讚好台灣

营业中

休息中

屋企附近既呢間台灣野長期排曬長龍，呢日兩點幾三點黎到都爆爆地😯佢既下午茶其實幾抵食，包小碗既飯或麵加三個小食同野飲都只係$33，但係👨🏻同我肚餓驚小碗唔夠食既關係，我地呢次都叫左普通餐牌上面既大碗麵🤪▪️ 豐盛牛肉麵 + 鮮蕃茄湯（7/10）💲75呢個豐盛牛肉麵有金錢牛腱、牛腩、牛筋、花枝丸、貢丸☺️金錢牛腱同牛腩都尚算軟腍，牛味唔錯🤔牛筋唔係好滑腍嗰種，而係帶有少少咬口既，係另一番既風味，感覺有住豐富既骨膠原🐮花枝丸同貢丸大粒彈牙，不過白蘿蔔就略為多渣🥕至於麵條係煙煙韌韌，浸耐左都唔會過腍👌🏻蕃茄湯底亦有幾舊新鮮蕃茄係入面，飲落有酸酸地既蕃茄味幾開胃😍▪️ 牛筋腩麵 + 紅燒牛肉湯（6.5/10）💲59牛筋腩同上，分別係在於👨🏻揀個湯底，紅燒牛肉湯比起鮮蕃茄湯遜色，飲落係較為鹹既豉油湯，如果紅燒既辣味同牛肉味濃返啲會更好🤤▪️ 醬油滷大腸（7/10）💲28大腸面頭有蔥花同埋榨菜，醬油亦都滷得入味，係底下既間唔中會有少少鹹🤭▪️ 逢甲鹽酥雞（7/10）💲33 (大)鹽酥雞有大小之分，我地既大份有大約十幾舊🐥炸到熱辣辣咁上檯，都唔會話好油膩，食落椒鹽味足夠，唯獨係雞肉可以更為嫩滑🙃▪️ （左）蜂蜜柚

同朋友係附近跳完舞搵餐廳食dinner, 見到有間台灣野但係又未試過所以就黎試吓。佢係兩個鋪位黎，但無打通的，員工應該要兩邊走😛餐廳入面係咁嘅，呢度係其中一邊。Menu上都有附上圖片。朋友叫左烏龍茶，但成個茶包留係個樽入面🥴香酥排骨飯 $48, 魯肉同飯嘅比例就唔係好平均，飯比較多。排骨同皮一夾起係完全分開😂不過肉質都okay。 紅燒牛肉麵（番茄湯+$6）$65 呢個麵食落去嘅時候，其實都唔係好食到番茄湯嘅味道。牛肉帶點筋，唔算好林，但又未去到咬唔開。普普通通。路邊攤拼盤$42，分別有台灣腸，花枝丸，鹽酥雞。台灣腸同花枝丸嘅份量真係少得有啲嬲。我地有三個人，花枝丸仲要一開二先夠分😅台灣腸仲要得四片，不過佢係烤過既，好食。鹽酥雞就太多油，最後我係去晒啲皮先食。茄子係後加（唔記得幾錢），除咗太多油呢個問題之外其餘都好好食，味道酸酸地好開胃，加埋柴魚同埋蔥味道好夾。飯同小食類都OK，不過麵就麻麻哋。

成半年無去過旅行啦！好掛住之前去台北d美食。。今日特登去紅磡回味下，讚好台灣！價錢ok, 唔會太貴，選擇都頗多，全部都係台灣最經典既食物🤩鮮蕃茄湯牛肉麵🍅蕃茄湯底極濃，濃而不膩，一路食麵一路飲左好多啖湯。牛肉既份量都幾多，好新鮮嫩滑。最經典既牛肉麵，食得出牛肉經過細火慢燉，肉汁豐富，軟嫩適中😸食完熱辣辣既麵，要黎d涼菜中和一下，滷水豆腐，好入味😍五味小茄子，酸酸甜甜既醬，配搭得宜，味道突出，推介呢道小食🤩👍飲品就系茉莉綠茶同冷泡烏龍，綠茶相對教好飲😋，烏龍味道偏淡🥺

第二次黎，試下另一特色👍乾拌麵，有7款俾你揀。叫左個口水牛肉燥排骨乾拌麵，佢係即叫即整，所以炸排骨要等得比較耐。口水乾拌麵有少許麻辣味同麻醬味，加埋小小帶咸既肉燥，幾重口味混埋一齊，好味道加錢就有杯野飲，今次都係encore熱香芋奶茶，芋頭味頗濃

泥到紅礣唔知有咩食好，叫到呢間爆哂場既台灣餐廳，就即刻跑去排隊試下啦。就係見門面都覺得佢好靚啦。入到去先發覺原來入面即員工大部份都台灣人，唔怪得知咁多人排隊啦。餐牌上面既食物我全部都想食，(鬼叫個個坐係附近既人都食得咁滋味咩)但最後都揀左個豐盛牛乾拌麵同紅燒牛肉麵。口癢就叫多個魚酥皮蛋豆腐同麻醬青菜。首先真係要講下個牛肉麵，唔好以為佢只係幾十蚊，唔會好大份。上菜既時候，真係飲忍唔住話左一聲。無論係紅燒牛肉麵定係豐盛牛乾拌，份量都係十分之多。唔單只係面多，牛肉都好多。紅燒牛肉麵既牛肉超級多，每舊都啖啖肉，而且炆得好琳，加埋超級彈牙嘅麵條，真係同佢台灣食嗰啲冇分別，甚至乎仲好食啲添。豐盛牛乾拌麵就更加唔使講，無論係配料同埋面都重量十足。建議如果細食嘅朋友就可以叫呢個面泥share。牛展同埋牛腩同紅色牛肉麵嘅牛肉一樣都係咁咁啖啖肉，唔會太肥。而拌麵同埋湯麵嘅分別，就係我覺得拌麵更加令到麵既質感更突出。至於皮蛋豆腐同埋麻醬青菜，同其他菜一樣份量都是好足。皮蛋豆腐上面係豆腐上面嘅配料更加係比其他餐廳足料好多。食落皮蛋嘅香味同埋魚酥加埋滑滑嘅豆腐真係食都唔夠。而青菜加麻醬就令到本身淡淡既青菜十分滋

台灣🇹🇼一向係香港人喜愛嘅旅遊地點之一，有d朋友更加會兩日一夜「快閃台灣」💫💨，因為當地好食好玩。每次去台灣，我都一定會狂掃夜市食餐飽，最近癮起，即刻搵埋好姊妹👭去食台灣野！·餐廳面積唔算好大，但坐得幾舒服😌，唔會太迫，而食物飲品選擇都幾多📋。我哋每人叫咗一款麵同飲品，再叫多個小食拼盤一齊食，夠晒飽！·🔸 豐盛牛肉麵（$69）食親台灣野，我好多時會選擇食牛肉麵🐂🍜！今次叫咗個雜錦牛肉麵，包括金錢牛鍵、牛腩、牛筋、花枝丸、貢丸。湯底好濃味、配料豐富，每款配料都入晒味。個人覺得牛筋、牛腩🐂最正，牛味重又夠軟腍。花枝丸🍡都出色，大大粒又彈牙，而麵條烹煮嘅時間亦都適中，爽口、唔會太腍導致麵條容易斷開，值得再食！👍🏻·🔸 紅燒綜合湯麵（$66）而朋友就揀咗另一款雜錦湯麵🍜，包括肉燥、牛筋、軟骨、大腸、滷蛋，同樣係好豐富。我試咗大腸，夠乾淨、唔會有污糟物嘅怪味，可以放心食，值得試下！·🔸 路邊攤拼盤（$42）除咗小食，我哋都想試多d小食，所以叫咗個拼盤，有鹽酥雞🐥、小香腸、花枝丸。台灣小食必叫鹽酥雞，炸得好香脆，好味！花枝丸都同樣出色，同放湯嗰款係兩種唔同嘅風味，吸引！😉·🔸 熱珍珠奶茶（跟餐 $

今日去紅磡既時候經過依間讚好，佢裝左修又擴大左至兩間鋪，個門面光鮮左好多，無以前果種茶記味道。咁岩去既時間你2點幾下午茶，原來佢2-6點既時候有下午茶，33蚊仲有野飲，好平。下午茶可以簡一個面(湯面/撈面)，同埋三款小食，好似車仔面呀!!咩都有得食D。我就叫左鹽酥雞+炸豆腐+菜，再加一碗肉燥面。仲有叫左杯凍奶茶鹽酥雞: 個脆皮同雞痴得好埋，係新鮮炸既，個皮脆得黎入面既肉有少少乾。炸豆腐: 出面個皮係炸既，但有D淋，入面豆腐好滑，豆腐出面有個甜酸醬，幾特別。菜: 無乜特別，普通生菜。肉燥面: 個面好彈牙爽口，肉燥再加蔥，食落去好好味。凍奶茶:偏向多奶味，同時叫少冰都有D多冰，令茶味好淡。總結，雖然成Set唔算話真係超超超好食，但係三十幾蚊，可以食到台式下午茶，都算平靚正。P.S. 份量可能比較少，大食之人食完應該唔係好飽。

擴充及擴充兩間舖後，我第一次再光顧對上一次未裝修前，已有8年無去過星期一平日晚上7點15分，已坐滿人食物不算貴，牛肉麵$59，可有半價加飲品優惠麵彈牙，牛肉質素不錯，可惜湯底太咸。

八點幾到, 門口有七至八人排隊有兩間相連嘅舖位, 都幾多位我地兩個人, 排左唔使五分鐘就可以入座店內嘅座位好逼每張枱之間嘅空位好窄揹著個背囊的話要自己捧住或者放到地下點左排骨乾拌麵排骨好乾好薄, 外面嘅炸漿就係豪大大雞排炸漿嘅味道, 面係幼身嗰款, 醬汁偏甜, 麵嘅份量唔算多男友叫左牛肉乾拌麵有牛肉有牛筋, 唔錯嘅, 夠稔夠入味好似佢呢個好食d呢個咁熱嘅天氣, 最好飲返杯冰凍嘅冬瓜茶, 裡面仲食到有dd冬瓜肉, 呢杯幾好飲兩個人最後埋單$138性價比都ok嘅

因為早前聽朋友推薦，說這間台式餐廳不錯。所以今天下班後便介紹另一位朋友一起去品嚐，但結果實在有點失望。晚上7點半到達餐廳，已開始排隊，前面有約四枱客人在等候，大約等了十分鐘便入座，坐下後便覺環境一般，枱上有2隻小昆蟲爬行。我們點了的食物如下:1·手工五香肉卷飯 - 肉卷味道不錯，但魯肉沒有味道，所以整體一般。2·口水牛肉乾拌面 - 多麻少辣，與我想像有點出入，全程只有嘴巴麻麻的感覺，沒有其他了，連牛肉也吃不出什麼味道3·路邊攤拼盤 - 其實這個好吃，但吃到一半，朋友發現其中一片香腸連著一隻扁了,小小的的死昆蟲，估計是連著香腸一起煎成這樣...果然是名符其實的路邊攤...4·跟餐凍胚芽奶茶 - 很淡沒有什麼味道整體就是不會再光顧，也不知道有什麼值得排隊...

經過見到依間裝修幾簡約幾靚，就坐低試下。台灣野，唔試牛肉麵，試特別d ge, 嗌左口水香辣三寶乾拌麵，有小香腸，花枝丸，貢丸岩放上枱已經聞到陣陣麻香味，食落有麻醬味，又再有麻辣味，雙重味覺享受再嗌左熱香芋奶茶，唔太甜，有芋頭味，好飲！會再光顧的台灣小店！

每次經過紅磡轉小巴， 都見到呢間裝修光猛嘅店舖大排長龍， 同舊區嘅小店有好大嘅差別， 眼見佢係由兩間鋪組成， 今日收早決定去試一試呢間人氣店。小店裝修簡約， 用白色及淺色木為主， 可能特色嘅問題，同一舖分為2間，全女班仕應。先試呢款主打嘅高山冷泡烏龍茶， 外型十分吸引同埋夠凍， 為炎熱嘅夏天消暑， 來自台灣嘅呢個蘋果西打， 偏甜， 可以一試。蔥燒豬軟骨飯， 都有成四五件豬軟骨， 而且炆得好林。 最喜歡佢嘅三小碟內嘅菜莆， 送飯一流。肉燥綜合湯麵， 有四款湯底可以揀，有大骨湯、鲜蕃茄湯、 台式麻辣湯 ，今次揀咗紅燒牛肉湯，味道好濃。 鹵大腸雖然細細碟，但係原來份量都好多， 相當入味。路邊攤拼盤係炸物， 有鹽酥雞,花枝丸同台灣小香腸, 即叫即做熱辣辣。

行到黃埔我地就黎食呢間「讚好台灣」，好明顯就係台灣茶。呢間鋪分開兩邊，但兩邊都唔算大，繁忙時間可能要等一等。我地叫左兩個主食+兩個小食+兩杯飲品。主食就係一個蔥燒豬軟骨飯同一個口水豐盛牛拌麵。個豬軟骨飯嘅份量正常，有六舊豬軟骨，味道香濃，送飯一流！但略嫌軟骨唔夠軟，咬得幾辛苦。個拌麵就令我喜出望外！首先拌麵上嘅配菜非常多，肉嘅份量非常充足，味道亦十分好！重點係個口水拌麵，麻得黎又香，香得黎又辣，但又唔覺會辣到你口乾嗰啲「味精辣」，令我食完一碗再想食另一碗！本人極度推薦呢間店嘅口水拌麵！小食我地叫左大鹽酥雞同台式香腸。鹽酥雞炸得非常香脆，份量亦唔少，性價比幾高！另外就係台式香腸。平時喺出面食開嘅台式香腸，通常都係配蒜片。但呢間嘅香腸係配青瓜絲。起初有啲失望，因為同我想像中有啲出人，但食落又覺得兩樣異常地夾，帶到一個新嘅刺激。最後飲品就叫左一杯冬瓜茶同珍珠奶茶。冬瓜茶就冇咩特別，同其他地方飲到嘅差不多，而珍珠奶茶茶味幾重，我就覺得幾出色！呢一餐人均消費$100，價錢都算合理。

假日來紅磡,運動過後正值午飯時間,看見這間台式小店擠滿了食客,於是沒多想就進去了..😅😅餐廳內部都走台灣的簡約文青風,可惜店內座位比較擠逼,令人有吃完想盡快離座的感覺🤷‍♀️食物都沒有預期的好吃.. 滷肉鹽酥雞飯 - 魯肉飯和雞都是一般路邊攤的水準飯量不多,魯蛋亦偏乾蔥燒豬軟骨飯 - 醬汁OK, 但豬軟骨的骨頭部份根本咬不開...😣😣👎幾乎都以為是自己點錯了我們吃完都不明白為甚麼這間餐廳會有這樣的人氣個人認為區內實在有更多更好的選擇~

今日星期三去aeon掃貨，先係附近一間台灣餐廳醫肚平時都超多人等位，今日早咗啲，所以一黎就有位lu~紅燒牛肉飯牛肉好香，又入味， 最重要係肉質嫩滑，啲汁用嚟撈飯更加冇得輸麻醬乾拌麵因為想試下啲小食所以就淨係叫咗一個乾拌麵， 麻將分量適中唔會太多令個麵咸， 麵質偏硬小小五味小茄子份量唔算好多，不過兩個人食就差唔多，茄子超級入味，唔會好油，配飯食一流路邊攤拼盤台灣腸四片+ 花之丸兩粒+鹽酥雞，一個拼盤可以食曬三款台灣出色小食高山冷泡烏龍 ~ 好香茶味，唔會濃到苦，小小回甘