外$6 (凍飲+3, 珍珠+3), 呢樣我覺得唔太好, 台式餐廳主打飲品正常就應該係珍奶, 有咩可能仲要人另加錢丫。埋單$35…唔算好貴既都, 不過o係紅磡可以有好多更抵既選擇囉。

成條街都好多野食，見呢間細細間咁就入左黎食叫左一個飯同一個麵d滷肉好入味，同埋肥瘦適中，d鹽穌雞又吾多炸粉，同埋吾係好咸，變左同滷肉其實都幾夾跟住個牛肉麵d牛肉超軟綿綿，霖身ge,同埋好入湯味，應該淆左好耐，麵就係平時果隻麵冇咩特別小食就叫左三味拼盤，最中意係d腸，同平時台灣店食果d有吾同，佢係切開左 吾係一條過ge,個皮就好香脆，但仲好juicy吾會係燒到好乾身咁豆腐同青瓜就冇咩特別另外叫左杯珍珠奶茶，呢間就茶味比較重，所以我覺得吾甜，怕甜ge可以試叫呢到ge珍珠奶茶