讚好台灣

营业中

休息中

紅磡陪伴了我很多讀書的時光，每次開會前後都會在此區有所飯局。黃埔花園附近的食肆種類繁多，特別台式的食物滿載回憶。某年的畢業旅行就在台灣，一起追風、一起踏單車的回憶。「讚好台灣」小店沒有什麼名貴裝修，只是普通的一間台灣便當或特色麵食等。餐牌的種類頗多，無論湯麵、拌麵、飯類等；各色其色總有一款適合你。手工五香肉卷飯套餐 $49首先到來是手工五香肉卷飯，飯粒煮至恰到好處並佈滿肉燥碎粒，肥美的肉燥汁滲透在飯面上甘香惹味；旁邊更有粟米及滷蛋增添無限口感。主角：手工五香肉卷滿佈驚喜，脆身的肉卷切開細小件並帶有甜酸汁非常開胃。牛三好乾拌麵套餐 $66（金錢牛腱、鹽酥雞、木魚豆腐）夏日炎炎涼拌麵永遠是我最佳選擇，材料非常豐富有青瓜絲、肉鬆、香蔥、生菜等。將所有材料撈起，涼拌麵的汁與甜甜的肉鬆，感覺大為特別。麵質腍軟沒有太乾身，我比較喜歡。三款最喜歡莫過於木魚豆腐，豆腐表層有木魚帶有d酥炸可口；內層軟滑並没有鬆散。金錢牛腱份量都相當大；厚切的牛腱軟身容易入口；味道尚算可以。酥炸又香口的東西，的確人人喜歡。細小的鹽酥雞有咬口，配上甜酸汁匹配。古早味冬瓜茶台灣最出名莫過冬瓜茶，冬瓜與甜度剛好，並沒過多甜品並

朋友捉小精靈捉到廢寢忘餐，有同事在黃埔捉到比卡超，今晚即刻出發黎碰碰運氣。先解決晚飯，揀左食台灣野，見門口咁多人等實無差，等左一陣有枱了，店內都幾迫的。 快快落完單，睇下有無小精靈捉先。嘩，一陣飲品已到，正，條街好熱，飲杯凍野降降溫，珍珠好彈，茶香得黎唔太甜喎，成日覺得台式野飲好甜，呢度啱口味。同事叫的荔枝紅茶，嚐了一口，勁香荔枝味，甜得黎夠冰凍，好正。叫了一個小食併盤share食，台式香腸甜甜的，鹵豆腐入味，仲有酸酸咸咸的青瓜，三樣都好味。自己點左鹽酥雞鹵肉飯，個飯好多呀 肯定多過一碗飯，雞粉炸得香脆不油膩，鹵肉略甜不太好下飯，旁邊仲有半隻蛋，菜同粟米，一碟飯已經好豐富了。同事叫的蕃茄湯牛筋腩麵，一上枱已香噴噴。自家麵條粗幼不一，但好香麥香，有點像拉麵。牛筋牛腩亦炆得軟腍，半肥瘦有咬口，牛油好正呀，仲有個蕃茄湯底勁濃味，鮮甜好飲，幾乎飲哂啲湯，感覺上麵食比較出色。飯份量太大食不完，其餘的味道價錢亦很滿意，下次試試其他麵食先。

好耐冇食過台灣野～ 晏晝3點幾未食lunch就選址呢度～Yeah 有下午茶餐！！係自由配搭～ 29蚊可以揀一款A (主食) + 三款B (小食) + 一款C (野飲)～ 好抵呢！仲啱晒咩都想試而搞到選擇困難既我🙈🙈🙈嗌左滷肉飯 + 鹽酥雞 + 香腸 + 椒麻牛肚絲～滷肉飯細細碗咁～ 但食完其實都飽肚架！d滷肉好香！半肥瘦既豬肉食落甘香可口～加上毫不吝嗇既滷汁～ 超下飯😋😋😋😋鹽酥雞都有4 5舊～細細粒一啖一舊～ 炸粉好薄身！炸得香脆～ 雞肉唔"鞋"～ 好食 👍🏻👍🏻👍🏻小香腸就係台式香腸～ 甜甜的～ 紮實有咬口～ 入面仲加左少少肥膏粒增添口感～ 椒麻牛肚絲一食落去好麻😝😝😝😝 牛肚絲仍然爽口彈牙！好惹味～飲品要凍珍珠奶茶（凍飲加3蚊～加珍珠再加3蚊）都幾大杯～ 我懶健康咁嗌左少甜少冰～ 結果我覺得似係走甜🙈🙈 珍珠煙靭有咬口～ 總括黎講呢間都食得過！質素唔錯～ 下午茶都抵食～ 我冇睇過正式menu～ 唔知平時價錢同有咩揀～ 有機會再試～

有一天在街上閑逛 , 望向左邊便發現了這間門面沒有裝飾 , 店名字叫「 讚好台灣 」的小店 , 因為近來丈夫對兩種美食產生了尋求 , 當遇見 台灣牛肉麵 或 叻沙 都一定要吃過一碗才罷休 , 所以便成了這一餐的體驗。 小店特別有人情味 , 店員們的共同語言是普通話 , 聽到他們有說有笑地辦公著 , 歡愉的氣氛也傳到客人身上。 餐牌只有這張 , 底面兩頁密麻麻的印有不少食物、飲品款式。 滷肉鹽酥雞飯 $45 (跟餐價) 餐牌上有寫過他們會堅持使用一等台灣米 ( 台梗 9 號 )來煮飯做便當 , 而且便當配搭 4 款配菜 , 完全傳統台灣口味 , 因為此店是台中人經營。 仔細地看看這由一等米煮熟的飯 , 粒粒潔白飽滿 , 嚐一口竟然沒有我預期的旱和硬 , 入口口感粒粒分明而且是有點彈牙 , 混入飯面那些香噴噴 , 肥滋滋的滷肉來吃 , 口感又變成恰到好處 , 因為切成粒粒的五層肉 , 咬下去有化開的感覺 , 這不是與白飯有互補嗎 ? 更何況滷肉味道甘美醇香 , 帶乾蔥的酥香 ...... 這情況下鹽酥雞頓成配菜。 金黃酥脆的鹽酥雞, 地瓜粉炸衣能讓雞肉在咀嚼時增加Q度, 調味的椒鹽也落得

我和太座極之喜歡吃 台灣牛肉麵 .... 凡途經有售台灣牛肉麵的餐廳 , 大多數會入內幫襯 , 這次也不例外 ~ 店子的面積不大 , 是街坊小店 , 打理得整潔 , 井井有條 ~ Menu ~ 古早味冬瓜茶 $18味道清甜潤喉 , 甜度適中 , 很適合夏天飲 ~紅燒牛筋腩湯麵 $50份量大 , 先呷一口湯 , 湯底味濃鮮甜 , 而且嚐不出有味精 , 油膩感不重 ~牛腩 , 切成一口 size , 烹調得入味 , 滿有肉香 ~牛筋 , 十分腍滑味香 , 夠入味亦富膠質感 , 真正係滑嘟嘟 , 可以啜入口 ~ 麵質軟硬適中 , Q韌彈牙 , 口感佳 ~ 台灣的水準 , 台灣的味道 , 街坊小店 , 值得支持 ~ 本篇完 ~

帶表弟去黃埔冒險樂園玩，玩完岩岩好晚餐時間，就搵下附近有咩好食，見到呢間「讚好」，個名好特別，原來食台灣菜！好少食台灣菜，決定帶表弟去試一下原來呢間餐廳係由台灣人開既，佢地有好多特色既台式食品同台灣飲料我就叫左杯凍既洛神花茶，唔會好淡，味道酸酸甜甜咁，好開胃另外叫左杯朱古力俾表弟，味道唔會太甜，有香濃朱古力味，好唔錯！叫左碗紅燒牛肉麵，金錢腱既筋肉細滑，咬落去好有口感！湯底用新鮮牛大骨燉煮，加入炒過嘅牛肉同埋大量蔬果慢火熬，而且無落味精！！麵條質地彈牙，索晒湯底嘅鮮味另外叫咗一個台南五香肉卷飯，有4種唔同既配菜，都係以滷水為主，而且味道好足，但又唔會太咸！不得不提既係佢地既米，係選用一等台灣米！食落粒粒分明，淡淡飯香店員都會講普通話，好似真係去左台灣咁

好掛住台灣既野食，又唔得閒去旅行，就上open rice 搵下有咩台灣菜好食，見到呢間台式小店，好有特色，於是就黎左試下店內環境雖然唔大，但都坐到好多人，店員仲會講普通話，好似真係好左台灣咁女朋友因為身體不適，唔可以飲凍飲就叫咗一杯熱香濃朱古力，果然有好香濃嘅朱古力味，唔會溝到好淡，又唔會好甜，岩岩好我就叫左一杯凍珍珠奶茶，珍珠好煙靭好有口感，仲有少少甜甜地，奶茶味道好香茶味，而且好滑～仲叫左個三味拼盤，有涼拌小黃瓜、豆腐同腸仔。小黃瓜好爽脆，好fresh，仲有少少甜甜地！凍豆腐有淡淡既豆香味，而且一d都唔「鞋」！腸仔好夠味，外層有d脆！麻辣綜合麵有5種唔同既配料配上佢地自家炒製既麻辣，好香既麻辣味，辣度係偏辣嘅，湯底好濃郁，麵條索晒d湯，而且非常有口感！紅燒牛肉湯麵個湯底係好正，有濃郁嘅牛味又好清甜！牛肉方面，佢哋用咗金錢腱滷製，非常入味同埋好有口感！ 以後唔洗去台灣都食到好味嘅台灣麵！！

太耐無食台灣野，今次就來來讚好過下口引啦！！食台灣野首選當然係肉燥飯加珍珠奶茶…肉燥飯份量唔算大，但都夠飽肚既。而味道方便都唔錯，好在一d都唔肥膩，吃得好舒服而珍珠奶茶茶味唔夠香濃，甜度都爭少少，不過勝在份量夠多，珍珠亦好彈牙

滷肉鹽酥雞飯，滷肉少得可憐！ 份量嚴重不足，炸粉多過雞肉！ 皮蛋豆腐，皮蛋有怪味，豆腐係百x 的 ， 完全無味，難食！珍珠奶茶超甜店員服務態度差，剩係想你食完快d 走唔會再有下次

早幾日小妹去紅磡搵朋友兼食晚飯，人生路不熟都係由朋友帶路黎呢到食台灣野，台灣菜我都好鐘意食嫁，最後叫左碟"紅燒牛肉飯"，因為餐廳寫明用台灣米，我幾鐘意台灣米食落有D煙韌既口感，所以先叫個飯試下。等左陣"紅燒牛肉飯"終於上枱啦，估唔到份量咁多，餸、飯、配菜比例都好平均。一黎先試個飯，店家冇欺騙食客，真係用台灣米既，紅燒牛肉夠冧唔錯，但個汁小妹覺得有D甜，唔太喜歡。小妹雖然為食但唔大食，為左唔做大唗鬼，最後都有清乾淨

因女朋友有時到紅磡上瑜珈班，使我踏入了這個充滿平民美食的地方。之前有試過韓式料理和日式烏冬，今天決定吃台灣菜，食齊港人短線旅遊三寶-日韓台的美食。讚好地點就近，打算一試，看見門面像一般的茶餐廳，沒甚麼特別，誰知一踏入餐廳就如跨了國界到台灣。廚房用上不銹鋼間開，牆上列著不同食物，食客一臺貼著一臺，整個格局根本就是台灣夜市街邊的小店。飯麵有套餐價，$40-$60不等，加幾蚊又可轉特式飲品，價錢還算可以，希望味道也不錯。我們點了個小食，一飯一麵套餐。珍珠奶茶奶味較香而茶味不搶，女朋友說正宗台式珍珠奶茶就是這樣，十分地道。洛神花茶酸酸甜甜，甚是開胃，好像還有降壓瘦身之效，看來大吃特吃都不是問題～三味小食有台式香腸，凍豆腐和小黃瓜。香腸塗了蜜糖烤，很惹味。豆腐和青瓜是冷盤，豆腐豆味濃郁，配上蔥花和有點像蠔油的醬汁，畫龍點睛。青瓜則青甜爽脆，冰涼透心，炎炎夏日正好用來解暑。飯有點像最近大熱的流心蛋包飯的形狀，上面淋上滷肉，肥瘦相間的五花腩，煮出來甘香可口，入口即化，實在是人間極品。白飯沾了點滷肉汁，同樣甘香，而且米飯香味亦不輸滷肉，細看餐牌發現原來是用了一等台灣米，難怪味道做得如此地道。旁邊有滷蛋

以前讀大學時最愛到紅磡食飯，因為種類多，而又平又好味…今次就回來，再尋一尋寶，竟然俾我發現到一間很好好好好好味的台灣食店讚好地方不算大,但人流確很多，而年輕人佔多數。台灣必食的滷肉飯～平時很怕吃到全是肥豬肉的滷肉飯，而是次的滷肉飯幸好沒有肥豬肉，而是香噴噴的肉條配上酸菜，味道一流最令我驚喜的是蕃茄牛肉麵，麵條很彈牙；餸菜很多，大大塊的蕃茄及很入味的牛肉，而牛肉更是入口即溶再加上無敵好飲的蕃茄湯底，令我們忍不住口把整碗的湯都飲光光難怪差不多每一台都會點這個麵了！小食方面，點了三味拼盤，有我最愛的台灣腸仔，很香很甜，十分美味而凍豆腐也很清凉

路過見到門口有多人聚集, 埋去睇下原來係一間一直都無留意到既台灣小店!!!牛肉選用上乘既牛腱以條狀大件切法, 而唔係一舊舊既牛湯底非常濃郁, 好正宗既味道, 白蔥香菜, 配以彈口的麵條, 每舊牛腱同根都好淋, 非常好味, 好快就食哂成碗仲叫左杯胚牙奶茶, 俾左好多胚牙, 奶茶比例都好好, 感受到一個美好既台灣午餐讚好台灣用心經營，雖然店面唔大, 只有20-30個位, 門外經常排住幾個等位, 但好多員工, 安排都好快, 大部分店員都說普通話, 可能係黎自台灣既店員除左牛肉麵之外, 臨走既時候都見到好多人食盬酥雞, 廚房都見到一盤盤上哂簿粉既盬酥雞備用, 相信亦係另一傑作, 下次再試!

因為想一邊吃晚餐一邊喝珍珠奶茶，便找了間台式食品店用餐。餐廳座位只有大概二十多個，然而小店才算是紅磡餐館的特色。坐到裡面的二人座位，肩膀被廚房的延伸處頂著很不舒服。叫了份肉燥鹽酥雞乾拌麵+凍珍珠奶茶，雞乾是分開上的。拌麵分量偏少，麵質很韌，拌上不太鹹又很有鮮味的肉燥醬十分開胃。雞乾切得太小，很快就冷掉了，但是香料挺惹味，吃得出有孜然粉的味道。珍珠奶茶很普通，太甜而且沒有茶味，珍珠太軟而沒有味道，有點失望。總而言之，是一次挺愉快的用餐經驗。

以前在紅磡返工，每星期都會來這裡吃一頓，這次又來探望我最愛的鹽酥雞。我們點了一個滷肉鹽酥雞飯、蕃茄豬軟骨湯麵、三味拼盤，還有兩杯飲品。滷肉鹽酥雞飯依然是這裡的招牌，對於沒有吃過台灣鹽酥雞的我，認為這個極之美味。炸得表面香脆的鹽酥雞，裡面是香軟的雞肉。這飯還有滷蛋、酸菜等作佐料，睇得又食得。次次都自己一個來食，第一次叫蕃茄湯麵，才發現了這個蕃茄湯非常香濃，濃郁的蕃茄鮮味，叫我不停地喝湯。湯麵也是彈牙的。三味拼盤包括了滷豆腐、青瓜和台灣腸。滷豆腐十分嫩滑，不會太咸，青瓜醃得少少甜，非常爽脆，而台灣腸就較為遜色。鍾愛珍珠奶茶的話必點這裡的珍珠奶茶，珍珠很多又彈牙，奶味和茶味份量剛好。洛神花茶也是不錯的選擇，不太甜，也有淡淡的花香味，