讚好台灣

营业中

休息中

成日行過經過呢間餐廳都聞到勁香，又見到出面勁多人排隊！成日都好想食又懶得排隊 哈哈今次特登同朋友早d黎，避開排隊潮！我地叫一人叫左一個餐加杯珍珠奶茶同小食。個人覺得杯珍珠奶茶就麻麻，但係我個排骨湯麵就真係勁香！！！一上菜就逼不及待想快d試下個排骨啦！而個湯麵個湯底同麵都唔錯，我都幾滿意！而我地叫左個皮蛋豆腐，個味道都唔錯，再加上柴魚乾係上面，就更加香🤤🤤而朋友叫既肉燥飯都幾好味，不過我食過更好味既，所以我唔會迷上佢呢個飯，哈哈

見咗有一間鋪變兩間鋪，即管去試吓。雖然未至於有幾十人排隊，但都算係長時間滿座，大部份時間都有一兩枱客等緊。有部份店員講國語，好似自己身處台灣食店咁，感覺良好。以一間小店唻講，都算多食品可以選擇。滷肉鹽酥雞飯，滷肉比起台灣食嘅偏瘦，雞塊有點似普通炸雞，不過不失，份量剛剛好。牛筋腩麵，牛肉腍，但牛筋偏硬，而湯底唔似台灣嘅「色淡而濃味」，所以較台灣食嘅遜色，整體都可以接受。蕃茄湯牛肉麵，湯底較杰身，可以掛麵，喜歡蕃茄湯口味應該滿意。

同女朋友嚟到紅磡搵嘢食，見到呢間台灣嘢門面靚靚，入面好多人食緊，雖然要排隊但唔使等好耐～叫了一份鮮蕃茄牛肉湯麵、口水香辣排骨乾拌麵和一份街頭小吃拼盤。蕃茄牛肉湯麵的蕃茄湯夠熱、濃郁，牛肉可以，麵條彈牙。口水香辣排骨乾拌面嘅口水味夠麻夠辣，排骨亦炸得外脆內軟，有驚喜。不過小吃拼盤、滷蛋同飲品沒有特別。

咁啱睇演唱會，就行咗去黃埔搵食。經過呢條街有好多餐廳，行過見到讚好台灣好多人排隊呢⋯⋯見到咁到咁多人排隊都無諗住揀呢間食呢。但行咗成條街都唔知食咩好，點知返轉頭人龍少咗好多，一於試吓啦！太好啦，排咗5分鐘都唔洗就有位啦。睇咗一陣張點菜紙，始終係第一次嚟呢間店，唔太清楚係有啲咩食，個店員好好就俾咗本菜牌我哋睇。我哋揀咗牛筋腩麵、蕃茄肉燥三寶湯麵。跟餐加$10就有嘢飲，我哋叫咗凍蜂蜜檸檬🍋同蜂蜜綠茶。牛筋腩麵個湯底好好味，番茄湯又唔會太甜酸酸地好開胃，而且個麵好Q好彈牙鍾意食台灣野嘅朋友一定要黎試吓，食完或者會愛上呢一間店

原來依間舖已經開咗幾年 最近重新裝修餐廳環境裝修後 俾人一種好柔和舒適嘅感覺下午茶餐牌首先係揀一款主食 再揀三款小食同一杯野飲嗌咗下午茶麻辣擔擔麵餐雖然份量唔算多 但好好味!個麵好香麻辣味但隻辣唔會話係辣到食唔到個隻辣度適中配嘅小食 我揀咗滷蛋 木魚炸豆腐同逢甲鹽酥雞👍🏻👍🏻三個都好好食唯獨是舊豆腐有d凍 搞到有d美中不足整體而言 CP值高但杯凍香芋奶茶冇咩特別 跟餐要加$6若再加珍珠 要加多$4 唔抵

最近見到有新裝修嘅鋪頭，見好多人排隊，入去試咗果然有驚喜。地方乾淨企理，而且鋪頭光線充足，店員服務態度好。叫咗個招牌紅燒台灣牛肉麵，湯味有濃郁牛肉味，而且份量都夠大，牛肉夠晒鬆軟，而且仲有好多台灣小食，價錢仲要街坊價，唔怪得知咁多人排隊。值得一試啊！

成日聽講紅磡有好多好嘢食🤤🤤但一直未去試😐有晚930放咗學專登去紅磡覓食😋行過見到有間都幾靚嘅台灣野🇹🇼到咁夜都坐無虛席，仲要等位，就同個同學去試下！我地叫左鹵肉飯、鹽酥雞同埋牛肉乾拌麵😋鹽酥雞好鬆脆，啖啖肉無肥無皮仲好juicy!!!😋😋口水乾拌麵用左麻醬加麻辣油撈係粗麵度！個醬掛晒麵！無得頂！又香又惹味！牛腩炆得入味又淋身！食完成碗麵！大滿足💮鹵肉飯配左小食，不過就無乜大特別！大大力推薦乾拌麵！😈

之前夜晚經過見到排曬長龍，今日下午茶時間就冇乜人，所以就入去試下。 一入去已經見到有台灣店員。新裝修之後，光猛左乾淨左， 不過香港地方淺窄，座位就窄左少少。下午茶14:30-18:00 (包括1款主食、3款小食、飲品)😋小碗麻醬乾麵($33)寫明小碗麻醬乾麵，分量真係比較少，建議想當午餐食嘅就單叫麵啦，但當下午茶食就一流，份量岩岩好。乾麵韌度適中，唔會太淋或者太硬。麻醬份量亦充足，每一條麵都充滿住麻醬。😋自選三款小食：逢甲鹽酥雞、木魚炸豆腐、滷蛋半隻鹽酥雞炸得好酥脆，皮薄肉滑。豆腐好大舊，加木魚好香口。😋台灣奶茶 (+$4 珍珠/胚芽)奶茶就普通，似屋企即沖嘅，不過胚芽就好足料，飲到底全部都係胚芽。🔎讚好台灣🚩紅磡湖光街1-7號聯成大廈鴻運閣地下13及14號舖

讚好由以前的街坊餐廳漸漸進化成一家紅磡區有規模的台灣食肆，原本只得一個鋪位，近日已裝修並再進駐埋側邊的鋪頭，地方更寬趟舒適，裝潢設計更有台食店風格。食物方面比以前更有水準，時常都座無虛席，在區內都幾受街坊歡迎。

星期六的下午，理應悠閒渡過。於是，到黃埔站附近的《讚好台灣》，一嚐台式下午茶餐 聽說該店下午茶餐，性價比頗高。每款茶餐$33起，主食配三小碟小菜，至於飲品則加$6左右，相對經濟實惠蒜蓉炒芥蘭配豬柳飯內裡格局鮮明，白色顯地方闊落。木盤正承托著肉燥飯配鹽酥雞、青菜、半隻滷蛋肉燥飯中的肉燥份量與飯量為1:2，醬汁剛好用來撈飯，豬肉又不算多肥膏小菜中的鹽酥雞粒夠香脆，口感十足，有正宗的感覺。唯半隻滷蛋不夠入味，總覺得欠了些滷水味另一個餐則為麻醬拌麵配鹽酥雞、木魚豆腐、半隻滷蛋大量麻醬拌著堅韌彈牙的台式麵條，加上爽脆青瓜，口感十足額外加一客木魚豆腐的外皮較厚，因為被木魚絲覆蓋著，且再將之炸下，外皮脆而內滑，都相當考功夫跟餐加$6有杯香濃巧克力，滿口都是濃濃的朱古力，份外滿足發現主餐牌有個牛魔皇拼盤，又點了一客該拼盤以牛腩、牛筋、牛腱組成，充滿著牛腩汁，配以蘿蔔、雪菜，煮得相當入味牛腩不會太韌，牛筋又夠彈牙。愛牛牛的朋友，可一嚐此味餸菜。

由於平時係宿舍附近住同埋喺大學返學 喺附近想搵一間又好食又抵食嘅嘢都幾難 你間鋪頭就做咗我嘅首選基本上每次食都係等佢嘅下午茶時間兩點半到5點半 呢度最特別嘅就係下午茶嘅時候有得叫三個小食一個麵飯 再加杯嘢飲都係30幾蚊同埋份量唔會太多食完仲可以食夜晚每次嚟到基本上都會叫鹽酥雞麻辣牛肚夜市小香腸或者係小黃瓜 同埋個人覺得佢個麻辣擔擔麵好好食！ 第一次嚟食嘅朋友不妨叫下其實佢嘅午市餐都幾好食不過量比較大同埋冇咁多餸 所以每次嚟食都係揀係下午茶時間😂😂😂

Boyfriend and I were in Hung  Hum and we found this place called 讚好台灣 (English name: Zhanhao TW). The place was bright and  clean, so we took a look. Serving Taiwanese food, we decided to give it a try for dinner.Menu is in English and Chinese with plenty of photos. Ordering is by checking off a piece of paper that is in Chinese only. There is no 10% service charge.If you order a main, you can add $6 for a regular drink or $10 for a Taiwanese drink. So we ordered drinks.This is a passion fruit g

每次黎到紅磡同一個位都變咗唔同餐廳 我記憶中呢到以前都係台灣菜 可能只係裝修過同改咗名 冇乜味嘅胚芽奶茶 初初黎杯凈珍奶飲咗幾啖吸極都冇胚芽 問佢地先加返上面🤦🏻‍♂️鹽酥肉排肉操飯食落好普通 冇乜台灣口味 d飯食落又唔似珍珠米冇乜口感 反而個菜脯幾爽口特別試一次就夠了

晚上和老公去紅磡，正尋找地方吃晚飯，經過必嘉街時，見到「讚好台灣」有人在門前排隊，有人排隊的地方都應該不會難吃，於是我們便加入排隊行列，等了兩分鐘就有位。老公叫了紅燒牛肉(牛肉湯)新竹米粉 - 牛肉好淋，好入味我叫了紅燒牛筋腩(蕃茄湯)新竹米粉 - 牛根得一舊，牛腩偏硬，蕃茄湯底要另加$6，貴。魚酥皮蛋豆腐 - 皮蛋和豆腐各有四舊，豆腐是凍的，好像剛從雪櫃拿出來，皮蛋ok。餐飲加$10總結，我覺得這間「讚好台灣」價錢偏貴，味道一般。

黎呢間食晚飯嘅原因係 佢係條街到相當之突出好光猛 裝修幾靚 小清新風 (依家好多台灣菜十係呢啲路線😅)而且之前經過見到有好多人排隊所以今次見冇乜人就去試吓雖然環境唔錯 但係座位好迫夾😢同行有三個朋友 大家都坐得好唔舒服嘢食方面叫咗牛肉麵同埋幾份小食牛肉麵實在太細碗 .. 幾啖就食晒不過味道唔錯 湯底濃郁之餘都唔會好口渴小食方面就正正常常冇特別價錢算中規中矩 如果面嘅份量多啲嘅話 就好啦～～如果下次經過 心血來潮想食台灣野 都會考慮