讚好台灣

营业中

休息中

「讚好台灣」屹立在紅磡數年，味道一向不錯，惜店舖位置較少，感覺也比較舊式。直到上月，發現店舖搖身一變，重新裝修之餘，更擴大至兩個舖位，自此，街角總是長長的人龍。貪新鮮的人類，當然要來湊湊熱鬧。煥然一新的門面和十分光亮的餐廳內部，感覺非常舒服。餐牌選擇，多了一些小菜，飲品亦更多元化。仍舊喜愛這裡的蕃茄湯紅燒牛筋腩麵($65)。翻新以後，價格調整少不免，但味道依然，實在難得。麻醬乾拌麵($49)，倒是初次品嚐，卻成了心中至愛。麻醬濃稠適中，份量毫不客氣，彈牙的麵條均勻掛上。只有青瓜點綴，卻豐富美味。魚酥皮蛋豆腐不過$28元，性價比高，皮蛋鹹香惹味，山水豆腐軟滑。五味小茄子($32)，茄子雖少，份量卻很多。滿滿一碟，差點吃不完。

台灣菜總是令人十分想念又同朋友仔黎到紅磡食台灣菜今次黎到讚好台灣 食左個豐盛牛肉麵 ($69)紅燒牛肉湯底 喝下去的甜味慢慢散發出來結尾有點點辣 不太油膩牛肉質素還不錯 鬆軟而入味👍🏻令我印象深刻的是木魚豆腐 ($33)每磚香滑豆腐放上木魚絲經高溫油炸後配以即炸 炮製出粒粒酥脆 外脆內嫩🤤而朋友則點了個肉燥鹽酥雞乾拌麵 ($54)超喜歡吃台式的乾拌麵裡面有麻油醬油拌勻再加上入味的肉燥味道很不錯很香鹽酥雞炸得香脆 肉質嫩滑🐣________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

呢間野成日都排隊，以前佢間鋪好細，但依家佢哋租埋隔離鋪，又重新裝修咗，靚咗好多😍，但質素都冇變過。鹽酥雞肉燥湯麵（$48）鹽酥雞真係好邪惡，但又忍唔到住次次都叫。佢炸得好香口，但入面都仲好juicy，炸粉又唔會太厚。雖然佢個湯望落去幾清下，但又幾好味喎😛，麵質非常好，好有咬口，不過肉燥會比較少，整體都唔錯。鮮番茄牛筋腩湯麵（$60）呢碗就貴少少，因為係蕃茄湯底，而且幾足料。個湯好濃蕃茄味😁，但又唔會好酸，應該都加咗唔少糖🤣，不過通常d蕃茄湯底都係咁嫁la。牛筋腩都幾大舊，幾抵食。

偶然同朋友經過紅磡想找間餐廳食少少野吹下水剛巧經過餐廳 見都幾多人食幸好還有一張二人枱可以立刻入去坐這間下午茶價錢還算抵仲要唔洗加一🍱$33 就會有A+B+C 款 A 可以選小碗滷肉飯或麻辣擔擔麵等等4款B 可以選小香腸，鹽酥雞，涼拌小黃瓜，牛肚絲，木魚炸豆腐等8款C 可以選奶茶，檸水，+$6 仲會有特別飲品岩晒咩都想食少少的我今次選左小碗麻醬乾麵 🍲麻醬味道幾濃 麵夠彈牙🥒涼拌小黃瓜 都幾爽口 味道可以濃一些🍠甘梅脆薯 唔會好油膩 🍢木魚炸豆腐 外脆內軟 反而叫台灣便當 比較遜色夜市小香腸滷肉飯（$49）滷肉同汁都唔太足夠香腸份量比下午餐個小食仲少

同朋友睇演唱會前,梗係醫飽個肚先啦!!!這間讚好台灣係要人齊先可以入座, 我差不多等咗大半個鐘先可以入去。所以呢排隊期間我哋已經剔好咗食啲咩。茄仔同青瓜，細細碟做前菜幾開胃，幾恰當。鹽酥雞飯嘅擺法好有台灣特色， 呢個飯形的模好似台灣地圖嘅形狀，而雞件炸得好鬆脆，味道好似台灣嘅鹽酥雞。這個台灣牛肉麵， 湯底唔不夠濃。還有就這個排骨撈麵，確實佢啲炸物係炸得幾好食幾鬆脆，但撈麪略為普通咗啲囉，汁太少，太乾身了。最唔好嘅係我朋友未食完就好想收我哋啲碟 ，有一種趕人走嘅感覺…

今日和太太往紅磡讚好台灣食晚餐, 我們點了滷肉鹽酥雞飯, 蕃茄湯肉燥綜合湯面、酥炸花枝丸、麻醬生菜、凍珍珠奶茶和熱蜂蜜lemon。滷肉鹽酥雞飯滷肉半肥瘦食落有油花, 肥而不膩, 鹽酥雞炸得金黃, 炸得乾身惹味, 配菜有滷水蛋, 生菜和豆角, 滷水蛋蛋味好香, 生菜和豆角食落爽口美味, 飯食落軟綿, 配上滷水汁食落醒胃, 整份滷肉鹽酥雞飯材料足料, 食落美味；酥炸花枝丸炸得金黃, 花枝丸食落彈牙, 配上香料, 食落醒胃；麻醬生菜麻醬食落開胃, 醬汁味道適中, 菜食落新鮮爽口；最後凍珍珠奶茶茶味香濃, 甜度適中, 珍珠食落大小適中均勻, 口感美味。餐廳食物美味, 份量十足, 價錢合理, 我和太太食了一頓高質台灣美食。

成日行過總係見佢排哂隊，門口又裝修得好靚，就決定得閒要試下佢，即係今日😂諗住12點黎應該未係太多人掛，錯左，門口都排左十個八個人，好彩人流都叫快，等左十分鐘左右都入到去。有樣唔好就係佢一定要人齊哂先可以入座，我話我男朋友仲有兩分鐘就到都唔得，唯有再等下一張。有點餐紙亦有個靚menu，第一次黎可以黎下menu再決定，比起阿元來了、六両三其他台灣食堂，佢的確多好多選擇。好似我想食滷肉飯又想食鹽🧂酥雞，喺阿元就要叫兩樣，佢就可以叫口滷肉鹽酥雞飯就滿足到😛🤘🏼

每次到紅磡睇演唱會，幾乎都會過來食野裝修過後，環境好了很多，地方也大了食物類種多，價錢經濟，重點係不用加一最愛這裡的乾伴麵口水香辣豐盛牛肉乾伴麵有牛腩，牛筋，花枝丸，貢丸等等牛腩夠軟淋，且入味麻醬夠香濃，口水香辣帶少許微辣麵條掛汁力強，每次來食都沒有失望甘梅脆薯炸得香口，食起來不會太油腻配上梅粉同吃，更加滋味路邊攤拼盤有鹽酥雞，台式香腸，花枝丸鹽酥雞外酥內軟，好食胚芽奶茶就係好正宗台式奶茶味，唔會太甜

Ordered a taiwanese minced pork rice bento.Added $10 extra for a special drink which was a traditional pearl milk tea. The pearls were nice n firm giving a good bite and there was plenty of them. The tea was smooth too.The rice was really nice, with the pork being tender and the sauce going really well with the rice

滷肉香酥排骨飯 ($48)主食的定價只在 $45-$6x...難怪見到店鋪外賣單不斷... 友人點左 每次去台灣都必食的滷肉飯..一上台就已經充滿驚！喜！小店來自台中的...廚師細心地專登用台中的地圖模去設計 飯的外型 😱😱😱wow...不過食物的內涵都是很重要的！ 飯粒選用一級台灣珍珠米🍚🍚...飯米大細平均..吸收哂滷肉精華..每粒都漲卜卜...正！排骨肥瘦適中... yummy 😋肉燥鹽酥雞乾拌麵 ($54)細心將鹽酥雞同拌麵分開上枱...大大雞粒...外脆內熱又juicy 💦💦!!! 肉燥肉味香濃與乾拌麵天作之合的配撘....巧巧痴唷！值得一提的是麵條爽滑彈牙🦷...吾會一拌一夾斷哂...🍜🍜酥炸花枝丸($25)新鮮炸起的花枝丸...熱呼呼到要等待冷卻下來才放到入口... 色澤金黃又香噴噴的...熱氣？又！如！何！😼😼香滑牛筋🐂 ($38)性價比超高的！只係38蚊...但有大碗牛筯！！真心...而家出去求奇一間排檔都未必得了..係咪咪！牛筯🐮入味又香滑...仲加左生菜薦底...生菜🥬吸收哂d精華...不得了！必點❗❗蘋果西打 (跟餐價$10)去過台灣的朋友相信不會陌生了....

裝修之後日日都排長龍，今日見早早地唔使排隊即刻去試下。價錢比未裝修之前貴左少少，但好坐左勁多，環境都舒適，都算抵食。首先叫了個鹽酥雞肉燥飯。我好喜歡有豆腐菜甫菜同滷蛋做前菜。雞不會太咸，炸得酥脆，不會太乾，很不錯。肉燥正正常常，份量足夠，味道不會太燶。唯一有點敗筆係個飯，有點太淋太多水了，要改進下。友人叫了一個紅燒牛肉麵，友人大呼好好食，湯底帶少少甜味，葱段都好香，牛肉入味唔鞋，不過友人當晚要飲好多水，唔知會唔會有味精。先生開動左先記得影相蕃茄牛腩麵，個湯底好濃好好味，又係帶有微甜，配葱好好飲。d牛都幾大件，入味唔鞋好淋，高分高分！覺得麵真心好食高質。加台式飲品加10蚊也可以接受。平均六七十蚊一個人晚餐好合理！

以前已經食過呢間幾次, 但因為座位好迫, 已經少左黎但而家裝修後, 變左兩個鋪位, 我真係有D 掛住佢既牛肉麵, 於是返黎幫襯雖然係門口有人排隊, 但都郁得好快紅燒牛筋腩湯麵送黎, 湯底係偏重味,  牛肉非常軟腍無筋, 牛筋煙韌得黎又有咬口麵條幼身, 唔會煮得太腍, 軟硬度剛好肉躁鹽酥雞湯麵, 轉左新竹米粉, 米粉又細又軟, 好好食, 吸收牛肉湯精華配返紅燒牛肉湯, 但同牛筋腩湯麵既湯有D 唔同, 比較淡味D鹽酥雞炸得鬆脆可口, 但如果有得揀辣度就更好五味茄子, 表面放左D 木魚, 茄子雖然油炸過, 但入口唔覺油涼拌滷豆腐, 幾迷你, 滷得唔夠入味, 不過味道OK飲品方面, 選擇多蜂蜜柚子茶, 味道正常, 有少少柚子渣小麥胚芽奶茶, 甜度適中, 珍珠都幾彈牙

-話說今日中午同朋友食完呢間台灣野send相比男朋友睇佢話”點解個飯咁似台灣個地型既🤔？”我話”下？多左lah🙄!”然後再望真d, 係喎 真係好似，果然有創意🤪-1️⃣逢甲鹽酥雞便當 + 熱檸檬紅茶$48 好味指數：7/10鹽酥雞都幾嫩滑 不會話乾而難咬滷肉飯好正 會忍唔住不停”筆”入口仲有d小菜 生菜 長豆 菜鋪 同半粒滷水蛋好豐富😋😋😋2️⃣夜市小香腸便當 + 蜂蜜檸檬 $52 + $5 好味指數：6.5/10小香腸勁好咬 雖然味道清淡左少少但係你會覺得食佢唔會有罪惡感而且唔油膩 都幾正😋😋味道: 7/10🍽賣相: 7.5/10💰價格: 7.5/10💎CP值: 7.5/10⚖️人均：$50↩️回頭值： 90%ig:hkfood_station

經過總會見到呢間嘢人龍不盡，見有日無咩人排當然要去試下佢咩料子！入到去以木色為主，感覺好舒服好乾淨。點完餐就乖乖等食啦，見到都好多人陸陸續續係門口排隊，慶幸自己行快一步。有運行哈哈好喇我地叫咗碗牛肉麵，湯底唔算好正宗，感覺係有味精，唔係台灣個啲真係用時間煲出來個種。麵身一般，唔算有咬口。朋友叫咗肉燥拌麵，偏多油，唔太吸引。豬扒炸到有點乾身，唔多汁。小食台灣腸就係水準，切到細細塊好易入口。嘢飲方面不過不失。整體黎講好普通，真心唔明點解咁多人排隊。。奇怪奇怪。。

我地去到排第一個 之後問職員係邊到排 佢話出面 之後我地再問多次 佢又答多次出面 （望都冇望過我地，好冇禮貌） 咁我地就係門口右手邊排啦 之後排左十分鐘 突然有一個員工話要排左手邊 叫我地再排過 （果時我地後面仲有4-5個人排緊）咁我地心有不憤 同佢理論 佢就當我地透明 仲要係我地面前叫排左係另一邊嘅人入去 明明佢睇著果啲人岩岩黎 最後我地當然冇食到走左 我平時唔會寫食評 但真係吞唔落呢啖氣 千其唔好去受氣 唔好去食！俾錢買難受 野食幾好食都係冇用！