讚好台灣

营业中

休息中

今日同朋友突然間好想食台灣野，於是就入咗間喺紅磡開咗冇幾耐嘅台灣餐廳。場內裝修得幾精緻，光線都好充足。而餐牌都有不少選擇，❤有齊小食，飲品，主菜俾我哋揀，有晒價錢。填好就可以落單啦。首先同朋友叫咗兩個小食。甘梅脆薯同路邊攤小食拼盤。 脆薯好好味好新鮮，熱辣辣炸得好脆，而佢嘅甘梅粉酸微微，好開胃，食得多都唔會感覺好膩。路邊攤小食拼盤就有 花枝丸，鹽酥雞同台灣腸。一次過可以食曬台灣特色小食！滿足你三個願望！而嚟台灣餐廳就緊係食台式滷肉飯同埋牛肉麵。台式滷肉同隻蛋做得好入味！送飯一流。以佢嘅份量就啱啱好，好足夠一人份。牛肉麵最緊要就緊係食佢啲配料，蘿蔔啦！做得入味牛肉亦都好冧，湯亦夠濃。會再encore🤩🤩🤩

讚好台灣.呢間位於黃埔嘅台灣菜人氣爆燈，食飯時間經常都滿座甚至要等位，今日專程一試。.滷肉香酥排骨飯便當一黎點左個台灣嘢必嗌嘅滷肉飯，便當set配有半隻滷水蛋，腌菜。滷肉份量很足，舖滿大半碗飯。排骨炸得幾香脆，啖啖肉。.紅燒牛肉麵紅燒牛肉肥瘦均勻，富有肉汁，肉質軟腍。麵質有點像伊麵般，比較軟身，一咬即斷。湯頭係甜甜鹹鹹嘅紅燒汁，好濃郁。.路邊攤小拼盤小拼盤有三樣嘢:台式香腸，鹽酥雞及花枝丸。覺得最出色係台式香腸，口感彈牙好香口！鹽酥雞同花枝丸都唔錯，keep到熱辣辣脆卜卜。.蔥油灼青菜用了蔥+蒜炒香的生菜，惹味非常，食咗咁多炸嘢都要食啲菜中和返，感覺健康啲。.飲品方面-蘋果西打🥤蘋果西打係台灣製造，係蘋果味嘅汽水，好特別，因為香港真係冇飲過呢隻味！.高山冷泡烏龍🍶高山冷泡烏龍茶非常清新，仲有靚唔靚打卡樽裝住， 茶香撲鼻口感清甜！

台灣野黎講，讚好真係算得上香港高水平，比起呀元來了都叫做各擅勝場。前者麵食比較岀色，後者魯肉食更為可口。今次係讚好食下午茶，可以揀三款小食配一款主食，另送一杯普通野飲。如果想飲台式飲料就要加錢啦，唔夠份量嘅話可以加錢加量。今次就叫左鹽酥雞、台式香腸同木魚豆腐作為小食，麵就揀左麻醬拌麵。三款小食都係香口濃味嘅野，所以配返麻醬幸麵淡味少少嘅主食就啱曬啦！今次無叫到台式飲品，叫左凍檸茶。味道普通，奶茶會香d，不過偏甜。總體黎講，下午茶都非常底食，又好食，會一試再試！

推介呢間算係比較好食既台灣小店。佢好似仲有下午茶時段，細份d, 價錢平d!天氣炎熱，我選擇左鹽酥雞乾拌麵，好好味！醬汁好多，麵身幾好咬口，而鹽酥雞剛剛炸好，好嫩好熱好香口。麻醬乾拌麵 比較一般，醬汁係好多，係比較濃既麻醬，不過撈完覺得偏咸。小食：皮蛋豆腐，算好奮份、但味道好一般，豆腐唔算好滑，皮蛋好大片，醬汁唔好味。甘梅脆薯，又係剛炸起既，好香口，甘梅粉提升左個味道，如果比多d 粉會更正！唔錯，不過好飽肚。

平時經過紅磡灣中心，都會見到一間台灣餐廳，今日終於入去試下，佢嘅裝修門面唔錯，好光猛，好Pro咁。餐牌價錢比起其他食台灣野嘅餐廳平。我見到人哋叫嘅飯，份量都非常大，可能兩個女仔食一碟都夠！但今晚都已經九點幾，都係唔好食太飽，我同老公一人叫咗一碗麵，試一試水溫先！蕃茄湯底紅燒牛肉腩麵蕃茄湯唔夠濃，水多咗啲。但牛腩尚算炆得淋！肉燥三寶湯麵個湯冇乜特別，比較淡，好清。 病人好啱食！嗰幾粒丸都係普普通通，好似平時超市買嗰啲急凍丸咁。唯獨是要讚嘅，係佢麵嘅質地， 佢個面好彈牙，煙煙銀銀咁！食落口好有質感！不過我諗。。。幫襯一次就夠！不過不失啦！

今日係睇toystory既大日子 同年回憶 期待已久睇戲前 先醫醫肚 友人話有間台灣野 佢覺得好好食於是佢話帶我去見識下讚好台灣一間圍繞住用木裝修既食店 坐定定後發現仲未過tea time時段 下午茶餐價錢好抵呀👍🏻滷肉飯+鹽酥雞+小黃瓜+小香腸每樣野細細份 滿足下不同願望滷肉飯:肉醬同肉汁味道剛剛好 唔會太咸 腩肉入口都不太油膩小香腸:內裏好juicy 滷肉飯+鹽酥雞+脆薯+青菜脆薯:其實係蕃薯 外脆內軟 表層加上梅子粉又幾夾 食落唔太酸 反而突顯番薯甜味拿 雖然份量細 但都足夠飽肚(女士黎講)凍台式奶茶配台灣滷肉飯是必須的2人下午茶合共$74飽肚 坐得舒服 有足夠空間總括黎講 好食既 而且仲係一個傾計既好地方食飽飽 就係睇戲時間yeah我唔會劇透既😂好好睇 勁爆

滷肉香酥排骨飯現點現炸的炸排骨一上桌香噴噴～外皮炸的金黃酥脆，一咬下去肉汁噴灑出嚟！排骨好大一片，跟小鮮肉老公的手掌更大!實在非常抵食!而且排骨肉口感適中，醃得好入味😘上面的滷肉汁肥瘦適中牛魔王拼盤一上菜嘅時候，眼前出現一盤小山丘！內面有牛筋、金錢腱、牛腩～上面配上酸菜，軟硬適中，非常入味，肉質軟嫩豐盛牛肉韓拌麵哇哇哇！拌麵配菜佈滿晒成個碟！青瓜紅蘿蔔酸菜蔥樣樣齊！牛肉煮得肉軟軟嫩嫩，燉煮得非常入味！台灣烏龍冷泡茶冷泡茶沒有熱茶的苦澀味⋯⋯口感柔和香醇👍🏻

滷肉鹽酥雞飯 $48滷肉飯滷肉味道醬油味香，惟滷肉份量不多。白飯用的米不錯。鹽酥雞粒不會過咸，胡椒鹽份量適中，不會搶了雞的味道，炸粉不會過厚。配菜有四款，分別是滷蛋、生菜、四季豆和菜脯，滷蛋略嫌過熟，其他配菜不過不失。肉燥三寶乾拌麵 $61麵和芝麻醬及肉燥等拌好後味道味道剛好，配合青瓜絲能中和油膩感。麵的口感QQ有嚼口。貢丸、墨魚丸及台式腸感覺地道。整體來說的確是有台式風味。魚酥皮蛋豆腐 $28基本上就是皮蛋、豆腐和木魚碎，再加上豉油、葱花和肉鬆等材料，簡單但味道層次感充足。唯一是皮蛋的味道口感不足，稍為遜色。高山冷泡烏龍 $25 (跟餐$15)附送膠樽感覺高級，烏龍茶味不會太濃，茶味亦長久。熱珍珠奶茶 $20 (跟餐$10)珍珠口感不錯，可惜奶茶味道略淡，平時不加糖的都要加半包去”調味”😅

環境幾文青嗌咗鹽酥雞乾拌麵，加左$6 轉口水麵豐盛牛肉麵凍胚芽奶茶凍百香果綠茶三味拼盤路邊攤拼盤真係要讚讚佢啲鹽酥雞，皮好脆，入味，食左勁多粒鹽酥雞乾拌口水麵，辣辣地，麵條粗身掛汁，加埋青瓜絲同肉碎鹽酥雞份量超級多豐盛牛肉麵真係10分豐盛，有牛筋、金錢牛展、半筋半肉、墨魚丸貢丸、紅蘿蔔白蘿蔔，湯底好深色，濃味胚芽奶茶係幾特別嘅，但係有少少淡～胚芽幾有咬口百香果綠茶好香百香果味，不過似百香果汁多過百香果綠茶，同埋幾甜下～路邊攤拼盤有鹽酥雞，花枝丸同小香腸。三樣都好邪惡好正啊夠熱夠脆三味拼盤有青瓜小香腸同滷豆腐，青瓜係醃過嘅，小香腸好味！勁有台灣味道滷豆腐都唔錯

有個中學師弟約我聚舊，佢話帶我去佢宿舍附近一間台式餐廳試下，於是嚟到呢一度餐廳外面睇有少少日式，不過其實咁都係台式嘅一種，因為台灣比日本管治嘅時期大部份都東西都滲入了少許日本色彩裝修簡潔，光線充足，俾人一種好舒適嘅感覺我與師弟也是牛魔王，所以我哋各自叫咗不同的牛肉麵，再加了一個牛魔王拼盤我路邊攤小拼盤豐盛牛肉麵 - 湯底非常濃郁用新鮮牛大骨燉煮，溫泉有淡淡的中藥材味，感覺很台灣，很正宗，雖然味濃，但全碗飲晒也不頸渴，可見完全沒有落味精而餸方面有金錢牛腱、牛筋、牛腩、花枝丸、貢丸，真的很豐盛紅燒牛肉乾拌麵 - 除了有金錢牛腱牛筋牛腩外，還有大量的小黃瓜絲，配合乾撈一起吃煙韌得嚟又清爽牛魔王拼盤 - 初時見到以為是迷你版牛肉麵，一問店員之下才發現原來是我們叫的牛魔王拼盤，全碗也是牛，滿滿的路邊攤小拼盤 - 有鹽酥雞、小香腸、花枝丸，三人都是台灣出名的路邊攤美食，鹽酥雞香脆，小香腸油香芬芳，花枝丸非常彈牙，每樣也很好吃冰蜂蜜檸檬 - 清爽甜美可口，好refreshing，非常解渴最啱夏天飲用珍珠奶茶 - 味道比街邊手搖店還好茶香奶濃，珍珠不是太甜，配合奶茶飲用剛剛好，而且口感亦很好，每粒都煙

推薦指數：⭐⭐⭐⭐紅磡真係超多美食，行行下見到間裝修好光猛嘅台灣餐廳，吸引左我地入去試，不過坐得比較窄，價錢親民，我地叫左兩款小食同一碗麵share。➖1️⃣魚酥皮蛋豆腐 $28每次食台灣野一定會叫，都幾抵食，質素中上，醬汁同肉鬆真係好夾➖2️⃣五味小茄子 $32茄子唔會太淋，軟硬適中，上菜時係熱嘅係即煮，絕對唔係出面一般凍冰冰就咁夾落碟果啲➖3️⃣鮮番茄豐盛牛肉湯麵 $75先講湯底，唔算好濃郁嘅番茄味，似係鮮番茄比例少，罐番茄比例高，不過麵條嘅質地幾好，有彈牙口感，雖然佢係豐盛，但我又唔覺得好豐盛，一共有5樣配料，但係每樣得一至兩舊，不過都幾大碗夠哂飽肚➖裝修好台風簡潔，一班人黎食飯都唔錯嘅選擇

星期五約了友人睇Spider-Man，又係到老地方寶石戲院睇戲，散場後約9點多，時間尚早，順便食埋晚飯，呢頭都幾多食肆，唔怕冇野食，經過見到呢間台式店子，主打紅燒牛肉麵、滷肉飯及鹽酥雞等，都幾吸引，即想試下，9點多仍是好多人幫襯，幸好剛有2人位。 裝潢是簡約設計，白色牆身及木系枱椅，感覺柔和，店子面積中等，善用空間擺滿座位，密度較高，坐得有點擠迫。 餐牌，牛肉麵及滷肉飯之間掙扎左好耐，都係要牛肉麵。 自己劃。 珍珠奶茶(凍)，跟餐+$10，奶茶唔算好甜，茶味同奶味平衡，珍珠煙韌，味道不俗。 紅燒牛肉麵，$59。 牛肉份量適中，麵就比較偏少，不過呢個份量好啱女仔食，湯底味道濃郁甘甜，麵條彈牙，紅燒牛肉，有部份牛肉帶有筋位，口感鬆化柔嫩，幾好味呀。食物味道幾好，價格合理，有下次呀。

這天路過紅磡，發現因社區重建嘅關係，食肆少咗好多，走到近黃埔位置，發現呢間人氣比較旺，應該可以一試。菜配麻醬係新嘅嘗試乾拌麵麵質不俗有咬口，但略嫌太鹹，另外如果是涼拌感覺會比較好，鹽酥雞就不過不失；另外紅燒牛筋腩炆得好入味同夠淋，湯底亦好足料。飲品方面，奶茶嘅茶味就唔太出，至於珍珠係可以的。

住係素有美食集中地美譽既紅磡，有一張紅磡美食list是常識吧☝🏻有間台灣餐廳，我由佢殘舊裝修兼細舖，食到宜家裝修到文青Style 加大兩倍，成日都會諗起佢既牛肉麵。到現時為止，讚好都依然keep 到高水準👍🏾必叫紅燒牛肉麵$59睇見已令人流口水既深褐色藥材湯頭，配上四塊半肉半筋既牛肉，再加少少蔥花同酸菜點綴，就係我成日掛住既紅燒牛肉麵😋😋呢到既湯頭濃郁，帶有藥材味，飲完唔會口渴，加少少辣醬更惹味🤤牛肉係我食過最軟腍又富牛味，因為佢筋肉相連，咬兩下就化開😍麵有勁到，非常彈牙，微曲所以好掛湯，無論係湯麵定係拌麵，佢既麵都係咁match🍜🍜鹽酥雞口水乾拌麵$60先講鹽酥雞，佢既調味鹹到剛好，就咁當小食食都OK,肉雖然係雞胸肉，但絕唔會又乾又柴。佢大細岩岩好一啖一粒，唔會令人感到heavy👍🏾乾拌麵用料雖然簡單，但出黎既味道非常惹味。口水汁味道係四川style麻麻辣辣，再加上麻醬製成既汁好香，為左中和麻醬既膩，仲加入大量青瓜絲，再有少許肉碎，三者拌勻味道好豐富，濃郁得黎又不失清新，極推介😉木魚炸豆腐$33令人驚喜既豆腐，味道有啲似食緊唔臭既臭豆腐。外層炸過，灑上木魚同淋上微酸既醬，醬令炸皮變軟

去黃埔食台灣野！價錢唔貴 d拼盤算ok 其他我覺得麻麻.路邊攤拼盤（圖四）主要係炸野有四片台灣腸 兩粒炸花枝丸 少量鹽酥雞外皮係夠脆既 雞肉比較乾身鹽酥雞（圖五）係同拼盤裡面既一樣比較乾身 味道唔錯滷味拼盤（圖四）面頭有少少雪菜一顆切半既滷蛋 一舊滷豆腐 一d 大腸唔係好入味.紅燒牛筋腩麵（圖三）唔錯轉蕃茄湯要加$8 係好味既無假蕃茄味 同埋都幾濃下有新鮮蕃茄塊 都幾多牛筋 煮得軟腍關廟麵煮得軟硬剛好肉燥三寶乾拌麵（圖一）真係唔係好掂明明湯麵味道ok唔知點解同一款麵無湯陣味可以咁怪肉燥唔多 無咩味三寶係貢丸花枝丸同台灣腸丸就食得出係超市買既四海牌滷肉香酥排骨飯（圖二）排骨既皮係脆既 唔厚粉不過就無咩味 比較乾 同肉好少滷肉有兩三小粒咁啦 陣味唔正宗旁邊有少許配菜 半顆滷蛋 一個琵琶豆腐.野飲（圖六）係叫左野食之後加$10 就有既都幾抵 味道不過不失百香果綠茶係好酸既 無咩茶味古早味冬瓜茶 正常味道