讚好台灣

营业中

休息中

呢一日完咗工作，跟住同事搵好嘢食。專登駕車入黎紅磡，呢間係佢地喜歡幫襯嘅食店之一，聽佢地講，性價比高。入到黎，麻雀雖小，但係坐得幾好，唔會話好迫。再黎睇下餐牌食咩，基本上想食嘅都有。紅燒牛肉麵（$59），湯頭適中，好飲，夠哂牛味。牛肉夠哂入味，麵是QQ的，掛到湯，啖啖唔會得清麵。肉燥鹽酥雞麵（$49），鹽酥雞麵粉唔會過厚，油膩還好，唔錯。蕃茄牛肉麵（$65），同上，無得輸，蕃茄係用真蕃茄，牛肉同樣出息。我地當然叫多一杯飲品，都係另加5元、8元，相對上已經叫平。有珍珠胚芽奶茶，珍珠奶茶，我自己個杯係香芋奶茶少甜少冰，偶然可以破下戒，我已經好滿足。