熊拉麵 (白加士街)

营业中

休息中

見到門面光猛，而且佐敦少有日本拉麵店，所以同朋友一試。見佢新推限量既櫻花蝦濃湯拉麵，就決定試一試佢！湯底好濃，d麵又軟硬適中，整體都唔錯，但如果大家食開淡味野，可以會覺得鹹左d，所以好難會可以飲晒d湯去睇碗底既熊人！🙈下次有機會會再試下其他味道！

眾所周知，拉麵嘅靈魂係佢嘅湯頭 一個好嘅湯頭可以決定一碗拉麵嘅成與敗博多風豚骨拉麵湯底多數配幼面令到d面可以索更加多嘅湯汁但幼身面嘅壞處就係好容易被湯泡軟，令人覺得好似食緊啲浸爛晒嘅米線，影響咗d口感但係呢間卻成功做到非常軟硬適中嘅口感點解？答案就在佢哋的menu上。 喜歡食拉麵的人都知道「替え玉」。這是博多拉面的特色之一。為免湯麵地泡軟，麵的份量不會太多。在差不多吃完第一個麵底時，師傅才會加麵，保持麵條的咬勁。有辣芽菜，高菜同紅姜三個配料俾你加料。

今次係第2次黎食呢間熊拉麵了今次早了一些到 11半就準時到了門外等開門了因為門內的位置不太多 想食既朋友就早一點來了門外掛著大大個熊拉麵既大燈籠 門店都裝修得十分日式 感覺置身日本當中路上有這一個易拉架 拉麵相好精美 睇見都流口水 而且實物同相都一樣咁豐富架入到店內可以細閱餐牌 之後在點餐紙上根據自己既喜好來點餐熊拉麵 湯底十分濃郁 豬骨味好濃 而且黏度好高 當你食多幾啖麵 飲多幾啖湯 咀唇有些黏黏的感覺骨膠原呀叉燒大大塊 而且好綿 易咬開 肉味很重糖心蛋都做得很出色不過本人民最欣賞都是個湯底 真的超濃 而且又唔會有重味精感 完全不會口渴另外我都想提一提桌上的一些配料由左起 貌似一些菜的 但我沒有吃中間的 超讚 是辣味芽菜 第一次試 好開胃 芽菜辣辣地 醃得好好味 帶點微辣 令人愈食愈想食 而且芽菜又好爽口 芽菜除了可以就咁當小食食之外。仲可以放到拉麵當中 令豬骨湯產生微妙既變化帶了點辣味赤熊拉麵 鍾意食辣既朋友都可以一試呢間餐廳既辣味 調製得好好 濃郁既豬骨湯底下 除了有滿滿既豬味外 仲帶點愈食愈想食既微辣感 鍾意食辣既朋友必定會愛上這份感覺餃子好充料 不會像空氣感那樣的脆脆的外皮包

之前經過一次, 唸住去食, 但係賣晒, 跟住有幾次老公經過都話好多人排隊, 今日去睇完牙醫, 都差不多成八點半, 唸住去睇下會唔會已經賣晒, 結果係入面有好多位, 仲有得食!拉麵款唔多, 總括黎講, 得四款: 招牌熊拉麵 (有蛋), 黑蒜拉麵, 赤拉麵, 白熊拉麵 (冇蛋), 全部湯底都係豬骨煲BAR 枱前面有紅姜, 高菜, 辣芽菜, 個芽菜夠晒辣, 但係都係唔夠我地係沖繩"通堂拉麵" 個芽菜咁好味! 返到黎香港每次食拉麵都想起佢既配菜--辣芽菜!老公楝左黑熊拉麵, 即係豬骨湯底+黑蒜油! 但係冇蛋, 同埋一塊好大塊的叉燒, 個麵有得楝幼麵/粗麵, 我地兩個都楝左粗麵, 麵既硬度: 軟/普通/硬, 老公楝左普通, 我就棟左硬, 因為我覺得就算係香港楝硬都好啦, 永遠個麵都係變成普通硬度, 食唔到我想食的硬度, 今次亦到一樣! 同埋雖然係楝左粗麵, 但係都覺得個麵太幼 (1.25mm), 幼麵都係得 1.23mm, 其實我覺得兩款麵的分別應該不太大! 個塊叉燒, 可以講係普通過不普通, 冇肥肉, 好瘦, 可能因為咁樣, 個塊叉燒好鞋, 又唔香, 冇入口即溶的感覺 (剛從日本返黎, 食過一

拉麵店在香港燒極都有是常識吧! 要找一間不用排隊的不難, 要找好吃的就非常難! 今日本台為你報導一間不錯的拉麵店, 就在佐敦店附近!一般的拉麵店裝修, 燈籠, 門牌非常洽當節水, 記得關水嚨, 在環保意識上日本人也是一流的, 這店也是配合拉麵吃的有冰水, 分成2個層以避免面層結霜, 非常貼心的設計, 在香港應該是第一家吧!肚子餓就叫了超級巨熊拉麵, 想不到餸有那麼多! 分幾個層面講:湯底: 濃厚不油膩, 豬骨湯的味略略不足蛋: 溏心而且醃得入味, 出色叉燒: 夠多而且很瘦, 很有咬口的類型, 不過沒有入口即溶, 就沒那麼肥膩吧麵底: 略略有點淋, 相信是遷就了香港人口味, 想吃硬麵一定要叫"硬", 但叫了"超級"份量卻不算多餃子皮薄, 肉多而且味道香濃, 醋酸甜夾雜, 適中而解膩

大約晚上7pm 嚟到熊拉麵, 唔駛等即刻有位, order 咗個招牌熊拉麵, 等一陣就有得食!招牌熊拉麵, $83/碗湯底: 極重味精, 食完覺得非常口喝麵: 好食, 我揀咗麵嘅軟硬度為偏硬, 煮出嚟的確有咬口叉燒: 不過不失, 偏瘦冇肥膏, 食落唔算淋不過都ok玉子: 唔錯, 流心又夠蛋香整體: 都合格嘅, 不過食完個拉麵真係好口渴, 係咁飲水, $83碗拉麵茶都冇杯其實都幾孤寒...

是日本人仍然病病地又喉嚨痛，睇完戲諗食乜但又冇咩可以選擇⋯⋯諗起呢間早前喺open rice嘅新餐廳名單上而我又save低咗佢就嚟試下！去到已經八點幾，好彩前面只係得一對韓國人遊客，唔係太多人我實冇心機排又要諗過食乜🙈店內只得一男一女樓面，又要執枱送餐兼receptionist 收銀有點忙不過來！好彩佢哋都快手快腳就清完上手食客嘅嘢喺門外等嘅期間店員已派定落單紙比我哋揀定！一入到去坐底寫埋枱號就可以比店員！我哋揀咗一辣味一豬骨味拉麵同煎餃子！等待嘅期間冇我想像中咁快（比豚X慢）可能眼見只得一兩個煮拉麵師傅喺吧枱前面煮吧⋯⋯先嚟嘅係男朋友嘅辣味拉麵，佢加咗紫菜同半熟蛋！ 男朋友食完話一般，唔夠辣！我個就係豬骨湯味拉麵，冇加嘢！湯好濃好杰，飲得出係好多豬骨煲出嚟麵質我揀硬，但唔係我期望嘅硬好彩唔係淋，唔係我實食唔到（本人最怕淋麵）木耳絲我覺得唔夠爽，叉燒有兩塊但冇燒過因為冇燶邊，只係夠淋⋯⋯ 除咗個湯底外我覺得一般！ 跟住個餃子嚟到，店員好細心咁提我哋小心熱因為啱啱煎好值得一讚！見個樣都ok咁，但一夾落皮好軟，唔脆，唔似出面啲半煎半炸嘅香脆但唔代表佢唔油⋯⋯肉餡有啲韭菜香，加埋個餃子汁酸酸

吃了一次熊拉麵，以後再見到任何的熊都會想起它的味度一個星期後，忍不住，再次挑戰！上次吃了招牌熊，今次一於升級挑戰黑熊！ peachy.foodie rating: ✮✮✮✮☆(4/5)湯底：配上黑蒜油及炸蒜，令味度更加濃厚，略為有點太咸蓋過了甜味，而且蒜味沒有想像中突出拉麵：可能是下午的關係，沒有限定的可供選擇；好彩，普通叉燒卻不普通，比一般的厚身兼Juicy！配菜：木耳爽口清新，中和濃厚的豚骨湯底追加蛋漿鮮甜美味！吃得很高興！ 很有可能，會有第三次挑戰！

由於媽咪去大陸玩，當晚放工，自己走去佐敦食飯！ 佐敦白加士街食肆林立，沿柯士甸道行入去，當時晚上 7:00，見到有間拉麵店 <熊拉麵> 的門外已有人等位，相信這間拉麵店的出品應該不錯吧！  於是，我都要到訪一下！等上一會兒，我獨自一人被安排到吧枱位置！  店方相當貼心，桌下設置掛鉤，方便食客！  但是我經常都好失魂，話走就走！  恐怕忘記拿走掛在桌下的戰利品，還是放在面前的當眼處最穩陣！ 店子供應的拉麵由 $73 ~ $123 不等！另有餃子及飲品。 即叫即煮，我見廚房貼了一張紙，提醒拉麵師傅烹調不同粗幼的拉麵及拉麵硬度所需時！ 桌上已齊備餐具及調味料！超級巨熊拉麵 (幼麵 & 普通硬度)$123這款超級巨熊拉麵專為大胃王而設！令我蠢蠢欲動想挑戰呢！包括：3塊日式叉燒、1隻糖心蛋、青蔥、木耳、紫菜…等配料，配幼麵或拉麵！另可自選一款配料！麵條可選：硬/ 普通/ 軟湯底是整碗麵的靈魂，餐牌上資料得知，店方花上 12小時猛火以大量豬骨、海鮮、蔬菜...熬製濃厚豬骨湯底， 質感濃稠而味道濃郁！ 鮮香洋溢，令人食指大動！我選擇幼麵，要求普通硬度；軟硬適中而且爽口

喺香港要食到好食、有湯味既拉麵都幾有難度，尋尋覓覓之下，見到呢間「熊拉麵」，就即刻黎食番碗啦！黎到呢間「熊拉麵」，當然就嗌佢既招牌黑蒜油拉麵啦！ＦＹＩ我既拉麵選擇係：黑蒜油拉麵、普通軟硬度、幼麵、濃湯、要哂所配菜另外，我重叫左：溫泉蛋、煎搞子ＰＳ一定要配凍水食拉麵色：碗麵一黎到就見到佢好充滿黑蒜油既色澤，望真啲湯水好濃烈，當堂已經食慾大振香：其實侍應拎緊碗麵埋黎果時，就已經嗅到碗麵既黑蒜油香味，真係非常厚實、撲鼻，心知絕對無死味：（湯）食拉麵第一啖我一定會飲佢啲湯先，如先前觀察一樣，飲落個湯有好厚既質感，如果再含住啖湯飲真啲，就會感覺到黑蒜油既少苦、少香、少蒜味慢慢走出黎，真係非常一絕！　　（麵）我簡左幼麵，即係類似中華拉麵既粗幼度（即係一蘭果啲），原因係幼麵配濃湯可以帶出更強口感。用筷子一柱一柱麵咁夾入口，跟手再飲啖黑蒜油湯，嘴裡混和住拉麵同湯，非常配合既搭擋帶來味覺享受！　　（叉燒）不得不提佢既叉燒，呢個一定要嗌，唔食都要嗌。因為佢切得好薄，所以當你咬完啖叉燒之後，你會好自然地想飲番啖黑蒜油湯，佢地真係好夾，好好食。　　（溫泉蛋）做得幾好，半熟既蛋咬開之後有半凝固既蛋漿，食落去重感

小小的店充滿拉麵的香味午飯時間前，拉麵店只有我們最早到，選有利位置，坐正在廚房前，近距離看清楚拉麵製作主理的師傅，活像一隻吉祥物，私自為他起了花名﹣「熊師傅」 第一次前來，不用多想，立即點了招牌菜式近廚得食，由「熊師傅」說句日文後親自捧前香噴噴．熱辣辣的 peachy.foodie rating: ✮✮✮✮✮(5/5)實在想不到不給滿分的理由湯底：香甜濃郁拉麵：選擇了正常粗度1.5mm及普通硬度，適中彈牙豚肉：不用加錢就可以由普通叉燒轉為  數量限定的：入口即溶，又冧又入味（十分邪惡）（個人推測：「熊師傅」細心地把較肥的給我男友，而較健康的就給了我，哈哈）配菜：木耳爽口，大愛包括在內的要分開寫，因為實在太．美．味．了只是夾起它，已經感受到當中蛋漿十分澎湃（！）咬一口，蛋漿就馬上流出來，口腔充滿著濃郁的蛋黃味，幸福感爆登！被「手作」2字吸引，不但沒有令我失望，更加是有驚喜！皮薄而且脆．餡靚鮮味！絕對抵試！ peachy.foodie rating: ✮✮✮✮✮(5/5)食到一半，門外已排長龍！所以都加快吃完走人了！收銀一角放滿熊的擺設，很可愛

娘子朋友說最近在佐敦有一間正宗日本拉麵進駐香港，以『熊』見稱，食過後讚不絕口，任何時間都會有人在排隊用膳，介紹娘子一定要去試試，對麵食有特殊僻好的娘子聽後當然異常興奮。Step也有上網搜集過資料，這間『熊』拉麵，顧名思義，是來自日本的熊本懸；2004年由在熊本懸土生土長的光永秀辰先生創立，其自家的魚介豚骨湯底更是街知巷聞，直至現在，日本已經有8間分店。今次香港是熊拉麵衝出日本的第一個地區，店舖選址在佐敦，而非在商業或遊客區內，相信是為了避免高昂的租金令每碗拉麵價錢提升。其實Step對日本拉麵亦頗鍾愛，特別是味道香濃的日式豬骨湯、溏心蛋、甚至是日式叉燒都會愛不惜口。在香港，日本拉麵店真的愈來愈多，但有不少開業不久便靜靜地結業了，無他的，一來和日本店相比質素有段距離，二時很多時候食物質素和味道參差，未必能應付愈食愈有要求的香港人。所以當知道有新開正宗日式拉麵到香港開分店，Step實在是非常期待，究竟質素如何呢? 很想快一點去試試。------------------------------Step和娘子放工後，由佐敦港鐵站C2出口行大約5分鐘便到熊拉麵的白加道8號的店址。店舖外裝潢跟一般的

星期天的下午和M先生相約在佐敦，想起早前看到有人推介「熊拉麵」，所以便去餐廳探食，殊不知剛巧遇到一些參加完叮噹跑的參賽者，所以要排隊等候。幸好餐廳人流多，翻枱速度也頗快，所以不消十分鐘便可以安座入內，而店員們都十分有禮貌。我們在門外排隊時，店員會派發點菜紙，小女子點了熊拉麵($83) ，M先生則點了黑熊拉麵($78) ，另外還加了個熊自家制餃子($38)。熊拉麵和黑熊拉麵最大的分別除了在於湯底外，就是溏心蛋了。烏卒卒的黑熊拉麵充滿著香蒜味，但身為蒜怪的我則略嫌不足；而熊拉麵就是豬骨湯底，湯底味道濃郁，湯碗面可見有一層油，入口也不會燙到嘴巴。豚肉雖然只有一塊，但也足足有整個手掌大，而且肉質粉嫩頗滑；木耳份量也不少亦很爽口；麵質選了普通，師傅也煮得剛好不會太硬或過軟身。不論是熊或是黑熊，拉麵的份量絕不能少看，因為明明我們都餓著肚子去，但吃完拉麵已經近乎九成飽。至於自家制的餃子，一共有五隻，但第一眼的感覺便是油膩，碟上的油多到閃閃發光，而且覺得餡料偏少，但餃子皮則做得不錯，很薄也煎很有點焦脆，點些餃子醋令味道更濃郁。這家餐廳既設計光猛，而且坐位之間也頗為寬敞，不會令人感到逼狹有趕客的感覺，加

不嬲同老公都係拉麵迷, 呢排發現呢間餐廳上左OR既排行榜當中某D食評形容到"好特別好特別" (唔引用個D形容詞, 以免引起其他食評家不快)既然如此, 咁就不妨一試!鋪頭座落白加士街, 門面光猛唔難搵由於今日落大雨, 所以店內都唔多人, 唔需要等位入店後, 店員就安排我地坐大長枱既角落喇望望MENU先一向食開拉麵, 都了解不外乎個幾種口味老公一向有食力之人, 佢揀左碗巨熊而我就掙扎係原味 / 黑蒜油之間呢一晚想食濃味野, 就揀黑熊啦!呢個係我既拉麵選擇紙亦都埋下左對呢間店失望既伏筆好, 先上既係老公既巨熊望埋賣相都好好, 所有材料整齊鋪係麵上之後到我既黑熊問題黎喇, 咦? 冇香味既?有食過黑蒜油既朋友都知道佢陣味算幾濃郁但呢度既湯送黎, 點解冇味既?事不宜遲, 飲啖睇過果然, 飲落同聞落一樣, 感覺唔到黑蒜油既味道唔係濃郁既味道, 反而只係普通既湯頭膠質 / 鮮味...等等完全感受唔到一個字, 寡可能有人會話會唔會係我自己唔識野咋?因為我用左最簡單既方法, 就係飲埋老公個碗豬骨味湯底2個湯頭既味道, 居然係一樣所以並唔係我挑剔, 而真係感受唔到呢個黑蒜油湯底有咩特別下一個環節, 麵我比較

友人大力推介的拉麵店,新開張一定要來試試,今天特意放工跟友人來一趟,看看是不是真有其實點了一個黑蒜油拉麵,價錢在香港來說不太貴,但上台一刻令人驚訝想不到未加麵底的份量已經比起同區的拉麵店多,今天一定飽肚而味道確實不錯,麵底韌度十足,吃起來超有口感,跟某些名不符實的拉麵店好太多了湯底也是,本以為一定相當濃味,想不到湯底味道濃度剛好,不會太淡或太濃,最後我把湯一飲而盡,算是敬意價錢只是約80元,真的相當便宜又抵吃,絕對值得一試