讚好台灣

营业中

休息中

呢間台灣野雖然唔係新開張但一直都無機會食過，今日噤啱行過附近就去排下隊，噤啱兩點半下午菜時段，價錢睇錯幾抵，而且好快就被安排入座～雖然位置唔太寬闊，但環境都算乾淨！仔細睇吓下午茶菜單其實一啲都唔貴，而且有好多選擇，可以選擇三樣小食，連熱飲都係$34！我叫左鹽酥雞、涼拌小黃瓜同椒麻牛肚，三樣小食雖然份量唔多但作為拌麵既配菜已經好夠麻醬乾麵既份量都唔太大，但一個女仔作為下午茶既份量絕對足夠，當然男性應該會覺得唔太飽肚😅我跟餐點既百香果綠茶都唔錯，值得一讚既係茶單可以自己填飲品既甜度，令我對呢間店有加分

呢個餐廳好正，一定要去試，又抵食又好味好等位快，個豆腐力推，超特別，係凍豆腐，佢個汁好似章魚燒d汁，口感好好。另外，佢d特色飲品都好正，鹽酥雞肉燥飯就唔使講啦，兩個字，好味，會又去！

中午跟同事兩個人出去食野，大約12點3左右到＂讚好台灣＂，已經差唔多8成full。我地坐左係長枱既最入面，叫左牛肉麵同麻辣軟骨麵。因為位置有限，所以要搭枱，新黎既客人會坐長枱既出面。另外，鋪頭既門成日都開同冇完全關好，所以走左好多冷氣。麻辣軟骨麵既軟骨好淋，啲麵都好入味，食既時候有連埋湯一齊飲，辣度適中，唔會太辣。牛肉麵亦都好濃好入味，個人係接受到濃味既野，所以覺得唔錯。食物味道係唔錯，價錢亦都親民，50幾蚊一個lunch set，唯一唔好係位置略迫同冷氣唔夠，食完就快快離開，冇咩時間可以食完野傾下計。

好耐冇去過台灣，十分懷念它們的地道小食，今日經過一間鋪頭叫‘讚好台灣‘，舖面有D日本feel, 不過裡面座位就稍為迫啲。主食分為：台灣便當，特色乾拌麵，台灣湯麵。湯面就食得多r, 今次試吓佢嘅‘肉操排骨乾拌麵’， 份量好大碗，佢嘅麻醬味好濃,上面有小小既肉燥，不過d面有部份未散開，食落去一舊舊，略為要減分。另佢有一個優惠，只要+$15 可享原價$25既特飲，我就叫咗杯‘阿華田胚芽波波’， 入面既胚芽增加口感幾特別。 一碗麵+飲品 都系$69，仲要系晚餐，你話系咪好抵食😃

都係個句香港真係好多劣食俾香港人追捧係香港人未食過好味台灣野定係點⋯⋯ 呢間鋪頭都有百幾個like?兩個人叫左個滷肉鹽酥雞飯蕃茄鹽酥雞湯麵加左個滷味拼盤唔⋯⋯⋯⋯⋯滷肉汁上嘅滷肉得幾粒其他係豬肉碎雞係柴嘅蛋係乾嘅加多九蚊嘅蕃茄麵一睇就知茶餐廳蕃茄湯底砌八份一個蕃茄就蕃茄湯底拼盤份量少得可憐隔兩條街刀削麵嘅大腸差唔多價都大碟兩倍啦或者因爲門面靚跟理大呢邊無咩台灣野否則真係諗唔到高分原因好味嘅台灣野香港有架但真係唔係呢間

下午茶餐 - 小碗家鄉鹵肉飯拼三款小食加飲品（$34起）.小碗家鄉鹵肉飯個汁香濃但唔會覺得肥膩岩哂用黎撈飯食 但略嫌唔夠多汁食到底 多返少少就更好 細細碗下午茶口痕食下就剛剛好.小食 - 木魚炸豆腐外面香脆配惹味醬汁 內裏是滑嘟嘟既豆腐 食一舊唔係好夠喉.小食 - 夜市小香腸外面平平無奇 但裏頭好juicy.小食 - 椒麻牛肚絲💛又要講下個外表先 有層麻醬以為唔會辣得去邊 點知一放落口咬多幾口個麻開始黎 有啲似四川麻辣既味道 以甘優質既價錢黎講 距份量都算多 但都不足以滿足到吃貨女 下次黎要叫個整份🥳.喜歡這個有特色味道的裝飾 會再光顧

都起碼兩年冇食過紅磡讚好，而家裝修咗地方大咗成倍又乾淨整齊咗，即刻食慾大增✨印象中我係幾鐘意食呢度嘅乾拌麵，今次都唔例外叫返個肉燥三寶乾拌麵，拌麵腍得嚟又夠掛汁會追住食，三寶就係肉丸花枝丸同台腸，兩款丸其實幾一般，台腸就幾香口😗朋友果碗係豬軟骨鮮蕃茄湯麵，蕃茄湯比正常貴幾蚊，但湯頭超香茄味，朋友食完個麵我搶埋佢個湯嚟飲就知幾正😂 豬軟骨就可以再腍啲😗除咗麵仲叫咗兩份小食，呢度幾好係出咗單點仲有啲小食拼盤，份量少啲但多款啲，可以小食多滋味😛之前跟麵嘅餸本身唔算差，但比起拼盤呢啲真係比下去，路邊攤小拼盤有鹽酥雞台灣腸同埋炸花枝丸，個丸炸完比起唔炸好食幾倍，鹽酥雞就同樣香脆細細粒啖啖肉都唔錯✨至於牛魔王拼盤可以話係必點，牛筋牛腩金錢見腱，三樣嘢都係好腍入哂味，而且仲可以順便試埋個牛肉湯，感覺好醇但入口又好舒服唔會太搶，既食到撈麵又可以飲到湯，正✨

响附近放學就諗住揾野食醫下個肚，就揾到呢間台灣餐廳！佢裝修完靚左好多，睇下食物水準係咪一樣咁好。我就叫左個鹽酥雞滷肉飯，份量都好足，最重要係啲雞個炸粉唔會太多，而且調味都岩岩好，唔會話太咸，十分香脆可口！而朋友就叫左個香酥排骨滷肉飯，同樣份量都好足，亦都係炸粉唔會太多，食落啖啖肉，唔會好靭。整體黎講，台灣野黎呢個價錢算係平，而且味道都唔錯🤤，岩曬我呢啲學生哥！

Spotted this joint while dining at Ones Cafe opposite.Went here one afternoon to try it out.The menu had beef noodles, rice etc.Taiwanese beef noodles are a must so got a soup and soupless one with two sides.The beef noodle soup came in a rich brown caramel soup topped with tendons, intestines, beef and carrots.The side was much the same in a smaller bowl laid of top of radish.The slobbering noodles (quoted from the menu) was a little different than anticipated as there was sesame dressing which

果晚臨去紅館睇Joey前去紅磡搵左間都幾受歡迎嘅台灣餐廳醫肚先，夜晚見大排長龍！店舖嘅裝修有少少日式風格，簡簡單單幾舒服，店內一直播住台灣歌，食物價錢亦很親民。👓肉燥鹽酥雞乾拌麵(口水) $60重花生味好香濃麻辣味，食食下的確流晒鼻水好辣，但真係好惹味好食👍🏻麵質彈牙粗度適中；鹽酥雞有7-8粒，香脆唔厚粉唔油，但調味可以重返少少。評分：8.5/10👓肉燥鹽酥雞乾拌麵 $54有青瓜絲、肉燥和麻醬攪拌食。口水麻辣味比較好食因爲原味係就甘醬油味好普通。評分：7.5/10👓牛肉麵(蕃茄湯) $65湯底都好蕃茄味，酸酸甜甜，有幾舊新鮮蕃茄。牛肉望落幾靚仔，但食唔出有牛肉味，帶點筋唔算淋普普通通啦。麵同拌麵一樣，所以質地同樣彈牙。評分：7.5/10👓牛筋腩麵(麻辣湯) $65本身原味湯底係用新鮮牛骨燉煮，有淡淡很台灣地道的中藥味；但麻辣味係充滿麻香+辣度，似邊爐麻辣湯底。麻辣味真係好麻，食到個櫻桃小嘴麻哂😶相比之下譚仔係辣啲但依到嘅麻係勁啲。牛腩韌咗少少不過尚算淋；牛筋真係舊好淋嘅筋，唔夠啫喱狀，質地少奇怪。評分：8/10👓小麥胚芽奶茶(右) $22 跟餐+$14叫咗微糖，甜度剛好唔漏！平時飲慣咗

喺紅磡搵到一間超高CP值嘅台灣餐廳，一般嘅台灣料理都會俾人感覺上比較甜或者簡單，所以市面上除咗台式飲品之外，真正嘅台灣餐廳好似真係比較少。今次呢一間除咗有地道嘅台灣菜之外，仲有唔少嚟自台灣嘅地到飲品（除咗珍珠奶茶之外）。紅燒牛肉飯紅燒牛肉麵就食得多，紅燒牛肉飯真係第一次食，冇咗濕潤嘅湯做配搭，都完全唔影響成個主食。伴碟有三道小菜：滷水蛋、粟米粒、生菜，感覺上非常清新健康。牛肉嘅肉質滑嫩，而且味道濃郁，同白飯都非常配襯。豐盛牛肉麵牛肉麵叫咗蕃茄湯底，另外仲有唔少丸類可以選擇作為飯餸料。蕃茄湯底好濃郁，簡直將番茄味滲入面條入邊，而且台灣麵條好有彈性，連啲蕃茄湯我都飲左一半啊！木魚豆腐木魚豆腐嘅做法好特別，外面煎到好脆都唔影響入邊嘅豆腐，上面嘅酸甜醬了好開胃。加上少量嘅青瓜絲，既清新又入味。五味小茄子醬汁濃郁，茄子上面仲放有魚干片，食落口有幾種層次。高山冷泡烏龍呢個係我絕對推介嘅冷泡烏龍，係嚟自高雄海拔2000尺嘅冷泡烏龍茶！飲落去唔會有苦澀味，非常之清新可口，有少少回甘嘅香味。蘋果西打台灣獨有嘅蘋果西打，即係我哋平時叫嘅梳打，有少少似蘋果醋，平時出邊好少有得飲㗎！

裝修後的讚好台灣，門口比之前光猛了， 坐位也比之前寬敞， 叫了兩個午市套餐， 一份是肉燥鹽酥雞 湯麵， 另一份是香酥排骨湯麵， 因為是午市時間， 餐廳是滿座的， 等了一會終於上菜鹽酥雞炸得外脆， 裏面既雞肉依然保持嫩滑，一點也不會過老，而香酥排骨炸得很鬆化， 裏面充滿肉汁 juicy 好味，湯麵質地彈牙，麵條雖是幼身的，但可以掛湯汁，湯麵上配上肉燥，葱花，雖然簡單，但熱燙燙的很好食 ， 套餐飲品加配料台灣冰紅茶和古早味冬瓜茶， 值得一讚是古早味冬瓜茶， 確實是台灣的味道 令人懷念， 總括而言今日去食lunch ，呢個價錢在紅磡區 ，非常抵食 ，難怪長期都有人排隊呢！

呢間台灣小店聽聞好旺場，店鋪都唔細，左右兩邊打通為一間，好彩今日等一陣就入得😁😁店鋪裝修反而幾有日式風格👘餐牌好靚，好似睇緊旅遊書😂😂💁🏻‍♀️香酥排骨飯排骨炸到好脆，邊邊位有啲燶同埋有少少乾身🙈🙈但味道ok的，肉燥飯味道同台灣食嘅有8分似👍🏼👍🏼💁🏻‍♀️紅燒牛筋腩麵另一款試左麵🍜🍜湯底正宗而牛筋腩好淋，好入味😋😋小食💁🏻‍♀️甘梅脆薯有啲失望😞無咩蕃薯味💁🏻‍♀️路邊攤拼盤鹽酥雞味道同夜市果啲一樣，Good !🤗🤗

同男友晚餐，大家唔算太肚餓，所以揀呢間諗住可多小食，加share碗麵冇咁濟....嗌左:1. 紅燒牛肉麵 湯冇牛味 唔甘甜 牛唔夠淋，份量正常。2. 咩地攤小食拼盤（佢本身有3種拼盤）鹽酥雞調味冇乜，連最重要九層塔既味都冇，點可以叫鹽酥雞?個腸 😑 算吧啦。。。直情冇味唔知想點花枝丸調味正常返d3. 唔記得乜乜茄子炸完，汁既味道似茄汁加o急汁撈，上面有d木魚絲一般般另外有嗌兩杯台式飲品，唔太ok...不過公道d講價錢夠親民，只可以話味道一般及抵食，但唔算十分地道台灣及美食

去完附近朋友屋企Gathering,就係樓下左右睇下有咩好食啦,其實呢幾條街都出名多野食,朋友見到話不如食呢間啦,見個門面幾吸引又夠光猛,結果等了十分鐘左右就可以入座了.店仔細細,其實都算多選擇,由於我地只係兩個人,所以都唔叫得太多野食.今次就試住咁多先.麻辣湯牛筋腩麵 $65湯頭充滿麻香味,辣度十足,略嫌有點掩蓋原有的牛肉味道,牛腩及牛筋都幾入味,口感軟淋,麵條亦都彈牙滷肉鹽酥雞飯$ 49飯的份量對一個女仔黎講算係十分足夠,魯肉和雞都係有肉汁,不會太乾,反而滷蛋就乾左少少及偏硬,整體上性價比還是可以的.木魚炸豆腐(小) $23豆腐外皮包著木魚一齊炸,十分惹味及香口,而內裡仍然保持著豆腐的嫩滑感.再配上甜酸汁一齊食,味道十分有驚喜.酥炸花枝丸$26熱辣辣,脆卜卜,幾有口感.小麥胚芽奶茶我個人一向比較鐘意飲台式奶茶的味道,再配以胚芽,飲落口感十分豐富.今餐食到好飽好滿足呀!