讚好台灣

营业中

休息中

行行吓街搵嘢食，看到呢間吃台灣菜的小館，即管入去試食。口水豐盛牛乾伴麵，牛肉好淋，還有兩粒丸，加入了胡麻醬和辣醬，味道唔錯。魚酥皮蛋豆腐，皮蛋很好味，但係用了百福豆腐，口感一般。路邊攤拼盤，鹽酥雞香脆，都算唔錯。正宗滷肉飯，滷肉太少，如果加多一點配菜會較好。冰百香果綠茶，百香果果味唔夠，整體還算可以。古草味冬瓜茶，茶有冬瓜味，不過略為甜一點。

同女友去黄埔睇完樓，四圍行下睇下附近環境順便揾野食，唔想又係食大xx集團式快餐，決心揾下d特式小店，女友見到呢間台式店，店子雖小但係都算企理，一於試下，下午茶餐有個迷你滷肉飯，揀3個小食加杯飲品，滷肉飯d飯略濕但水準還算ok，小食之中推介鹽酥雞，炸豆腐，食物味道不錯，但係下午茶份量女友剛剛好，我就食多個都仲得，台式奶茶就比較遜色，最多可以形容為唔難飲，埋單2個餐80蚊有找，性格比不錯，下次有機會再來

周末外出走走，朋友指明想食呢間，剛好有空位，便決定一試。(太受歡迎，兩位要預搭枱）看到很多食客均點拌麵，所以都決定拌麵。我點鹽酥雞拌麵；朋友點牛肉拌麵。另外加了兩碟小吃: 台灣香腸，魚酥皮蛋豆腐只影拌麵，太肚餓沒有讓相機先吃。拌麵麵質很有咬口 (若想吃較軟身，宜點湯麵）；多蔥多青瓜絲，好啱我；但不太喜歡的朋友宜跟店員講聲。拌麵醬汁有淡淡豉油香味，不會太咸及不太多味精。但下次不點 鹽酥雞，因為不太 “ 鹽酥” ( 香口但椒鹽味不重；鷄亦不過不失），可以試食其他款。 (例如叫返台灣香腸拌麵😂)魚酥皮蛋豆腐一如以往豆腐 滑嫩； 皮蛋不腥；有魚酥舖麵增加口感；推介 😋飲品加$10，點了珍珠奶茶少冰少甜。 茶味及奶很平均，珍珠屬中細size, 有淡淡黑糖味包裹 (不會太甜而搶去奶茶味），會因這杯珍珠奶茶再光顧👍👍👍 (我因某間出名的台灣餐廳珍珠奶茶不太好喝而放棄再光顧）播着五月天的戀愛ing, 頓時返去青春時代。下午茶 2：30 開始，平啲碗麵細碗啲但可以選小食，下次待下午茶時段黎 😍

位於紅磡嘅一間台灣美食讚好，外觀相當之吸引。我哋食嘢嗰陣時仲見到好多學生去幫襯，學生同我地講，最抵食係下午茶。所以我地等到下午既時候再黎食。35蚊一個下午茶，佢切邊既小食都係台灣出名小食，台灣腸、麻辣豬肚，魯肉飯、炸雞等等。我最鐘意就係佢個台式奶茶，同重戈台灣喝既一樣，仲要大大杯，真係最好喝就係讚好。如果鐘意既可以加珍珠，變成珍珠奶茶。但個人覺得淨奶茶就已足夠，好喝過所有茶記。鹽酥雞係最好食既小食之一，外脆內軟。呢個成為下午必選之一，唔怪得咁多學生黎食。

平時出去黃埔食野，好少去幫襯大集團餐廳通常去近紅磡既小店揾食😛經過呢間台灣野都多人排隊食，應該唔會伏我同朋友一行三人去，全部都係walkin等齊人先可以入座門面係簡約文青風格，用木框造既玻璃趟門帶點日式設計風格🎏小店分左2個鋪位，但面積不太大，全部木枱木櫈都擺放得幾迫，適合lunch快食🍛滷肉香酥排骨便當豬扒大塊，岩岩炸出黎熱辣辣咬一口好多肉汁，口感適中唔會好硬👍🏻🍱逢甲鹽酥雞便當分量都算大件，以lunch menu黎講幾抵食鹽酥雞都係新鮮炸起，又熱又脆好好味😋😋😋🍝讚好牛肉湯麵食麵第1啖要飲左個湯先，個湯底好香好濃味牛筋腩有齊，牛肉幾淋易入口

經過幾次讚好台灣，一係門口排哂隊，一係爆場，一向唔中意等位嘅我，一直無緣幫襯.時世唔同，依家好多香港人唔敢外出，怕冠狀病毒，食巿餐廳當然拍哂烏蠅，真係見者傷心聞者流淚 ~~>_<~~讚好台灣當然唔能夠幸免，今次經過門口見佢地唔洗排隊又有位，所以入去幫襯.點咗蔥燒豬軟骨飯，香酥排骨新竹米粉，路邊攤拼盤同香滑牛筋.蔥燒豬軟骨，緊係要多蔥啦！蔥燒豬軟骨飯：豬肉可以唔食，重點當然係軟骨部位啦，有D入口已經炆到冧哂，有少部分未夠冧，而豬肉入味鬆軟，滿意.香酥排骨新竹米粉：自己對幼身嘅麵或粉有偏愛，所以幼細嘅新竹米粉未食已經加分，而米粉亦幼細軟滑，香酥排骨外表酥脆，排骨juicy，份量足夠無偷工減料.路邊攤拼盤：拼盤有台式香腸，炸雞及炸花枝丸，台式香腸同花枝丸一入口，台灣夜巿美食嘅回憶即刻返哂嚟！味道一模一樣，炸雞外脆內裡juicy，滿意.香滑牛筋：份量略為不足，但牛筋炆得夠冧入味，牛筋汁撈飯更加係一絕！結果食唔哂要打包，餐廳連外賣盒都好精美，環保用紙盒，真係要俾個讚好！讚好台灣裝修環境亦極有台灣風，而且餐廳極光猛，台灣當地嘅餐廳好有心思，例如餐廳店名，菜式名稱都好特別，又或者m

食物好味，價錢又平！可惜感覺好迫，仲要有搭枱！對於視環境為主菜之一嘅我來講，就唔係太接受得到！服務尚可，但正如之前講環境嘅重要性，員工在門口不停叫以作招來亦非常大影響！

讚好牛肉湯麵 $58好耐冇食紅磡呢間牛肉麵 以前返學都食過幾次 裝修後第一次黎食!!😌 牛肉湯感覺比以前遜色左 感覺冇以前咁香咁濃郁 牛味同埋藥材味都好淡 似豉油湯feel多d🥺 不過牛肉質素都keep到既 大大件 咬落幾軟淋 仲有少少坐忘既骨膠原感覺😍 麵條煙煙韌韌彈牙 微曲掛到湯 都幾好食🤟🏻紅燒牛肉便當 $54個汁味道相對濃郁 撈飯一流 仲有伴碟小食 幾豐富珍珠奶茶 +$8一個字 好淡整體感覺冇以前咁好食同抵食 應該唔會再黎食...

這間鋪頭是時常都有很長的人龍，今天早點過來碰碰運氣😛店舖設計也是非常有特色的，最適合我這些貪新鮮的人。今次點了香酥排骨湯麵🍜加HKD 8特色餐飲一杯。香酥排骨新鮮炸起，香脆可口，亦有很重的鹽酥味道，排骨亦炸得鬆軟😋湯麵份量很多，湯底是豬骨湯的，面亦彈牙。從很久以前就很喜歡飲杯芽奶茶🥤不是很多地方有得飲😙這個久違的味道豐富了我的味蕾，幸福！

尼間鋪都幾多好評下，所以就拉埋朋友一齊黎試下。午餐時間，門口排左好多人，好彩都吾係排好耐。我叫左個香酥排骨飯，排骨正常size，不過真係炸得好香脆，表面仲灑左好多五香粉，好惹味。除左排骨之外，配菜都好豐富，有肉躁、菜甫、生菜、滷蛋同埋粟米。朋友叫左個肉躁鹽酥雞湯麵，麵嘅分量多，吾會煮得太諗。鹽酥雞冇骨，咬落啖啖肉，特別滿足，不過我都係鐘意食排骨多d。跟餐本身有野飲，但我地分别加錢叫左熱珍珠奶茶同凍冬瓜茶，野飲正常冇特別。

到紅磡返工，每次經過讚好台灣食店，永遠都看見長長的人龍排隊，遠遠可以看見排隊的人首次點菜只討論喝什麼，吃什麼。這次獨個兒午餐應該可以快點入座，是很好的機會試一試吧！我並沒有三心兩意立即點台灣牛肉麵試試他的真功夫，和必選的珍珠奶茶🥤。食物上枱了，賣相常吸引，看到牛肉已經知道是軟綿綿的，湯頭非常重牛肉味，加上特色的酸菜配合幼幼的面配搭十分好吃！吃了幾口，便回憶一下去台北旅行吃過的牛肉麵，心裏面想難怪每天都大排長龍。可是這杯珍珠奶茶令我有點失望，不知道是正宗的或是不合我口味，奶茶味較淡，珍珠不是甜甜的，下次可以試飲其他特色飲品了　。

唔好意思，實在太肚餓所以有兩幅相冇影到。呢間野喺紅磡有兩間舖，好多人排隊，但係佢喺門口都唔使排好耐就入到去食。叫咗鹽酥雞飯同埋牛肉麵，一個小食拼盤。鹽酥雞飯味道唔錯，可惜份量不太夠，同埋比較油。牛肉麵味道不過不失，略嫌味道不夠，比較淡。不過可能啱啲女士健康食。

最近品賞的台灣菜都很有特色，而不是本地化了的快餐，店舖裝修亦花了心思。今晚來到黃埔搵食，經過炸雞店、拉麵店、德國菜等都不停步，直至到達 #讚好台灣 。🤩鹽酥雞滷肉飯這兩款食材可說是台灣菜的重點，未嘗滷肉飯，到台亦枉然！ 此店的炸雞香口，炸粉比較薄，不會太重口味。而滷肉雖少，肥瘦咸度拿捏得到。飯則屬中軟身，以特色形狀上碟。👍可改善的地方則是肉不夠香、雞不算嫩🧐脆豆腐（另有一款非烤的咸蛋豆腐）醬汁濃厚，面脆內軟，想健康一點可小食脆皮專攻豆腐，喜歡炸物的話則可一口兩感。😋至於喜歡清淡的朋友就要預先提出小醬珍珠奶茶美中不足的是奶不夠香、茶不夠淳。或許是特色，亦可能是難飲，我未分到😂#嘴刁Raymond #宇宙級嘴刁 #MagicRaymond

呢間台式餐廳d 野食都野飯都好正宗之前係紅磡附近翻工果陣，lunch time 成日都想去食佢仲要次次去到都無位，搞到要去第二間，因為佢價錢吾算貴，而且食物質素都幾好，所以係好多工仔食飯之選😂個人覺得一定要食佢既牛肉口水乾拌麵，真係好好味，麵質超彈，加埋佢d 醬，簡直好味到暈，同埋佢d 牛肉一d 都唔韌，仲好淋添仲有佢既珍珠奶茶都超正😍.小食我叫左拼盤， 入面既鹽酥雞都好有水準.我叫左1. 豐盛牛肉口水乾拌麵 (必試🔥)2. 路邊攤拼盤3. 冰珍珠奶茶 (必試🔥)4. 椒麻牛肚絲

係呢個地小人多的地方，要唔洗排隊真係好難。有日同朋友去紅磡搵食，見到唔洗排隊就行左過去。去到係需要人齊先入得去既，不過員工好nice，得閒就出下嚟關心下你，哈哈。入到去order完就好快上菜了，叫左個滷肉飯，麻醬拌麵同埋路邊攤小食。滷肉飯啲肥豬肉幾適中，食完唔算太油膩。麻醬好夠味，小食有台灣腸，炸花枝丸仲有鹽酥雞，如果台灣腸多幾片就好了。食物整體不錯，地方細坐啲，但坐得幾舒服，下次都會想過嚟試牛肉麵！