讚好台灣

营业中

休息中

中午跟同事兩個人出去食野，大約12點3左右到＂讚好台灣＂，已經差唔多8成full。我地坐左係長枱既最入面，叫左牛肉麵同麻辣軟骨麵。因為位置有限，所以要搭枱，新黎既客人會坐長枱既出面。另外，鋪頭既門成日都開同冇完全關好，所以走左好多冷氣。麻辣軟骨麵既軟骨好淋，啲麵都好入味，食既時候有連埋湯一齊飲，辣度適中，唔會太辣。牛肉麵亦都好濃好入味，個人係接受到濃味既野，所以覺得唔錯。食物味道係唔錯，價錢亦都親民，50幾蚊一個lunch set，唯一唔好係位置略迫同冷氣唔夠，食完就快快離開，冇咩時間可以食完野傾下計。